سؤال وجواب ابي اقوى تخصص علمي ، واقوى معاش شنو ؟

q8_500

عضو مميز
السلام عليكم

اخواني شنو اقوى شهادة علميه بالكويت ؟

لحد يقولي طب ، الطب مالي خلق ادرسله ، 7 سنوات وايد ، عمري بيروح

ابي غير الطب شنو ؟ ابي شهاده لو يقطوني باردى وزراة معاشي يكون فوق الالفين دينار

ابي معاش قوي ووظيفه قويه ،

سؤالي باختصار ، يتكون من جم نقطه راح اذكرها الحين :-

1- شنو اقوى معاش بالكويت ؟ معاش الكل يقدر يوصله ، لحد يقولي معاش وزير ولا عضو مجلس

امه ( مرتشي ) ، ابي معاش اي مواطن عادي يقدر يوصله ؟

2- شنو اقوى شهاده علميه في الكويت وماشي سوقها ، واحد يقولي مهندس البترول

بعد الزياده الاخيره ، صار معاشه قوي وما يتحاجى ويشفط حق الوزير والعضو ( المرتشي )

3- ابي وظيفه معاشها قوي اقدر اوصل لها من غير واسطه ، لان انا ماعندي واسطه تجديد

دفتر سياره بالمرور هههههه

فــ شلون بجيبلي واسطه توظفني ؟

ختاما ً ، اتمنى الاجابه على الاسئله ، واتمنى الردود تكون جديه ومافي ردود طنازه او شي جذي

وما نستغنى عنكم واللي مثلكم وشرواكم مايقصرون

وشكرا لكم
 
جيل مادي ما يفكر الابالمعاش ما الوم نوابكم المرتشين الحين بدال ما تفكر بتخصص ينفع البلد وتساعد علي تطور الديره تفكر بالمعاش لا حيا ولا مستحي ياما ناس وصل حسابهم مليار ولحظه بصر فارقوا الدنيا اشاخذ معاه ولا فلس الكل قام يذمه
 

7Ibrahimإبراهيم

عضو بلاتيني
اختار التخصص الي يناسب عقلك وتقدر تتفوق فيه

الدنيا وان دامت لك انت لن تدوم

اللهم حسن الخاتمة

قال صلى الله عليه و سلم [ مالي وللدنيا ما مثلي ومثل الدنيا إلا كراكب سار في يوم صائف فاستظل تحت شجرة ساعة من نهار ثم راح وتركها ] رواه أحمد
 

ولد وايل

عضو مخضرم
حبيبي أدرس المحاسبة .. وتوظف لك في بنك من هالبنوك .. وخلك شقردي .. تصير يحطونك رئيس بنك .. معاشك مو أقل من ثلاث ألاف ويزيد الى مالا حد ..


أنا أعرف رئيس بنك يستلم 5800 بالشهر .. :)
 

q8_500

عضو مميز
خلاص ، بأذن الله ، ناوي ادش جامعة الكويت ، كلية الهندسه ، واتخصص هندسة بترول

السؤال ، التوظيف في النفط يبيله واسطه قويه ولالا ،؟

واذا جبت شهادة هندسه بترول ، ومعدلي نازل ، وما اقبلوني النفط لان معدلي نازل ولان ماعندي واسطه

وين اتوظف ؟ في احد يعرف مهندس بترول مو متوظف في النفط ، اذا مو متوظف في النفط ، وين وظفووه ؟

اتمنى تفيدوني بهالنقطه ؟؟؟

وشكرا لكم احبائي
 

صوتك يناديني

عضو بلاتيني
يظل السؤال قائم ، شنو اقوى وظيفه باقوى معاش ؟ وشنو الشهاده العلميه المطلوبه لها

وسؤال ايضا يدور في بالي ، بخصوص هندسة البترول ، اذا جبت شهادة هندسة بترول

من جامعة الكويت ، وما اقبلوني النفط ، وين اروح ؟ شنو اسوي بشهادتي ؟

انقعها واشرب ميتها ؟

خصوصا اذا تخرجت ومعدلي مقبول واللي اعرفه النفط يبون معدلات عاليه اذا ماكان عندك واسطه ؟

اتمنى تفيدوني بهالشغله

مافي شي اسمه النفط يبي معدلات عاليه من وين تجيب هالكلام ابوي مهندس بالنفط من ثلاث الاف سنه تقريبا هههه

اسمع الكلام الي يجمد على الشارب النفط كل سنه يبون مهندسين بالهبل يحتاجونهم وعندك فرص التقديم متاحه دائما

اول شي لاجيت تقدم لازم معدلك اللفظي لايقل عن جيد

واول واهم شي اللغه الانجليزيه تدخل امتحان انجليزي ولازم تنجح فيه ونسبه النجاح الحد الادنى لها هي 40٪ وهي عباره عن 100 سؤوال اختيار متعدد تحلهم بشاعه فقط بالكمبيوتر واغلبها قواعد وبعضها معاني كلمات وماهو سهل

واذا نجحت تنتقل للمرحله الثانيه وهو اختبار عام في التخصص عبارة عن 40 سوال اختيار متعدد تحلهم بساعه فقط والنجاح اعتقد 16 او 18 من 40

وبعدها تدش مقابله

واخيرا يحسبون درجاتك يعني اذا كنت تنجح عالحفه وغيرك يجيب درجات بياخذونه ويشفطون لك طبعا

الحسبه تكون بالدرجات النهائيه 20٪ على اختبار الانجليزي و 40٪ التخصص 20٪ المقابلة و 20٪ المعدل

الممتاز يحصل على 20٪ كامله حقت المعدل والجيد جدا 15 والجيد 10 والمقبول خل يقط نفسه بالبحر لانهم ماراح ياخذونه

تبي النفط دش تخصص هندسه وخل لغتك الانجليزيه قوية ولو تجيب معدل افضل

او نام ببيتكم احسن لك هههههههه

هذا الكلام عطيتك اياه بالتفصيل والراتب 1750 دينار عزوبي اول تعيين و2000 دينار متزوج غير بدل الطريق الي يصل الى 450 دينار وبعض البدلات الاخرى والسياره والتامين الطبي وتذاكر السفر والبونص وبدل الاثاث والقرض الحسن للموظفين ... يعني شيء خرااافي وراتب مثل ماطلبت


والكره بملعبك اذا تقدر تسعى وتحقق النجاح وعندك هدف ودافع بتقدر صدقني
 

صوتك يناديني

عضو بلاتيني
خلاص ، بأذن الله ، ناوي ادش جامعة الكويت ، كلية الهندسه ، واتخصص هندسة بترول

السؤال ، التوظيف في النفط يبيله واسطه قويه ولالا ،؟

واذا جبت شهادة هندسه بترول ، ومعدلي نازل ، وما اقبلوني النفط لان معدلي نازل ولان ماعندي واسطه

وين اتوظف ؟ في احد يعرف مهندس بترول مو متوظف في النفط ، اذا مو متوظف في النفط ، وين وظفووه ؟

اتمنى تفيدوني بهالنقطه ؟؟؟

وشكرا لكم احبائي


اذا ماخذوك النفط ياخذونك الوزارات والهيئات وراتبك بيكون حلو والاجمل من ذالك ان الفذصه متاحه لك تقدم مره ثانيه بالنفط وتختبر وتدش مقابله وانت موظف حكومي واذا انقبلت تقدم استقالتك والوضع سهل يعني موشرط تكون مو متوظف عشان تقدم وحتى لو بعد سنين طويله قدمت لموظفي خبره ياخذونك براتب ضخم لانك تعتبر صاحب خبره

بس اعتقد ان توظيف حديث التخرج من البدايه اسهل بس خل لغتك الاانجليزيه قويه وبتدخل سهاله اعرف ناس دشو بدون واسطه ومجموعه مقدمين مع بعض وكلهم انقبلو التخصصات العلميه ياخذون كثير اما الادبيه لا قليل جدا ياخذون ومرات مايطلبون وفوق هذا الي تخصصه علمي جامعي المهندس مثلا وخريج الحقوق مو متساوين المهندس ياخذ راتب اعلا طبعا ويعتبر بدرجه اعلى بالنفط من اي جامعي اخر

الحين في اعلان مثلا الموسسه العامه للاسكان طالبه مهندسين بترول عادي يعني المهندس ماينخاف عليه ياخوك
 

صوتك يناديني

عضو بلاتيني
حبيبي أدرس المحاسبة .. وتوظف لك في بنك من هالبنوك .. وخلك شقردي .. تصير يحطونك رئيس بنك .. معاشك مو أقل من ثلاث ألاف ويزيد الى مالا حد ..


أنا أعرف رئيس بنك يستلم 5800 بالشهر .. :)

انا موظف سابق في بنك الخليج وعاطل عن العمل حاليا بسبب هالبنك

دخلت دوره القبول بين 50 شخص وكلهم من الشهادات العليا وغالبهم محاسبين وانا حقوق وطلعت عليهم الثاني وطلعت الاولى بنت

توظفت فتره وكنت ماغيب ولايوم وافتح حسابات بالهبل حتى خارج البنك والدوام الرسمي افتح وبمبالغ وحصلت على شهادات تقدير بافضل موظفين البنك وبتقدير 100٪ في عام 2009 و 2010
ولا استدعاني المدير الاقليمي اكثر من مره يشكرني وعالطل !!!
وفي النهايه ترقيت وزادو راتبي 25 دينار بس قلت ماعليه نصبر غير الدوام الخايس والشروط المعقده حتى الماي ممنوع تشربه قدام العميل واخرتها اسحبو مني الرتقيه ونقلوني مكان وانخفض راتبي 70 دينار والله العظيم دون اي سبب

بس لان ماعندي واسطه

شتقول انت مدير الفرع ياخذ 1500 ان ذبح نفسه ولازم يكون عنده واسطه من اصحاب الدماء الزرقاء


انحش ياولد عن البنك والقطاع الخاص بكبره اقسم بالله انه خدعه كبيره

البترول واقطع  
 

صوتك يناديني

عضو بلاتيني
المهندس بأردى مكان راتبك ماراح يقل عن الـ 1200 دينار يعني بوزارة طايح حظها تاخذ هالمبلغ وانت عزوبي !
والقبول بالنفط مو صعب ومو سهل بس لو شهادتك معترف فيها ومعدلك زين
والاهم لغتك الانجليزية ممتازة تنقبل بدون واسطة
والراتب يصك الـ 1750 مثل ماذكرت

اما باجي الشهايد مثل القانوني فهي مخطورة
لأن اللي رواتبهم قوي هم جهات محدودة وتبطل بين فترة وفترة يعني مثلاً الفتوى والتشريع توهم بطلوها هالسنة وآخر دفعة حسب ماسمعت قبل 10 سنوات !
نفس الشي بالنسبة لوكلاء النيابة اللي تفتح سنة وترك تقريباً غير أن المكانين اللي ذكرتهم يحتاجون واسطة قووووووية

او انك تروح بعد التخرج للضباط وبعد يبيلها واسطة ومعاشك مايقل عن 1500

:)

نعم كلام عبدالله صحيح لا وضباط الحرس فاتحين يبون 3 قانوين مدري 2 والف واحد مقدم لووووووووول

والنيابه ياخذون 30 ولازم واسطتك من عليه القوم ومستشارين وناس بلايا فووق وامتحان مقالي صعب

والفتوي والتشريع نفس الحركه هذا اذا بطلو اصلا وكلهم تقعد تدرس سنتين بمعهد القضاء وتاخذ مكافاه مو راتب كامل !!!
يعني تدرس 6 سنين جامعه وبهالمكان واخرتها المهندس راتبه اكثر واسهل توظيف
 

Al243

عضو جديد
انا بعد ابي هندسه بس مو عارفه اي تخصص يناسبني وانا لغتي لانجليزيه ضعيفه
لو دخلت معهد انجليزي مع الجامعه تخصص هندسه اقدر افلح

ياليت تفيدوني ويصير اسجل هندسه الكورس الثاني
اتمنى انكم جاوبون على اسئلتي الان محتاره
 
أعلى