سؤال وجواب منو يعرف خطابه ثقة جزاه الله خير ؟

m00-n

عضو جديد
طبعا الخطبه عن طريق الاهل احسن شي .. بس فيه عوايل معارفهم قليل او لظرووف اخرى يلجئوون للخطابه ..

بس المصيبه الي يسجل عند خطابه ولايسأل ولايتأكد ولا شئ .. الخطابه وسيط تنقل كلامك
لهم وكلامهم لك ..

وتلقاه قاعد وساكت ومسلم امره للناس يجذبون عليه مثل مايبون .. لاتزوج وطاح الرأس بالفاس

قال والله هذيلا شر وبلا ياخوي انت وينكــ ؟؟؟

انتم اسالوا عدل شوفوا البنت ، طرشوا اهلكم يشوفونها مره او مرتين اسالوا عن سنة ميلادها بالضبط .. اسالوا وين اداوم روح دوامها شوفها .. اسالوا عن كل شئ ..

يعني هذي غريبه عنكم مو من جماعتكم لازم تسألون عنها عدل الخطابه وسيط بس ..

والله بعض الناس يرفعووون الضغط :(

والي يدفع مقدم ؟ دافع مقدم لشنو ؟

ياجماعة الخير خلكم واعين .. مايصير جذيه :confused:
 

m00-n

عضو جديد
قبل ان تكلمــ الخطابه تذكــر..

قبل ان تكلمــ الخطابه تذكــر..

* الخطابة إنما هي وسيط بين طرفين تنقل لك مايقوله الطرف الآخر،، فلا تصدق ولا تكذب كلامها ،،


* التوكل والاعتماد على رب العباد سبحانه ،، والخطابة هي فقط سبب لا نعلق عليه أمل ولا رجاء بل نجعل رجاءنا في ربنا سبحانه وتذكر انه سبحانه المعطي والمانع وكل شئ بقضاء وقدر،،


* بعض الخطابات قد تطلب من البنت ان يكلمها الرجل الخاطب بحجة التعارف فارفضي وتذكري من يتق الله يجعل له مخرجا،،


* بعض الخطابات قد تطلب من البنت صورة فارفضي أيضا واخبريها ان لامانع عندك من رؤية امرأة من طرف الرجل ،، أو يتقدم الى اهلك وأذا وافقوا عليه يطلب منهم ان يراكـ ،،


* حينما يتقدم لك الخاطب سواء من طريق الخطابة او من غيرها استخيري وأكثري من الإستخارة وسؤال الله التوفيق وحسن العاقبة،،


* استخيروا قبل الاتصال على الخطابات واسأل الله ان يسخر لك عباده الصالحين ويسخرك لهم ،،


والله يوفق الجميع لما يحب ويرضى،،




(منقول للفائدة..)
 

شمري كويتي

عضو مخضرم
لا تتعاملون مع خطاب او خطابة

ياخذ عربون او مقدم

تعاملوا فقط مع الخطاب او الخطابة

اللي ياخذون اتعابهم بعد اتمام الزواج

وبشرط ماياخذون ولا فلس قبل عقد الزواج

تعطيه حقه اللي شرطه عليك بعد استلامك عقد الزواج

وفي خطابين ملتزمين ويخافون الله سبحانه وتعالى

بس عددهم قليل جدا ولازم تتعب علشان تلقاهم

يمكن واحد او اثنين في الكويت كلها
 

حرف ومعني

عضو فعال
الزواج عن طريق الخطابة آمر غير مضمون واغلب الي اعرفهم تزوجوا عن طريق خطابات ماتوفقوا
والسبب ان الخطابة ماتعطيك كل شي عن البنت يعني مو نفس اهلك الي اكيد ماراح يغشونك
لان مهما كان الخطابة هدفها التكسب المادي من الطرفين وشي طبيعي تبي تمدح الرجل للمرأة
وتبي تمدح المرأة للرجل بغض النظر عن عيوبهم الظاهرة وغير الظاهرة وماكو افضل من زواج الأهل.
 

شيخة

عضو جديد
منو يعرف خطابه ثقة ومضبوطة وسمعتها طيبه ؟ جزاه الله خير وبارك الله فيه
السلام عليكم
انا ارشح الخطابة ام عمر وعن تجربة
واللي خلاني اثق فيها بالزايد انها ماتاخذ اتعاب ولا شي بس لوجه الله
واتعامل اللي يقدمون طلب عندها مثل عيالها جزاها الله خير
وهذا رقمها
50744253
 

آصال

عضو بلاتيني
انا بصير خطابه عندي بنات لي الراس بيتزوجون كويتيه وغير كويتيه بعد حياكم خاص صج ما اتغشمر بس رجاءا اللي عنده مره وعيال لا يعيش الدور هالكلام حق العزابيه
 

Gori

عضو
صج مو رياجيل الا فقط اشباه الرجال
اخر زمن تبون الحريم تصرف عليكم وانتوا بس قاعدين همكم بس الفراش معتبرين المرأة سلعة عندكم للوناسة وواجباتكم ناسيها الي الرسول صلى الله عليه وسلم وصى بالمرأة إنكم تصرفون عليها وانتوا هالجيل ما يهمكم غير حقوقكم وبس الي هي متعة الفراش اما الواجبات لاااا

حسبي الله عليكم
 

سايروس

عضو بلاتيني
صج مو رياجيل الا فقط اشباه الرجال
اخر زمن تبون الحريم تصرف عليكم وانتوا بس قاعدين همكم بس الفراش معتبرين المرأة سلعة عندكم للوناسة وواجباتكم ناسيها الي الرسول صلى الله عليه وسلم وصى بالمرأة إنكم تصرفون عليها وانتوا هالجيل ما يهمكم غير حقوقكم وبس الي هي متعة الفراش اما الواجبات لاااا

حسبي الله عليكم
افا مينو مزعلج بس
ذكري الله قولي لا إله إلا الله
اكيد الغباشي مالج ( اقصد زوجج بعلج )
ماعليه ازمة واتعدي ان شاء الله
 
أعلى