مهزله جديده من وزارة الداخليه تفضلوا أقروا العجب العجاب

[خاص]

المشكله الحين يطلعونلك ناس يقولون مو صحيح هالكلام والمشكله انه ماكو مصدر كل واحد بالداخليه يطلع قوانين على كيفه ومحد يكلمهم يوقفك تفتيش ويسحب سيارتك بالقانون ماكو مشكله دفترك منتهي بس يقولك اذا عندك واسطه اطلعها شهالقانون يا تساوون الناس ولا لاتطبقونه على ناس وناس يعني شكلك مو عاجبه ويشوفك تتكلم بالتليفون او دفترك منتهي يسحب سيارتك واذا قلتله شهالظلم يرفع فيك تقرير ويقول انك تهاوشت معاه وانا صاره وياي شخصيا هالسالفه وقعده السياره اسبوعين مراجعات يالله اني طلعتها لو عندي سياره ثانيه كان خليتها

 

[بوصالح 777]

مصخره بصراحه
ماشبعو فلوس من جيب المواطن تروح تسدد مخالفاتك يطلع عليك 600-700 والله انهبونا
والحين سحب يعنى خمسينك وانقز
​

 

[wrx-48]

أنا أأيد هذا القرار ولكن السؤال هل ضباط وأفراد الداخلية سيلتزمون بهذا القانون الجواب طبعاً (( لا ))
القرار هذا يقلل نسبة الحوادث ونسبة الوفيات مع أن يجب أن تخرج قوانين بجانب هذا القانون مثل المعاكسات الشبابية وأغلاق الديسكوات والملاهي الليلية تحت أسم (( مقهى )) إلخ إلخ الله يكون بعونج يا كويت

عسى الله يهديهم ويهدينا معاهم

شاكر لك أخي الكريم على هذا النقل

 

[الشكوي-لله]

والله انا من وجهة نظري نعم مع تطبيق القانون وبكل صرامه علي وعلي غيري

ونبي قوانين صارمه جدا نفس دبي وغيرها من الدول المتقدمه

وبخصوص انها مو جريمة انا اشوف انها اكبر جريمة عشان لم الواحد يسولف بالتلفون وماينتبه علي الطريج ويعدمله اسره كامله ول بشر هذي اكبر جريمة

عموما نبي تظبيق القانون علي الجميع

يارجل الحين الوافدين ما قامو يحترمون القانون والله قامو يطوفون اشارات ويمشون رن سايد وووووو يقولك ولك البلد ماحترم القوانين انا احترمها !!!؟

ومعاه حق فيجب يطبق القانون علي الكل وعلينا احنا بالاول


وشكرااا​

 

[علميني كيف اخليج]

يا غريب خلك أديب ..

 

[العارضيه سيتي]

أنا عندي اقتراح افضل
ليش مايصادرون الموبايل احسن

 

[مربع برمودا]

سبب الحوادث اشارات المرور

دول العالم تحتفل بإغلاق آخر اشارة ضوئية و إستبدالها بدوار

و حنا نزيد الاشارات الضوئية اللي هي سبب للحوادث المروعه !!

 

[ويكيلكس]

والله قانون غريب جدآ .. ولا اعتقد انه سوف ينفذ اطلاقآ .. لان خاطب العاقل بما يعقل ..


ولكن نتمنى من هالمسؤول بان يلتفت لامور اكثر اهميه من هذا الموضوع ..

 

[سلطان زماني]

اذا انت ما تبي تطبق القانون اذا لا تطالب الحكومه بتطبيق اي قانون...


القانون قانون مو الي يعجبك تسويه والي ما يعجبك تعارضه...

الداخليه ما حطت هذا القانون الا لكثرة الحوادث والسبب التلفون....

والحين نص الكويتيين عندهم اي فون وبلاك بيري يعني وهو يسوق عين على تلفونه وعين على الطريق...

وانا مع تقليظ العقوبات في المرور سواء سرعه او تقحيص او تطوف اشاره او تلفون.....حياة الناس مو لعبه او رخيصه يا الحبيب...


وبعدين شكو الدول الثانيه...!! يعني اذا طبقت عليك قانون تبي تثور عليها....!!!


في اختراع اسمه هتفون اذا ما تحلالك السوالف الا بالسياره استعمله....


انا اكثر ما اشوفهم يتكلمون بالتلفون وهم يسوقون الوافدين وتحديدا بوهناد....!!!!


شكرًا للواء الزعابي ونشد على يده في تطبيق القوانين وتشديد العقوبات لحفظ سلامة البشر...

 

[اليعربي]

طيب خلهم يحلوون مشكله الزحمه بالاول وبعديين اعملوا قانونكم الدايخ


وعلى طاري القانون

الكويت اكثر دوله بالعالم تضع قوانين ولا تطبقها

حتى الوافد قام يقط زبالته من السياره وهو بخط سريع

هل تعلموون ان هناك قانون بالكويت اسمه ممنووع التدخين بالاماكن العامه
هل تعلموون ان هناك قانون يحث على لبس حزام الامان

 

[matab]

السكران اذا مسكوه يبيتونه بالنظاره والصبح يطلعونه هذا اذا ما عنده واسطه
قوانين المقصود فيها طبقه معينه
وسلملي علي القوانين اللي تطبق على ناس وناس
تلفون وسحب اجازه وسياره للي ما عنده واسطه فقط

 

[سلطان زماني]

شعب يساق كالماشيه....!!!!!!!!

يعني الي يطبق القانون ويحترم قوانين الدوله يصير من الماشيه....!!!

والله يا الحبيب الي اعرفه الماشيه هم الي بلا قانون....

واتمنى اول من يطبق عليه القانون هو انت...ورنا شتبي تسوي مثل الدول الثانيه

 

[صقر مطير78]

الداخليه تحاول تفرض هيبتها على الشعب عن طريق الترهيب والترعيب ...
نصيحه يالزعابى لاتوهق وزير الداخليه بالطريقه هذه وشوف حطبة الدامه وينه اللحين ...​

 

[العرضحالجي]

المفروض يكون في كل دوريه قلن بانزين وعند ضبط شخص يتكلم بالنقال يتم رش سيارته بالبانزين وحرقها أمامه ليعتبر ويلزم في المرة القادمه :إستحسان:


أعتقد هذي أفضل طريقه للحد من إستخدام النقال أثناء القياده ​

.

 

[wrx-48]

والله قانون غريب جدآ .. ولا اعتقد انه سوف ينفذ اطلاقآ .. لان خاطب العاقل بما يعقل ..


ولكن نتمنى من هالمسؤول بان يلتفت لامور اكثر اهميه من هذا الموضوع ..

ما الغريب إلا الشيطان

هذا القانون موجود من قبل 10 سنوات إذا ما عندك خلفية عن هذا القانون وما طبقوه إلا قبل سنتين او ثلاث وتغاضو عنه وهناك قوانين كثيره موجوده لم تطبق القانون هذا إذا طبقوه كل حزم
راح تسوق بالشارع مرتاح وان شاءلله ما تحاتي أحد وهذا القانون لسلامتنا وسلامة أهلنا
فا ياريت يا أخوان إذا شفنا غلط نقول عنه غلط القانون هذا لصالحك انت قبل لا يكون لصالح الوزارة أتمنى من الناس تكون واعيه شوي وتخلي تفكيرها للأمام ليس للخلف

 

[سلطان زماني]

لا طبعا مو كل قانون صحيح...

في قوانين انا أشوفها صحيحه وانت تشوفها غير صحيحه...ولكن بالأخير يطبق على الكل شئنا او أبينا...

شكو الحين سالفة عراقي وايراني يغلطون بالموضوع...!!!؟؟؟

شكلك سهران

 

[ابو سعود الحميدى]

ي شباب الله يطولي بعماركم بالله عليكم منتو شايفين شنو قاعد يصير في الشوارع الناس لاهيه في الايفون الي يتحجا في النقال ونام عليك انا بصراحه مع هذا القرار واتمني من المجلس الاعلي للمرور بتقليض جميع المخالفات​

 

[نسيت انساك]

قرار في محله حالنا حال الدول الثانيه كل الدول مشددين على التلفونات وعلى حزام الأمان الا احنا مانبي نطبق القانون والله امركم عجيب ياشعب لكويت اصلن من غير مايحطون قرارت انتا المفروض تلتزم بهذا الشي عندكم خبر مافي يوم مايمر على الكويت مافيه بلقليل 3 حوادث وشنو السبب كله التلفونات والسرعة وعدم التزام مع تبطيق القانون والله لو يحطون غرامه 10 تالاف دينار على متجاوز السرعه كان زين ويحطون بكل شوارع لكويت مليون كامره هم معاهم عيالنا ماتت والسبه ها الحوادث والطيش الزائد

 

[wrx-48]

شعب يساق كالماشيه....!!!!!!!!

يعني الي يطبق القانون ويحترم قوانين الدوله يصير من الماشيه....!!!

والله يا الحبيب الي اعرفه الماشيه هم الي بلا قانون....

واتمنى اول من يطبق عليه القانون هو انت...ورنا شتبي تسوي مثل الدول الثانيه



والله ياحبيبي القانون من وضع الأنسان مو من الله وقولي بعد أن كل قوانين الداخليه صحيحه عشان مأجادلك بعد وأريح راسي


والله انا أتمنى دولتي تكون قويه حبيبي بس سؤال ليش أذا عراقي أو أيراني غلط علينا من بره نسكت عنه ونراضيه


فهمتني يابوقانون

أخي الكريم نحن في دولة قانون عندما ترى العراقي أو الإيراني يغلط عليك مثل ما تقول
في مكان مخصص تروح تشتكي فيه إلا وهو مبنى صغير يطلق عليه أسم (( المخفر ))
تقدر تقدم شكوه ضده أو ترفع قضيه ضدة وتتحول إلى القضاء وذا ما أنصفك القضاء
يوجد قاضي القضاء الله عزوجل لا ينسى دعوة الملظوم إذا ظلم
الأمور ما تنوخذ بالعفرته وناخوك

 

[العارضيه سيتي]

ي شباب الله يطولي بعماركم بالله عليكم منتو شايفين شنو قاعد يصير في الشوارع الناس لاهيه في الايفون الي يتحجا في النقال ونام عليك انا بصراحه مع هذا القرار واتمني من المجلس الاعلي للمرور بتقليض جميع المخالفات​

عدل كلامك
أنا رفيجي. توه داعم بسبه الايفون