نواب النهيق

الحالة
مغلق و غير مفتوح للمزيد من الردود.

فهيدااان

عضو ذهبي
قمت العصر وقلت اتقهوى عند الوالد بالدجه مع ربعه بهالسموم والقيض .
ولقيتهم كل واحد طاق اللثمه ويصوبر يالشارع . ومافيه افغاني يمر الا منادينه
خبركم كلهم شيبان نقاده واهل عربانات دداسن .
و انا رجال ذويق قهوه . واتمثل بالبيت اللي يقول .
قرب اللي عنقها جنه وزا ... انا لها من ضيقة البال منحاز
فنجالها بين الشفايا يمزا ... ومشروبها عن الخمر يمتاز

ماني الظلماوي ولكن شغف
المهم تسمع مني
سلمت عليهم . وكل واحد عطيته دقه بالخشم .
و سألني واحد من الشيبان
انت يا هيه . قلت نعم طال عمرك
قال انت وراك نت وربعك المعارضين واللي مأذينا كل جمعه وانتم تدبكون . اليا قلنا لكم عندنا عرس والا عشا هجيتو تقول مقروصين . انتم ما اتدانون الرجاجيل ! في اوجيهكم ...........
وش تعنون من الانبطاحين والمتسلقين . الاعضا لهم فرش في المجلس !!
وحسين ابو علي راعي العليا ينبطح ها !! علمني هو ينبطح في المجلس وسط الرجاجيل
انا يا جماعه فتحت فمي . اقول في نفسي وين الله بلاني .
طبعا هالشيبان ولا واحد عنده شهاده . متقاعدين شرطه وسواقين
لهطهم عبداللطيف الثويني وشحيبر للحين يتروعون منهم.
قلت هذولا طال عمرك اللي ينبطحون يعني اللي تبيه الحكومه يصير . لو تبي الحكومه تحسب كم رصيف قدام بيتك وتاخذ عليها دينار وكل شهر بعد يوافق العضو الانبطاحي .
قال الشايب الثاني اخ .
قلت والله العظيم .
عموما الرجاجيل متروعين من يوم كسرو دواوينهم
و لا يستبعدون سوالف الحكومه .
قال الاخر بس ليش منبطح .
قلتله ما فيه احد ينبطح هذا تشبيه طال عمرك .
هم ما فهم.
قلت في نفسي وين افتح موضوع وادش بالدستور واجيب طاري البراك والا ابن عريج والا قولة واحد من الشيبان الطبطباني
والا الاعلام الفاسد وتصير الدعوه طويله .
انا اللحين ما عاد ابي القهوه . ابي الهجيج
قلت يا عمي الحكومه لك علي حلف يمين لو تقول لبعض الاعضاء . رح في الخلا وناهق
والله العظيم ليروح
ماهمه لا البلد
ولا انت و لا عيالك .
قال واحدن في طرف الدجه عددلي اللي يناهق في المجلس
رديت عليه
قلتله يعددونهم الربع اللي بالشبكه الوطنيه !!!
وانا اقول لكم فكوني من هالشيبان الله يرحم والديكم .
بكره ابي اجيهم اعدد الناهقين
في المجلس .
 
فهيدان مالك حل يالظلماوي ههههههه

مواضيعك رائعه , و سجلني واحد من معجبين طرحك المضحك , اسلوب السهل الممتنع جميل جدآ يا فهيدان

انا ما ادري ليش كل شيباننا حكوميين !!! سبحان الله متعودين على ايام قبل يوم كانو اعضاء القبائل في صف الحكومه
 

فهيدااان

عضو ذهبي
فهيدان مالك حل يالظلماوي ههههههه

مواضيعك رائعه , و سجلني واحد من معجبين طرحك المضحك , اسلوب السهل الممتنع جميل جدآ يا فهيدان

انا ما ادري ليش كل شيباننا حكوميين !!! سبحان الله متعودين على ايام قبل يوم كانو اعضاء القبائل في صف الحكومه

لي الشرف طال عمرك
الساعه المباركه
 

العامري

عضو ذهبي
والله عيب هذا الكلام

هذه هي السياسه بالنسبه لكم سب وقذف

هذه الحريه التي تطالبون بها


ما اقول لا حول ولا قوة الا بالله

والله المستعان
 

رمز الفخر

عضو فعال
صباح الخير

تحياتي لك فهيدااان وللشيبان:وردة::إستحسان:

يستاهلون الانبطاحيين ما جاهم >> ومثل مافي نهيق فيه صهيل خيل >لكنهم شوي


وضاع الهدد بين الحديا والغراب
وضاع الصهيل مكرمين من النهيق
 

حمود22

عضو بلاتيني
الله يجزاك خير الشيبان مهم جالسين (بالدجه بالدكه) والله ياشيبانا الي جاهم من شحيبر وثويني من هؤلاء اهل الشمال واقصد من فلسطين والعراق لايفهموني بعض الشباب غلط يعتقدون حتى لما صارت الحرب الامريكيه بين الشمال والجنوب اعتقدوا ربعنا ان الامريكان اهل الجنوب يقصدونهم
 

الشاعر

نائب المشرف العام
طاقم الإشراف
العضو / فهيدااان
"النهيق" وصف لايجوز إطلاقه على أي شخصية عامة .
لقد خالفت قوانين الشبكة الوطنية :


11. يمنع توجيه الإهانات أو الشتائم أو السخرية بإطلاق الأوصاف أو التشبيهات الغير لائقة والتي تمس (الاسم أو الخلقة أو الجنسية أو الأصل ) من أي مشترك ضد أي شخص آخر سواء كان أحد المشتركين أو أي شخصية عامة أخرى ويجب أن يكون النقد موجها لأفعاله أو وجهة نظره وكتاباته بدون تعدي على شخصه.

- عذراً فالموضوع مُغلق

 
الحالة
مغلق و غير مفتوح للمزيد من الردود.
أعلى