أبوي شيعي... وأمي سنية... أثنينهم كويتيين ...
على إنّها ماتمشي نمشيها لأجل عينك :وردة:
2 : لي رحت معاه حسينية وطلعت من أي أحد أقل إساءة تجاه السنة قال لي أمش نطلع، ما نقعد بمكان يهينون فيه أهلك (يقصد الكويتيين وخوالي بوقت واحد)
سؤال هل تقصد أن الإهانه للكويتيين وخوالك ؟ أم أهل السنه والجماعه ؟
ووضح لي لو سمحت على ماقلت :وردة:
وإن السب واللعن ما يجوز ، وإنهم حجة الضعيف ... تعلمت إن أبو بكر رضي الله عنه صديق الرسول صلى الله عليه وآله وسلم ، وظل وفي له بدليل القرآن... وإن عمر وعثمان وعلي رضي الله عنهم جميعا، كلهم صحابة من نفس المكانة ولا يحق لنا نطعن بأي أحد منهم
من هذا كمايتبيّن لذي لب أنّك تقصد الشيعه والحسينيّات فماهو اعتقادك لمن يلعن ويسب
أمهات المؤمنين والصحابه وأرجو أن لا أرى كلمة لايجوز فقط
ومارأيك بهذا الحديث عند أهل السنه والجماعه قال النبي اللهم صلي وسلم عليه : من سب أصحابي فعليه لعنة الله والملائكة والناس أجمعين . أو كما قال
3 بس جدام خالك (المتشدد) خل صلاتك سنية علشان لا يزعل!
صلاتك لله وألّا لخالك ! ثم ماهذا الدين الذي له صلاتين سنيه وشيعيه !
وصلت ياحبيبي :وردة:
4 ما رحت إيران ولا أبي أروح من كثر ما أنا معارض للنظام فيها،
من تقصد بالنظام الخميني وبعده خامنئي !
5 أختلف فكريا مع محمد هايف المطيري، لكن إلتزامه بمبادءه يفرض علي إحترامه
هل محمد هايف ملتزم بمبادئ فكريه أم إعتقاد ديني !
6 لي حب يتجنب السؤال... أكل مع أذان السنة وقال وهو يضحك: مو إنتوا اللي بتدشون الجنة وإحنا بندش النار؟ خلونا معاكم عيل
عفيه عليه هذا الإعتقاد واحد بالجنه والثاني بالنار ! سؤال هل يفطر والدك أطال الله بعمرك
وأسعدكم في حياتكم وأقولها صادق هل يفطر على إعتقاد والا !
7 أفتخر بأصولي الفارسية... إي نعم... مثل غيري
من منعك من الافختار بأصولك لكن هل تفخر بمن حارب الدين من فارس أم بمن ناصر الدين
من فارس هنا السؤال ؟
8 شات التربة اللي كنت أصلي عليها، من بعيد واحد من المطاوعة اللي يشتغلون بالمسجد شاف اللي صار، للحين ما صار وقت سجودي، شفته إييني بخطوات سريعة، خذ التربة ورجعها مكانها وعطاني ظهره وإختفى... حسيت حزتها بالأمان وعرفت إن كل الحجي اللي يوصلنا من الطرفين كلام فاضي
لو لم يرجعها هذا الشيخ ماذا كنت ستفعل ! ثم كيف للشيخ أن يختفي ولايكلمك !
وان بغيت رايي لفعلت انا مافعله هذا الشيخ ثم عند انتهائك من صلاتك أرجع وأكلمك بخصوص
هذه التربه بود فإنّنا لا نكره أحدن على إتباع دين النبي اللهم صلي وسلم عليه بإعتقادنا
فهل كان النبي اللهم صلي وسلم عليه يصلي على تربه !
9 جدي ... ابو أبوي ... من كبار العيم بالديرة... وله حسينية مشهورة... أعز واحد من ربعه كان بدوي سني... كنت أضحك لما كان رفيج يدي يقط علي كلمات إيرانية كل ما شافني... كلمات تعلمها من جدي... رفيج يدي ملتحي... وإذا سمع إن واحد يفريجهم يدخن شخله شخال... بس دوم يقول لي وواهو يبتسم إني ما لحقت على المطربة الإيرانية جوجوش وإهي صغيرة!!!
تبي الصراحه عجيب هالبدوي السني لازم لازم أشوفه
والله يطول بعمر جدك وصاحبه وأبوك وعمرك وأهلك جميع على الخير والمحبه :وردة:
10 يافطة الرفاعي
مدري وش دخل الشيخ الرفاعي بالموضوع الله يطول عمره على الخير والمحبه :وردة:
11 المتخلف اللي إرتكب الجريمة الأخلاقية قبل لا تكون دينية (الخبر المنشور فوق) قظبوه وعاقبوه بالقانون.
من يسب أم المؤمنين عائشه رضي الله عنها ويسب أمير المؤمنين عمر بن الخطاب رضي الله عنه عن طريق كتابه على الجدران
متخلف جميل :وردة:
12 أبوي حذرني من اللعن... لكني بلعن هالمرة وأقول... الله يلعن من أوقظ هالفتنة
بالنيابه عنك انا أشكر أبوك :وردة:
13 وبالأخير أطلب منكم السماح... ومن الله يسامحكم!
اللهم امين وياك :وردة:
14 أخي الفاضل...
انا ما راح اطلب منك شي... بس إنك تحط نفسك مكاني ولو للحظة وحدة... شخص متخلف يكتب عبارات مسئية بنسبونه لي... مدرس مكانه مستشفى الأمراض العقلية يطق طالب لأسباب مذهبية واهو مدرس... هم ينسبونه لي... القلاف وسوالف أنا جدتي ما راح ترضى عليكم... هم ينسبونه لي... طبعا شلون بنسبونه لي... عن طريق مانشيتات "شيعي" و"شيعي"...
لكن إذا كانوا هالعصابة ما يمثلوني... ولا يمثلون إخواني وخواتي بالبيت... ولا ابوي... ولا كذا واحد من الشباب الشيعة اللي أعرفهم... شذنبنا! إحنا لو مو نتكلم... لو ننابح من اليوم لي باجر حتى جريدة الوسيط ما راح تعبرنا...
وما يطلع واحد شيعي مو صاحي... إلا وتلقاه أول شي على جريدة الوطن وعقبها يخصصون له ٣ حلقات على تو الليل مع خالد العبدالجليل...
( لو ننابح) <= لا ياعزيزي محشومين أنتم :وردة:
وصدقت مالكم أي ذنب ولايوجّه لكم أي تهمه بمافعله غيرك ولا أحد يلام على مافعله غيره :وردة:
15 وأنا ما أتهم الوطن بالعمل لصالح السنة... لكنها تعمل لصالح الطائفية وفقط الطائفية...
طيب لو إنّها تعمل لصالح أهل السنه والجماعه برأيك كيف راح تكون :وردة:
16 عندك خلاف معاهم... هاجمهم لمبادءهم وأفكارهم وتوجاتهم... وإحترمني أنا لمبادئي وأفكاري وتوجهاتي...
ياعزيزي ياحبيبي والله تعبنا وحنّا نوضح لكم المسأله ماهي مسأله مبدأ وفكر :وردة:
أنت لربّما تعلم ان الوهابيه يقصد بها الشيخ محمد بن عبدالوهاب الله يرحمه
لكن هل تعلم أن عقيدة هذا الشيخ هي عقيده جميع أهل السنه والجماعه !:وردة:
بما إنّك تقول إنّك من الدائره الخامسه أنا أقول لك لو سمحت أرسل لي رساله خاصه
ودي أقابلك أبيك تعلمني بما تحس فيه أنت وترى أنّني لا أحس فيه
وبوضح لك مامعنى تشدد فالدين عندنا
وأهم شيء عندي كما أن والدك علمك على أمور طيبه والله يطول بعمره وعمرك على الخير
ويهديني ويهديكم :وردة: والدي أول شيء حرص على تعليمي إياه هو الصدق
فأكره ما أرى شخص يكذب ولا أتهمك وستجدني صريح لدرجه لاتتوقعها :وردة:
