سياسة الفنادق الكويتية إلى متى هذا التخلف ضد الشباب الكويتي ؟!

[الأصمعي]

سياسة التأجير لدى الفنادق الكويتية إلى متى هذا التخلف ضد الشباب الكويتي ؟!

السلام عليكم ..

حبيت أفاتحكم في موضوع وايد مأثر على السياحة الداخلية في دولة الكويت ..

الكل يعرف إن فنادق و منتجعات الكويت تمنع تأجير الغرف للشباب و هذا ليلحين ماني عارف السبب المنطقي من وراءه !!

فـ نلاقي إن الفندق ما يأجر الغرف للأعزوبي و يلزم إن تكون مع أسرة أو يكون شايب !!

مع العلم إن لو فتحت الفنادق و المنتجعات الكويتية المجال للشباب فـ راح تمتلئ الفنادق و تزيد السياحة الداخلية ..

خاصة إن بعض الشباب سواء كانُ مجموعة أو شخص بروحه يبي يغير جو بالويكند يقدر يقضي هاليومين في فندق أو منتجع يطل على البحر ..

أحسن بوايد من إنهم يمنعونهم و بالتالي يلجأ الشاب الكويتي للسفر يومين للبحرين أو دبي أو يأجر له شقة و تروح فلوسة برى لكويت أو تروح على الخرابيط ..

مافي سبب منطقي لمنع الشباب الكويتي من تأجير الغرف بالفنادق الكويتية !!

إذا كان الخوف من بعض الشباب بإستغلال تلك الغرف بأعمال منافية للأداب فهناك حلول منها:

1-يكون عمر النزيل لا يقل عن 25 سنة

2-أن تكون الغرفة مسجلة بإسم نزلاء شباب فقط

3-يمنع صعود أي فتاة للأجنحة أو الغرف مهما كانت المبررات من قبل النزيل و تسحب الغرفة في حال شوهدت أي فتاة تصعد سواء عبر الكاميرات أو رجال الأمن

4-أن يكون ضيوف النزيل من الرجال بما لا تقل أعمارهم عن 21 سنة

5-في حال الخوف من مضايقة العوائل في المنتجعات من قبل المؤجرين الشباب ..

تقدر إدارة المنتجع أن تؤجر الشاليهات و الغرف للشباب في الأيام التي تقل فيها طلب العوائل لها مثل أيام الدوام الرسمي من الأحد إلى الثلاثاء

6-في حال أخل المؤجر أو النزيل بأي من تلك الشروط يتم وضع إسمة بالقائمة السوداء المنيله بنيله و يمنع من التأجير له مستقبلاً ..

و أظن بهذهِ الحلول قدرنا نحافظ على المنشأة الفندقية و بنفس الوقت نفتح المجال للشباب إن يغير جو في بلدة بعد عناء العمل و هم بعد يكون في مكان محترم و مو مشبوه ..

هذا والله أفضل حل للشباب الكويتي العزابي خاصة للي أعمارهم من منتصف العشرينات لغاية الثلاثينات ..

و نصفي النيه شوي مو معقولة كل الشباب نيتهم خراب وايد في شباب يبون يغيرون جو البيت ..

و هم يبون يستانسون بالبحر من خلال المنتجعات بدل ما يزخ اهله يأجرون له شالية و ييب ربعه معاه !

ملاحظة: وايد شباب يأجرون بالفنادق و شاليهات بالمنتجعات إذا يعرفون أحد بهالفنادق واسطة أو موظفيين الفندق يعرفونه ..

و هذا دليل على إن تأجير الفنادق للشباب ما يعني إن أذيه للأخرين و تقديم سؤ النيه على حسن النيه و علشان جذي لازم يتم السماح للجميع دون تمييز ..

تحياتي لكم .. :وردة:​

 

[بوراس]

اعتقد ان هذا شيء جيد لكثر استغلال غرف الفنادق لاعمال منافيه للاخلاق كما حدث لعدة فنادق في السابق
وهذا القرار مو بس بالكويت ولكن حتى ببعض الدول الخليجيه مثل البحرين لاتسمح بتاجير غرف الفنادق للمواطنين البحرينيين الا مع زوجاتهم وعقد زواج

 

[الأصمعي]

اعتقد ان هذا شيء جيد لكثر استغلال غرف الفنادق لاعمال منافيه للاخلاق كما حدث لعدة فنادق في السابق
وهذا القرار مو بس بالكويت ولكن حتى ببعض الدول الخليجيه مثل البحرين لاتسمح بتاجير غرف الفنادق للمواطنين البحرينيين الا مع زوجاتهم وعقد زواج

بس إذا في شريحة خربانه من الشباب مو معناته نعمم عالكل !!

خاصة إذا تم أخذ الأعتبار في وضع شروط لتأجيرها للشباب مثل سن معين و يكون في مراقبة على إللي يدش و يطلع من الغرف بالكاميرات و غيرها من الشروط إللي إقترحتها بالموضوع ..

أما إغلاق الفنادق بصفة عامة فيه ظلم للشباب و هم بعد خسارة للفنادق الكويتية من الإستفادة من الأرباح بدل ما يسافر الواحد ويكند و تروح فلوسه برا الكويت ..

شدعوا الحين مافي عمارات تأجر الشقق للعزابية الشباب ؟!

نفس الشئ بس عالاقل الفنادق مراقبة و مكان محترم ..

هذا والله أعلم ..

تحياتي .. :وردة:​

 

[بوراس]

بس إذا في شريحة خربانه من الشباب مو معناته نعمم عالكل !!

خاصة إذا تم أخذ الأعتبار في وضع شروط لتأجيرها للشباب مثل سن معين و يكون في مراقبة على إللي يدش و يطلع من الغرف بالكاميرات و غيرها من الشروط إللي إقترحتها بالموضوع ..

أما إغلاق الفنادق بصفة عامة فيه ظلم للشباب و هم بعد خسارة للفنادق الكويتية من الإستفادة من الأرباح بدل ما يسافر الواحد ويكند و تروح فلوسه برا الكويت ..

شدعوا الحين مافي عمارات تأجر الشقق للعزابية الشباب ؟!

نفس الشئ بس عالاقل الفنادق مراقبة و مكان محترم ..

هذا والله أعلم ..

تحياتي .. :وردة:​

اخوي العزيز الاصمعي
القرار يرجع لوزارة الداخليه واي فندق يخالف القانون يعاقب
فانا مثلا رفضوا يدخلوني الفندق الا بعد ما اعطيتهم وثيقة الزواج مع انه زوجتي والاودي والخادمه معاي لان الداخليه تطلب منهم بكشف كامل عن زوار الفندق

 

[الأصمعي]

اخوي العزيز الاصمعي
القرار يرجع لوزارة الداخليه واي فندق يخالف القانون يعاقب
فانا مثلا رفضوا يدخلوني الفندق الا بعد ما اعطيتهم وثيقة الزواج مع انه زوجتي والاودي والخادمه معاي لان الداخليه تطلب منهم بكشف كامل عن زوار الفندق

يعني هم تظل المشكلة في وزارة الداخلية و عليها أن تغير من قوانينها إللى عفى عنها الزمن !

خاصة إن الدستور الكويتي يرفض التمييز و الحريات الشخصية مكفولة و لا تفرق بين عازب أو متزوج !

تحياتي .. :وردة:​

 

[jassem]

لانه الشاب الكويتى قليل ادب ومايفكر اله فى الجنس ومستهتر وخارج عن القانون هذى نظره المجتمع الكويتى لنا يا الأصمعى .. مادرى متى نتطور عقليا وفكريا فى هديره !!


ولله ياخوى الاصمعى قبل سنه تقريبا قلت ابى اعتزل الناس واسكن فى فندق او منتجع بروجى لحالى واعتزل العالم لمده يومين لكن كل الفنادق والمنتجعات رافضتنى لما سئلتهم ما اسباب الرفض جاوبونى وقالو هذا تعميم من وزاره الداخليه ومانقدر ندخل .. قلت ماكو اله اخذ الشباب وانروح فيلجا كان حزتها بشهر 3 كان الجو سويسرى فى الكويت انذاك .. لكن فيلجا رافضتنه فى السكن فيها .. قلت ماكو اله انروح منتزه الخيران او الوطنيه انقزرها سمره ودقدقه وسهر لكن لقيت الخيران حاطه بلوك وديليت لشباب العزابيه بكل قوه وتحتقرهم . قلت دام الديره ماتبينه .قلت ماكو اله اروح البحرين وطبعا الأهل اثارهم الشكوك فى نواياى .. لانه شباب ورايحين البحرين اكيد بيسون شى فى البحرين ..صرت انامشبوه حسبى الله على من كان السبب قمت اسافر فى الخش والدس او اجذب بعض المرات اقولهم رايح الخفجى . علشان افتك من حنتهم . .. عيل يا الاصمعى شكلك مالحقت على فتره منع الشباب فى الدخول فى المجمعات التجاريه فى فتره التسعينات . لأسف وصلنه لهلحد فى التفكير ..

 

[الأصمعي]

هذه المشكلة يا أخ جاسم ..

إذا المجتمع يشوف الشاب الكويتي الأعزب قليل أدب و تفكيرة محصور فقط بالجنس !

فـ الغلط مو على الشاب العزوبي الغلط على المجتمع نفسة إللي ماقدر يطلع شاب محترم حسب قياساته !

لو الشاب و لا الشباب يروحون فندق أو منتجع لغرض تغيير الجو بكل إحترام ..

مو أحسن من إن يروح ياخذ له شقة أو يسافر و بدل ما يغير جو يحدونه على تغير ملابسة الداخلية !!

أما أيام منع الشباب في التسعينيات لحقت عليها و كانت دمار للشباب و كأن الشاب الكويتي ممنوع عليه إن يشتري هدوم !

هذا غير المنع إللي كان في حديقة الشعب و شوبيز و كأن الشباب مالهم غير النوادي و البحر و لا القهاوي أو يروح يموت أحسن له !

تحياتي لك .. :وردة:​

 

[ze blue]

زين يسوون فيكم

 

[عجـرّش]

ودي اعرف شنو الفايده المرجوه انك تسكن فندق لحالك وما معك احد لا رفيق ولا ونيس

اذا مو معك هاك الوجه الحسن ولا فلا





​

 

[كم تذكرت سويعات الاصيل]

كلام غير صحيح وغير منطقي اللي قاعد يصير بالفنادق. يعني انا مرة وصلت الكويت من الخارج الساعة 2 الفجر، وضاع مفتاح بيتي وكنت هلكان من التعب، وين اروح هالحزة انام، الناس كلهم نايمين، لفيت جم فندق وكلهم يعتذرون، وضحت لهم يبا انا بنام بس واطلع اول ما قوم، قالوا ممنوع، بس اخر فندق سالت فية رحب فيني واخذت غرفة دون مشاكل او اسئلة. الشيراتون

 

[bujassim]

لا ويبون تنمية بعد


كل دول العالم اعتقد عادي

مادري ليش اهني تفكير الكويتيين ان الكويتي خلاص لي سكن بروحه بييب معاه بنت و....

ونفس الشي

صكروا سينما السيارات عشان الواحد ماييب بنت و....

وبعد

التغييم ممنوع عشان خبري خبركم


شهالتفكير يبه احنا ويييين والتنمية وين


ناس وصلت القمر واحنا للحين تفكيرنا جذيه


انا اقول عقب الغدا اكلوا رقي ترى زين ويعطي مزاج

 

[العدل والمساواة]

في الدول المتخلفه القوانين تحاسب على النوايا لا الافعال ؟!!



غلظ العقوبه على الافعال دون ان تتدخل في الحكم على النوايا !!




​

 

[jassem]

في الدول المتخلفه القوانين تحاسب على النوايا لا الافعال ؟!!​

غلظ العقوبه على الافعال دون ان تتدخل في الحكم على النوايا !!​

ولله انته كلامك من ذهب يا اخوى .. :إستحسان::إستحسان:

 

[Anu]

اتفق معاك
ومن جذي الفنادق الي بالكويت قديمه وخدمتها سيئه
الواحد ما يغامر ويبني فندق لا من السواح الي يزورونا من الدور الثانيه ولا من السياحه الداخليه

 

[مـساعـد]

هالموضوع مشكله بصراحة

و بعدين مو شرط أن يكون فيه بنت حتى تحدث تصرفات غير أخلاقية

في شباب " و هم الاغلب إن شاء الله " فيهم الخير و البركة

لكن فيه كثيرين تفكيرهم في الامور الغير أخلاقية و الجنسية


​

 

[حفيد المختار]

في الدول المتخلفه القوانين تحاسب على النوايا لا الافعال ؟!!



غلظ العقوبه على الافعال دون ان تتدخل في الحكم على النوايا !!




​

:إستحسان::إستحسان::إستحسان:

 

[الصراحة راحه]

السلام عليكم ورحمة الله وبركاته

اخوي المثل يقول " أهل مكه ادرى بشعابها "


للامانه اخوي فتحو تأجير الشقق للعزوبيه وشفنا الويل ,, يعني كل شاب عنده الديسكو ماله في شقته

والمشكله حتى ابو 18 و19 يسولف بالدوانين ويتباهى علباله الاخ عايش بلاس فيغاس

يعني لو يفتحون الفنادق تتوقع كم حالة تبي تصير وكم هوشه وكم واحد يبي يقول انا دافع فلوس وهذول ضيوفي ومالكم شغل ويسوي بلبله بالفندق ,, والفنادق كلها ماتبي مشاكل وتخاف على سمعتها حتى لو بالكويت فهناك نزلاء من الخارج ووفود مو لازم تكون عندنا سياحه

المهم الغرب عارف وضعه وعارف صرامة القوانين في بلدته لذلك يحترمها ولاكن هنا القانون يكسره الواسطه والمصيبه كل يوم قرار

ومن باب الطرافه يقولي احد الاصدقاء ان صديقه في امريكا يقوله من باب الغشمرة انتم الدولة صاحبة الف قرار في اليوم ويقصد قرارات التعليم العالي الي كل يوم قرار وكل وزير قرار وكل وكيل مساعد قرار ومدير عنده واسطه قرار وهلما جرا


المهم نتمنى نلقى من يسمع فكرتك





عمك اصمخ !

 

[الأصمعي]

يا شباب الفندق مهما كان محترم أكثر من الشقيق المشبوهة حتى الواحد إذا بخربط ما يروح مكان كله كاميرات و حراسة أمن و تفتيش عند البوابة !

يعني إذا بخربط بأجر له شقة و يدخل إللي يبيه لا و حتى المشروبات الكحولية يقدر يشرب بالشقيق لأن مكان خاص فيه ..

بس الفنادق تنكشف بالأجهزة الأمنية يعني إللي بروح فندق أو منتجع يا بغير جو أو بريح له جم يوم مع ربعه ..

ومع العلم إن الأخوة الخليجيين المقيمين في الكويت بصورة دائمة + المقيمين العرب و الأجانب يحق لهم السكن بالفندق !!

يعني بالله بالعقل بس لكويتي يخربط بالفندق و المقيم شريف روما ما تطلع منه العيبة ؟!

تحياتي لكم .. :وردة:​

 

[jassem]

السلام عليكم ورحمة الله وبركاته

اخوي المثل يقول " أهل مكه ادرى بشعابها "


للامانه اخوي فتحو تأجير الشقق للعزوبيه وشفنا الويل ,, يعني كل شاب عنده الديسكو ماله في شقته

والمشكله حتى ابو 18 و19 يسولف بالدوانين ويتباهى علباله الاخ عايش بلاس فيغاس

يعني لو يفتحون الفنادق تتوقع كم حالة تبي تصير وكم هوشه وكم واحد يبي يقول انا دافع فلوس وهذول ضيوفي ومالكم شغل ويسوي بلبله بالفندق ,, والفنادق كلها ماتبي مشاكل وتخاف على سمعتها حتى لو بالكويت فهناك نزلاء من الخارج ووفود مو لازم تكون عندنا سياحه

المهم الغرب عارف وضعه وعارف صرامة القوانين في بلدته لذلك يحترمها ولاكن هنا القانون يكسره الواسطه والمصيبه كل يوم قرار

ومن باب الطرافه يقولي احد الاصدقاء ان صديقه في امريكا يقوله من باب الغشمرة انتم الدولة صاحبة الف قرار في اليوم ويقصد قرارات التعليم العالي الي كل يوم قرار وكل وزير قرار وكل وكيل مساعد قرار ومدير عنده واسطه قرار وهلما جرا


المهم نتمنى نلقى من يسمع فكرتك





عمك اصمخ !

السؤل الى ودى اسئلك اياه اخوى ودام انت صريح ودى اسئل ليش احنا فى الكويت انحاسب النوايا قبل لا انحاسب الأفعال ؟؟ ليش عندنه صفه التعميم وماعنده صفه التشخيص لأفراد .. شتخلف وما الوم اذا سمونها دول العالم الثالث لانه عمرنا مراح انتطور

 

[رافع الراية]

في السعودية الفنادق عادي يسكنها شباب لان الطلاب التنقلين للعاصمة او جدة او الشرقية كثير فوين يسكنون اذا قدموا على جامعات او وظائف ؟ بالشارع ؟

بس العوائل ما تسكن الا بوجود بطاقة العائلة

الشقق المفروشة ممنوع يسكنها عزاب فقط عوائل لكن يوجد شقق خاصة للعزاب للمغتربين والطلاب والمدرسين


اقول يا كويت احمدوا ربكم ان دولتكم تهتم باخلاقياتكم وتخاف على سمعتكم عكس دبي والبحرين اللي الناس اخذين عنهم فكرة سلبية جدا

بس حبيت اسأل فنادقكم فيها خمور او ممنوعة ؟ انا سمعت انها ممنوعة