صرف زيادات المعلمين مع راتب مايو .. حركة استباقية خبيثة

[الوايـلي]

للعلم كارد الحكومة هذا الذي اقر بهذة السرعة القصد منه اجهاض الكادر المجزي الذي قدمته جمعية المعلمين والذي من المنتظر ان يقره مجلس الامة !
علما بان كادر الحكومة ليس 240 وانما بعد رفع بعض العلاوات يصبح مجموعها 240 !
يعني الزيادة راح تكون كالتالي :
معلم درجه د 110 دينار فقط
معلم درجه ج 120 دينار فقط
رئيس القسم زيادة في الاشارفية 20 دينار فقط !!!​

 

[الماركه]

فيصل المطيري
عيالي يوميا ادرسهم ومع هذا مدرسين عربي وانجليزي ورياضيات ومع هذا مو ملحقين من الطلبات الغريبه
ولما اروح الاجتماع المدرسات يعني شادين الحيل يقولون لاتدرسونهم احنا ندرسهم جايتنا نشره من الوزاره
وادا رحنا البيت الا الابله حاطه صح والكلام اللي كاتبه الجاهل غلط
انا اتكلم عن الابتدائي فقط مالي شغل بالمتوسط والثانوي
والقهر المفروض ان التاسيس الصح بالابتدائي

كل ماذكر وحده من الجماعه فاشله ايام الثانويه ودشت المعهد الديني وعقب الشين نجحت منه بنسبه فاشله جدا
ودشت الكعهد التجاري ةبالواسطه حولت التربيه الاساسيه وبالواسطات لان يعرفون كم دكتور تخرجت مدرسة لغه عربيه وبالواسطه الحين مدوسه اولى
وهي فاشله ليلحين كلشي بالواسطه
مو قهررر ؟؟
الله يذكر المدرسات الفلسطينيات بخير المعلومه تدش بمخنا غصب حتى لو كنا انا ورفيجتي اللي يمي نسولف !!!!!

 

[قلم شريف]

كلامك هذا لا ينطبق على الكل هناك الكثير من المعلمين مخلصين
شلون تبون التعليم يصير ممتاز اذا لا يوجد دعم وامتيازات
هل تعلم ان مهنة التدريس هي مهنة طارده ويوجد نفس في الكويتيين ولااقلال لها !
وهي الوظفية الوحيدة في جميع الوزارات التي طول الاسبوع دوام ولا يوجد تزريق ولا تضبيط !
وهل تعلم انه لا يوجد الا مدرسين 2 تخصص فيزيا كويتيين في جميع مدارس الدولة !!!

لا اخوى مهنة الدرسين مو مهنه طارده !!
بالعكس مهنة لمن لا مهنة له
اكثركم ما يعرف يدرس والله ما نظلم احد والجميع يعرف هذا الشئ انتم سبب الفساد فى المدارس
وانتم من يشجع الطلبه على الغياب وانتم انشغلتم فى الدينار وتركتم الطلبه ضايعين فى المناهج
بصراحه لا تزعلون انتم عله على قلوب اولاياء الامور
والجميع يعلم ان توظيفكم مجامله لكم ولا يوجد احد يقيم المدرس صح
وكل مدرس وراه عضو مجلس امه
وحتى العنصريه فاحت منكم فى التدريس
حسبى الله ونعم الوكيل
والله انا افضل ان مدرس مصري او سوري يدرس اولادى ولا افضل مدرس كويتى فيه عنصريه او قبلية او مذهبية !!!
متى نتخلص منكم ونرتاح
الحين انا عرفت ليش الناس تدرس عيالها فى المدارس الخاصه!!!
تدرى ليش لانه ما فيها مدرسين كويتيين !

 

[ساهر الليل]

حكومة تدس السم في العسل . . . حسبي الله عليها . . .

أتمنى من المعلمين رفضها رفضا قاطعا . .لأنها ظلم لهم . .

الله يحفظ الكويت ويخلي لنا حكومتنا الي مو مخليه علينا قاصر

اخوي انا اعتقد الزياده زينه وحلوه

اذا ارفضوها كم يبون !!!


المقصد صدقني مو الحاجه انا اشوف معاشاتهم مكفيتهم وزايده بالنسبه للعمل اللي يقومون فيه

قولوا الحمد لله وبسكم حسد




​

 

[قلم شريف]

للعلم كارد الحكومة هذا الذي اقر بهذة السرعة القصد منه اجهاض الكادر المجزي الذي قدمته جمعية المعلمين والذي من المنتظر ان يقره مجلس الامة !

علما بان كادر الحكومة ليس 240 وانما بعد رفع بعض العلاوات يصبح مجموعها 240 !
يعني الزيادة راح تكون كالتالي :
معلم درجه د 110 دينار فقط
معلم درجه ج 120 دينار فقط

رئيس القسم زيادة في الاشارفية 20 دينار فقط !!!​

احمد ربك والله لو كنت فى دوله ثانيه حتى مراسل فى المدرسه ما يشغلونك
المدرس الكويتى مدرس فاشل ولا يصلح للتدريس
لان مو كل شخص يصلح للمهنه
مهنة الدريس تحتاج الى شخص يعشق المهنه !! وليس مثلكم تعشقون الدينار قبل المهنه !
لا تزعل مجرد رأى

 

[الوايـلي]

والله انك صاج دوخونا كل سنه ياخذون كادر ما يشبعون من الفلوس و فوق هذا ما يعرفون يدرسون ولا عندهم صبر على الطلبه
والله زمن وين يام المدرس الفلسطيني صج مدرس صح
مو المدرس هذه الايام جمبازى يخاف من المدير اكثر من اى شخص ثاني وما يخاف لله انما للعلاوات والترقيات
والله محد ضيع مستقبل عيالنا الا هالجيل من المدرسين الجشعين
اللى كل همهم الراتب والفلوس
لو انا من الوزير اعمل تصفية للمدرس الفاشل الغير مثقف واحوله الى الاداره واطيح علاوة التدريس منه واخليه يقعد سولف ويشرب شاى ويأكل حب شمسي

المشكلة في نكك فقط
لان مشاراكتك وردودك لا تدل على ان قلمك شريف !
وبعيد عن الامانه ايضا !
قلم شريف وكل يوم ينتقد الشرفاء من الاعضاء الاسلاميين !
قلم شريف وكل يوم يعارض الحق ويقف مع الباطل !
قلم شريف وقلبه متروس حسد على اي زيادة لاي جهه !
ولو انا من المشرفين اعمل تصفيه للعضو الفاشل في مشاركاته واطيح عضويته بالمنتدى واخليه يقعد يسولف وياكل بنك !

 

[الوايـلي]

احمد ربك والله لو كنت فى دوله ثانيه حتى مراسل فى المدرسه ما يشغلونك
المدرس الكويتى مدرس فاشل ولا يصلح للتدريس
لان مو كل شخص يصلح للمهنه
مهنة الدريس تحتاج الى شخص يعشق المهنه !! وليس مثلكم تعشقون الدينار قبل المهنه !
لا تزعل مجرد رأى

قصدك مجرد حسد
الله يشفيك

 

[ارحل ياجاسم]

رجاء ​

اللي يبي يتكلم عن المعلمين يحط ايده على راسه ويتكلم...ولا يقل أدبه على المعلمين ولايعمم الصفات السيئة​

واللي يقل ادبه...مستعد أسمعه كلام بحياته ماسمعه (ولو انطرد من الشبكة مايهمني ) بس لحد يقل أدبه ويحترم نفسه وبعرف قاعد يتكلم عن منو.​

احنا مربين فضلاء ومعلمون...ماحنا بياعة خمر ولا تجار اقامات...فتكلمو بأدب أفضل...تبي تحسد احسد على كيفك لانه هذا بتركيب الجينات نفسها صعب علاجها...لكن لاتقل ادبك على اللي ربوك وعلموك وخلوك بالوضع اللي انت فيه الحين هذا مومقبول​

المعلم مبتلش بالوزارة التعيسة سواء من مناهج من مباني من نظام تعليم اكل عليه الدهر وشرب​

واللي مأذينا بمشاركاته هني ويقول ولده موراضي يفلح بالدراسة...من قال لك انه كل الطلبه لازم يصيرون اينشتاين؟؟؟...هناك فروق فردية بين الناس...​

واذا موعاجبينك المعلمين روح ودهم مدارس خاصة...واذا موعاجبتك المدرس الخاصة ودهم بريطانيا لانه يمكن عقلية عيالك عااالية جدا...​

فوق مانعلم ونتعب...وفوق مانربي هالتلاميذ اللي الكثير منهم اهلهم مدلعينهم ولسانهم زفر ولايعرفون معنى الاحترام...هذي جزاتنا​

واللي يقول شيبون بعد معاشاتهم 900...أقول روح افتح حلجك وسولف عن معاشات المهندسين اللي ماشاء الله عمرو البلد وخلوه لوس انجلوس مو الكويت​

الله يرزقهم ولاني بحاسدهم لكن المشكلة اللي مايتمنى الخير للغير​

المعلم اهو اللي خلاك طبيب ومهندس وتاجر وظابط وكاتب وغيره وغيره​

المعلم اهو من خلاك تعرف شلون تقعد الحين عالنت وتكتب وتناقش وتتعلم​

احترموا المعلم عشان حتى العالم يحترمكم​

بالنسبة للموضوع : اقول للوزيرة مانبي هالزيادةوحطيها ابطنج....احنا موطرارين....احنا نطالب بحقوقنا...ديرة اغلب معلميهامن الوافدين والكويتيين مبتعدين عنها والاستقالات في ازدياد...ماعندج مخ يقول لج ليش مايبون التعليم؟؟؟ ماتعرفين تفكرين يعني؟؟؟؟​

مانبي زيادتكم....حكومة تعيسة ووزيرة تعيسة بقيادة ملك التعاسة رئيس الوزراء​

 

[الماركه]

ارحل ياجاسم

انت شوف بالاول اسلوبك بعدين اعرف ان مو بس المناهج فاشله حتى اسلوبك بتةوصيل المعلومه فاشله واتفشل
لازم تبينا نحترم مدرسين ماراحوا مهنة التدريس الا عشان المعاش والعطله
لما تسالهم عن وظيفة المدرس ومميزاتها
محد يقول معلمين فاضلين
الكل يقول كادر قوي وعطله ثلاث شهور
بعدين اول مره اشوف احد يقول عن نفسه فاضل المفروض الناس اتقةلها
وانت لما اتكلم عن اللي علمونا شلون نقعد عالنت ترا مو انت ولا ربعك
اللي علمونا مدرسين السبعينات الكويتيين والفلسطينيين والمصريين
ولكن مدرسين الاجيال هذي اطيبهم على حد التقاعدولاّ الباجين حرام فيهم تكملة عدد
لاتقعد اتقول حسد ما حسد
انا معاشي اعلى من المدرسه وشايفه خير لكن تدريس فاشل
يمكن كونك رجال ماتدري شيصير بمجتمع المدرسات
وتقول ودوهم مدارس خاصه ليش بالله شخانة المدرسين
وعيالنا اللي هالجيل هذا من المدرسين يدسونه الله يستر عليه وربي مستقبلهم ومستواهم مجهول
انا اذكر من عمري ماجبت خصوصي الا لما وصلت ثانويه عامه للمساعده
عيالنا الحين مانعرف ندرسهم ماندري نلقاها من المنهج او من وين
يالله المنهج فاشل
المفروض هالمدرسين متخرجين من الجامعات ودارسين التخصص يكونون فاهمين وعارفين التخصص مهما كان المنهج مو لما يجي اجتماع اةلياء الامو تقعد المدرسه اتحجج بان المنهج صعب على الطالب وعليها


لما تبي اتدافع عن المدرسين شوف الناس شتقول مو تقعد اتدافع على هماك عشان جم دينار

 

[ارحل ياجاسم]

ارحل ياجاسم

انت شوف بالاول اسلوبك بعدين اعرف ان مو بس المناهج فاشله حتى اسلوبك بتةوصيل المعلومه فاشله واتفشل
لازم تبينا نحترم مدرسين ماراحوا مهنة التدريس الا عشان المعاش والعطله
لما تسالهم عن وظيفة المدرس ومميزاتها
محد يقول معلمين فاضلين
الكل يقول كادر قوي وعطله ثلاث شهور
بعدين اول مره اشوف احد يقول عن نفسه فاضل المفروض الناس اتقةلها
وانت لما اتكلم عن اللي علمونا شلون نقعد عالنت ترا مو انت ولا ربعك
اللي علمونا مدرسين السبعينات الكويتيين والفلسطينيين والمصريين
ولكن مدرسين الاجيال هذي اطيبهم على حد التقاعدولاّ الباجين حرام فيهم تكملة عدد
لاتقعد اتقول حسد ما حسد
انا معاشي اعلى من المدرسه وشايفه خير لكن تدريس فاشل
يمكن كونك رجال ماتدري شيصير بمجتمع المدرسات
وتقول ودوهم مدارس خاصه ليش بالله شخانة المدرسين
وعيالنا اللي هالجيل هذا من المدرسين يدسونه الله يستر عليه وربي مستقبلهم ومستواهم مجهول
انا اذكر من عمري ماجبت خصوصي الا لما وصلت ثانويه عامه للمساعده
عيالنا الحين مانعرف ندرسهم ماندري نلقاها من المنهج او من وين
يالله المنهج فاشل
المفروض هالمدرسين متخرجين من الجامعات ودارسين التخصص يكونون فاهمين وعارفين التخصص مهما كان المنهج مو لما يجي اجتماع اةلياء الامو تقعد المدرسه اتحجج بان المنهج صعب على الطالب وعليها


لما تبي اتدافع عن المدرسين شوف الناس شتقول مو تقعد اتدافع على هماك عشان جم دينار

بالنسبة لأسلوبي ..فلكل مقام مقال...ومقالي السابق هو الانسب لهذا المقام


انا ما ادافع عشان جم دينار على قولتك...ولاحنا طرارين....وتعال دوامي خل اوريك جم عمل قمت فيه تطوعا من غير فلوس عشان تعرف ليش ادافع

انا ماأقول انه المعلمين ملائكة...لكن اذا اراد احد ان ينتقد يتكلم بادب...مويعم ويقول فاشلين


واذا انت تدعي انه معلمين السبعينات هم الافضل...فكذلك اولياء امور الطلبة في السبعينات افضل...والسبعينات القيادات كلها من الرجال...اما الان فالقيادات بنسبة 99 بالمئة نسائية


باختصار ولاني مطول الكلام معاك : اذا انت شايف انه التعليم في الكويت خطر على عيالك ومؤثر عليهم وعلى مستقبلهم..وان المدرسين موكفو......قعدهم بالبيت وانت علمهم


وترى احنا سنين نشتغل ماطلبنا زيادة ولا شيء...موهمنا الفلوس ...لو همنا الفلوس جان رحنا وراها ...في الف سكه وسكه نقدر نسوي الاف...بس موهذي تربيتي


لكن الزيادة اللي اقرتها الوزيرة عييييب بحق المعلم...يعني ياتزيد بانصاف ...ياتخلي الوضع على ماهو عليه


انا ماني زعلان ولامتضايق اذا ماكو زيادة...عندي دينار ولا مليون الحمدلله عايش بفضل الله مو بفضل ابن ادم

لكن ان تاتي الزيادة على شكل(صدقة للطرارين ) هذي مااقبلها

اتمنى وضحت وجهة النظر


واذكر:::انتقدوا ماقلنا لا....لكن دون قلة ادب وكلام مثل فاشلين وهالامور هذي

 

[محمد الظفيري]

240 دينارا بأثر رجعي

صرف زيادات المعلمين مع راتب مايو

2011/04/16 09:08 م






240 ديناراً بأثر رجعي من مارس 2011
التربية: صرف كادر المعلمين مع راتب مايو


كتب عبدالعزيز الفضلي:

تلقت وزارة التربية كتابا من ديوان الخدمة المدنية يتعلق بموافقته على كادر المعلمين الذي أقر أخيرا بموافقة مجلس الوزراء. وقال مصدر لـ«الوطن» إن الوزارة قررت صرف الزيادة المقررة وقدرها 240 دينارا للمعلمين مع راتب شهر مايو المقبل بأثر رجعي عن شهرين.

http://alwatan.kuwait.tt/ArticleDetails.aspx?Id=104551#


مبروك الزيادة تستاهلون يا المعلمين اكثر ........ بس يالله العوض ولا القطيعة ..

- الله يبشرك بالخير ...

- الحمدلله على كل حال ... نعمة من رب العالمين

وتستاهل البشارة

 

[يد الحر ميزان]

نريد توضيح اكثر هل الخليجين من المعلمين والمعلمات يشملهم القرار ام فقط على الكويتين.
وتستاهلون

 

[محمد الظفيري]

نريد توضيح اكثر هل الخليجين من المعلمين والمعلمات يشملهم القرار ام فقط على الكويتين.
وتستاهلون

- الخليجي يعتبر كويتي ويشملهم الكادر

ويستاهلون ... كفاءات ... ونعم

 

[يد الحر ميزان]

الله يسمع منك يا الظفيرى ويطلع الخبر صحيح وان شالله

 

[وسم*]

للعلم فقط الزيادة ليست 240 الزيادة 90لان كادر المعلمين اصلا كان 150والحين زاد ووصل ل240اذا الزيادة 90 فقط ولاتنسون تشيلون استقطاع التأمينات ماراح يصفى الا 75تقريبا يافرحة ماتمت

 

[محمد الظفيري]

- الزيادة تبدأ 105 وتنتهي 240 حسب الدرجة والكادر

أما بالنسبة للخليجيين 105 + 90 بدل سكن = 195

- الحسبة موثوقة من ديوان الخدمة المدنية

 

[يد الحر ميزان]

- الزيادة تبدأ 105 وتنتهي 240 حسب الدرجة والكادر

أما بالنسبة للخليجيين 105 + 90 بدل سكن = 195

- الحسبة موثوقة من ديوان الخدمة المدنية

اخوى الظفيرى مادام فيها بدل سكن اكيد المعلمات انحرمن من البدل صح ولا لا واعتقد بدل السكن ينطبق بس على المعلمين اذا فية شى خطا ارجو التوضيح اخوى الظفيرى

 

[أبوفلان]

سؤال ما تشبعون من الزيادات كل يومين تبون زياده !!!!

مدرس راتبه 900 دينار واكيد ساكن عند اهله لا يدفع اجاار ولا شي حتى لو مأجر الحكومة تعطيه 120 دينار وهو يدفع بالكثير 80 دينار !!!

800 دينار نقول 200 أقساط هذي 600 دينار


خافوا الله في بلدكم

لايكون دافع من جيبك !؟!؟ اي نعم نبي راتبنا 1300 ونستاهل والخير وايد عن الفلسفه الزايده

اذا كنت ترضى لنفسك بدل الطراره الي يعطونك اياه لاتشوف غيرك نفس فكرك

 

[بوصالح 777]

شراح يصير على الكادر الى تم اقراره فى مجلس الامه هل سوف يتم التصويت عليه ولا شنو قصته
انا مانى مدرس بس اخوى حاب يستفسر وانا بعد

 

[عبدالعزيز الهاجري]

المعلم مظلوم يشتغل اكثر من وظيفه بمسمى واحد

يدرس طلبه
ويراقب ممرات المدرسه
ويسوي نشاطات للمنطقه من جيبه الخاص بشكل دوري
يطلع محاضرات بره المدرسه
واشياء كثيره
​