فدوه يا وطن
عضو جديد
اخواني واخواتي الكويتين الكرام اقسم بالله ما خلاني اكتب الموضوع هذا الا خوفي على وطني وحبي لها
كلنا سمعنا ان في مظاهرات يدعوا لها البعض لاسقاط الحكومه وكثرت السوالف اللي يبي حكومه شعبيه
واللي يبي مادري شنو وكل واحد له شي يبيه والناس نادر ما تجتمع على راي واحد كل واحد له تفكير غير
الجميع عارف تركيبت شعب الكويت والحمد لله امورنا طيبه والكل يعرف اننا عارفين ان ايدنا وحده وحبنا واحد
للكويت وترابها ولشيوخنا ادام الله حكمهم للكويت
كل بلد بالعالم في اخطاء وفساد سواء اداري او مالي واتحدى الجميع يقولي في ديره بالعالم مثاليه وكامله
حتى احنا يالبشر مافي احد كامل .. في ادارة الدوله لا بد من وجود اخطاء ونحن في دولة الكويت عندنا
دستور وعندنا مجلس الامة هو المراقب لاداء الحكومه ومشرع القوانين والكل يعرف اخطاء الحكومه انها كترت
بس لازم ننظر هل احنا مشتركين بالاخطاء ولا لأ ؟ احنا اخطئنا على انفسنا وعلى بلدنا لما اخترنا اعضاء
نسميهم الحين بصامه مصيبه يا اخوان لما يكون اختيار العضو لمجلس الامه على نحو قبلي او مذهبي
او عشان معامله او عشان عاجبني شكله هذا اللي وصلنا لان بعض الشباب يطالبون مظاهرات ونزول الشارع
احنا الحين نقطف ثمار اختيارنا للاعضاء البصامه اللي صارت سيطرة الحكومه على المجلس وفوق هذا نقول
الحمدلله احنا بالكويت والكويت ما تستاهل من شعبها اللي ما قصرت فيه الكويت بكل شي ما تستاهل اننا
نسيء لها بهالشكل الغوغائي اللي اسمه ( المظاهرات ) الموجه الغوغائيه
اللي يدعون لقيام المظاهرات ارجو منهم يجاوبوني على اسئلتي لو يتكرمون بعد كل احترامي لهم
هل الاخوان اللي يدعون للمظاهرات يضمنون لي السيطره على تصرفات المتظاهرين هل يضمنون
سلامة الناس اللي تشارك في المظاهره هل راح يعرف منو العاقل او المعتوه او الملقوف اللي في المظاهره
هل يضمن ان ما تصير مشاكل مع القوات الخاصه ( تحذيف صخر او بطل او اي شي كان ؟؟؟؟؟؟؟؟؟
يا جماعه ياللي تحبون الكويت ديرتنا ما تستاهل مننا اننا نلعب فيها ونخلي المتكسبين يستفيدون من هالشي
تكفووووووووووووووووووووووووووووووون الكويت ما تستاهل مننا الاساءة