تذاكر الطيران فى السفريات ناااار ياحبيبى ناار !!

jassem

عضو مخضرم
انا مستاء ومحبط من اسعار اتذاكر .. ماسبب هذا الغلاء برغم انه سفرتى موعدها فى شهر 3 وليس فى العطل الرسميه .. معقوله سعر تذكره لجزيره بوكيت على الطيران القطرى فى 320 دينار، وعلى بانكوك بطيران الأتحاد فى 225 . وعلى المغرب سعر التذكره 200 بطيران القطرى . و على فكره مكاتب السفريات ياخذون عموله 20 دينار معا التذكره وهذى حادثه ماصارت من قبل انه ياخذون عموله فى هسعر !! :eek:


ممكن احد يعلمنى شنو الى قاعد يصير فى مكاتب السفريات هل الموضوع له دخل فى المنحه الأميريه ؟؟


وانا دخلت النت وبحجز لقيت الفرق بين مكاتب السفريات والنت فقط مبلغ بسيط ؟؟
 

Librax

عضو مميز
الحين منو يحجز عن طريق مكتب السفريات !!!

صارلي 3 سنوات احجز التذاكر والسكن عن طريق الانترنت وبأسعار روعه وخصومات و و

توني داش موقع القطرية الكويت بوكيت ذهاب وعودة ب 206 KWD فقط

ودائما ابتعد عن الحجز بيوم الجمعة والسبت لانه عطلة عالمية ترتفع فيها اسعار التذاكر

fffffffffl.png
 

jassem

عضو مخضرم
الحين منو يحجز عن طريق مكتب السفريات !!!

صارلي 3 سنوات احجز التذاكر والسكن عن طريق الانترنت وبأسعار روعه وخصومات و و

توني داش موقع القطرية الكويت بوكيت ذهاب وعودة ب 206 KWD فقط

ودائما ابتعد عن الحجز بيوم الجمعة والسبت لانه عطلة عالمية ترتفع فيها اسعار التذاكر

fffffffffl.png




اسعار التذاكر الحين كلها ناااار حته فى النت .. انا سافرت لبانكوك على الأتحاد 120 دينار عن طريق النت على شهر 10 .. لكن الحين لبانكوك فى 226 لشهر 3 !!:confused:
 

عبدالله .

عضو بلاتيني
افتك من السفريات وانت بخير
انا ما احجز إلا من النت ارخص وافضل
وتقدر تفاضل على راحتك بين شركات الطيران
حتى الفنادق بالنت الله يخلي موقع بوكنغ
 

مالك عذر

عضو مميز
اخوي الكريم
لازم تعرف شي اسمه هاي سيزن وترتفع فيه الاسعار
وبالنسبه لتايلند يبدا من شهر 1-11 الى 31-4
ومن 1-5 الى 31-10 الاسعار ترخص
انا اعرف ناس بشهر 10 رايحه 95 دينار تايلند
احجز من النت وافتك من السفريات
 

bujassim

عضو مميز
احسن شي بالنت بس اهم شي تخطط عالروحه والساعه وشغلك مضبوط لا وأرخص من السفريات ;)

بس وين تنصحونا نسافر ؟ :eek:

مصر وانسرقت
تونس واحترقت

دول الخليج ماتسوى
 

(الزينه)

عضو فعال
انا حجزت حق تايلند ب490 قبل اسبوع
واستغربت من السعر لان متعوده احجز اقل من جذى
مع ان شهر3 ما فى ناس وايد تسافر
بس هالمكاتب مستغلينا عدل
 
أعلى