كل وأحد يفتش بكبت أمه يمكن يحصل 4 مليون ؟

البركان

عضو فعال
عالم اليوم

البراك: 400 الف لمن يصوت مع الحكومه و350 الف لمن يتحدث زياده ... واحد النواب اجتمع مع احد
قياديي البنوك عندما سأله من اين لك هالاموال قال : أمي قبل لاتوفي طلبت مني بناء مسجدين
واحد بالكويت والثاني خارجها وعندما توفت الام فتح الكبت ووجدت اربعة ملايين دينار ؟
 

هوازن

عضو فعال
هذي اعتبرها نكتته الموسم!!!
هذا النائب عبيط ولا يستعبط!! ولا شايف الكويتيين خبول مثله!!! فعلا ان لم تستح فافعل ما شئت!
 

بوصالح 777

عضو ذهبي
الاخ مايعرف يجذب
هاذا مومرتشى الا مصلع على هالعذر
الله لايوفقه وعقابه عند رب العالمين سبحانه وتعالى
الشعب ذابحته القروض والغلا والاخ كبت امه فيه 4 ملايين كل واحد ياخذ باله من كبت امه
 

البركان

عضو فعال
شر البلية ما يضحك وصلتني الرساله قعدت أضحك ورحت أفتش بكبت أمي الله يطول بعمرها قالت
شفيك قلت يمكن أحصل ملايين وقلتلها السالفه وقامت تضحك وقالت شوفهم يمكن تحت الطاوله هههههه
 

Queue80

عضو فعال
من مطيرجي الى نائب
أكيد ماعنده ضمير

الظاهر الضمير و الأخلاق صفطهم و حطهم بالكبت قبل ما يدش المجلس
 

البركان

عضو فعال
ابراهيم اذا ما وافق البنك راح تجيه اوامر من اللي عطاه انه يقبلها مو صعبه ؟ وانت حر وتفهم بالاشاره :)
 

HMD-ALAJMI

عضو ذهبي
يقوووولك احد الاعضاء حرق الفلوس حرق في مشتراه للبل لا بعد الرجاااال
يشارك في المزاينات ماهمه سعر الناقه يطق ابوها الي جابها 
 

البركان

عضو فعال
ونائب يوزع بمناسبه او بدون مناسبه خمسة الاف دينار ونائب شقق في لندن ومصر ونائبه ارض بمليون ونص ونائبه شوبدك 17مليون دولار ونائب طايحله زواج عرفي حسبي الله عليهم فسدو المجتمع
 

المشعان2

عضو بلاتيني
تم تداول اشاعه في الديوايين أمس مفادها


تم سحب 320 مليون من البنك المركزي وتحويلها لينييورك في امريكا


والحجه دعم موقف الكويت في الامم المتحده ولدعم دول صديقه


اعتبروها اشاعه لين يتم التاكد

 

عاد أقولك

عضو فعال
عادي عادي
يعني أشمعنى بس عسكر العنزي باع بعارين ابوه وجاب هالثروه الضخمه من البعارين
تصير ترى لا تستغربون
حتى انا مره مسحت بطاقة شوووت وطلعلي دينار
عادي عادي :)
 

عامر بن صعصعة

عضو بلاتيني
كل واحد يدور في الكبت مال امه او صندوق المبيت مال يددة احتمال يلقي ربيات ذهبية تقدر بكم مليون

ويروح يدور في داخل دبة السيارة مالت ابوه اختمال يلقي خيوط حداق وميادير تقدر بكم مليون

ويروح غرفة الخدامة ويدور تحت الفراش احتمال خاشة وميمعة من الراتب الشهري كم مليون

ويروح يكسر الحصلة مالت اخوه الصغير هم احتمال في كم مليون

http://www.youtube.com/watch?v=YX-BjjhS4UE&feature=player_embedded
 

شمري كويتي

عضو مخضرم
من مطيرجي الى نائب
أكيد ماعنده ضمير

الظاهر الضمير و الأخلاق صفطهم و حطهم بالكبت قبل ما يدش المجلس


منو المطيرجي

اول مرة ادري واحد مطيرجي بالمجلس

عطونا وصف او علامة عنه اذا ماتبون تقولون اسمه

ومنو اللي قال لقا بكيت امه 4 ملايين

افتكينا من النياق ومزاين البل طلع لنا الكبت
 

شمري كويتي

عضو مخضرم
عادي عادي
يعني أشمعنى بس عسكر العنزي باع بعارين ابوه وجاب هالثروه الضخمه من البعارين
تصير ترى لا تستغربون
حتى انا مره مسحت بطاقة شوووت وطلعلي دينار
عادي عادي :)



ههههههههههه

موتني من الضحك

الله يقطع ابليسك

الناس تكلم عن ملايين

وانت شوت ودينار

داش عرض حدك
 
أعلى