ابى رايكم فى اسطنبول (تركيا ) !!!

[jassem]

اخوي انا با الصيف اللي راح رحت لتركيا بصراحة بلد جميل جدا لكن اذا جوك طبيعه ترى اسطنبول ما راح تعجبك حيل يعني حلوه مجمعات وتسوق وفيها مضيق الفسفور رحلات بحرية وفي قهاوي وجلسات حلوه طبعا بورصه حلوه جدا وفيها اماكن طبيعية خلابه مثل واهلها فيهم بساطه واذا رحت لها اسكن في فندق الميرا مقابل الحديقة اللي تكلموا عنها الشباب فندق خمس نجوم ونظيف ما فيه مراقص وها السوالف وبا سطنبول اسكن اسكن بتقسيم لانها قلب اسطنبول النابض وفيهاشارع الاستقلال تتمشى فيها كل ليله بس خلك حريص لان الشارع مزدحم وبتشوف فيه من جميع اجناس البشر وفي منطقة اسمها ابانت اغلب القروبات السياحية يودون لها اذا تبي استجمام وراحه بحيره وجنبها كم فندق وجو رائع جدا واي استفسار انا حاضر

مشكور مشكور على المعلومات نورتنى فى معلوماتك :إستحسان: مشكور اخوى مربى اجيال

 

[jassem]

نصيحة زور جزر الاميرات السبعة حلوة وايد

وتقسيم اسواقها حلوة شارع طويل كلها محلات
ولاازم اتروح حق طوب قابي اتشوف الاثار الاسلامية المبهرة والجميلة والرائعة

لاتنسى تشرب عصير تفاح ​

:إستحسان::إستحسان::إستحسان::إستحسان::إستحسان: سايروس

 

[ام الزهور]

اسطنبول حلوة اسبوع قعدات شوي وشيشة على البحر وتحت الجسر مطاعم الاسماك والاثار والقصور في الجانب الاسلامي والسهر في تقسيم
الجولة في البسفور وجزيرة الاميرات كلها حلوة والمجمعات لكن نصيحة لا تحتك بالعراقيين والاكراد نصابين خلك على الاتراك في الفندق وفي كتيبات عن المعالم السياحية كل مكان
وانصحك باستعمال المترو بالتنقل بتقسيم ارخص واوفروتزور اسطنبول كلها بايام
لا تحجز من تركيا للفندق بالكويت ضبط نفسك بفندق قرب المترو وبمنطقة تقسيم ا وفي فنادق بالجانب الاسلامي رخيصة وتطل على البحر والمناظر الطبيعية بس للاسف احنا سكنا بتقسيم وبشقة ونصبو علينا الاكراد
لكن بورصة حلوة شهرين او ثلاث لمحبين الهدوء والطبيعة والسهر على الجبل او تحت الجبل مطاعم الاسماك
ونصيحة اذا في رحت بورصة اسكن قرب حديقة لونا بارك

 

[jassem]

اسطنبول حلوة اسبوع قعدات شوي وشيشة على البحر وتحت الجسر مطاعم الاسماك والاثار والقصور في الجانب الاسلامي والسهر في تقسيم
الجولة في البسفور وجزيرة الاميرات كلها حلوة والمجمعات لكن نصيحة لا تحتك بالعراقيين والاكراد نصابين خلك على الاتراك في الفندق وفي كتيبات عن المعالم السياحية كل مكان
وانصحك باستعمال المترو بالتنقل بتقسيم ارخص واوفروتزور اسطنبول كلها بايام
لا تحجز من تركيا للفندق بالكويت ضبط نفسك بفندق قرب المترو وبمنطقة تقسيم ا وفي فنادق بالجانب الاسلامي رخيصة وتطل على البحر والمناظر الطبيعية بس للاسف احنا سكنا بتقسيم وبشقة ونصبو علينا الاكراد
لكن بورصة حلوة شهرين او ثلاث لمحبين الهدوء والطبيعة والسهر على الجبل او تحت الجبل مطاعم الاسماك
ونصيحة اذا في رحت بورصة اسكن قرب حديقة لونا بارك

الأكراد والأيرانين المقيمين فى تركيا والأتراك المقيمين فى انطاكيا . من اهم اسوء ناس فى تركيا .. وشكرا يا ام الزهور على الأماكن السياحيه

 

[كويتي وأحب السعوديه]

روعا تركيا بس يقولون مافيها امن صج

 

[مربي أجيال]

روعا تركيا بس يقولون مافيها امن صج[/QUOTE

اخوي اهم شي الحرص اذا ما كنت حريص بنتسرق وانت تطوف على الكعبة لابد من الحرص واهم شي تسكن بفنادق معرروفة وتبعد عن الشقق لان الفنادق اكثر امان والامان الحقيقي من رب العالمين

 

[jassem]

روعا تركيا بس يقولون مافيها امن صج[/QUOTE

اخوي اهم شي الحرص اذا ما كنت حريص بنتسرق وانت تطوف على الكعبة لابد من الحرص واهم شي تسكن بفنادق معرروفة وتبعد عن الشقق لان الفنادق اكثر امان والامان الحقيقي من رب العالمين

اخوى مربى مساك الله بلخير ؟؟

انا كانت لى نيه اسكن فى شقه فندقيه بتقسيم لانه عادى سفره شباب مو عوايل ، فا ليش ماتنصح فى الشقق الفندقيه وليش مو امان ويليت بعد ماعليك امر اتظبطنى فى اماكن سياحيه ؟؟

غير جزيره الأميرات ومتاحف صوفيا والمسيد الأزرق .

وشسم المكان الى فيه اثار الأنبياء والصحابه وسيوفهم ؟؟

 

[.. [ مفاز ] ..]

السلام عليكم / اخي الكريم


أسطنبول العاصمة اعتقد ان ميزتها في الأثار الإسلامية القديمة ، وهي غير آمنــة كما قال لنا شخص تركي نظم لنـا رحلتنا القادمة في هذا الصيف بإذن الله ،


عمومـا إذا كنت تبحث عن الطبيعة والجو الجميل ، فتوجه فوراً إلى ترابزون ، وأوزنجول وأبـانت وما حوليها من المناطق الرائعة ،


حيث الجبال الخضراء والقمم الثلجية ، والبحيرات الزرقاء .. وووو


أمنياتي لك بصيف ماتع

 

[jassem]

السلام عليكم / اخي الكريم


أسطنبول العاصمة اعتقد ان ميزتها في الأثار الإسلامية القديمة ، وهي غير آمنــة كما قال لنا شخص تركي نظم لنـا رحلتنا القادمة في هذا الصيف بإذن الله ،


عمومـا إذا كنت تبحث عن الطبيعة والجو الجميل ، فتوجه فوراً إلى ترابزون ، وأوزنجول وأبـانت وما حوليها من المناطق الرائعة ،


حيث الجبال الخضراء والقمم الثلجية ، والبحيرات الزرقاء .. وووو


أمنياتي لك بصيف ماتع

تسلمين يا مفاز :وردة:

واسطنبول مقسمه قسمين غربيه وشرقيه مو كلها اسلاميه .. وبالنسبه لأمان الله الحافظ إنشاءلله والأحتياطات موجوده بأذن الله .. وخطتنا إنشاءلله يومين فى اسطنبول والباجى فى انطاليا وبالنسبه لترابوزون وفورا راح انمر عليها مرور الكرام وشكرا لأقتراحج واتمنى لج سفره سعيده فى الصيف الياى

 

[بــ يوسف ــو]

ملاحظه : البورصه كطبيعه اجمل من اسطنبول ..

و في فندق في البورصه ..

لولا الذاكره ضعيفه ..

كان دليتك عليه ..

..

//
​

 

[۩۞۩ Ϡ₡ ريـــم Ϡ₡ ۩۞۩]

انا توني جايه من تركيا بتاريخ 21/4/2011 روعه بررررررد
اذا تبي فندق راقي ونظيف في بورسا فيه فندق اسمه بايا بورسا= Baia BUrsa
في التيرمنال روعه موقعه هادي وقريب منه مجمعات ومطاعم وبالنفس الوقت هادي
ويبعد عن وسط بورسا بالسياره تقريبا 10 دقايق او اقل بس راح ترتاح فيه
وعلى فكره الفندق جديد يعني مزهبينه حقك

واذا تبي اي معلومات انا حاضره​

 

[۩۞۩ Ϡ₡ ريـــم Ϡ₡ ۩۞۩]

واذا بتروح لبورسا روح من مينا يوني كابا بالعباره وقص تذاكر قبلها بيوم اضمن لك علشان تحصل التذاكر
وطبعا العباره راح توديك على مينا موداينه ومن موداينه تاخذ تاكسي الى بورسا و20 دقيقه بالضبط انت في بورسا ريح نفسك واسكن بايا بورسا الليله 47 دينار(طبعا السعر هذا حق شخصين بغرفه مع افطار) بس قمه
وفي شغله اذا جيت تركب تاكسي قوله تاكسي ميتر يعني تعطيه حسب العداد واذا تبي في باصات بس اذا معاك اهلك ما انصحك
واسفه طولت عليك واذا تبي اي سؤال او استفسار انا جاهزه​

فيه شغله بخصوص السكن في اسطنبول لا تسكن بمنطقة السلطان حميد اللي فيه ايه سوفيا لانه مو نظيفه
من ناحية البشر فيها بلاوي
لكن اسكن بتقسيم وبالنسبه لنا سكنا في انتركونتنينتنال
وسلامتك ​

 

[jassem]

ملاحظه : البورصه كطبيعه اجمل من اسطنبول ..​

و في فندق في البورصه ..​

لولا الذاكره ضعيفه ..​

كان دليتك عليه ..​

..​

//​

شى جميل وشكرا جزيلا .. ويفضل اتفرمت الذاكره شوى يمكن تذكر

 

[jassem]

انا توني جايه من تركيا بتاريخ 21/4/2011 روعه بررررررد ​

اذا تبي فندق راقي ونظيف في بورسا فيه فندق اسمه بايا بورسا= Baia BUrsa
في التيرمنال روعه موقعه هادي وقريب منه مجمعات ومطاعم وبالنفس الوقت هادي
ويبعد عن وسط بورسا بالسياره تقريبا 10 دقايق او اقل بس راح ترتاح فيه
وعلى فكره الفندق جديد يعني مزهبينه حقك ​

واذا تبي اي معلومات انا حاضره​

حمدلله على السلامه توه مانورت الديره بعد الظلام الدامس:وردة: الربع راحو لبورصه وفعلا على حسب كلامهم جميله كلها زرع وجبال وسوالف باربكيو والى عجبهم اكثر اهلها حيل فرندلى .. .. لكن انا لى نيه اروح اسطنبول يومين وبعدها انطاليا .. اذا اتعرفين شى فى انطاليا عطينى اماكن حلوه فى انطاليا . وشلون طريقه استئجار الباص السياحى لذهاب إلى انطاليا وهل يوجد قطار إلى انطاليا ،بس ولله اسعااار الفنادل ناااااار بسطنبول ...

وعلى فكره شسم المجمع الى فى وسطه صاله تزلج فى تركبا ،،، وشلون جوده الخطوط الجويه التركيه ؟؟ لانى بسافر عليها إنشاءلله؟ ماعليه تحملينى فى الأسئله

 

[۩۞۩ Ϡ₡ ريـــم Ϡ₡ ۩۞۩]

الله يسلمك الديره منوره باهلها اولا المجمع اللي تقصده باسطنبول اسمه توريوم كبير حيل وبعيد شوي عن وسط ​

اسطنبول يعني لازم تخصص يوم كامل له بس حلو فيه جبل ثلج ضخم يعني حلو للعايله وفيه مطاعم ومحلات..​

اما انطاليا اولا انبهك اذا معك اطفال وكنتوا عايله ما انصحك بانطاليا لانه على شواطيها الدنيا سهللللللللللله يعني ناس ماشيه من غير....حاجه ​

وخصوصا اذا كانوا اهلك من النوع اللي يتغطى (بوشيه-نقاب-غطوه) مانصحك راح تتضايق ​

اما الفندق بصراحه اللي سكنا فيه انطاليا شيراتون حلو وفيه العاب مائيه
وعلى فكره ترى انطاليا حاره لاحد يقص عليك يقولك بارده بس بالليل فيه نسناس هوى​

وتروح وتجي بالسلامه ..اتمنى اني افدتك​

ايه نسيت فيه متحف بانطاليا اسمه متحف انطاليا روعه
وفيه اماكن حلوه بس نسيت اساميها
بس اذا تبي دايم هناك في الفندق 5 نجوم فيه مستشار سياحي عند المدخل يكون احسن شي انك تساله وراح يعطيك خريطه
فيها كل شي
لانه انطاليا رايحه لها من 3 او اربع سنين ما تذكر الا المخلوقات اللي على البحر والمتحف
وبالتوفيق​

 

[jassem]

الله يسلمك الديره منوره باهلها اولا المجمع اللي تقصده باسطنبول اسمه توريوم كبير حيل وبعيد شوي عن وسط ​

اسطنبول يعني لازم تخصص يوم كامل له بس حلو فيه جبل ثلج ضخم يعني حلو للعايله وفيه مطاعم ومحلات..​

اما انطاليا اولا انبهك اذا معك اطفال وكنتوا عايله ما انصحك بانطاليا لانه على شواطيها الدنيا سهللللللللللله يعني ناس ماشيه من غير....حاجه وخصوصا اذا كانوا اهلك من النوع اللي يتغطى (بوشيه-نقاب-غطوه) مانصحك راح تتضايق
اما الفندق بصراحه اللي سكنا فيه انطاليا شيراتون حلو وفيه العاب مائيه
وعلى فكره ترى انطاليا حاره لاحد يقص عليك يقولك بارده بس بالليل فيه نسناس هوى​

وتروح وتجي بالسلامه ..اتمنى اني افدتك​

لا عيل دام جذى عيل حولنا انطاليا

مشكوره كفيتى وفيتى وقواج الله ورحم الله والديج :وردة::وردة:

 

[۩۞۩ Ϡ₡ ريـــم Ϡ₡ ۩۞۩]

لا عيل دام جذى عيل حولنا انطاليا

مشكوره كفيتى وفيتى وقواج الله ورحم الله والديج :وردة::وردة:

بوجاسم اعويذ الله من ذنبك .. انا نصحتك وبريه من ذنبك

الله يقويك ويرحم والديك

​

 

[Aragon]

-اسطنبول فيها تعصب.. بس أحسها أجمل من بورصة

-كنت اعتقد ان بالكويت محد يعرف يسوق.. لما رحت اسطنبول اكتشفت ان الشعب الكويتي "قيادة", وبالذااات سايقنا "شوماخر"!!

- تعال كاسر.. يقولولك بترول بترول!! .. غير هذا التعامل تمام..

- في أوقات معين مايشغلون التكييف.. وصادف إني كنت رايح بوقت حررر .. والشمس ماتغرب إلا
- أكلها حلو بس أذكر كان غالي

- عندهم برّد مو طبيعي.. على قولتهم دندرمة

- برجر كنج مالهم مو طبيعي

- فيها أماكن سياحية وايد وحلوة

 

[lakeside]

احنا بنروح تركيا قريب

ورحت اسطمنبول مرتين خطف

الجو اجمل بالشتا بس بارد حيل

ويدش بالعظم

اكلهم حلو حتى تغميس الخبز بزيت الزيتون عجيب

الفواكهة حلوة

والشاورما مع العيش قاتلة

عندهم الحلويات دسمة حتى الدياى مسوين منة حلو

ما شفت السوق عدل

بس كل ليلة تقدر تروح سفينة عشا وفلكلور

بنهر الفسفور

وكل فندق يعطيك بتقسيم كتيب الجزر وتدفع لهم يجون ياخذونك ويرجعونك

رحنا اكثر من رحلة

فية فندق عجيب اسمة اعتقد ميردان !

سمعت انة حلو

وبالبحث شفت فندق داخل النهر والغرف تشوف الشعب والبحر داش عليك

ما اعرف اشلون يروحون برا اسطنبول وشنهى المدن الحلوة

بس قالوا لى الانيا بالشمال عجيبة

 

[jassem]

-اسطنبول فيها تعصب.. بس أحسها أجمل من بورصة

-كنت اعتقد ان بالكويت محد يعرف يسوق.. لما رحت اسطنبول اكتشفت ان الشعب الكويتي "قيادة", وبالذااات سايقنا "شوماخر"!!

- تعال كاسر.. يقولولك بترول بترول!! .. غير هذا التعامل تمام..

- في أوقات معين مايشغلون التكييف.. وصادف إني كنت رايح بوقت حررر .. والشمس ماتغرب إلا
- أكلها حلو بس أذكر كان غالي

- عندهم برّد مو طبيعي.. على قولتهم دندرمة

- برجر كنج مالهم مو طبيعي


-


مشكور خذيت جوله فى اسطنبول بكلامك معنى موفاهم شتقصد فى شوماخر والبترول