سؤال وجواب اين اجد صخور كبيره ومتوسطه ؟؟

السلام عليكم يا اخوان ,

والله يا اخوان اليوم تضايقت حدي

قاعد اضبط الحديقه عندي واحتجت صخر طبيعي لتجميل الحديقه

سألت وقالولي تلقى بالمشاتل ..

دقيت السياره سلف ورحت المشاتل ...افتريت وشفت اشياء تموت من القهر

يا اخوان صخره وحده سعرها 150 دينار ؟؟

وواحد ثاني حاط صخر جدام المشتل ويبيع الكيلو ب 3 دنانير ..حشى ذهب مو صخر !!

هذا كله هين ..لأن هالمشاتل قاعدين يستوردون الصخر بفلوس من مصر والاردن وسوريا والصين وكوريا ...الخ

لكن اللي يقهر اكثر تدرون شنو ؟؟

احد هالمشاتل ..يملكه احد ابناء الاسره الحاكمه ( على كلام البياع ) تدرون شمسوي ؟

والله يا اخوان ..ماخذ صخر البحر الكبير ( الاسود اللي نشوفه عند شاطئ البحر ) ويبيع الكيلو بربع دينار ..!! يعني صخره وحده مثل ما حسب البياع تطلع علي ب 20 دينار !!!!!! والله يا اخوان تجاره مربحه ...حشا ذهب مو صخر !!

طبعا طلعت من المشاتل ..والامبير عندي مولع احمر ماشوف خفت ادعم ..رحت المستوشف قست ضغطي والا 170 على 110 ...!! زين ما انفجرت ..حتى صخرنا صار ينباع علينا ؟؟

المهم ..انا قررت اخلي صخرهم عندهم ..وفلوسي عندي ..يمكن يلقون ذهب بصخرهم ..يفيدهم اكثر ..
وقررت انا ادور صخر يناسبني بالبر ...لكن المشكله البر كبير ومادري وين القى صخر باحجام كبر كرتون البيبسي وملون ( يعني مو طيني يذوب بالماي )

صخر فعلا ..وطبيعي

منو يدلني..وله دعوه بظهر الغيب ؟؟
 

هارون الرشيد

عضو بلاتيني
افا عليك وانا اخوك انا ادلك عليها عندك الصبيه قبل فتره احد اصدقائي راح هناك على شان

يجيب صخور حق حديقته ...بس قبل لا انسى انت رايح تمر على الجهرا اجباري وهناك لازم

تدفع ضريبة مرور لكن قول انا من طرف هارون الرشيد ورايح يسمحون لك وما تدفع :)

تحياتي:وردة:
 

هارون الرشيد

عضو بلاتيني
مشكورين يا اخوان على المرور

اخوي هارون الرشيد , انت تقصد ضلعان الصبيه ؟ هذه صخرها كأنه طيني يذوب بالماي ..يعني السايق بيسقي الحديقه مرتين والصخر بيختفي ..؟!

اخوي محمد توني دقيت على صاحبي ويقول فيه نوعين النوع الاول اللى تقول عنه يذوب والنوع الثاني يقاوم وهو مسوي منه شلال

تحياتي
 
اخوي محمد توني دقيت على صاحبي ويقول فيه نوعين النوع الاول اللى تقول عنه يذوب والنوع الثاني يقاوم وهو مسوي منه شلال



تحياتي

كفو وانا اخوك
بارك الله فيك وكثر الله من امثالك

باجر باخذ خيمتي ..وبخيم بالصبيه يومين ..طبعا مع مكيف الماي والعده و 5 صعايده

وبجيب الصخر ورح ابسط فيه قدام المشاتل وابيع الصخره الوحده بمية فلس عشان اكسر سوقهم :)
 

هارون الرشيد

عضو بلاتيني
كفو وانا اخوك
بارك الله فيك وكثر الله من امثالك

باجر باخذ خيمتي ..وبخيم بالصبيه يومين ..طبعا مع مكيف الماي والعده و 5 صعايده

وبجيب الصخر ورح ابسط فيه قدام المشاتل وابيع الصخره الوحده بمية فلس عشان اكسر سوقهم :)


لا تنسى اذا مريت الجهرا تقول من طرف هارون الرشيد ولا بتدفع الضريبه :D

تحياتي وارجو ان اكون قد جاوبت سؤالك:وردة:
 

بقيييط

عضو ذهبي
اذا ماكفاك الصلبوخ الي بصبيه روح الكسارات القديمه الي علي طريق العبدلي يسار مقابل ام العيش رح اهناك وغرف

اتعرف الصمي حق النباطه قبل مثله بس كبر صماخ الافغاني

 

بدوي ذرب

عضو بلاتيني
رووح للطايف ياكثرهم منها تغيير جو وتجيبلك كذا صخره وتتاجر فيهم
هذا اذا قدرت تطلعهامن المنفذ بعد عام 1996 لما اغلقت الحكومه الكسارات بحجه تاثيرها
علي البيئة توجهت الشركات الي السعوديه وخلال سنه اوقفت السعوديه تصدير الصلبوخ
للكويت ومن ثم توجهت الشركات للامارات لاستيراد الصلبوخ عبر الباخرات وزاد السعر .
يعني صلبوخه (صميه)ماتدخل الا بسعر خيالي يعني روح لقطها من الامارات ببلاش وبيعها
بالكويت!!!
 

بدوي ذرب

عضو بلاتيني
كفو وانا اخوك
بارك الله فيك وكثر الله من امثالك

باجر باخذ خيمتي ..وبخيم بالصبيه يومين ..طبعا مع مكيف الماي والعده و 5 صعايده

وبجيب الصخر ورح ابسط فيه قدام المشاتل وابيع الصخره الوحده بمية فلس عشان اكسر سوقهم :)
للاسف تم مسح ودفن وتسوير الكسارات القديمه من قبل شركه يملكها فريق سابق
مسؤول عن الازالات
وسبق ذلك تم القاء القبض علي عمال يجمعون الصلبوخ وتم ابعادهم عن البلاد وحكوا كفيلهم
بقضيه الاستيلاء علي ثروات طبيعيه للبلاد؟؟عمري يا التهمه!! وبعد الاستئناف والتمييز والدفع للمحامي!سنه مع وقف التنفيذ؟؟ يعني سابقه
نصيحه لا تفكر او تقرب يشوفك الفريق بالهلوكبتر من فوق واخرتها جيوب امن الحدود محاوطتك
ولا نقطه المطلاع ناطرتك
 
أعلى