ساعدوني ولدي مبرطم يبي سياره

هارون الرشيد

عضو بلاتيني
ساعدوني ولدي مبرطم

هناك اشكال متعدده لعملية التفريغ منها ان تحدث مع غريب او صديق او احيانا

زميل حول بعض ما تعانيه ..طبعا هذا يعتمد على نوعية وخصوصية ما تعانيه

وانا من هذا المنطلق احببت ان افضفض لكم حول ما اعانيه :)اخواني اخواتي

الكرام اخوكم صاحب معرف هارون الرشيد ابنه تخرج من الثانويه وبنسبه طيبه

وبناء على ذلك اراد ان تكون مكافئته سياره جديده :(طبعا كانت الاجابه بالموافقه

ولكن مشروطه بأن لا يتجاوز سعرها 7000 دينار لوجود التزامات اخرى لكن الولد

اختار سياره تجاوز سعرها ذلك المبلغ:( ....طبعا لا يمكن ان يقتنع بما تذكره له من

اسباب تمنعك من شراءها لاعتقاده بأن من كان في وضعك يملك الكثير من

المال فهو لا يدرك ان دخلك لا بد ان يتناسب مع صرفك ...كذلك معظم من هم في

عمره لا يملكون بعد النظر ..عموما هو مبرطم صار له اسبوع :(وانا لابسه

وقاعد افكر بطريقه لاقناعه خوفا من ان يقوم هو واخوته برفع لافتات تحمل

ارحل ...بصراحه ما عندي قدره على القمع ...فهل تساعدون هارون الرشيد فيما

يعانيه من امر يجده شديد:(

تحياتي:وردة:
 
التعديل الأخير:
هههههههه مشكلتنا لمن يبرطمون نسوي روحنا شخصيه واحنا خرطي
ع العموم الشباب بهالسن يتمارون والكل يقول الزين عندي وصدقني لو هو عنده راتب جان حسبها عدل لكن الحين يبي يتدلع على ابوه ويبي يشوف مقدار الغلا
والظاهر انه اول ولد لك يبتدي مشواره بالحياه ومبلغ الشباب وعسى الله يخليه لك ويخليك له والله يعينك على زواجه
نصيحه لوجه الله لاتقصر فيه وبدال السبعه زيدهم جم الف ووفر له اللي يبي خله يستانس
اقولك تجربتي مع ولدي تقريبا نفس عمر ولدك طلب سياره بسعر غالي والمشكله ماتشيل الا نفرين هههههههههههه
قلنا له اوكي تستاهل وعقب خمس شهور مايبيها يبي له جيب نيسان للبران :))) الله المستعان
تذكر شعورك انت مع اول سياره شراها لك الوالد شنو كان؟؟؟؟ وقارن بينك وبين ولدك اعتقد راح يكون نفسك مستحيل الاب يختلف عن الابن
والله يخليك له وتشتري لعياله قول امين
 
يارب يحفظه ويخليه لك

انت ماقصرت بعد وهذي قدرتك خله يشد حيله ويتخرج من الجامعه ويفتح له طياره لو يبي ؟؟؟


جد والله الواحد يضغط على روحه ويعطي عياله ويفرحهم ويمتعهم على حسابه واذا بغاهم يرحمونه برطمواا ؟؟

لاتلومني ولاتزعل مني وانا اختك بس عاد الشكوى لله الشباب يستعرضون عند بعضهم ولايقنعهم شي

ويبهالوقت احس اللي برابعه ثانوي جاهل مدري اني عجزت ؟؟؟ والا الوقت تغير ؟؟؟

يارب ياولد هارون يهديك الله وتسمع كلامك ابيَك وتكبر ويصلحك الله -خالتك وطني
 

هارون الرشيد

عضو بلاتيني
هههههههه مشكلتنا لمن يبرطمون نسوي روحنا شخصيه واحنا خرطي
ع العموم الشباب بهالسن يتمارون والكل يقول الزين عندي وصدقني لو هو عنده راتب جان حسبها عدل لكن الحين يبي يتدلع على ابوه ويبي يشوف مقدار الغلا
والظاهر انه اول ولد لك يبتدي مشواره بالحياه ومبلغ الشباب وعسى الله يخليه لك ويخليك له والله يعينك على زواجه
نصيحه لوجه الله لاتقصر فيه وبدال السبعه زيدهم جم الف ووفر له اللي يبي خله يستانس
اقولك تجربتي مع ولدي تقريبا نفس عمر ولدك طلب سياره بسعر غالي والمشكله ماتشيل الا نفرين هههههههههههه
قلنا له اوكي تستاهل وعقب خمس شهور مايبيها يبي له جيب نيسان للبران :))) الله المستعان
تذكر شعورك انت مع اول سياره شراها لك الوالد شنو كان؟؟؟؟ وقارن بينك وبين ولدك اعتقد راح يكون نفسك مستحيل الاب يختلف عن الابن
والله يخليك له وتشتري لعياله قول امين

مشكوره سيدتي الكريمه على النصيحه اللى فيها خراب بيوت :D زيدهم كم الف لا

خوش نصيحه ....الحمدالله انه ما يتابع المنتدى ولا رحنا فيها ....عموما وبلا شك

الوالدين دائما حريصين على ابنائهم ودائما ما يسعون لتنفيذ اغلب متطلباتهم ولكن

في بعض الاحيان نجد ان هناك بعض العوائق التي تواجههم في تنفيذها ....هو الابن

الثاني ولكنه عنيد ومشاكس وثوري واخاف كثيرا من نواياهاه التوسعيه والتي

اهمها قيامه بخلعي من سلطتي والحجر على املاكي لذا اعتقد انني سارضخ لمطالبه

رغما عني كوني اب عاطفي

تحياتي :وردة:
 

هارون الرشيد

عضو بلاتيني
يارب يحفظه ويخليه لك

انت ماقصرت بعد وهذي قدرتك خله يشد حيله ويتخرج من الجامعه ويفتح له طياره لو يبي ؟؟؟


جد والله الواحد يضغط على روحه ويعطي عياله ويفرحهم ويمتعهم على حسابه واذا بغاهم يرحمونه برطمواا ؟؟

لاتلومني ولاتزعل مني وانا اختك بس عاد الشكوى لله الشباب يستعرضون عند بعضهم ولايقنعهم شي

ويبهالوقت احس اللي برابعه ثانوي جاهل مدري اني عجزت ؟؟؟ والا الوقت تغير ؟؟؟

يارب ياولد هارون يهديك الله وتسمع كلامك ابيَك وتكبر ويصلحك الله -خالتك وطني


والله يا خوك نصيحتك اشوا من الله يطول بعمرها (ليت الشباب يعود يوما)

والظاهر ان عيالها الله يخليهم طايحين فيها ما ترفض لهم طلب :)...والله وانا خوك

لابسه وامر من عنده ما أطالعه وطبعا الوسيط اللى بيننا امه وكل شويه تقدم مبادره

بس اخوك مو سهل :)شخصيته قويه بس لا يطولون علي لان عندي نقطة ضعف

قلبي طيب وهم عارفين هالنقطه :( ويستغلونها حيييييييييييييييييل لكن انا لحد الان

صامد واحتاج دعم من الخارج:)

مشكوره اختي وطني :وردة:
 

المهذب جدا

عضو بلاتيني
عندي لك راي وان شاء الله يعجب ولدك
اشتر له تاكسي جديده : منها سياره ومنها يطلع مصروفه هم منها :D
 

بدوي ذرب

عضو بلاتيني
الله يرحمني برحمته لما طلعت الليسن اول التحرير
قعدت كم شهر وبعدها دبسني ابوي بالتيما مستعمله
موديل 90بدون ما ياخذ رايي لا وجير عادي ومطلوبه 900
قمت اقسط من مكدتي لما كان الدينار فيه بركه وقبل ما يطلع
التاكسي الجوال ويقضي علي التكسي البرتقالي ويحارب الكويتي
حتي في رزقه في بلاده.
المقصد من هذا الاعتماد علي النفس عزة للنفس
ونصيحه اذا بتشتري لولدك الله يخليه لك دورله هه دردعه اقصد
سياره مستعمله تعرف سبحان الله حق اول التعليم حكه حادث بسيط
لاقدر الله
حق التفحيط الله يهدي شبابنا لانهم ما حسوا بقيمتها ولا دفع من جيبه
 
والله انا عندي تفكله انشا الله في اكس ار او رنج روفر احسن من انك تفكله سياره سبورت...الله يرحم ايامنا كرسيدا:)طيب اقعد معه وقوله يابوك انا علي التزامات وماترضالي المضره ومن هالكلام وانشا الله بيرضى
 
نصيحه

انصحك من تجربه اذا الولد اول مرة يمتلك سيارة ان تجيبلة سيارة جديدة بصفة تاجير مع تامين شامل لان الله فكني من خسائر تصدق خلال سنة وهي مدة التاجير شالتها السطحه من الشارع او من البيت يد ورجل يعني اقل شي تقعد اسبوع تصليح وعقب السنة طخ شوي وشرينا سياره معقولة واستعماله صار ادمي واذا مانفع عقب هذا هو وامه يد ورجل برا
 

بنت القبايل

عضو مميز
سيارة 7000 مو عاجبته !!
ولدك مدلل ومتعود على الأخذ

والمفروض تعوده انه يراعيك مو تعوده على الدلال الزايد وخله يحس بإلتزامات أبوه

وياما ناس عطوا عيالهم سيارات غاليه جدا واندعمت السيارة والأبو اللي أكلها

إذا كان ولدك يعرف يسوق عدل مو توه عليمي عطه سياره غاليه من غلاته وفرحه بما انه ناجح لكن عطه حسب قدرتك وبالمعقول

والله يخلي لك ولدك ويصلحه ويحفظه من كل شر اللهم آميييين
 

جواهر*

مشرفة
طاقم الإشراف
الله يعينك على عيالك أخوي هارون مادري ولدك للحينه مبرطم؟

نصيحة العيال مو كل شيء يطلبونه ويصرون عليه تسوي لهم لانك راح تبتلش مع طلباتهم وراح تزيد

ومهما كان هذولا صغار مايقدرون المسؤولية ومايدركونها لازم يعرفون ويحطون في بالهم انه في حد لرغباتهم

وطلباتهم أنا عيالي أصغر من عيالك بوايد ونفس الامر معي يحنون على شغلة او يصرون عليها

ويبرطمون لو ماسويتها لهم بس افهمهم انه مو كل شيء تبونه اسويه لكم خل يعرفون قيمة الشيء

وعشان يحافطون عليه وانت مو مقصر معاهم ومحدد ميزانية للسيارة فلازم ولدك يفهم موقفك ويقدره عشان انت ترتاح وهو يرتاح بالحوار والنقاش العائلي يتقبل الامر ويقدر المسؤولية اللي عليك

والله يخليهم لك ويحفظهم ويبارك فيهم
 

هارون الرشيد

عضو بلاتيني
الله يرحمني برحمته لما طلعت الليسن اول التحرير
قعدت كم شهر وبعدها دبسني ابوي بالتيما مستعمله
موديل 90بدون ما ياخذ رايي لا وجير عادي ومطلوبه 900
قمت اقسط من مكدتي لما كان الدينار فيه بركه وقبل ما يطلع
التاكسي الجوال ويقضي علي التكسي البرتقالي ويحارب الكويتي
حتي في رزقه في بلاده.
المقصد من هذا الاعتماد علي النفس عزة للنفس
ونصيحه اذا بتشتري لولدك الله يخليه لك دورله هه دردعه اقصد
سياره مستعمله تعرف سبحان الله حق اول التعليم حكه حادث بسيط
لاقدر الله
حق التفحيط الله يهدي شبابنا لانهم ما حسوا بقيمتها ولا دفع من جيبه

بدوي ماركه ذكرتني بالماضي من خلال استعراضك لبعض المفردات التي تتطلب

التفسير لجيل الاي فون:) منها دردعه وتعريفها سياره مستعمله ربع عمر :) عموما

هو للحين مبرطم وبرطمه واصل للشارع وكل يوم يزيد بس لا زالت المبادرات وباب

الحوار نوعا ما مفتوح من خلال امه واخوه الكبير ...قد تتدخل اطراف خارجيه داعمه

لنا عمه او جدته :) عموما لا زلنا مسيطرين على الوضع وقواتنا منشره في

الصاله منعا لاي اعتصامات او جمعة غضب ...كذلك نواجه دعما من الرأي العام

الأقليمي والعالمي ابناء العمومه والاقارب في السعوديه ....ايضا كان هناك تصريح

للناطق الرسمي بوزارة الخارجيه الامريكيه بدعمه لقضيتنا العادله وقد ترجم

ذلك بارساله لحاملة الطائرات وعدد من القطع البحريه وهي في طريقها الى الجهراء

عفوا بدوي اسمع اصوات اطلاق

نار ....استاذن:)

تحياتي:وردة:
عفوا انا لم اذكر الدعم العربي لانشغالهم بانفسهم لذا اقتضى التنويه :)
 

هارون الرشيد

عضو بلاتيني
والله انا عندي تفكله انشا الله في اكس ار او رنج روفر احسن من انك تفكله سياره سبورت...الله يرحم ايامنا كرسيدا:)طيب اقعد معه وقوله يابوك انا علي التزامات وماترضالي المضره ومن هالكلام وانشا الله بيرضى


هلا بخوي عبدالملك

مشكلة الشباب في هذا السن بشكل عام عدم القدره على التمييز وانا حقيقه ولكي اكون

عادلا نوعا ما لا الومهم لقلة خبرتهم وايضا لقصورنا في بيان ذلك لهم واقصد خلال

تربيتنا ...عموما هو لا زال مصر على رأيه ولكن اتوقع يطخ بعد فتره

كل الشكر والتقدير على الاهتمام:وردة:
 

هارون الرشيد

عضو بلاتيني
انتبه لايعملون هو وأخوانه ثوره تطالب بأسقاطك


هلا بخوي لورد نجد

بلا شك رفعنا حالة الاستعداد وقمنا بإستدعاء ثلاثه من اخوانه وابلغناهم بمغادرة

المنزل خلال فترة 10 ايام نظرا لقيامهم بأعمال تتنافى والأعراف الدبلوماسيه كما قمنا

بتجميد ثروته والتي تقدر بمبلغ 43 الف فلس ايضا قمنا بإستدعاء امه وقدمنا له

مذكرة احتجاج على ما يقوم به كذلك قمنا بطلب المساعده من عمامه بإرسال قوات

للحفاظ على استقرار المنزل تطبيقا لمعاهدة الوحده الاخويه والتي تم توقيعها سنة

:)2009

تحياتي لورد نجد:وردة:
 
أعلى