زيادة لجميع الموظفين

[بحرري]

والي بلقطاع الخاص وماعنده كادر له شي ولا منسي كلعاده

 

[بحرري]

ولله انا اشوف 240 دينار حلوه حق المدرسين
واتمنى عضو من اعضاء مجلس الامة يتذكر الكويتيين الي بلقطاع الخاص ويستاهل كل مسلم وكويتي هذي الزياده

 

[زورار]

الله لا يوفقهم

الحين البكالوريوس اللي ما عنده كادر له زيادة 100 دينار واللي معاه شهادة ابتدائي له زيادة زيادة 100 دينار
اقسم بالله خكومة فاشلة الحين الفرق بينا وبين رواتب اللي لهم كوادر وصل لاكثر من ضعف الراتب
والله ثم والله لو مو معطينا هالزيادة ابرك
الحين شيفكنا من التجار ​

كلامك 100% صحيح و الزيادة غير مدروسة

و يجب تمييز اهل البكالريوس عن الدبلوم وعن الثانوي و المتوسطه و الابتدائي

المفروض البكالريوس اقل شي 180 و الدبلوم 140 و الثانوي و ما تحت ما بين 80 - 100 دينار

وين اعضاء مجلس الامة لازم يصير تعديل هذا خطأ

 

[واغربالي]

ياجماعه هل الهيئة العامة للصناعة مشمولة بالزيادة ام لا

 

[نقوشي]

يعني أنا الحين عندي ماجستير

زيادة 100 دينار

واللي عنده ابتدائي

زيادة 100 دينار



حتى بحكومات أدغال أفريقيا ماتصير ... !!!!

 

[bujassim]

الحين الزيادة حق اللي ماعنده كادر 100
والفنيين 95 ؟



وين العداله
اضراب :إستنكار:

 

[عبدالله .]

والقطاع الخاص ماله شي !!
والله حرام اصلاً الحين القطاع الخاص مايشجع الراتب بالحكومة افضل وعن تجربة

وبعدين الحين المدرسين عليهم بالعافية هالزيادة وقبل كان عندهم كادر تدريس
المهم قبل كان الفرق بالراتب بينهم وبين الاداريين الجامعيين بالمدارس مثل الاخصائيين النفسيين والاجتماعيين والمكتبات وتكنلوجيا تعليم مع العلم بأن جميع هالفئات جامعيين واصحاب شهادات تربوية
الفارق كان 260 تقريباً
الحين الفارق بيصير 500 تقريباً

شالظلم وين قاعدين والله قهرررررر
شهايدنا نقعها ونشرب مايها بهالحالة​

 

[يوزر انتحاري]

أبقولكم سالفة توريكم مدى التخبط في هالديرة ،،

أنا أعمل في إدارة ،، نفس هالإدارة تقريبا موجودة في كل الوزارات والجهات ولها نفس طبيعة العمل وماقدر أشرح أكثر المهم ،، أحمل شهاد جامعية ،، وأعرف شخص يعمل في جهة ثانية غير وزارتي ويعمل في إدارة نفس الإدارة الي أعمل فيها وطبعا نفس طبيعة العمل الي أعمله حتى الكتب بعد بنفس الطريقة يعني شغلنا "سيم سيم" لا وبعد دوامه أخف وأقصر المهم الفرق بيني وبينه أني أحمل مؤهل جامعي واهو مايحمل مؤهل جامعي ،، وين الغريب؟ الغريب ينصرف له معاش أكثر مني لأن المكان الي اهو فيه له كادر !!!!!!! شرايكم ؟!

هل يعني الحكومة تتعمد تطفشنا من الوزارة وتبدلنا بوافدين علبو أرخص ؟ والا اهو تخبط وتوهان ؟؟والا يبون يحدونا نقط وجيهنا على الناس ندور "واسطات نقل" ويكدسونا بأماكن معينة ونهد الوزارات للوافدين ؟،، والا يبون يقللون عدد الكويتيين حملة الشهادات الجامعية وهذا شيء حتما راح يحصل اذا استمر هالتخبط لأن الطالب لما يخلص الثانوي ويفكر وين يكمل دراسته يشوف انه فقط تخصصات جامعية معدودوة على أصابع اليد فقط اهي اللي لها مستقبل وظيفي اما باقي التخصصات الجامعية فحملة الدبلومات والدورات والمتوسط اما الفرق بينه وبينهم بسيط أو يساوونه أو أعلى منه !!! هل تتوقعون الطلبة لما يشوفون جذي بيدشون جامعة وبيلقون حافز قوي للدراسة والتعب ؟والا يختصرون الوقت والتعب والجهد ويروحون للمعاهد أو حتى مايكملون دراستهم ويقزرونها دورات ؟! ؟

بالذمة مو عيب جامعيين معاشاتهم على ستمية دينار وخردة ؟! ماتحسون انه في خلل لما يصير حملة دبلوم ودورات في بعض الجهات أعلى من الجامعيين ؟

أتمنى أن يتم إنصاف "الفئة المنسية" الجامعيين الإداريين ،، وأن يتم مراعاة طبيعة العمل والشهادة في كل زيادة ،،



أنا بعرض شهادتي الجامعية للبدل ،، أصحاب الدبلومات والدورات منو يبدل ؟! والله ياخسارة التعب والسهر !!!

 

[صوتك يناديني]

اخواني والقانونين مالهم كادر يعني ولاشلون

والميه ديناذ للجامعي والمتوسط مصخره

 

[DK-21]

كادر المعلمين - زايدينهم قبل سنتين بكادر وقدره والحين زادوهم

كادر المهندسين - سنة 2007 زايدينهم والحين زادوهم زياده خياليه 600 الى 1800 ومن دون الفنين ومساعد مهندسين الفجوه بينهم كبيره جداا

والعسكرين زايدينهم - وايضا زادوهم الحين

والبترول زايدينهم سنة 2007 اقل زياده 250 والحين جايتهم زياده اقل زياده 360 دك وانت طالع


يعني يا جماعه لا لحد يفكر ويتفلسف يبي يدرس


عندك يا تصير جندي او دش بتروووول واذا تبي تدرس هندسه ولا صير مدرس فقط لاغير والباجي تحصيل حاصل :إستنكار:

 

[كل مواطن خفير]

العنوان لا يتفق مع المضمون ....... !!!​

 

[مدونة بدوي ماركة]

اي بنت تبي تأمن مستقبلها من حيث الزواج عليها ان تعمل مدرسة
حتى وان كانت عرجاء او حولة راح يكون سوقها مثل سوق اهل مزاين المعزة والإبل !​

 

[CENTRALBANK]

مهزله ما بعدها مهزله.. عموما في خبر جديد اللي مجموع بدلاته اقل من 100 راح يعطونه الفرق... اول خمسينه تخبط ثاني خمسينه تخبط والاميه قمة المهزله تخيل انك محروم من 200 دينار

 

[قلم شريف]

يسوونها طبقات طبقاااااات طبقه فووووووق الكويت يبون طبقه

 

[نبيها دائرة واحدة]

يعني احنا المهندسين مالنا زياده​

انتم ام عابس اللي تاكل الخضر واليابس !!

شنو ماتشبعوون زيادات علي 700 دينار وحاسدين اللي ماعندهم
كوادر ....مع ان زيادتهم بس 100 دينار وهم بعد تبون مثلهم !!!!!

 

[نبيها دائرة واحدة]

والله قهر وظلم مابعده ظلم

بالوظائف اللي محد يدشها الا بواسطه معاشاتهم قويه وزيادتهم قويه
تتجاوز 1000 دينار بس الزياده..

والحكومه مهتمه فيهم وتعطيهم الزياداتهم لانهم عيال واسطات واكابر



والوظائف اللي يدشها المنتف يعطونهم زيادة بس 100 دينار !!

شنو هالزياده..والله لو هي شحذه ماعطيتوهم هالمبلغ !!!