روحي فدى لمسلم البراك
عضو فعال
صباح الخير
الصراحه اليوم انصدمت بوجود خبر في جريدة الراي
وكان كل الكلام فيه غير صحيح من اول حرف لاخر حرف وانا راح اقول كل الحقيقه لتوصل للمعنين لوزارة الداخليه والصحه عشان يعرفون شنو صار بموقع الجريمه وانا شاهد عيان وكان بيني وبين الطاعن والمطعون خطوه وحده
وهذا كان مكتوب في جريدة الراي صباح اليوم
العميد طنا أنذر أسرة الجاني للمسارعة في تسليمه
ثأر لمقتل شقيقه بعد 7 سنوات بطعن شقيق مرتكب الجريمة في الصليبية
كتب عزيز العنزي |
لم تخمد نار الثأر في صدر مواطن رغم مرور سبع سنوات فحاول الثأر من قتلة شقيقه، محاولا طعن شقيق القاتل بسكين في منطقة الصليبية.
الشاب الذي قُتل شقيقه في عام 2004 على يد شاب يقبع حاليا بالسجن المركزي على خلفية القضية ذاتها، ظل طوال الاعوام السبعة يتربص بأشقاء القاتل رغبة منه في الظفر بالثأر، والانتقام ممن اهدروا دم شقيقه قبل 7 اعوام.
شقيق القتيل، استطاع بعد هذه السنوات من الانتظار - ان ينفرد امس بشقيق الجاني في منطقة الصليبية وسرعان ما اخرج من ملابسه سكينا كان يتأبطها دائما، في حالة تأهب لأخذ الثأر، ولم يكد يقترب من ضحيته، حتى اطلق المجني عليه صرخات الاستغاثة التي استجاب لها رجال امن الجهراء ومديرهم العميد محمد طنا، فوجدوا المجني عليه وقد اصيب بثلاث طعنات سريعة وجهها اليه الجاني، وهرب جريا على الاقدام متواريا عن الانظار.
رجال امن الجهراء نقلوا المصاب إلى مستشفى الفروانية لتلقي العلاج، ومشطوا المنطقة بحثا عن الجاني، فلم يعثروا له على اثر.
مدير امن الجهراء العميد محمد طنا امر رجاله بتسجيل جناية شروع بالقتل، ووجه انذارا شديد اللهجة إلى اسرة الجاني للمسارعة بتسليمه إلى مخفر منطقة الصليبية وتم اخطار مدير مباحث الجهراء العقيد سعد العدواني والذي تتبع خطى الجاني وضبطه على وجه السرعة.
رجال امن الجهراء وضعوا حراسة على غرفة الشاب «المطعون» في المستشفى لحين ضبط المتهم.
التعليق : وانا شاهد عيان ومبلغ العمليات ورحت شاهد للمخفر واقسم بالله ان كل ماقوله حقيقه ولا زودت حرف ولا نقصت حرف عشان الكل يعرف شنو صار بالضبط وكل الي مكتوب كلام فاضي وتلميع لبعض الشخصيات بوزارة الداخليه
الجريمه حصلت في صناعية الصليبه بجانب مغسلة الصفا لغسيل السيارات
انا كنت مع صديقي ياي زياره للكويت ضيف من خارج الكويت وكان يبي يغسل سيارته
انا كنت جالس على الكراسي خارج المغسله وصديقي يعاين سيارته مع عامل الغسيل
واذا فجاه وقف بجانبي شاب موكبير ولا صغير تقريبا عمره بالعشرين وضعهه مشبوه وكان حاط ايده تحت التي شرت من نايحه البطن ولااهتميت بالموضوع وخلال ثواني وقف وراي وشتكيت انا بالمووضوع لان كان وضعهه مشبوه وباين على ويهه مرتبك واسندت ظهري على زاوية الكرسي عشان اشوف الريال واذا فجاه عند وجود شخص يلبس دشداشه مقابله واذا يخرج سكيمة مطبخ من تحت ملابسه ويطعن بها الي لابش دشداشه طبعا بنفس الوقت انا وقفت من صدمة الموقف والذهول لان بيني وبينهم خطوه وحده وكان الدم يسيل واستمر الطاعن بالطعن سدد 3 ضربات في الظهر وكان المطعون يحاول ان يمسك بالطاعن ولاكن سدد له الطعنه الاخيره اهي ال افقدت المطعون توازنه حيث انه اختل توازنه وكان الطعن في عضلت الباي في اليد اليمنى واذا بالدم يسيل وانا اسمع الطاعن بين كل طعنه وطعنه يقول انت الي ذبحت اخوي من صدمت الموقف انا وقفت بمكاني لان احس انه فلم جدامي ماقدرت اسوي شي لان مهما كان الشخص فيه شوية رجمه ولاكن الي شفته جدامي ماكان فيه اي رجمه كان يسدد الطعنات كانه يسدد الطعنات لخروف ميت او قطعة لحم عشان يقطعها وبعد سقوط الضحيه مشى الطاعن بكل ثقه ووقار وضل يطالع يمين ويسار ولاكان في شي صاير وماسك السكين وبمسافه ليست بقريبع وقف القاتل يشاهد المطعون واهو ساقط على الارض ينزف انا لحقت وراه واذا يركب سياره نوعها كريسيدا لونها ابيض وسجلت رقم السياره وبنفس الوقت اتصلت على العمليات وردت علي الموظفه قلت لها ابي اسعاف بسرعه لصناعيه الصليبيه واذا ترد علي لحضه وبعد دقيقه يرد علي واحد يقولي شنو صاير اقوله مشاجره وابي اسعاف الريال ينزف قالي الحين توصل الاسعاف وبعد الحاح الموجودين خوفا من تاخر الاسعاف قرر احد الموجودين اسعاف المطعون واذا بعد 5 دقايق يتصل علي الاسعاف يقولي حدد مكانك اقوله بالصناعيه يقولي وين صايره الصناعيه( سايق اسعاف مايعرف وين صايره الصناعيه)
المهم وبعد حوالي ربع ساعه وصلت الاسعاف وقلت لهم ان المطعون اسعف للمستوصف واذا يسألني وين صاير المستوصف ( خوش سايق اسعاف مايعرف المستوصف وين صاير)
واوقف له المستوصف وين صاير واذا بنفس الوقت تمر السياره الي ركب فيها الطاعن بنفس مكان الجريمه وبنفس الوقت اتصل علي شخص من العمليات يقولي بلغت على مشاجره وين صايره وشنو الي صار قلت له ان المطعون اسعفناه للمستوصف والقاتل هرب بسياره ولحين رجعت السياره لنفس مكان الجريمه وذا يرد علي برد صدمني يقولي ماعندي صلاحيات احضر مدام لاوجود لطرفين بالمشاجره قلت له تعال السياره الي انحاش فيها موجوده بالصناعيه يقولي روح المخفر بلغ ولا احد من اقارب المطعون يبلغ عشان احضر قلت له انت من صجكك يقول اي ماحضر الى اذا كان في بلاغ من المخفر وانا من العمليات ماعندي صلاحيات قبض عندي صلاحيات احضر للمشاجره ولحين فكت المشاجره ( خوش شرطه الصراحه )وبعد نص ساعه ترقيبا يتصل علي المخفر يقولي انت بلغت عن مشاجره قلت له اي قالي شنو صار قلت له خلصت ولو الريال ميت جان شبع موت وانتو للحين محد حضر رد علي بكل برود والله توني اشوف البلاغات والبلاغ توه واصلني متاخر
ورحت للستوصف عشان اتطمن على المطعون واذا توهم بيركبونه الاسعاف وقلت حق المطعون لاتحاتي تطمن ترى رقم السياره الي نحاش فيها عندي بس انت شد حيلك شوي ولحين بتروح المستشفى و ان شاء الله مافي الى كل خير
واذا بنفس الوقت سايق الاسعاف يٍٍسألني يقولي شلون اطلع لمستشفى الفروانيه ( ياوزير الصحه صراحه خوش اسعاف عندكم ) قلت له امشي وراي وانا اوديك الفروانيه
المهم وصلنا للفروانيه وادخل الريال العنايه وقبل لايدخل اخذت منه ارقام لااقرب الناس له واتصلت عليهم محد يرد وكان تلفون المطعون موجود عندي واذا يرن تلفونه وارد عليه ولا اسمع صوت ياهل صغير والله عور قلبي يقول بابا وينك والله بغيت ابجي من كلمة الياهل قلت له بابا منو عندك عطني الي عندك واذا بوحده ترد علي قلت لها ابي ريال يكلمني عطيني اي ريال عندج ابي اكلمه واذا تصارخ تقولي شنو في قلت لها مافي شي بس عطيني اي احد غيرج اخو صاحب التلفون واذا ترد علي تقولي انا زوجته وماعندي احد قلت لها صاحب التلفون الحين بالمستشفى موجود بسبب مشاجره بسيطه ومافي الى كل خير ابي اي احد من اخوانه يحضر للمستشفى عشان يكمل اجراءات التحقيق وبعد فتره اتصل علي نسيبه وحضر للمستشفى وأستاذنت من عنده اني بروح وان شاء الله راح اتصل عليه عشان اتطمن على المطعون
* طبعا الموضوع طويل ولاكن انا بس حبيت ابين لكم شنو التخبط الي صاير بوزارة الداخليه والصحه
مني لوزير الداخليه والصحه لو الريال ميت منو الي يتحمل ؟؟
*العميد طنا أنذر أسرة الجاني للمسارعة في تسليمه
ياوزير الداخليه لاكن طنا ولاغيره بالمخفر غير حوالي 4 افراد واثنين من المباحث لغاية الساعه1 بالليل
*رجال امن الجهراء نقلوا المصاب إلى مستشفى الفروانية لتلقي العلاج، ومشطوا المنطقة بحثا عن الجاني، فلم يعثروا له على اثر.
محد مشط ولا شي انا وضحت كل شي فوق
واعتذر عن الاطاله
الصراحه اليوم انصدمت بوجود خبر في جريدة الراي
وكان كل الكلام فيه غير صحيح من اول حرف لاخر حرف وانا راح اقول كل الحقيقه لتوصل للمعنين لوزارة الداخليه والصحه عشان يعرفون شنو صار بموقع الجريمه وانا شاهد عيان وكان بيني وبين الطاعن والمطعون خطوه وحده
وهذا كان مكتوب في جريدة الراي صباح اليوم
العميد طنا أنذر أسرة الجاني للمسارعة في تسليمه
ثأر لمقتل شقيقه بعد 7 سنوات بطعن شقيق مرتكب الجريمة في الصليبية
كتب عزيز العنزي |
لم تخمد نار الثأر في صدر مواطن رغم مرور سبع سنوات فحاول الثأر من قتلة شقيقه، محاولا طعن شقيق القاتل بسكين في منطقة الصليبية.
الشاب الذي قُتل شقيقه في عام 2004 على يد شاب يقبع حاليا بالسجن المركزي على خلفية القضية ذاتها، ظل طوال الاعوام السبعة يتربص بأشقاء القاتل رغبة منه في الظفر بالثأر، والانتقام ممن اهدروا دم شقيقه قبل 7 اعوام.
شقيق القتيل، استطاع بعد هذه السنوات من الانتظار - ان ينفرد امس بشقيق الجاني في منطقة الصليبية وسرعان ما اخرج من ملابسه سكينا كان يتأبطها دائما، في حالة تأهب لأخذ الثأر، ولم يكد يقترب من ضحيته، حتى اطلق المجني عليه صرخات الاستغاثة التي استجاب لها رجال امن الجهراء ومديرهم العميد محمد طنا، فوجدوا المجني عليه وقد اصيب بثلاث طعنات سريعة وجهها اليه الجاني، وهرب جريا على الاقدام متواريا عن الانظار.
رجال امن الجهراء نقلوا المصاب إلى مستشفى الفروانية لتلقي العلاج، ومشطوا المنطقة بحثا عن الجاني، فلم يعثروا له على اثر.
مدير امن الجهراء العميد محمد طنا امر رجاله بتسجيل جناية شروع بالقتل، ووجه انذارا شديد اللهجة إلى اسرة الجاني للمسارعة بتسليمه إلى مخفر منطقة الصليبية وتم اخطار مدير مباحث الجهراء العقيد سعد العدواني والذي تتبع خطى الجاني وضبطه على وجه السرعة.
رجال امن الجهراء وضعوا حراسة على غرفة الشاب «المطعون» في المستشفى لحين ضبط المتهم.
التعليق : وانا شاهد عيان ومبلغ العمليات ورحت شاهد للمخفر واقسم بالله ان كل ماقوله حقيقه ولا زودت حرف ولا نقصت حرف عشان الكل يعرف شنو صار بالضبط وكل الي مكتوب كلام فاضي وتلميع لبعض الشخصيات بوزارة الداخليه
الجريمه حصلت في صناعية الصليبه بجانب مغسلة الصفا لغسيل السيارات
انا كنت مع صديقي ياي زياره للكويت ضيف من خارج الكويت وكان يبي يغسل سيارته
انا كنت جالس على الكراسي خارج المغسله وصديقي يعاين سيارته مع عامل الغسيل
واذا فجاه وقف بجانبي شاب موكبير ولا صغير تقريبا عمره بالعشرين وضعهه مشبوه وكان حاط ايده تحت التي شرت من نايحه البطن ولااهتميت بالموضوع وخلال ثواني وقف وراي وشتكيت انا بالمووضوع لان كان وضعهه مشبوه وباين على ويهه مرتبك واسندت ظهري على زاوية الكرسي عشان اشوف الريال واذا فجاه عند وجود شخص يلبس دشداشه مقابله واذا يخرج سكيمة مطبخ من تحت ملابسه ويطعن بها الي لابش دشداشه طبعا بنفس الوقت انا وقفت من صدمة الموقف والذهول لان بيني وبينهم خطوه وحده وكان الدم يسيل واستمر الطاعن بالطعن سدد 3 ضربات في الظهر وكان المطعون يحاول ان يمسك بالطاعن ولاكن سدد له الطعنه الاخيره اهي ال افقدت المطعون توازنه حيث انه اختل توازنه وكان الطعن في عضلت الباي في اليد اليمنى واذا بالدم يسيل وانا اسمع الطاعن بين كل طعنه وطعنه يقول انت الي ذبحت اخوي من صدمت الموقف انا وقفت بمكاني لان احس انه فلم جدامي ماقدرت اسوي شي لان مهما كان الشخص فيه شوية رجمه ولاكن الي شفته جدامي ماكان فيه اي رجمه كان يسدد الطعنات كانه يسدد الطعنات لخروف ميت او قطعة لحم عشان يقطعها وبعد سقوط الضحيه مشى الطاعن بكل ثقه ووقار وضل يطالع يمين ويسار ولاكان في شي صاير وماسك السكين وبمسافه ليست بقريبع وقف القاتل يشاهد المطعون واهو ساقط على الارض ينزف انا لحقت وراه واذا يركب سياره نوعها كريسيدا لونها ابيض وسجلت رقم السياره وبنفس الوقت اتصلت على العمليات وردت علي الموظفه قلت لها ابي اسعاف بسرعه لصناعيه الصليبيه واذا ترد علي لحضه وبعد دقيقه يرد علي واحد يقولي شنو صاير اقوله مشاجره وابي اسعاف الريال ينزف قالي الحين توصل الاسعاف وبعد الحاح الموجودين خوفا من تاخر الاسعاف قرر احد الموجودين اسعاف المطعون واذا بعد 5 دقايق يتصل علي الاسعاف يقولي حدد مكانك اقوله بالصناعيه يقولي وين صايره الصناعيه( سايق اسعاف مايعرف وين صايره الصناعيه)
المهم وبعد حوالي ربع ساعه وصلت الاسعاف وقلت لهم ان المطعون اسعف للمستوصف واذا يسألني وين صاير المستوصف ( خوش سايق اسعاف مايعرف المستوصف وين صاير)
واوقف له المستوصف وين صاير واذا بنفس الوقت تمر السياره الي ركب فيها الطاعن بنفس مكان الجريمه وبنفس الوقت اتصل علي شخص من العمليات يقولي بلغت على مشاجره وين صايره وشنو الي صار قلت له ان المطعون اسعفناه للمستوصف والقاتل هرب بسياره ولحين رجعت السياره لنفس مكان الجريمه وذا يرد علي برد صدمني يقولي ماعندي صلاحيات احضر مدام لاوجود لطرفين بالمشاجره قلت له تعال السياره الي انحاش فيها موجوده بالصناعيه يقولي روح المخفر بلغ ولا احد من اقارب المطعون يبلغ عشان احضر قلت له انت من صجكك يقول اي ماحضر الى اذا كان في بلاغ من المخفر وانا من العمليات ماعندي صلاحيات قبض عندي صلاحيات احضر للمشاجره ولحين فكت المشاجره ( خوش شرطه الصراحه )وبعد نص ساعه ترقيبا يتصل علي المخفر يقولي انت بلغت عن مشاجره قلت له اي قالي شنو صار قلت له خلصت ولو الريال ميت جان شبع موت وانتو للحين محد حضر رد علي بكل برود والله توني اشوف البلاغات والبلاغ توه واصلني متاخر
ورحت للستوصف عشان اتطمن على المطعون واذا توهم بيركبونه الاسعاف وقلت حق المطعون لاتحاتي تطمن ترى رقم السياره الي نحاش فيها عندي بس انت شد حيلك شوي ولحين بتروح المستشفى و ان شاء الله مافي الى كل خير
واذا بنفس الوقت سايق الاسعاف يٍٍسألني يقولي شلون اطلع لمستشفى الفروانيه ( ياوزير الصحه صراحه خوش اسعاف عندكم ) قلت له امشي وراي وانا اوديك الفروانيه
المهم وصلنا للفروانيه وادخل الريال العنايه وقبل لايدخل اخذت منه ارقام لااقرب الناس له واتصلت عليهم محد يرد وكان تلفون المطعون موجود عندي واذا يرن تلفونه وارد عليه ولا اسمع صوت ياهل صغير والله عور قلبي يقول بابا وينك والله بغيت ابجي من كلمة الياهل قلت له بابا منو عندك عطني الي عندك واذا بوحده ترد علي قلت لها ابي ريال يكلمني عطيني اي ريال عندج ابي اكلمه واذا تصارخ تقولي شنو في قلت لها مافي شي بس عطيني اي احد غيرج اخو صاحب التلفون واذا ترد علي تقولي انا زوجته وماعندي احد قلت لها صاحب التلفون الحين بالمستشفى موجود بسبب مشاجره بسيطه ومافي الى كل خير ابي اي احد من اخوانه يحضر للمستشفى عشان يكمل اجراءات التحقيق وبعد فتره اتصل علي نسيبه وحضر للمستشفى وأستاذنت من عنده اني بروح وان شاء الله راح اتصل عليه عشان اتطمن على المطعون
* طبعا الموضوع طويل ولاكن انا بس حبيت ابين لكم شنو التخبط الي صاير بوزارة الداخليه والصحه
مني لوزير الداخليه والصحه لو الريال ميت منو الي يتحمل ؟؟
*العميد طنا أنذر أسرة الجاني للمسارعة في تسليمه
ياوزير الداخليه لاكن طنا ولاغيره بالمخفر غير حوالي 4 افراد واثنين من المباحث لغاية الساعه1 بالليل
*رجال امن الجهراء نقلوا المصاب إلى مستشفى الفروانية لتلقي العلاج، ومشطوا المنطقة بحثا عن الجاني، فلم يعثروا له على اثر.
محد مشط ولا شي انا وضحت كل شي فوق
واعتذر عن الاطاله
