الشكوي-لله
عضو مميز
السلام عليكم
اخواني اعضاء الشبكة الوطنية في البداية امانه تقرون الموضوع كله فعلا محتاج رايكم
كلكم تدرون بالمجازر الي ترتكبها وزارة الصحه الفاشله من اول ما نولدنا واحنا نعرف انها وزارة فاشله ولي يومك ما تحسن فيها شي شنو ينقصنا عشان ما نطور وتعدل من وزاراتنا والله كل شي متوفر المال والعقول لكن الطموح يمكن هو من ينقصنا
والله نسمع سوالف كثيره مؤلمه تصير في هالوزارة الفاشله وساعات ما نصدق الي نسمعه من كثر ماهي شغلات قوية وما تصدق للكل للاسف هي واقع وموجود وقاعد نعيشه
انا كاتب الموضوع بتلقائيه والمطلب اعرف لي متي واحنا تجمعات ومظاهرات وسياسه والله الشعب كله صار سياسي حتي في برامجنا الكوميدية دشت السياسه وين ما تروح سياسه ونسينا التنمية والاصلاح واشياء كثيره حتي المجتمع قمنا نشوف فيه ظواهر فساد كثير وقاعد تزيد كل يوم ومحد فاضي يتكلم الكل منشغل بالسياسه
الموضوع باختصار ابي رايكم في شغله والله مادري شلون اتعامل معاها شي محزن مبكي علي حالنا وطبعا رايكم راح يعنيلي الشي الكثير لاني فعلا محتاج نصيحتكم
عندي صديقت الوالده مرا كبيره بالعمر بس لله الحمد بصحه جيده وهي من فئة غير محددي الجنسيه وام ايتام طبعا عيالها كبار بس مو موظفين وحالتهم ممكن شوي تكون صعبه
المهم امهم اهي طبعا الي تصرف عليها بطريقتها الخاصه سواء من اهل الخير وصديقاتها والحمد لله مستوره وعايشين
بس مع كل حزن واسف قبل فتره قريبه حست بشوية برد حاشها معنها بصحه ولله الحمد زينه بس حاشها هوا بارد وراحت مسشتفي مبارك ودشت علي دكتور سوري وقال بعطيها ابره وعقبها باذن الله بتحسن وبتصير زينه وفعلا خذت الابره وفي الحال طاحت عليهم طلعت ابره غلط المهم الدكتور نحشوه الاستقبال مال المستشفي لان كانو عياله يبون يتعرضون له طبعا ردت فعل طبيعية منهم بس الادهي من كل هذا والامر ينكرون انه اكو دكتور سوري وينكرون انه اصلا المسشتفي عطا امهم ابره ونكرو كل شي وكتبو بتقرير انها وصلتهلم في هالحالة الله لا يوفقهم يارب قولو امين
المهم المرا كل يوم حالتها اسوء وصارلها فتره في غيبوبه وحالتها كلش ماتسر معنها والله ماكان فيه شي امر الله لاحول ولا قوة الا بالله
المهم عيالها مالهم احد واهم من فئة غير محددي الجنسيه ومساكين ضايعين ومايعرفون شسون وسكتو عالموضوع بس والله مافيني خير لو سكت ولو سكتنا احنا كلنا حرام يا ناس علبنه من فئة البدون نكرو انه في دكتور سوري عطا امهم ابره ونكرو كل شي شنو هذيل بشر ويمكن هم احسن مني ومنكم عند الله
الخلاصه ابي شنسوي عشان نثبت هالشي وشنو تنصحوني فيه لانه فعلا شعور جدا بايخ لم تحس انك ودك تساعد احد بس ماتعرف شلون تساعده وتشوف حالته كل يوم تتدهور بخطا طبي والمخطي برئ ولا احد حاسبه والامر والادهي من كل هذا لايزال علي قيد وظيفته وممكن الله لايقول اي واحد فينا يدش عليه ويعيد نفس هالخطا
ياناس احنا ارواح مو لعبه يقعدون يلعبون فينا
بإنتظار ارائكم
وشكرااا