بوشوق الشعبي
عضو فعال
السلام عليكم ورحمة الله وبركاته
تحية للاخوة والاخوات أعضاء الشبكة الوطنية الكويتية عندي اقتراح اتمنى انه يوصل للاخوان من اعضاء المجلس الامة او للحكومة لان فية مصلحة للشعب الكويتي اللي يستاهل كل خير ماراح يكلف الدولة دينار واحد ...
اقتراحي هو تعديل وضع الكويتين بمعنى اللي عندة سيارة منتهي التامين ويبي يجدد ما يقدر والسبة المخالفات او الحجوزات على السيارة والواحد مرات مفلس ما يقدر يدفع يكون عنده مصروف عيالة وبيته اهم من المخالفات و هم يوقفون التنفيذ لين يعدل وضعه ويجدد تامين سيارتة ويجدد اجازة السواقة او يطلع بدل فاقد للي مضيعها .
وهم للي عنده تاخير في تجديد خدامتة او السايق يلغون الغرامات عنة وهم بعد اللي منتهي جوازة او ضايع وفي مراجعات واجد بوزارات الدولة واقفه والسبة التنفيذ او الغرامات .
وطبعا يكون لفترة محدودة كم شهر مثل ما يسون للوافد كل سنة اعفاء ويطيحون الغرامات عنه ويخلونه يجدد والا يسافر من غير ما يدفع ولا فلس الكويتين اولى من المقيمين .
اتمنى من اخواني اعضاء الشبكة الوطنية التفاعل مع الاقتراح وتوصيلة للمسؤولين لان كلي ثقة ان اصواتكم مسموعه وشكرااا
للعلم والله مالي مصلحة في الاقتراح وان ما علي ولا دينار ولا اي غرامة بس اللي خلاني افكر فية ان الوافد يعطونه تسهيلات والكويتي يدفعونه