هل سبق لك تجربة السفر وحدك ؟!

رمحين

عضو جديد
وشفيهم الربع كلهم انطوائين وكل سفراتهم بروحهم

لا بصراحه سفره لحالك احس انها مو شي بس الافضل انك تروح معا رفيج ينحط على

يمناك وسلافت بعض الاختلافات مثل نبي ننام نبي ناكل من هلمطعم افرض طلع خوي

هو النفسيه او العكس اطلع انا النفسيه وابي اروح مكان مايبي يروحله هو او مطعم

اشوف اثنين مناسب جدا
 
طول عمري اسافر لوحدي لكن ليس بقصد السياحه
وبما اني مرتبط بقصد معين في السفر فاني ارى الكثير من العرب والمسلمين مرحبين في
دائما
وهذا جعلني اكتشف الكثير من الثقافات الاخرى
لكن السفر للترويح والاستجمام
يحتاج على الاقل صديق او زوجه او اخ
يعني شخص على الاقل
لانك دائما تكلم نفسك وتعيش حاله غير صحيه في الوحده
لهذا انصح بمصاحبة شخص على الاقل في السفر
ولا اعني الكثره فقد يكون صعب ان تسيطر على مزاجيات الاخرين
اما شخص واحد فمقدور عليه واثنين ايضا
 

آصال

عضو بلاتيني
اللي يبي يسافر بروحه سياحه .. معروفه بعد ما يبيله .. ذكاء ودهاء ..


من الفندق لي الكازينو ومن الكازينو لي الفندق ..


وبس ..

ويفلس ويرد ديرته ..
 

هارون الرشيد

عضو بلاتيني
جربت السفر مع الاصدقاء وكذلك بروحي وبعد ذلك عشقت السفر وحيدا .....فانت ستجد انك تعيش حرية القرار

بعيدا عن اي مؤثر فانت من يقرر اين يذهب او ماذا يعمل لكن السفر وحيدا يحتاج الى مهارة الاتصال بالاخرين

بمعنى ان يكون لديك قدرة على المبادرة بالاختلاط بالناس في البلد المغادر له عندها لن تشعر بالوحده فكل يوم

ستتعرف على اشخاص وتتحدث معهم من غير ان ترتبط معهم وهذا في حد ذاته متعه وعلى فكره قبل يومين

رديت من سفره بروحي قضيت فيها اسبوعين هناك

تحياتي:وردة:
 

معاذ

عضو مميز
انا كل سفراتي بروحي بسراحة ممتعه وحلوه وراحه مو طبيعيه لا تلتزم بس الاهم انا لا تطلع ومعاك فلوس اكثر من الازم السفر بروحك شي مو طبيعي وحلوا ومريح والي الان وانا اسافر بروحي دائما ومرتاح علي هالشي
 

عمر بن معاويه

عضو مخضرم
صج انا سافرت كذا مره بروحي للشغل

بس عاد ايام اذا طولت بالاسابيع بروحك والله راح تحس بملل وكأنك معقد نفسيا

الانسان كائن اجتماعي بطبعه يحب يتكلم ويتبادل الحديث مع الاخرين
 

المهذب

عضو فعال
جزيرة بوكيت في تايلند وكذلك مدينة لاس فيغاس الامريكية من المدن اللي تصلح للسفر الانفرادي من وجهة نظري
 

jassem

عضو مخضرم
انا مستغرب الى يسافرون وحدانين من ثلاث اسابيع إلى اكثر.. اصراحه مايصيبكم الملل ؟...

صحيح السفر الوحداني مريح وفى راحه البال ..لكن ممل . مرات فى السفر تحتاج احد يسولف معاك ويشاركك فى الاكل ..مومقبول مثلا تطلع قروب سفاري او فى المطعم و تلقي كل شخص معاه شخص ونت بروحك راح تشعر بدونيه .

نصيحه احذروا السفر الوحداني لانه الرسول صلى الله عليه وسلم نهي عن السفر الوحداني ..

 

أمين أفندي

عضو بلاتيني
جزيرة بوكيت في تايلند وكذلك مدينة لاس فيغاس الامريكية من المدن اللي تصلح للسفر الانفرادي من وجهة نظري

أخوي المهذب لكل واحد هواه ومزاجه والموضوع مو بوكيت أو لاس فيغاس

إنت لما تسافر بروحك بالبداية وضعك سليم وكل شي تمام
بالمطار والطيارة والديرة اللي بتروحلها لأنك خفيف وماتحاتي شي
بس لما تدش غرفتك بالفندق وتحط أغراضك هنيه تحس بالوحدة مع إنك فري
ومو ملتزم باحد يعني برنامجك تفصله وتلبسه بمزاجك بس في نوع من الصمت حواليك
راح تستاحش بروحك وتحتاج أحد يمك يسلي وحدتك وغربتك
علشان جذيه السفر السياحي الوحداني ماله لون ولا طعم

وبالنهاية يبقى السفر هواية وكل واحد يقدر يستقل هوايته بمزاجه
 
أعلى