ستاربكس

[aardman]

شباب وشابات المنتدى

في سؤال جدا محيرني !!

الا وهو .........


ليش الكويتيون اذا سافروا بره اي دولة

ما يقعدون الا بستاربكس وما يشربرون الا اسبرسو


ومن الشروط لازم تكون قاعد بأول الكراسي اللي جبال الشارع واتخز باللي رايح واللي راد


ممكن اجابه من اهل الخبره ​

 

[لوووح!]

من زين أنواع القهوه اللي عنده والله..
كل نوع أردى من الثاني..
و لكن حب المظاهر هو من جعل الكل يتسابق على هالكوفي..
من كويتيين و سعوديين و جميع الجنسيات..
و ليس المزاج و الكيف..
أجل عمرك سمعت أحد يتقهوى قهوه بارده(قهوه بالثلج)
و إلا يقول لك قهوه امريكيه!
يقومون بحرقها على النار..
حتى تصبح(فحم)
ثم يقولون لك تفضل
و عمرك شفت قهوه عليها سكـــّـر
و عمرك شفت قهوه بالشوكولاته و الكارميل و التوفي
و لكن كل هذا يوضع على القهوه..
لكي تغيــّر طعمها الفاضح و الماصخ!
إلى طعم حالي
و لا تنسى إذا طلعت من الكوفي..
تقول حق نفسك(مو حق غيرك)تراني تقهويت
عشان ترتاح نفسياً بس و تحس إنك متقهوي قهوتن زينه و عدلــّـت مزاجك!
و من متى القهوه العالميه واللتي تــُـصــَـنــّـف رقم(1)واحد..
غير قهوة اليمن و الحبشه!
قال ايش قهوه امريكي قهوه فرنسي!

هذه نقطه يا صاحبي..
النقطه الثانيه..
الموضوع مكانه شبكة سؤال و جواب!
رغم إن السؤال مش و لا بــُد لكن إن شاءالله إني قدرت أفيدك​

 

[World on Wheelz]

الاسبريسو هى قهوة الغرب الشماليه

حين تشربها من ستاربكس تحديدا تحس ان الدنيا بخير وانه عيال الحلال ما خلصوا

على فكره اسبريسو الستاربكس هى ذاتها بنفس اللون والطعم والرائحه والمفعول (( فيها طعم حرق مميز ))

شربتها بعدة دول فلم تفرق معى قيد انمله من بلد الى آخر

يعنى عملية تحضيرها تكاد تكون عمليه حسابيه دقيقه لا نقصان فيها ولا زياده .

هذا رأى ويجب ان تحترمه وان ما احترمته حاول تحترمه وان ما قدرت أن تحترمه على الرغم من محاولاتك المتكرره فمعذور وتمون ولو هى ذبيحه ما عشتك .

 

[شبابي]

معقدين وما عندهم سالفه :إستنكار:

 

[bujassim]

يعني اكيد بيروحون ستاربكس تبيهم يروحون قهوة الشعبية بالله ؟

الحين الناس كلها ماك جكن ( ايباد + ايفون + بلاك بيري + سامسونج جلكسي تاب + الافنيوز + ستاربكس الخ)

 

[عزيزة النفس]

مآعندهم شغل

 

[بــ يوسف ــو]

طال عمرك لا ستار بوكس و لا رقي عفوا بطيخ ..

قهوا عربيه و خلص اموركـ ( دله بوكس )

يعدلك الكيف .. //​

 

[شلاع]

من الفضول والفشخرة

 

[rightword]

مانى من اهل الخبره
لكن اعتقد ستاربكس
نوع من التغييير
اذبحتنا القهوه العربيه جابت لنا الضغط

​

 

[صوتك يناديني]

اوووه غرااامي ستار بكس بكل دولة زرته بس ماحب الاسبريسو احب الكراميل

 

[بسطويسي]

الرجال باند وحضراتكم تردون على موضوعه
ماتدرون هذه مخالفه قوانين المنتدى
(التخابر مع عضو صاكينه باند)
اهيب ياأهل الستاربكس دوم مطفيين الليتات
​

 

[أنا صاحي لهم]

مر سوق الصفافير واخذلك عزبه

بصراحة انا ما أحب أدخل ستاربكس <<< يقولون انه اسرائيلي << اشفييييييييه ههههه

أهم شي بالسفر اٍنك تدل مطعم هندي وأهم شي العيش

 

[»مزعلة النسا«]

ممممم قهوة ستاربكس والقعده فيها بالنسبه لي شي حلو وممتع بس يعتمد على الوقت ..

يعني اكون مخلصه من التسوق والتمشي فيبيله كوب قهوه او يكون فتره صبح ومحتاجه قهوه

بالنسبه لي يومي ما يمشي بدون قهوة احس ان كل خموووووووول .. لكن صراااحه ستاربكس له لذه عندي

 

[إنفصام]

مالفائدة من زيارة مكان سبق لي ان قمت بزيارتة في بلدي

السفر يعني ارتياد وتجربة كل ماهو غريب وغير مألوف

​

 

[مزاجية]

الجلسة في ستاربكس جميلة

ولكن قهوتهم عكس جلستهم​

 

[احمد لكويت]

يعني كاشخين

 

[Aragon]

لاحظت هالشي بكثرة،

مع اني أتجنب ستاربكس بالسفر لأنه يذكرني بكآبة الدوام

 

[Kuwaite1]

كلامك مو صحيح انا ما اشرب الا موكا وسلامتك هههههههههههههه اختلف وياك بنقطه الطلب


كلامك صحيح والله ههههههههه بكل دوله والله انتا صاج خخخخ

 

[مواطن غلبان]

يا اخي هالكافي .. له جو خاص عندي ..

مادري ليش احبه ..

واطلب موكا فربتشينو .. كاراميل ماكاياتو .. مو الا اسبرسو.. اصلا الاسبرسو مو زينه ..

وشاكرلك عالموضوع ..