وزير الماليه ورط المتقاعدين

[فهيدااان]

11/8/2011 - قال وزير المالية السيد مصطفي الشمالي بأن رواتب المتقاعدين سوف يتم صرفها قبل حلول عيد الفطر المبارك ..
حيث أن رواتب المتقاعدين تصرف بتاريخ 10 من كل شهر ميلادي ..
ولكن بسبب حلول العيد سوف يتم تقديم موعد صرف الرواتب للمتقاعدين لكي يستطيعوا تدبير أمور العيد ...
حديث للرسول (ص) في زجر الكذاب "كذبت أبريل"

رب اغفر لي ولوالدي، رب ارحمهما كما ربياني صغيرا​

جاء في مثل هذا حديث طويل في البخاري ومسلم عَنْ سَمُرَةَ بْنِ جُنْدُبٍ رَضِيَ الله عَنْهُ في رؤيا رآها النبي صلى الله عليه وسلم نختصره: "رَأَيْتُ رَجُلَيْنِ أَتَيَانِي فَأَخَذَا بِيَدَيَّ فَأَخْرَجَانِي إِلَى أَرْضٍ فَضَاءٍ أَوْ أَرْضٍ مُسْتَوِيَةٍ فَمَرَّا بِي عَلَى رَجُلٍ وَرَجُلٌ قَائِمٌ عَلَى رَأْسِهِ بِيَدِهِ كَلُّوبٌ مِنْ حَدِيدٍ فَيُدْخِلُهُ فِي شِدْقِهِ فَيَشُقُّهُ حَتَّى يَبْلُغَ قَفَاهُ ثُمَّ يُخْرِجُهُ فَيُدْخِلُهُ فِي شِقِّهِ الْآخَرِ وَيَلْتَئِمُ هَذَا الشِّقُّ فَهُوَ يَفْعَلُ ذَلِكَ بِهِ قُلْتُ مَا هَذَا قَالَا انْطَلِقْ فَانْطَلَقْتُ مَعَهُمَا" ........ "فَقُلْتُ لَهُمَا إِنَّكُمَا قَدْ طَوَّفْتُمَانِي مُنْذُ اللَّيْلَةِ فَأَخْبِرَانِي عَمَّا رَأَيْتُ فَقَالَا: نَعَمْ، أَمَّا الرَّجُلُ الْأَوَّلُ الَّذِي رَأَيْتَ فَإِنَّهُ رَجُلٌ كَذَّابٌ يَكْذِبُ الْكَذِبَةَ فَتُحْمَلُ عَنْهُ فِي الْآفَاقِ فَهُوَ يُصْنَعُ بِهِ مَا رَأَيْتَ إِلَى يَوْمِ الْقِيَامَةِ ثُمَّ يَصْنَعُ اللَّهُ تَبَارَكَ وَتَعَالَى بِهِ مَا شَاءَ"......
وين المعاش ...
والله اللي قعدنا مقعاد جدي
اللحين شلون قطيتنا على صخر
لافلوس و لا عيادي افلسو الجهال من العيادي
بكره يجيك الجاهل يبي عيديه وانا ابلع ريقي .شكلي ابي انام للضحى والعصر اعايد وانحاش
اليا متى الكذب !
شلون يعني ما نودي الجهال مرح لاند والمدينه الترفيهيه
تحدنا على القهوه الشعبيه !
ما في احد يزجره !
ما الوم مسلم يوم قال وزير التوهان
وزير ضايع ومضيعك الله
ول حسبي الله عليك
ما اقول الا بالعيد كتمت والدنيا فرح وسرور ..
وقلبي مع البيض بالشارع يجرنه



​

 

[العفار]

ولله من شفته يصرح وانا غاسل يدي منه اجل وزير وماوراه الا الفلس كل يوم طالع بتصريح وناكب العالم الله لايوفقه

 

[Org]

نكب شيابنا الله لا يوفقه

بس الشياب اعجبوني ما خذو بكلام الشمالي لانه صفر عالشمال ..

 

[فارس الخليج]

أنا متعجب هو شكو يصرح بخصوص المتقاعدين اذا مابيده شي
المفروض اللي يصرح مدير عام التأمينات الاجتماعية ( فهد الرجعان)

 

[ALMutairi]

يالله خذاله دعاوي من شيبانا وعجايزنا

فرقاك عيد انت والخرافي وناصر معاكم

 

[free_kuwait]

حسبي الله عليك وهو نعم الوكيل الله لايوفقك لادنيا ولااخرة اميييييييييييييييييين

نكبت فينا

 

[نيو]

منذ اسبوع اتصلت على التامينات وتم نفي الخبر
وتقول الموظفه ان التامينات لم تعلن شي

 

[الحقيقه مره]

لاتدعون عليه الشمالى ماله ذنب الذنب على الى حاطه بزاويه ويقول حق ربعه شفتوا شلون قطيناه على صخر ---------- والمسلسل لن يخلص مادام العمليه كلها نكته وتوهيقه للشعب اهم شىء يضحكون الجماعه ويسوون دقات فى الوزير 00000 الحمدالله الذى لايحمد على مكروه سواه 0

 

[الفارسي]

سلام عليكم

عيدكم مبارك تقبل الله طاعتكم

اخوان بسألكم يحق لي ارفع قضية علي ها الوزير للاني ناوي بعد اجازة العيد بأذن الله

برفع علية قضية هذي ثاني مره يسويها يحق لي ارفع ولا

 

[حمود22]

أنا متعجب هو شكو يصرح بخصوص المتقاعدين اذا مابيده شي
المفروض اللي يصرح مدير عام التأمينات الاجتماعية ( فهد الرجعان)

يعني شتقصد تقصد وجهه وجه الكذوب

 

[ولد اليرموك]

مـن صـجـك يـا فـهـيـدان . . مـا تـعـرف وزيـر الماليـة . . !

يقـولـج إذا مـا جـذب بالـيـوم جــذبتـيـن وحـده بـعـد الـغـداء والـثـانية بـعـد العشا . . يصير فيه هبوط . . ​

 

[ابو وزة]

شفتو اللي يطلع بدعاية تاجير السيارات اللي كلمه والثانية يقول " عااادي"
هذا رد الوزير لو ان احد من ادارة مكتبة قالو له ان المتقاعدين توهقو بسبة تصريحك

حتى لو كان الوزير مو مصرح فعلا و كانت لقافة صحافه المفروض يطلع ينفى
بس لسان حاله يقول عااااادي
منو بيحاسبه مسئوله المباشر اجازة خاصة في ربوع سويسرا الله يسلمه
و المجلس كرمكم الله ..... الا من رحم ربي بس للاسف ما يلحقون

تسس

 

[دولار]

انا اقول انه وهق المتقاعدين وقطهم علي صخر والمفروض يرفعون عليه قضايا لانه ماحترم سنهم ولا قدرهم وفوق هذا كذب عليهم وخلاهم يصرفون اللي عندهم لانه قالهم الراتب بعد اسبوعين
ولا اعتذر لشياب الكويت اللي لهم كل احترام وتقدير ولكن شكله مايعرف المشاريه كل شي
عنده عادي وهني مربط الفرس

 

[دائرة واحدة]

لا تلومونه ترى الوزراء ديكور وما يحلون ولا يربطون ... النومس قبل كم يوم أعلن عن الأعفاء عن الخطباء المخالفين وبعد ساعات نفى !!!

حسبي الله على اللي ببالي

 

[ابو فرحان40]

وزير في حكومة ناصر المحمد شنو توقعون منه أكيد جذاب

 

[أبوعمر الدوسري]

اسمحلي يا فهيدان انته الغلطان

من صجك تصدق هالريال

سواها من قبل وتصدقه


بس فعلا عندنا وزراء مميزين

يقولون الكلمة ويلحسونها وعفيه على حكومتنا الرشيدة

 

[الحكيمي]

الله يذكرك بالخير خالد الملا بوحنان يقول كلام اليل يمحيه النهار وكل الاحترام لبوحنان -- والوزير معاش التقاعدين ماعليه كلام -زين وينه بس بالكلام كل شئ تمام0

 

[AlBadel]

ينلام فيه مسلم البرااك
هذا وزير الدجه الله لا يوفقه

نقـولها للأمـــــــه وللتــــاريخ إلا الرمــــــــز والزعــــــــيم ......
أحــــــــمد الســـــــــعدون
( الشــــــبكة اللبــــــرااالية الكـــــــويتية )

 

[ماهمنى]

لن نسال وزير الماليه لان الوزير يعرف منو اللى وراءه نسال نوابنا الكرام هل من موقف هل من استجواب هل من سائل عن حال المتقاعدين ؟؟؟؟؟؟؟؟؟؟؟

 

[hassan_abu3eed]

الوزير هذا والله بذمتي مايصلح موظف مهني وزير كل تصريحاته كذب