سؤال وجواب كيف السبيل لإزالة أسم القبيلة من الأسم

السلام:
لازم تطلب منهم ذلك قصدي الموظفين بالبطاقه المدنيه راح يطلبون منك الجنسيه قبل وانت تحدد اذا تبي الاسم الكامل ولا الثلاثي انا حصل مع شقيقتي هالشي طلعت البطاقه بالاسم الرباعي فقط ولما طلبت وضع اسم العايله بالاخير طلبت منها الجنسية للمطابقه وبالتوفيق.
 

كاسك يا وطن

عضو بلاتيني

اما انا العكس ..
كل اخواني موجود عندهم اسم القبيله .. باستثناء انا .. اسم رباعي ..
وبغيت احط اسم القبيله .. لكن قالوا لي لازم قضيه ودوخه وعباله ..

ومتردد اسويها ولا لأ ..
 
فالبدايه تذهب الى لجنة الحسب والنسب وتغيير الأسماء في حولي

وأذا رفضت اللجنه طلبك يحول الملف الى قصر العدل كقضيه

وهناك قدم أسبابك للقاضي ويحكم بما تريد

وعند صدور الحكم تذهب الى مجلس الوزراء للموافقه وبعد موافقة مجلس الوزراء تحول الموافقه الى الأداره العامه للجنسيه

تبدأبتغيير الجنسيه الى المسمى الجديد وبعدها الله يعينك على تغيير البطاقه والجواز وشهادة الميلاد ثم بياناتك في التأمينات والوزاره التي تعمل فيها والجمعيه التعاونيه وكل شي


أرجو ان تكون الاجابه واضحه:)
 

M!ND

عضو مخضرم
ياخوي ترا الامر بسيط
حصل هالموقف " ويانا " في البطاقة المدنية
(مجرد مثال ) الأسم عبدالعزيز عبدالله عبدالرحمن عبدالعزيز عبدالله ال..

موضوع تعبير مو اسم
المهم " خيرونا " لازم نشيل " اسمين مو اسم " (البطاقة ماتكفي):D
فحطينا الثلاثي واللقب

لكن في الميلادية والجنسية " الاسم لو خريطة ينكتب كامل"
 

ليله ويوم

عضو بلاتيني
سؤال يسدح نفسه


لو واحد اسمه بالجنسيه عبدالله محمد خالد احمد الالمعي الكثيري


ويبي يطلع بطاقه بأسم العائله الالمعي مثلا ً

يعني يصير جذي

عبدالله محمد خالد الالمعي

هل يستطيع والا لازم بالبطاقه اخر اسم بالجنسيه ؟


اللي عنده علم ينورنا


الله ينور عليه
 

M!ND

عضو مخضرم
سؤال يسدح نفسه
لو واحد اسمه بالجنسيه عبدالله محمد خالد احمد الالمعي الكثيري

ويبي يطلع بطاقه بأسم العائله الالمعي مثلا ً

يعني يصير جذي

عبدالله محمد خالد الالمعي

هل يستطيع والا لازم بالبطاقه اخر اسم بالجنسيه ؟


اللي عنده علم ينورنا



الله ينور عليه

يرجعون لأول مستند رسمي (( شهادة الميلاد )) هي الفيصل في كل الأمــــــــور
 
أعلى