سؤال وجواب تفسير احلام

[آصال]

السلام عليكم


حلمت بوصل امانه او شيك فيه اسم شخص وانه الشخص الاخر شافني وانا اقرأ الوصل المذكور فيه اسم الشخص المطلوب

والعجيب انه بالوصل او الشيك كان الاسم حقيقي ؟

يعني

لمن رحت لفلانه قلت لها حلمت فيج اني فتحت ورقه من بين اغراضج ورقه بيضاء فيها اسم ثلاثي والاسم كان واضح .. لشخص اسمه جذي

وانتي قطعتي الورقه ورميتيها ..!

والعجيب انه الاسم صح صديقتي تطالب هالشخص وعندها وصل وانا ماعرف عن اي شي صدفه يعني عرفت منها انه الحلم صح تطالب هالشخص بنفس االاسم


ممكن مفسر احلام ..

حور الكويت >> مشروع الالوسي ​

 

[الأمة]

أختي حور





لدي سؤال:


أسم الشخص المكتوب (خالد) !!!




والشيك صادر من مكتب سموه ؟؟؟






أستغفر الله............. كنت أتغشمر







أختي سألت الوالدة :



تقول هذا خير بيوصل حق صديقتك وأحتمال ترفضة أو تتبرع فيه مع أنها كانت تبيه













.

 

[بقيييط]

اي خير

بسج حش

والي مالج شغل فيه

زبدة حلمج

​

 

[عــذوب]

شوفي بكتب اللي اعرفه

الاوراق او الوثائق بالحلم هي نفسها بالضبط اللوح المكتوب هذي سمعتها من مطوع اي ملا

نفس لما تكونين بالحلم تتكلمين بالتيلفون الكلام اللي تسمعينه بالتيلفونه او اي خبر يصير نفس اللي سمعتيه بالضبط سبحان الله
انتي سويتي شي غلط او بتسوين هالشي شكلها بتعصب عليج وستقلب الطاوله على قولتهم <هذي من عندي .او يكون لج طرف بالسالفه
فامشي سيده وابعدي عن القيل والقالي ومشاكل الحريم

 

[Normal]

بعض الاحلام تكون مالها داعي مجرّد صور ولقطات وافلام قصيره ما تعني شي

او على قولتهم من الشيطان

وللحلم او الرؤيا شروط ناخذ فيها على شان تكون الرؤيا لها معنى و مُصدقه

يعني مثلا الاحلام الي بعد صلاه الفجر تكون غالباً لها معنى

بالنسبه لي افسر الحلم على انه صديقتج كانت تستفيد من هذا الشخص ( بطريقه ما )

وقررت الاستغناء عنه ..


نورمل النهّام

 

[0utsider]

برايي انه لكي نفهم الحلم لازم نعرف الرغبات الداخليه المكبوته والتي يحول الانا الاعلي دون تعبيرنا عنها ،،، كل حلم ،،، برايي مثل ماقال فرويد هو تعبير عن رغبه مكبوته ،،،،، واعتقد انك انت اقدر من يفسر حلمك ،،،،،، خير اللهم اجعله خير ،،،،،،،،،،،،،،،،،،،،،،،،

 

[المتفائل]

تفسير الحلم مثل الفتوي والاسف الكل صار يفتي وماخذ الامور لعب وضحك
ولو سوال هندسي او طبي لفكر الواحد الف مره قبل لايكتب جواب وهذا اذا فكر يجاوب
امه امور الدين الكل يفتي اله من حرم الله

ونصيحتي. اختي اسالي اهل الاختصاص
 
تنبيه آجركم علي الفتوي آجركم علي النار او كما قال عليه الصلاة والسلام

 

[آصال]

الحين انا احلم اهو يدري


يبا حلم حلم .. كليتوني ..



يا جماعة الخير يا الاياويد .. يالمزايين .. ويالخشوف


انا ماتربطني علاقه وطيده فيها ولا ادري من اول انه من ارباب الجيكات او ايصالات

حلمت حلم وعادي قلت له الاسم والغريب .. انه اسم ثلاثي صح ..

يعني بالصدفه قلت لها مو هامني الامر ..

ولا اعرف شنو موضوع الشيكات ومنهج اللي يتعامل بهالامر ..

كل الموضوع اني حلمت حلم واضح ظهر فيه اسم شخص وطلع صج اسمه ثلاثي جذي ..


ترى اشّور فيكم ​

 

[بقيييط]

تشورين فينا

هين ان دقو باب بيتكم خطاطيب

سميني شعفان
​

 

[آصال]

نورمال شقد حكيم ها انته شقد ​

شكرا للجميع

شكريا :وردة:​

 

[آصال]

تشورين فينا

هين ان دقو باب بيتكم خطاطيب

سميني شعفان
​

ياخوك يدقون..

بس الحول حول


والعور عور

والمفلس مفلس

والاصلع اصلع ..

والمكرش مكرش

بعد رياييلنا جذي

عندنا بالدوام امريكي يجيب كل الاعياد

يعني هذا لو يفكر يتزوج انا اخطبه واعطيه فوق ال4 قرض :قلب:​

 

[بقيييط]

ياخوك يدقون..​

بس الحول حول ​

والعور عور ​

والمفلس مفلس ​

والاصلع اصلع ..​

والمكرش مكرش ​

بعد رياييلنا جذي ​

عندنا بالدوام امريكي يجيب كل الاعياد ​

يعني هذا لو يفكر يتزوج انا اخطبه واعطيه فوق ال4 قرض :قلب:​

ههههههههههه

 

[Normal]

نورمال شقد حكيم ها انته شقد ​

شكرا للجميع

شكريا :وردة:​

اهم شي اني ما اثبت ان عندج حاسه سادسه

 

[الشاعر]

- يتم الإكتفاء بإجابة الموضوع

مغلق
​