بسم الله الرحمن الرحيم ..
بختصر عليكم الموضوع .. وصلني اتصال من أخوي معاق الساعة 7 صباحا
يقول دورلي واسطة بالمجلس الأعلى !!! قلت ليش قال انا الحين عندهم وما فيه ارقام !!!
طبعا الساعة 7 قل اتعذر واقول كله منك متأخر ... يقول الناس اللي حاطين أسمائهم
بالورقة بالترتيب يقولون مصلين الفجر هنيه .... !!! الله وأكبر مصلين الفجر هنيه ... !!
قلت شكووو ... قال من جانا التمار صاروا ما يستقبلون الا 200 مراجع باليوم
وبسبب تكدس المعاملات وعدم تخليصها تراكمت معاملات الناس ...
يقول .. اذا اليوم حصلت رقم وقالولك تعال الاسبوع القادم مثلا .. راح تمر بنفس المشكلة
كل ما حبيت تراجع ....
يعني المعاق في جميع مأسسات الدولة <--- ( ان شاء الله مو بدلية ) يتم معاملته معاملة
انسانية وبكل رقي واحترام ( إلا ) في المجلس الأعلى للمعاقين في إدارة الدكتور التمااار .
اللي يزيد الطين بلّه ... ان في ورقة مثبته على الطوفة مكتوب فيها
وقت المراجعه من الساعة ( 8 - 12 ) فقط ..... !!!! معقولة ...
ويزيد على ذلك ان في موظف صارخ على الناس في احدى المرات ( تبونا نشتغل وقت اكثر
كلموا المسؤلين خلوهم يحطون لنا كادر ) .... معقولة يستخدوم الضغط على المعاقين
علشان يمر كادرهم ... !!!!
المأساة الأن انه اتصل فيني الساعة 7:30 يقول صارت فوضى قام عسكري من الداخلية
بتمزيق الورقة اللي كتبوا المراجعين اسمائهم عليها علشان ياخذون ارقام بالدور
وقال انا ما اعترف فيها .. وطرد الموظف المصي اللي يوزع الارقام وقاله انا اوزع الارقام ...
واخوي داخل هذه الفوضى يقول فيه اولياء امور وفيه مراجعين راح حقهم ...
يا جماعه المعاق وين ياخذ حقه !!! المجلس الأعلى جحيم المعاقين ..
وهو مبنى معاق اصلا .. أخوي تخيل اننا نتساعد علشان نصعد الدرج ..