ريم المحياني
عضو فعال
كلنا نعاني او عانينا من مشاكل بالدراسة سواءا بالمواد الدراسية او مع المعلمين انفسهم
اليوم بتكلم عن معاناتي كطالبة (سابقاً)
قبل جم سنة كان عندنا ناظرة غايبة بالفعل وبالاسم فقط حاضرة يعني اسم بلاجسم
بعدها جت ناظرة الله وكيلكم تطلع عيون الواحد اسمها نخلة الحزين(الاسم مشفر وانتوا وشطارتكم) او كما تلقب ((بام طلال))
هذي الناظرة مع احترامي الشديد لها تتفلسف عالفاضي بالذات اذا كانت بالطابور عزالله تستانس
ياخي الوحده توها قاعدة من النوم مالها خلق واهي ماسكة هالمكرفون وطايحة تفلسف على غير سنع :باكي:
واللي يرفع الضغط لا قالت اسامي المخالفات يلا اطلعووا طبعا كل المدرسة مخالفة
ماكو احد بالصف لدرجة الابلة اللي واقفة على صفها تخاف تطلع البنت تقول لاطلعتها من يبقى فيه؟
المهم نرجع لموضوعنا الاخت نخلة مادري ام طلال( يمكن البعض يستغرب من تسميتها بام طلال)
والسبب هو قربها الشديد من هذي الطقاقة طبعا بالصوت والشكل وطريقة اللبس لدرجة لاجبت ام طلال يمها ماراح تقدر تفرق>>>>>نسيت اقول اللون بعد
يعني بالعربي عبده(كلنا عبيد لله) بس هذي الانسانة لم ارى مثلها بالوجود..... المهم نرجع لطريقة ملابسها
اختي العزيزة الانسان يجب ان يرتدي ملابس تليق به لكن للاسف الذي اراه ليس بطبيعي
يعني ماتبينين وتلبسين اسود الصراحة انا مستغربة الحمدالله ان الدوام بالصبح لو كان بالليل عزالله البنات راحوا فيها :باكي:
على طاري السالفة هذي مرة صار لي موقف كانت راح تصيبني جلطة
مره من المرات كنت حاضرة ندوة وكانت معاي رفيجتي واحنا قاعدين نتناقش بموضوع>>> كان عن الندوة
والا شي اللي على كتفي طبعا الصالة ظلمة والا الف بشوف الشي هذا شنو المشكلة مومبينة بلف بقول لرفيجتي اكو شي وانا مادري لين راس الاخت نخلة بيني وبين رفيجتي اعوذوا بالله
لا وتقول (بنات عيب اكو ريال) يابنت الحلال صوتنا مو طالع بس اهي طبعا تحب تتدخل انا اتوقع لما جت كانت
تبي تسمع الحديث اللي دار بيني وبين رفيجتي لا اقل ولا اكثر
بس الصراحة احسدها على العيون اللي عندها تنقش الواحد نقش
الا نخلة شافتها من بين الكل و تركض للمكرفون تقول (اللي فوق انزلي)
جان تعطي البنت فصل يومين علشانها مو حاضرة الطابور وربي غريبة
مرة كنت مطرودة من امتحانات النصفية (امتحانات منتصف الفصل الدراسي)
رحت اول شي حق الوكيلة ام ناجي طبعا طردتني
و اروح حق ام طلال توني داشة قلت لها موضوعي جان تقول مو مشكلتي قلت لها شنو ؟!
مو مشكلتج حلوه هذي يعني ما امتحن >>>>>الصراحة عليها اسلوب وقح هذا وانتي ناظرة :إستنكار:
قالتلي كلام بس طبعا ماقصرت معاهااا كان ودي اطيح فيها طق طلعت والاخصائية اهي اللي دخلتني انا الظاهر بشيل نخلة واحط بداالها الاخصائية ادب وذوق صرااحة فرق السما عن الارض
ولاعمري سمعت ابلة تمدح نخلة دايم ذم فيها جدامها ملائكة ومن وراها شياطين يعني المفروض الناظرة تحبب
الاشخاص فيها لكن هذي تحب الواحد يكرهها لانها تمشي على مبدأ كل ناجح له اعداء فكره الناس لها يعطيها ثقة بنفسها
ويزيد الكره لها والحقد لمن قالت مافي حفل تخرج
يعني اخر سنة سوي معرووف عشان الواحد يذكرج بخير لما شافت البنات معصبين والكل ضدها حاولت اترقع لعمرها
وقالت اذا كانت نسبة النجاح مرتفعة راح اسويلكم حفلة غير هذا لا:باكي: وقالت ابي النسبة 80% شهالشرط التعجيزي باليابان مايجيبون هالنسبة :باكي:
ونستمر مع فلسفتها الدايخة البايخة لللإخت نخلة مقولة وجملة ماثورة دوخت روسنا فيها الاوهي:
(البنت تجي المدرسة معاها شنطتين شنطة كتبها وشنطة شرفها ) >>>>حكمه حكمه
يعني وصلت تتفلسف وتتكلم عن الشرف ماذا تقصد بالكلام هذا؟ وقالت انا اعلم يوجد فئة من اللي تكلمت عنهم!!! وشبهتهم بالدود اللي ينهش الجسم>>>>العالم توها متريقه واهي تصبحنا بدوود وعوووه :باكي:
طبعاااا رئيس العصابة يجب ان يكون له عصابة
العصابة هذي متكونة من المدرسات المنافقات واغلبهن من فئة المصريات لدرجة وصلت فيهم ياخذون شباصات البنات يقولون انها ممنوعة>>>>>حشا ماريجوانا مو شباصات
هناك سنة كونية أزلية تنص على ان (كل ممنوع مرغوب) ومنعها للشباصات ادى الى نشاط تجارة التهريب
المصيبة بوق عيني عينك اشكره طيب اذا مايصير قولي للبنت لا عاااد اشوفج جاية فيها مو تروحين تاخذينها من البنت
والمشكلة ياخذونها مايردونها>>>>>الظاهر الاخت نخلة تفتح بسطة فيها
وانا اقول مشبهه على وحده من البساطات فيها الظاهر انها اهي
الشناط معفسة الكتب منثرة بكل صوب طلعت الاخت تسوي تفتيش مفاجيئ تفتش صف صف , بنت بنت , زنقه زنقه اقصدشنطه شنطه :للمزيد من التفاصيل شاهد الفيديو المرفق: http://www.youtube.com/watch?v=N8ZodDweK8Y
على موضوع الشباصاات صاار موقف وربي دليل على ان المدرسه هذي متخلفه مره بنت كانت لابسه شبااصه
جان تشوفها وحده من المصريات والا تقول للبنت وئفي وئفي البنت انحاشت والا المصرية تركض وراها ركض
ههههههه وبدا سبق العدو بين الطالبة والمدرسة
ظلت اهي والبنت يركضون بالساحة اخررر شي امسكتها المصرية والا تاخذ الشباصة
الظاهر اللي تجمع اكبر قدر من الشباصات نخلة تزيد معاشها
واذا تبي تشوف الوكيلة تلاقيها عند الاقسام تفتر ادوووو الاكل كل مادش قسم اشوفها قاعدة تاكل فيه المشكلة مو معزومة :باكي:
سمعتوا عن جدار الفصل العنصري اللي بفلسطين؟ الاخت نخلة صاحبة السبق فيه قبل اسرائيل نفسها :باكي:
الشيئ الطبيعي والمعتاد بكل بقاع واصقاع الارض ان بعد انتهاء اليوم الدراسي الطلبة ينتظرون اهاليهم خارج اسوار المدرسة ....لكن نخلة اتت بأمر عجب
بنت سور داخل السور (والله الذي لا إله الا هو ماجذبت عليكم بحرف) صرنا داخل وبرا السور :باكي:
بس اهي قلبت الآية صاروا بنات بطنها (اللي اهم بنات المدرسات ) برا السور
واحنا يا بنات الناس الفقاره داخل السور :باكي:
لدرجة ان اولياء الامور يوقفون برا يأشرون لبناتهم >>>>تذكرت فلم حب بالزنزانة
المصيبة البنت لمن تطلع من (السور) يسألون ابوها هذي بنتك ؟ شوف السؤال الدكي !!! شراي امج ؟ اكيد بنته زين ما طلبوا منه فحص دي ان اي >>>>>>ما استبعد يسوونها ضمن الخطط المستقبلية :باكي:
آخر ما سمعته من اخبار عنها انها (انتقلت) للاسف مو للرفيق الاعلى لمدرسة ثانية :باكي:
هذا قدرنا وقدر كل طالبة في هذي المدرسة لكن اتمنى الاجيال القادمة يكون حالها افضل من حالنا
واهم شي نخلة التعيس مادري الحزين ام طلاااال تغاااادر هذي المدرسة التي لم تنفعها بشي
المصادر : كتاب البروق الجلية عن معاناتي بالثانوية لريم المحياني
كتاب مختصر الاقوال فيما ورد عن ام طلال ايضاً لريم المحياني
:وردة::وردة::وردة: