هل سبق لك تجربة السفر وحدك ؟!

[بن ذى يزن]

على حسب

عندك شغل لحالك افضل شي على شان
ما تلتزم باللي مسافر معاه
سياحه انت وربعك او اهلك

 

[jassem]

اذا كنت وحيد بالسفر لاتستهين فى اى كارثه .​

. السؤل شلون تتصرف فى بلاد الأجانب .اذا تعرض مثلا جوازك للفقدان.او تعرضت لضرب او المضايقات لاقدر الله .. هل تعتقد انه عندك حسن تصرف ؟؟ .. .اشلون تتصرف اذا مثلا تعرضت لمرض كالكبد الوبائى من فايروسات الاكل او الشيشه .. شلون تتصرف فى معالجه نفسك كونك راح اتكون طريح الفراش ونت وحيدا ..وشلون تتصرف اذا كان بطاقتك البنكيه تعرضت لخلل فى بلاد الاجانب .؟​

انصح كل شخص يسافر وحيدا .لتقويه المسؤليه وتقويه الأداره الذاتيه . لانك بتكون انت قائد السفينه يا انك تغرق او تنجوا بسلام من العواصف المحتمله .. .. وانت الى راح تتخذ القرارات وتتخذ تنظيم جدول وتنظيم وقتك . وتقيم قيادتك لذاتك.وقبل كلشى الله الحافظ بأذنه​

 

[سهيل الجنوب]

عيدك مبارك حابس باشا

والله ياأخي الكريم نفس شعوري رايح المطار والمزاج على كيفك وبالمطار ماخذ جو وحالتي حالة وبالطيارة ماأعطي وجه ورافع الجام وأول ماأدخل الغرفة بالفندق صكت فيني الدنيا

وحشة غريبة

علينا وعليك يتبارك :وردة:اخي مستر فلاى على قولت عبادي الجوهر ابعد و جنب دربها هذا هو المقسوم !
دمت بخير

 

[سهيل الجنوب]

:إستحسان::وردة::إستحسان:

اذكر مره رحت لحالي بسيارتي لدبي وسوريا

تخيلوا كم جلست هناك

ما تجاوزت ال 24 ساعه

وعقبها رديت الكويت ورحت لصفاة الظهر ابي اشتري هرفي للثلاجه ويدقون علي الشباب فلان وينك قلت انا بالصفاه قالوا جايينك المهم خذينا الهرفي ووديته البيت وبالطريق قال واحد حلالاه يالمطار الجو ما يساعد قلت والي ما يصمل قالوا الي ما يصمل مثل ........

حدوني على اقصاي قلت توكلنا ع الله بس عندي شرط قالوا وش شرطك قلت ندرعم للمطار واي رحله نركبها قالوا قدااااام

رحنا للمطار ونحجز ونركب وأحلى 5 أيام من العمر

ضحك وفله حجاج أفلام أكشن وخوه ما مثلها خوه

يمكن تمرض ويمكن تصير لك مشكله لازم معك خوي

:وردة::قلب:كل عام وانت بخير

تذكر موال كاظم الساهر البارحه بالحلم حبيبي باحضاني بوسني من وجنتني.. الخ

حتى( الحلم ) الجماعي يا عاسف اجمل من الانفرادي .! كيف يكون شكل الحقيقة ؟


كل سفر وانت اجمل :إستحسان:

 

[ولد وايل]

جميل لمن لديه عمل " بزنسي "

 

[شجون الكويت]

خل نطلع السوق بروحنا بالأول ...... الحرس الوطني كله معاك ،،، تقول طالعين قنص مو سوق .... بعدين نحلم بالسفر بروحنا

 

[النوف]

ايه والله ياااا شجووون ،،..لازم محرم للسوق يحسسوني سفر مو سوق!!

بس اتوقع احنا ما نسافر بروحنا الا للقبر،،..

لكن في مطلقات وارامل عندهم حرية يعني لنا أمل بالمستقبل​

 

[خـالـد الحجرف]

لكن في مطلقات وارامل عندهم حرية يعني لنا أمل بالمستقبل​

أمممم
الموضه الحين 4 خوات و3 بنات عمهم و4 بنات خالهم ومحرمهم شايبهم عمره 70 سنه
رجل بالدنيا ورجل بالقبر ..
< ماخذينه تمويـه
وخصوصا بمصـر العوايل الكويتيه اكثر من الهم على القلب ..
وبالمطاعم يصير التحدي بين يادار لاهنتي ولاهان راعيج .. وبين ياسلامي يا السعوديه ​

 

[النوف]

أمممم
الموضه الحين 4 خوات و3 بنات عمهم و4 بنات خالهم ومحرمهم شايبهم عمره 70 سنه
رجل بالدنيا ورجل بالقبر ..
< ماخذينه تمويـه
وخصوصا بمصـر العوايل الكويتيه اكثر من الهم على القلب ..
وبالمطاعم يصير التحدي بين يادار لاهنتي ولاهان راعيج .. وبين ياسلامي يا السعوديه ​

ياااحظي عاد انا شايبي يظن نفسه انه هو بس خفير للهالديرة

وسواسي حده ما يحب السفر يحب يقضب قاعه،،،..​

 

[رحلة قلم]

ممكن اغير السؤال لـ نفسي..

عمرك سافرت مع احد..!؟ ​

 

[خـالـد الحجرف]

ياااحظي عاد انا شايبي يظن نفسه انه هو بس خفير للهالديرة​

وسواسي حده ما يحب السفر يحب يقضب قاعه،،،..​

سنعوسي وجهراوي اكيـد يرتاح بقضبه القاع .. اذا نفس خالي مايرتاح الا بمريفـج
ولاتتضايقين عندي احساسي حتى لو تزوجتي ماراح تسافرين برآآآ الخليـج .. ​

<< تصبحين على خيــــر

 

[النوف]

سنعوسي وجهراوي اكيـد يرتاح بقضبه القاع .. اذا نفس خالي مايرتاح الا بمريفـج
ولاتتضايقين عندي احساسي حتى لو تزوجتي ماراح تسافرين برآآآ الخليـج .. ​

<< تصبحين على خيــــر

تلاااقي الخير،،...

ههههه انا دارية بحظي down :إستنكار:​

 

[شجون الكويت]

ايه والله ياااا شجووون ،،..لازم محرم للسوق يحسسوني سفر مو سوق!!​

بس اتوقع احنا ما نسافر بروحنا الا للقبر،،..​

لكن في مطلقات وارامل عندهم حرية يعني لنا أمل بالمستقبل​

ولييييييييييييييييييييييييييه طول عمرنا تحت المجهر ............... وإذا في أمل ببعض الحرية لها ضريبه انه نكون مطلقات ولا أرامل !!!.... ياويل حالي ... بعد!!!!! لا والله السجن ازين ... ​

 

[bujassim]

احلى شي السفر وحداني
جربتها لها طعممممممممممممممم
ماتلتزم بأحد وتطلع وتروح وين ماتبي

وتتعرف على الناس شلمشكله ؟

الحياة لازم يكون فيها تغيير

 

[امــ KSA ــل]

ماقد سافرت لحالي بس اتمنى

 

[سالم أحمد80]

نعم لقد جربت السفر لوحدي قبل الزواج، وكان شئ في غاية المتعة، والآن أصبح عندي عائلة ومجرد التفكير في السفر يقلقني جداً.

 

[ابو مناحي المطيري]

بحياتي كلها ما رحت الفحيحيل بروحي تبيني أسافر برا الكويت بروحي ؟؟؟

سفرة من غير 47 واحد معاك مهي سفرة ولا اعدها سفرة

 

[أناركي]

بالنسبة لي أنا أحب السفر الإنفرادي لجزر المالديف في حالة إذا بغيت أخطط لمشروع يخصني أو لقراءة كتب معينة تحتاج إنني أنقطع عن الدنيا ..

 

[عمر بن معاويه]

احلى شي السفر بروحك لا ضغوط نفسية ولا شي حاس براحة نفسية وانك خفيف

بس للاسف هالتجربة ما صارت الا ثلاث مرات تقريبا وكلها بعد الزواج

 

[حوللي]

أحلى شي الواحد يسافر solo