طريق جمال عبدالناصر !! قيمة مبالغ فيها

[بصام]

السلام عليكم

صرّح الشيخ \ أحمد الفهد عقب توقيع عقد إنشاء طريق جمال عبدالناصر أن طول الطريق 65 كيلو متر .. وقيمة العقد 242 مليون دينار كويتي أي ما يعادل 866 مليون دولار أمريكي .. تعالو نحسبها حسبة بسيطة وسريعة ..


242 مليون دينار على 65 كيلو = ثلاث ملايين وسبع مية ألف دينار كويتي لكل كيلو ..
ثلاث ملايين وسبع مية ألف تقسيم ألف متر = 370 دينار كويتي لكل متر !!!!!!!!!!!!!!!!!!!!!


أول فسفسة .. لمبلغ التمية الـ 37 مليار .. ولا عزاء للوطن !

 

[bo-5aled]

يدفع هالمبلغ ويبني لنا طريق .. خير من ان يشتري به وبفلوس التنميه ذمم نواب واعلاميين كما هي العاده .. ​

تحياتي ​

 

[Falcon]

أول فسفسة .. لمبلغ التمية الـ 37 مليار .. ولا عزاء للوطن !​

اي تنميه ...؟​

انت شفت تنميه على ارض الواقع غير مادرري شنو كويت كنوكورز للسيارات الكلاسيكيه​

شفت مستشفيات ...؟؟ خاصة المستشفيات حالتها حاله ومن زود السنع​

والاقرار من الحكومه انه فيه ضغط علي المستشفيات وغير كافيه لتزايد اعداد السكان​

قامت الحكومه بانشاء مواقف متعددة الادوار .. لمراجعي المستشفيات ونزلائها من المرضى​

شفت جامعه ...؟؟​

جامعة الشداديه .. حفروا حفره بالارض وكانوا بانتظار شركات العم بالي بالك​

يخلص من ستاد جابر ويكمل المسيره الخالده .. وللحين ناطرين ​

اكثر كلمه تداولتها الحكومه ومريديها والمنتفعين والبطانه هي كلمة تنميه​

بكل لقاء صحفي بكل مؤتمر بكل جلسه مجلس امه بكل لقاء تلفزيوني بكل مناسبه وغير مناسبه​

مافيه غير سيرة تنمية .. بيض الصعو​

تنمية رولا دشتي بعد ماتم تقديم لها قطعة ارض وطلبت 50 مليون لدعم جمعيتها​

الاقتصاديه ( الخرافيه ) ... اذا السالفه جذيه عطوا كل مواطن ياحكومه من امواله 5 ملايين​

واتركوه يحط جمعيه علي كيفه ومن كيسه عايده​

تنمية فلان وعلان وتجار ومنتفعين .. لاتنمية تصب لصالح الشعب ومن امواله المؤتمنه عليها الحكومه اصلا​

اكثر من 19 مليار تم سلقها باربع ساعات واقرارها باحدي جلسات مجلس الامه قبل سنتين​

ان لن تخني الذاكره وتم اقرار بعدها عشرات وعشرات المليارات ولم نشاهد سوي السراب​

ولم نسمع سوى صدى كلمة تنميه تخرج من افواههم كمسؤلين عنا ولم تلامس واقعنا كمواطنين​

 

[الغطفاني]

عاشت التنمية سلموها حرامي محترف في البوق وزارة النفط خير شاهد على كلامي ودخوله موسوعة جينيس ..

 

[احمد لكويت]

خووووش تنمية والله

 

[سيف الديرة]

تنحية the godfather أحمد الفهد

و من قبله رئيس الحكومة

هي أولى دلائل الإصلاح و التنمية الحقيقية

 

[كاسك يا وطن]

وانت حسبالك المتر .. بس فيه قار ؟
يا اخي فيه جسور وانفاق ..

​

 

[كويتي مقهور]

السعر طبيعي خصوصا في ظل ارتفاع اسعار المواد المستخدمة ؟؟
بعدين المواضيع هذي مايطرحها الا شخص فاهم وخبرة بالبناء وهندسة الطرق وتكاليفها واحتياجتها
فهل ياترى ياصاحب الموضوع انت خبير ؟ ولا بس ( حكي ) كبقية الاخوة الفاهمين بكل ( حاجه )

 

[Falcon]

وانت حسبالك المتر .. بس فيه قار ؟
يا اخي فيه جسور وانفاق ..​

المشكله ان المبلغ مبالغ فيه لانه ببساطه الشركات التي تدور في فلك​

تنمية الحكومه معروفه ومملوكه لمتنفذين لهم اليد الطولى وذوى حظوه​

والحكومه تتعامل معها وفق عبارة ( ومازاد صدقه ) ​

لو ان تلك الطرق والجسور عرضت على شركات عالميه مختصه​

باعتقادي لتم توفير نصف المبلغ المعروض ..​

 

[كاسك يا وطن]

المشكله ان المبلغ مبالغ فيه لانه ببساطه الشركات التي تدور في فلك​

تنمية الحكومه معروفه ومملوكه لمتنفذين لهم اليد الطولى وذوى حظوه​

والحكومه تتعامل معها وفق عبارة ( ومازاد صدقه ) ​

لو ان تلك الطرق والجسور عرضت على شركات عالميه مختصه​

باعتقادي لتم توفير نصف المبلغ المعروض ..​

شوف يا اخوي .. خل اقولك على شغله ..
السالفه كلها .. تدخل ضمن اختصاصي .. الوظيفي والدراسي ..

حبيت اقولك ان هالمبلغ .. جدا ً عادي ..

انت ما شفت المشروع .. شنو فيه ..
يمكن ايكون فيه جسور .. نفق .. وتكلفتهم الماديه وايد اعلى ..
ايكون بعلمك ان الداير الرابع مكلف الدوله اكثر من 4 اضعاف .. قيمة تكاليف الداير الخامس ..
مع ان الخامس اكبر ..!!

السالفه مو سالفة متر وحجم ومقاسات ..


اذا التربه اللي ينبني عليها المشروع اطلعت مو زينه .. وما تستحمل الـ Load العالي .. فهذا بحد ذاته كارثه ويبيلها سوالف غير الـ compaction ..
انا ما ودي افصل لك بالموضوع .. علشان لا اشتتكم ..




بالكويت عندك كذا كشافات .. تكشف كل نقطة فساد ..
عندك لجنة المناقصات ctc .. ديوان المحاسبه .. مجلس الامه .. اعلام و15 جريده ..


مشكلتنا ان بالكويت .. فينا نظرية المؤامره .. انشك بكل شي ..


​

 

[جامعي]

للأسف الشديد .. إلى الآن .. والمباني هي محور التنمية .. تهميش العنصر البشري من خطة التنمية .. يقرر افلاسها .. اعتقد تشجيع الكفاءات .. وتسهيل البعثات .. وبناء الجامعات ..الاكاديمية ..هو بالفعل التنمية الحقة .. ولكن ابتلانا الله بعقول خاوية .. لظننا ان المباني والطرق هي من التنمية ؟

ولاحياة لمن تنادي ..

سلام

 

[كاسك يا وطن]

للأسف الشديد .. إلى الآن .. والمباني هي محور التنمية .. تهميش العنصر البشري من خطة التنمية .. يقرر افلاسها .. اعتقد تشجيع الكفاءات .. وتسهيل البعثات .. وبناء الجامعات ..الاكاديمية ..هو بالفعل التنمية الحقة .. ولكن ابتلانا الله بعقول خاوية .. لظننا ان المباني والطرق هي من التنمية ؟

ولاحياة لمن تنادي ..

سلام

قرأت كتاب خطة التنميه ..
ولقيت انه ذاكر باب كامل بخصوص تنمية العنصر البشري .. ​

 

[بصام]

وانت حسبالك المتر .. بس فيه قار ؟
يا اخي فيه جسور وانفاق ..

​

راح أمشي معاك للآخر ..مافيه مشكلة .. راح نفترض إن كل كيلو فيه جسر أو نفق .. حلو ؟ يعني 65 نفق وجسر .. مع أني مبالغ في هالعدد .. لكن عشان تستوعب


شيل 170 دينار من قيمة كل متر .. يعني مليون وسبع مية ألف دينار كويتي لكل جسر أو نفق .. معاي بالحسبة للحين ؟؟


يبقى مليونين دينار لكل كيلو .. هل ترى إن المبلغ هذا مبالغ فيه جداً ولا لا ؟ تسوية أرض وقار وصبّات .. وأجار 10 سيّارات لبسط الأرض ورصّها .. ومعاشات الموظفين .. راح أبالغ بعد وأقول تكلّف 500 ألف دينار لكل كيلو

فما بالك بمليونين دينار لكل كيلو ؟ من غير جسور وأنفاق .. لو افترضنا إن فيه 65 جسر

 

[عطلبيس]

أحمد الفهد قبل جم سنة أعلن إفلاسة ... الظاهر هذي هدية تعديل الوضع .. يجهزونه عشان يحكم الديرة ...

و عساه زقوم و هاري ببطونهم و بطون عيالهم ....

 

[q8888]

242,000,000 د.ك
تقسيم 65 كيلومتر
كل كيلو 3,723,076 د.ك
المتر 3,723 د.ك
سم 37 د.ك

عيل سور الصين جم تكلفته ؟

 

[جامعي]

قرأت كتاب خطة التنميه ..
ولقيت انه ذاكر باب كامل بخصوص تنمية العنصر البشري .. ​

قرأت ؟

ترا في كثير كلام ينقرى .. بس مو كل كلام يتصدق يا اخوي .. احنا قاعدين نتكلم عن نتايج .. كلمني عن باب (تنمية العنصر البشري) .. وينه ؟ ماشوف نتيجة لأي تنمية للعنصر البشري .. اعانات الطلاب للحين 100 دينار ...البعثات للحين واسطات ...ومن بين عدد كبير ينقبل عدد يفشل صراحة جنهم يمنون علينا .. والله ياخوي خلني ساكت يكفي حتى بالرياضة للحين ماشوف ذاك الدعم .. في عندنا مواهب برياضات مختلفة وكلن يصرف على حاله.. ياخوي للحين ماشوف اي تمنية بشرية ..

 

[كاسك يا وطن]

راح أمشي معاك للآخر ..مافيه مشكلة .. راح نفترض إن كل كيلو فيه جسر أو نفق .. حلو ؟ يعني 65 نفق وجسر .. مع أني مبالغ في هالعدد .. لكن عشان تستوعب


شيل 170 دينار من قيمة كل متر .. يعني مليون وسبع مية ألف دينار كويتي لكل جسر أو نفق .. معاي بالحسبة للحين ؟؟


يبقى مليونين دينار لكل كيلو .. هل ترى إن المبلغ هذا مبالغ فيه جداً ولا لا ؟ تسوية أرض وقار وصبّات .. وأجار 10 سيّارات لبسط الأرض ورصّها .. ومعاشات الموظفين .. راح أبالغ بعد وأقول تكلّف 500 ألف دينار لكل كيلو

فما بالك بمليونين دينار لكل كيلو ؟ من غير جسور وأنفاق .. لو افترضنا إن فيه 65 جسر

يا اخي .. عط الخبز خبازه حتى لو اكل نصه .. ​

قرأت ؟

ترا في كثير كلام ينقرى .. بس مو كل كلام يتصدق يا اخوي .. احنا قاعدين نتكلم عن نتايج .. كلمني عن باب (تنمية العنصر البشري) .. وينه ؟ ماشوف نتيجة لأي تنمية للعنصر البشري .. اعانات الطلاب للحين 100 دينار ...البعثات للحين واسطات ...ومن بين عدد كبير ينقبل عدد يفشل صراحة جنهم يمنون علينا .. والله ياخوي خلني ساكت يكفي حتى بالرياضة للحين ماشوف ذاك الدعم .. في عندنا مواهب برياضات مختلفة وكلن يصرف على حاله.. ياخوي للحين ماشوف اي تمنية بشرية ..

القراءه شي جميل .. الواحد يعرف شنو هدف وشنو اللي يبي يسويه الشخص اللي جدامه ..

التنميه البشريه المتمثله من خلال ثقافة المجتمع يبيلها مده اطويله علشان يبين مفعولها واثرها على الافراد ..
الفساد محد ينكر انه موجود ومنتشر ..
لكن بالمقابل .. اي رميه للأصلاح .. فـ هي رمية خير والواحد المفروض يشجع عليها ..

الربعي الله يذكره بالخير .. علمنا على التفاؤل بعز اليأس ..


​

 

[comrade]

هل من الممكن اخي العزيز ان ترشدني للحصول علي نسخه
من كتاب خطه التنميه والذي خصص له باب كامل عن التنميه
البشريه ؟

 

[bujassim]

التنمية اللي يتكلمون عنها تنمية جيوب التجار وليست تنمية البلد :إستنكار:

 

[comrade]

كنت اتمني الاستعانه بمهاتير محمد بدلا من بلير
لو كانت هناك جديه في موضوع التنميه