تكفون دشو اقرو الموضوع والي يقدر يوصل صوتي خل يوصله للمسؤل وبسرعه مجتمعنا قاعد يضيع

[آل باتشينو]

اللهم لا تؤاخذنا بما فعل السفهاء منا


اخوي صور العماره وانشر الصور بالمنتدى عشان تبقى فضيحته بجلاجل صاحب المكان


الكويت تغيرت أقسم بالله من عقب مسلسلات الفجور والدعارة التي تبثها المعلمه تختوخه لا بارك الله فيها

 

[فريمان]

السلام عليكم ​

في البداية اترجاكم تقرون الموضوع كله تكفون اقروه كله والله بقلبي كلام علي من موقف شفته آلمني حييييييل والله البلد قاعد تضيع والله العظيم شي مهول الي شفته اليوم يا جماعة الخير شلي قاعد يصير الله ياخذ هالحرية والي قاعد تسويه بكويتنا الحبيبه​

بحاول كثر ما أقدر اختصر كلامي الي والله من اول ماشفت الموقف الي بتكلم عنه وعلي طول قلت مالي غير الشبكة الوطنيه الحره الي ان شاء الله توصل صوتي حق الجههة المسؤله​

وطول الطريج بس افكر شكتب وشقول وشخلي وشوصف المنظر الي شفته ​

اليوم بعد صلاة العشا توجهة مع شباب الي قهوة عشان نتابع مباراة وللاسف كنا معزومين بقهوة بالسالمية ما بعمري دخلتها المهم اهي صايره بعمارة تتكون من 10 ادوار في كل دور قهوة واتوقع الكثير يعرفها لانه كان فيها ازدحام مو طبيعي المهم رحنا وقعدنا باحد هالادوار وشفت العجب العجاب وما كاني عايش بالكويت والله شي مؤسف جدا الفكر الليبرالي قاعد يسود واحنا مشغولين باستجواب وسياسه ووووو والمجتمع قاعد يضيع مع الاسف​

المهم قعدت وكان بداية الموقف الي ستغربت منه انه كانت خلط بنات وشباب مع بعض قلت عادي شوي ول يقومون يرقصون هالبنات والشباب وطبعا اللبس جدا فاضح الله يستر عليهم استغربت وكاني بديسكو وطبعا القهوه صوت الاغاني فيها جدا صاخب والاضاءة حيل هافته شوي ول زاد الوضع الكل قام يرقص وكل واحد ماسك كاس اظن فيه مواد مسكره ورقص ومصخره لابعد الحدود والي زاد الطيب بله بعض البنات يقعدون بحضن الشباب وعمليه القبل وهالسوالف شي مهووول وطبعا اللبس جدا فاضح وقصير وبعضهم يدشون منغبات شوي وقطون كل شي ويلبسون لبس مخزي جدا وفي احد الزوايا امراه كبيرة بالعمر ماسكه شيشه وحاوليها شباب واكاد اجزم انها السمساره والعياذ بالله... كثر ماراح اتكلم واقول ماراح اقدر اوصف المنظر البشع الي شفته ​

سؤالي وين وزارة الداخلية عن هالموضوع ؟​

للاسف سالت الشخص الي كان عازمنا يقولي عادي مو مكان عام ؟؟ هل صحيح هالكلام​

مع العلم انا ماني مطوع ولاني دين واتشرف اكون مطوع بس عشان تعرفون اني ماني متشدد بالعكس اسافر واستناس وكل شي بس ماكنت بيوم من الايام اتخيل اني بشوف هالمنظار بديرتنا الحبيبه الكويت​

والمؤسف المخزي اغلب الشباب الموجودين مراهقين مابين ال 16 و 20 سنه وين اهاليهم ماني عارف​

والله ياجماعه ماني عارف شقول بس ماقول غير حسبنا الله ونعم الوكيل عليهم ​

وتقولون ليش ماينزل علينا المطر وليش هالعواصف والاغبار ووو​

لاحول ولا قوة الا بالله​

والشي الي هم احزني اكثر واكثر وانا طالع بالاصنصير ول جم واحد من دولة خليجية قريبه علينا ​

واسمعهم يقولون فله الكويت احلي من البحرين ومستانسين ويتبوطحون حست فيهم شي والله ما ارضاها علي ديرتي وشي مؤلم جدا ​

ياجماعة انا ما اقدر اسوي شي غير اني ادعي الله يهديهم بس لازم واحد يوصل صوتي لاصحاب الاختصاص يشوفون حل مع هالمواضيع الخطيره جدا​

فتخيل الله لا يقول يكون احد هالشباب الصغار واحد من اهلك يسحبونه اصحاب السوء الي هالاماكن​

تخيل اييونك ناس من دول غريبه من اجل الدعاره في بلدك والله اكبر عار علي جبينا اذا سكتنا علي هالمواضيع ​

واترك لكم التعليق واتمني الي فعلا يقدر يسوي شي يسوي كل الي يقدر عليه ولو يبي يروح يشوف خيروح وصدقوني بينصدم من الي بشوف وماراح يصدق انه بالكويت ​

الله يحفظ الكويت واهلها من كل مكروه​

شموديك هناك ...ليش رايح دام ان المكان على قولتك مكان دعارة ....ليش رايح .....وراجع لنا تصارخ ......ليش مارحت المخفر على طول وبلغت عن الدعارة والسكارى اذا انت فعلا صادق في كلامك ....ليش تركت المسجد والصلاة وبدلا منها قعدت في ادوار الدعاره ...وشنو قاعد تسوي ؟؟ عن ماذا تبحث ؟؟؟

اللي شفته موجود في كل مكان في الدنيا حتى في اطهر الاماكن المقدسة وفي كل الازمان حتى في وقت الرسول كان هناك نسوة يطلق عليهن صاحبات الرايات الحمراء .

كان من المفروض ان تذهب الى المسجد لتصلي لا الى اماكن الدعارة التى اسميتها .

مشكلتكم هي النفاق تقولون ما لاتفعلون وتفعلون عكس ما تقولون !!!!

 

[الزائر الاخير]

الله يرحم الشيخ سعد العبدالله


رجل دوله

 

[الشكوي-لله]

وزارة الداخليه بكل اداراتها مشغوله بساحه الصفاة ومطوقينها مو فاضين لمثل هالسوالف ؟​

مع احترامي الكامل لك

هذا مو رد واحد معارض علي الكلام الي قلته بل رد واحد راضي بالوضع وقاعد يحاول يشتت الموضوع ... شكو هذا بهذا

يعني الي يبي يبوق يبوق والي يبي يقتل يقتل عادي ماكو داخلية مشغولة !!

لا يبا موجودين ويدرون والي عرفته انه هالوضع صارله سنين وبنين ومحد تكلم الكل ساكت

مع كامل احترامي لك ​

 

[عالي مستواه]

ومع الاسف هو انسان ملتحي ويدعي انه دين ​

الله يصلح الحال بس ​

كلامك جدا طيب وممكن يمر ويلقى اذن صاغيه ويمكن لا ،،،
المهم ليش ما طلعت موبايلك واخذتلك لقطه على الماشي وحطيتها بعنوان مثير ،،ينقلون ثقافتهم الى بلدي ،، وتختصرلك كل شي ،،فاللي فيه دبكه هز رقص يروح ،،مفتوحه له بلده يعمرها على كيفه ،،،واللي يبيه يتبعه ..

 

[الشكوي-لله]

اللهم لا تؤاخذنا بما فعل السفهاء منا


اخوي صور العماره وانشر الصور بالمنتدى عشان تبقى فضيحته بجلاجل صاحب المكان


الكويت تغيرت أقسم بالله من عقب مسلسلات الفجور والدعارة التي تبثها المعلمه تختوخه لا بارك الله فيها

والله كنت بصور بس من باب الستر ماصورت

تخيل من كثر بشاعة المناظر ممكن لو صورت استحي انزل الصور بالمنتدي

والله لو فعلا انزل الكل بقولي هذا مو هنية بالكويت هذا باحد اليدسكوات باحد الدول لا وديسكو قليل ادب بعد لان هني افعال مخله بالاداب واشياء تشيب الراس ​

 

[آل باتشينو]

شموديك هناك ...ليش رايح دام ان المكان على قولتك مكان دعارة ....ليش رايح .....وراجع لنا تصارخ ......ليش مارحت المخفر على طول وبلغت عن الدعارة والسكارى اذا انت فعلا صادق في كلامك ....ليش تركت المسجد والصلاة وبدلا منها قعدت في ادوار الدعاره ...وشنو قاعد تسوي ؟؟ عن ماذا تبحث ؟؟؟

اللي شفته موجود في كل مكان في الدنيا حتى في اطهر الاماكن المقدسة وفي كل الازمان حتى في وقت الرسول كان هناك نسوة يطلق عليهن صاحبات الرايات الحمراء .

كان من المفروض ان تذهب الى المسجد لتصلي لا الى اماكن الدعارة التى اسميتها .

مشكلتكم هي النفاق تقولون ما لاتفعلون وتفعلون عكس ما تقولون !!!!

اولاً صاحب الموضوع ذكر انه راح للمقهى للمرة الأولى مع اصحابه ( يعني ما كان يدري )

ثانياً المباراة بعد صلاة العشاء

ثالثاً الأخ طرح المشكلة على اكبر تجمع كويتى على شبكة الأنترنت لمناقشة هذه الظواهر الشيطانية


رابعاً والله أعلم ان اللي حصل عاجبك

 

[بوشوق الشعبي]

للاسف مارحت مو عشان اني مؤيد حق الي قاعد يسويه لا بالعكس معارض .. بس ما حصل ل اسباب خاصه​

اخوي انا بعاتبك لانك كويتي وكلنا اخوان وشعب على قلب واحد سواء سنه والا شيعه على عدم حضورك

اوضاع البلد بالنازل والفساد انتشر واغذية فاسده وتلوث بيئي من المصانع وغير القروض وفوائدهم اللي نصبو علينا وعدم تطبيق القانون على المخالفين بس يشيلون حدائق البيت والدوانيات للمواطنين اللي بيوتهم على قدهم

والقهاوي مو بس اللي شفتها فيها فساد لا احب اقولك المتنفذين صارو ما يردون على احد شاليهات وجزر فيها بلاوي ومفاسد ما تطري على بالك وغير العمارات يملكها ناس معروفة وعلى عينك يا تاجر
وصرنا في ديرتنا اغراب والله الشوارع صارت كلها وافدين

والبلاوي واجد

احرص على حضورك الجمعه علشان نوصل رسالة اننا اكثر من الالفين كويتي اللي موعاجبينه ورسالتنا له اما اصلاح اوضاع الكويت والا ارحل وصدقني برئاسة وزراء جديد ووزراء جدد ومع بعض الاعضاء الشرفاء راح تتعدل ديرتنا

والله يحفظ الكويت

 

[.. عصآمية *]

بالعكس اسافر واستناس وكل شي بس ماكنت بيوم من الايام اتخيل اني بشوف هالمنظار بديرتنا الحبيبه الكويت


​

كان من المفروض ان تذهب الى المسجد لتصلي لا الى اماكن الدعارة التى اسميتها .

مشكلتكم هي النفاق تقولون ما لاتفعلون وتفعلون عكس ما تقولون !!!!

سؤال و جواب ،‘

:وردة:

للأسف !

 

[AlBadel]

الله المستعان

ـــــــــــــــــــــ
تـــــــوقيع مـــــــؤقت ومخــــــــصص لصــــــاحب الســـــــــمو لحــــــين عـــــــودته حفــــــظه الله

بـــــــإسم الشــــــــبكة الوطـــــــــنية .. أعــــــــضاء وأقــــــــلام تعـــــــشق شـــــــخص صـــــــياح الأحــــــمد رمـــــــز الأنــــــــسانية
ويـــــنك رغـــم أخـــــتلافنا الوااااضح في كـل شــــيء ... ولكــــن للزمـــــاله حـــــقوق .. فالشــــــبكة بـــــإنتظارك ​

 

[الشكوي-لله]

شموديك هناك ...ليش رايح دام ان المكان على قولتك مكان دعارة ....ليش رايح .....وراجع لنا تصارخ ......ليش مارحت المخفر على طول وبلغت عن الدعارة والسكارى اذا انت فعلا صادق في كلامك ....ليش تركت المسجد والصلاة وبدلا منها قعدت في ادوار الدعاره ...وشنو قاعد تسوي ؟؟ عن ماذا تبحث ؟؟؟

اللي شفته موجود في كل مكان في الدنيا حتى في اطهر الاماكن المقدسة وفي كل الازمان حتى في وقت الرسول كان هناك نسوة يطلق عليهن صاحبات الرايات الحمراء .

كان من المفروض ان تذهب الى المسجد لتصلي لا الى اماكن الدعارة التى اسميتها .

مشكلتكم هي النفاق تقولون ما لاتفعلون وتفعلون عكس ما تقولون !!!!

اولا انا قلت اني كنت معزوم من صديق لي لنتابع مبارة وبعد صلاة العشاء يعني ماكان في صلاوات

الشي الثاني ماكنت ادري والشي الثالث بغض النظر انا ليش رحت وشعندي هناك

نبي حل حق هالقضية لا تكبر السالفه وتوصل حق اهلنا وعيالنا الله يستر عليهم يارب

والله شي مخجل اول شي قمنا نشوف بنت تشيش وتدخن وهالشي نال استغراب الكل وشوي شوي صارت القهاوي خلط وشوي قمنا نشوف لبس والعياذ بالله فيه قله الادب

والحين نشوف رقص ودعاره ووووو ووين راحين وشنو بصير بالمستقبل ووين بنوصل

وموضوع ليش مارحت المخفر اظن مالي حق لان علي كلام شخص معانا يقول هذا مكان عام وفي مباحث بس ما يتكلمون الا علي الخمر والمخدرات وباجي الاشياء مايقدرون يتكلمون عنها وهذي حرية شخصية الله ياخذها من حرية


واشكرك وصفتني بالنفاق ولو اني ولله الحمد اعرف نفسي

ولو فعلا كنت منافق جان كملت قعدتي هناك وواصلت وكل يوم قاعد اروح وما تعبت روحي وكتب موضوع والله عيني تدمع علي حال بلدي

اتق ربك فيني ولا تحط اللوم علي حط اللوم علي الساكت عن هالموضوع

شكرااا​

 

[حدي وطني]

ليش مستحي تقول مكان العمارة

بسوق السالمية القديم صح

هذي من سنة جدي موجودة ولا احد يقدر يحاسبهم

 

[فريمان]

اولاً صاحب الموضوع ذكر انه راح للمقهى للمرة الأولى مع اصحابه ( يعني ما كان يدري )

ثانياً المباراة بعد صلاة العشاء

ثالثاً الأخ طرح المشكلة على اكبر تجمع كويتى على شبكة الأنترنت لمناقشة هذه الظواهر الشيطانية


رابعاً والله أعلم ان اللي حصل عاجبك

لاتحاول (ترقّع له ) وتضع له التبريرات !!!

 

[فيصل المطيري2]

شسمها القهوه ومنو راعي العماره لازم ينفضح

ووالله لو يتجمعون لي صارت مصخره نكسر قهوتهم فوق روسهم

 

[الشكوي-لله]

سؤال و جواب ،‘

:وردة:

للأسف !

اتمني ما تدشين بالنوايا

صحيح اقولها وماني خايف من شي ما اخاف الا من ربي وانا معروف عني بالصراحه

اسافر واستناس بس ولله الحمد صلاتي ما اتركها واول باول

وترا لي رب اهو ال بحاسبني مو احد ثاني​

 

[آل باتشينو]

لاتحاول (ترقّع له ) وتضع له التبريرات !!!

ما يحتاج


الموضوع واضح وبإمكانك قرأته عشررين مليون مره وستجد ان كلامي صحيح

 

[الشكوي-لله]

شسمها القهوه ومنو راعي العماره لازم ينفضح

ووالله لو يتجمعون لي صارت مصخره نكسر قهوتهم فوق روسهم

والله يالمطيري مو قهوه وحده عمارة من 10 ادوار كل دور في اشياء مخله بالاداب اكثر من الدور الي فوقه

شي وكانك في عماره كلها ملاهي ليليه يعني لو تروح وتلقي نظره فعلا ماجنا بالكويت


ويطلقون علي القهاوي هذي الدور العاشر هذا الي عرفته وممكن اعطيكم العنوان بس تكفون وقفو هالمهزلة الي قاعد تصير​

 

[.. عصآمية *]

سبحان الله و بحمده ،، سبحان الله العظيم

 

[الشكوي-لله]

لاتحاول (ترقّع له ) وتضع له التبريرات !!!

اخي الفاضل انت شمزعلك ممكن اعرف

يا اخي انا طارح موضوع وعيني تدمع من المناظر الي شفتها وخايف علي ديرتي وعلي مجتمعنا من هذي الظواهر السلبية

ليش تحاول تشوش علي الموضوع

الله يهديك ان شاء الله وترا ما يهمني اتهامك اتهمني لي باجر راضي ومسامحك وعادي بس حاول تحلت هالمشكلة وتوصل صوتي حق المسؤل ويحطون حل حق هالموضوع

:وردة:​

 

[الشكوي-لله]

لاحول ولا قوة إلا بالله​

يارب زلزل الارض من تحتهم واحفظ لنا الكويت ​

ما اظن احد يرضاها حق الكويت ولا حق المجتمع ولا السمعه السيئة الي راح تنسب للكويت وشعبها من اناس اقل ما يقال عنهم ظالين ومرتدين عن الدين
​