سؤال وجواب مفاجأة أخرى ماهي؟؟

[أنا رايق]

صبحكم الله بالخير.. سمعنا ان فية مفأجاة جديدة للكويتين ليلة 20 هالشهر بكرة يعني ..
السؤاااال شنو تتوقعون هالمفاجأة اللي ماراح تخلي الكويتيين ينامون مرة أخرى من الفرح..
أعتقد او يمكن زيادة الرواتب..

 

[ولد أبوحليفة]

من زمان اعلنوا عن هالمفاجأة ... اعتقد بعد اعلان المنحة الاميرية بيومين او ثلاثة.. بس توني ادري منك انها باجر !!!

وكل شي وارد ..

ما اقول الا الله يجيب الخير والخيرة ... ويحفظ أمير الديرة .. اللهم آمين

 

[القدس]

ان شاء الله اسقاط القروض ,,, او فوائدها !!

 

[Q8 1]

اتوقع والله اعلم اسقاط فوائد القروض​

 

[ليله ويوم]

القروض انسوها


يمكن تطيح فواتير الكهربا والتلفون والمخالفات عن المواطنين



لآنها على الحكومه


اما القروض الحكومه مالها شغل فيهم


بين المقترض والبنك يفتحها الله





​

 

[أنا رايق]

الف شكر للجميع وان شاء الله الهدية الجديدة زيادة رواتب للجميع..

 

[بوعزوز2000]

المفاجأة هي اخذ من كل مواطن كويتي 100 دينار عشان التبرع لاخوانا في موزمبيق


يا رب يكون اسقاط القروض على الشعب .. هذه هي الفرحة اللي ناطرها كل مواطن كويتي :باكي:

 

[محمد2000]

اسقاط القروض + زيادة رواتب الكويتيين المدنيين + علاوة الاولاد الي 100 دينار مطلب شعبي​

 

[عبدالله .]

واللي عنده مرابحة على بنك إسلامي
شلون شالحل
إسقاط القروض مو حل عادل​

 

[بوعزوز2000]

واللي عنده مرابحة على بنك إسلامي

شلون شالحل

إسقاط القروض مو حل عادل​

ليش مو عادل ؟!!

عشان يبون يساعدون الدول الفقيرة ؟ ..... ااااااقصد المواطنين الكويتيين ؟!!

ليش ما عارضت لما يكون فيه مساعدات خارجية ؟؟!! مو الاولى اخوانك وخواتك اللي بالديره ؟؟!!


انشاءالله تسقط القروض وكل مواطن كويتي يستاهل حتى لو ياخذ اكثر مني انا
بس المهم انه كويتي :إستحسان:

 

[عبدالله .]

ليش مو عادل ؟!!

عشان يبون يساعدون الدول الفقيرة ؟ ..... ااااااقصد المواطنين الكويتيين ؟!!

ليش ما عارضت لما يكون فيه مساعدات خارجية ؟؟!! مو الاولى اخوانك وخواتك اللي بالديره ؟؟!!


انشاءالله تسقط القروض وكل مواطن كويتي يستاهل حتى لو ياخذ اكثر مني انا
بس المهم انه كويتي :إستحسان:

وانت شايفني قلت مع المساعدات الخارجية
مايصير إذا انت مو معاي انت ضدي
ماقلت شي عن اللي عندهم قروض
ياليت تنتهي مشاكلهم انا حاس فيهم وحاس بأن البنوك الربوية اضحكت عليهم
لكن لازم يشوفون حل للي اخذ مرابحة من بنوك إسلامية بعد
انا عندي مديونية بـ 10000 دينار على بنك إسلامي
مايطيح منها ولا فلس
واللي ماخذ نفس هالمبلغ على بنك ربوي يطيح قرضه
انت ماترضاها ياخوي :إستحسان:​

 

[بوعزوز2000]

زين انت ماخذ 10000 الاف دينار ... هل فوائدهم 10000 الاف دينار ؟؟ يعني 20000 الف دينار ؟

البنوك الربوية تبي تاخذ الدبل انا خذيت 30 الف يبوني ادفع 60 الف .. انت ترضاها ؟؟

يعني واحد نصب علي ... شنو المفروض يسوون له ؟؟ مو لازم يتعاقب 7 سنين سجن على النصب والاحتيال ؟؟ هذا القانون يقول جذيه .

بس الحكومة مخلين البنوك تسرح وتمرح .. وتلعب بأم المواطن ... فهمت يا اخوي ؟

 

[ساهر الليل]

المفاجأه هي معاش بدون دوام

لمدة خمس سنوات لجميع الكويتيين في جميع الوزارات


​

 

[عبدالله .]

زين انت ماخذ 10000 الاف دينار ... هل فوائدهم 10000 الاف دينار ؟؟ يعني 20000 الف دينار ؟

البنوك الربوية تبي تاخذ الدبل انا خذيت 30 الف يبوني ادفع 60 الف .. انت ترضاها ؟؟

يعني واحد نصب علي ... شنو المفروض يسوون له ؟؟ مو لازم يتعاقب 7 سنين سجن على النصب والاحتيال ؟؟ هذا القانون يقول جذيه .

بس الحكومة مخلين البنوك تسرح وتمرح .. وتلعب بأم المواطن ... فهمت يا اخوي ؟

والله اني فاهمك وانا قلت لك انا مو راضي عن وضع اللي ماخذين قروض لأن البنوك قاصين عليهم
بس انا قلت لك بعد حتى اللي ماخذ مرابحة ترا يبي يرتاح من القسط والهم مثله مثل اللي ماخذ على البنوك الربوية

تخيل هالشخصين واحد ماخذ قرض من بنك ربوي والثاني من بنك إسلامي
فجأة هذا تطيح ديونه وهذاك يقعد يكمل الاقساط​

 

[خلك طبيعي]

متى اعلنوا عن المفاجئة واين تم الاعلان عنها

 

[سنتافي]

يا جماعة بسكم اشاعات عيب عليكم نبي شوي مصداقية في هذا المنتدى وين الادارة والمشرفين عن هالاشاعات مره اسقاط قروض ومرة زيادة رواتب شسالفة

 

[rightword]

​

ماضنتى فى مفاجاه
هالالف بتخليكم تسولفون فيها سنه جدااام
مانبى شئ
غير اسقاط القروض

 

[بو اسماعيل]

لا مفاجئة ولا شيئ

و الشيخ أحمد الفهد قال 20 - 2 يوم عادي و بسكم اشاعات​

 

[Librax]

الادارة فاتحة المجال لنشر الاشاعات وترك المواضيع خصوصاً اذا كان موضوع عن اسقاط القروض يتركونه شوف جم موضوع لاسقاط القروض

وخصوصا موضوع تكفى وكأنهم يعلمون الاعضاء الطرارة ويتعوديهم عليها

المفروض على الادارة وضع قانون بخصوص هذي الامور لا ينشر شي الا بمصدر رسمي من جريدة او اسم

 

[بن ذى يزن]

المفاجأه راح تشوفونها من ايران