سؤال وجواب ما هو السبب من كتابة البعض لعبارات دينيه على السيارات ؟

المهذب جدا

عضو بلاتيني
مساء الخير
اشوف من كم سنه فاتت انتشرت كتابة ( ما شاء الله وسبحان الله ولا إله إلا الله و استغفر الله )
الخ.... وبمعنى تلزيق عبارات دينيه
ماني عارف السبب ليش تكتب على السياره بالتحديد؟؟؟ وهنا يكمن سؤالي
اكيد وما نختلف بأن ذكر الله اعظم واكبر واجمل شي في الدنيا
و في كل مكان و زمان بس السياره شكو ؟؟؟
وشكرا
 

جواهر*

مشرفة
طاقم الإشراف
مساك الله بالنور اخوي المهذب

ماظنتي فيها شيء وضع الاذكار وغيره على السيارة بالعكس شيء حلو مثل ماهو مكتوب على اسوار المدارس وغيرها

وانا لمى تمر سيارة جدامي وفيه تذكرة او دعاء ادعي لصاحب السيارة لانه ذكرنا بالله:)
 

كتاب اسود

عضو جديد
مافيها شي يااخوي
انا كاتب على سيارتي شعر ديني :

الله يا والي على كل والي ...يا خير من يدعى لكشف الجليله
المالك المعبود محصى الرمالي .. الكون والدنيا وما به فهي له
 

بدوي ذرب

عضو بلاتيني
مساء الخير
اشوف من كم سنه فاتت انتشرت كتابة ( ما شاء الله وسبحان الله ولا إله إلا الله و استغفر الله )
الخ.... وبمعنى تلزيق عبارات دينيه
ماني عارف السبب ليش تكتب على السياره بالتحديد؟؟؟ وهنا يكمن سؤالي
اكيد وما نختلف بأن ذكر الله اعظم واكبر واجمل شي في الدنيا
و في كل مكان و زمان بس السياره شكو ؟؟؟
وشكرا
سؤال غريب !!! طيب بسالك اللي حاط رقمه ولا ايميله ولا حساب ال بي بي ّّّ!!!
هذا مايستحق تخالفة الدوريات وتلعن ثواة؟؟
 

المهذب جدا

عضو بلاتيني
سؤال غريب !!! طيب بسالك اللي حاط رقمه ولا ايميله ولا حساب ال بي بي ّّّ!!!
هذا مايستحق تخالفة الدوريات وتلعن ثواة؟؟

حياك الله ما غريب الا ابليس
انا اقصد ليش يكتبون ما شاء الله ( فكرت بكذا احتمال قلت يمكن عن الحسد ويمكن اعتقاداُ
بانها تحميهم وقت الحادث ويمكن مع الخيل يا شقرا ويمكن لها سبب ما اعرفه المهم مشكورين وذكر الله و التسبيح والتهليل يكون باللسان ماله علاقه بلزاق على الجام
وبالنسبه للي يحط رقمه او ما ذكرت يا بدوي ذرب هذي الحريه واذا عن الدوريات تطق مادري عنهم
 

عبدالباري

عضو ذهبي
اخوي المهذب


هذي الكتابات الدينيه تعتبر صدقه جاريه لصاحبها


لآن كل من قرأ الذكر اللي كاتبه يذكر الله


ورصيد حسناته يزيد كل ما قرأ أحد الكلمه الدينيه


اما من يكتب رقم البي بي أو رقم تلفونه


فرصيد سيئاته يزيد كل ماقرأ أحد ماكتبه ودعا عليه



ارجو ان الفكره وصلت
 
أعلى