عبر عن حالتك النفسيه...ببيت من الشعر

( القلب الكبير )

المعرف السابق:النوخذة بوعبدالله
ياويل من جرب العبره وهو صايم
لا حشرقت وارتكز بالحلق عقربها
اليوم مانمت منها قاعد وقايم
لا قادر اشرب اشرب وراها ماء ولا اشربها
 

غيث

عضو مخضرم
جميلة و معبرة هالابيات اخي العزيز :إستحسان:

تعال :قلب:.. شف غيبتك كيـف أثـرت فينـي
نعم
الاجمل وجود امثالك
ياصاحب القلب الكبير
=========
كم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع
إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وأنا قلبي معك من وين وجهت الشراع
 

مستشــــار

عضو مميز
تدري وش معنى غيابك ؟

يعني الموت المحقق

عمرك إنتَ شفت [ دفتر ]

من غلا شخص يتشقق

يعلَم الله وش [ ظروفي ]

يا بعد عيني وشوفي

مدري وش فيها حروفي

ما تبي تكتب ( أحبك )

ليتك الليله معايه

ليمتى وهذي السوالف ؟

كل ما جيتك تخالف

قول إذا ع البُعد حالف

وما تبي ترجع لي ثاني

قول

علمني

عشاني

لا تعلِّقني ب دربك

بين قلبي وبين قلبك

ما أبي أكثر أعاني

ع الأقل , عطني [ نهايه ]

من أماني لي أماني

في دقايق في ثواني

أحترق وأقول :

وينك ؟

إيه وينك ؟

وين عينك

يمكن ب لحظه أشوفك

ويمكن إنِّي ما أشوفك

وبين كل يمكن

أموت

وأرجع أرجع للسكوت

يعني أرجع للـ بدايه ؟!
 

أم فواز

فـزّاعة

خليـت خلـق الله وربّعّـت بالقـسـم
واللي يجينـي ياهـلا مرحبـا بـه
الـنــا رمـــوز ولايـبـيّـن لنا اسم
وكلٍّ يلاقـي ماكتـب فـي حسابـه
لاتنخدع باللون والطول والجسم
ياللي علـى الاجـواد ركّـز حـرابـه
 

خجـل

عضو مخضرم
ادري إن كل درب وله نهاية
بس أنا باقي معك لآخر دروبي

يابشر تكفون حلوا عن سمايه
مايصيب الهرج لو الهرج صوبي
من اجمل قصايد فهد المساعد ومن الشعراء المفضلين عندى
اختيارك روعه

:وردة:
 

غيث

عضو مخضرم
يابشر تكفون حلوا عن سمايه
مايصيب الهرج لو الهرج صوبي
من اجمل قصايد فهد المساعد ومن الشعراء المفضلين عندى
اختيارك روعه

:وردة:
:Dاشوى اني اعرف القصيدة ولا كان قلت خجل فصلت علي
الروعة ذائقتكِ الفذه اختي خجل والشاعر فهد المساعد من الشعراء ذو احساس مرهف
شكراً لكِ خجل :وردة:
 
أعلى