سؤال وجواب باقة MBC HD

كويتي منتف

عضو مخضرم
أسعدالله أيامكم

سؤالي موجه لمن يملك الإجابة مع الشكر سلفاً

شريت جهاز تكنوسات HD ومعاه إشتراك باقة أم بي سي HD لمدة 3 سنوات
لكن المشكلة وين ؟

سألتوني وين ..
عقب ما ركبه الفني وراح علق الجهاز هو والريموت :)

يطلع على الشاشة كلمتين :
الكارد بالداخل

تضغط أي زر بالريموت مايستجب
تطفي الجهاز وتشغله تطلع نفس الكلمتين.
التوصيلات سليمه والإشاره واصله وأشتغل نص ساعه وفصل !!
هل الخلل بالسوفت وير ماهو مضبوط مثلاً ؟

قواكم الله



 

ولد وايل

عضو مخضرم
ألف ألأف مبروك الجهاز يا كويتي منتف >> باجر كلنا عندك من صباح الله خير :D

سيدي الكريم .. الله لا يهينك اتصل على الشركه يرجعون يصلحونه لك ويعلمونك وين الخلل ..

لا تعفسه وأنت ما تدري .. وتحسف :confused:

ومبروك يا فلذة كبدي

الوايلي :وردة:
 

سمو ذاتي

عضو مخضرم
بغيت اشتري جهاز mbc hd
بس المشكله عندي رسيفر ابو ظبي الرياضيه و osn
واذا شريت mbc صارو ثلاثه

قصه
يفترض يكون جهاز واحد يشغل جميع الكروت حتى لو زادو الرسوم بشكل معقول
 

!...ωαнαм...!

عضو بلاتيني
مبروك الجهاز وتوني ادري انه ام بي سي باشتراك

جرب تسحب البطاقه الذكيه وتجرب هل الجهاز يستقبل من الريموت

او ممكن يكون من خط الكهرب تاكد هل الجهاز على خط 110 او 220

وايظا تأكد من بطاريه الريموت ممكن تكون فارغه وتحتاج تبديل

اذا ما زبط معاك مالك الا ترده للشركه ممكن يكون عطب بالجهاز



 

كويتي منتف

عضو مخضرم
مشكورين شباب وقواكم الله :وردة:

طلعت العله بالسوفت وير وتم تبديل الجهاز وكل شي على مايرام.

تجربتي مع الجهاز حتى اليوم جيده ومعظم البرامج والمسلسلات أشوفها بصورة فائقة الدقة
على باقة ال MBC وهناك محطات HD اخرى يمكن مشاهدتها على الجهاز .


تحياتي للجميع
 
أعلى