تقــرير حصــري لسفرتي إلى اندونيســيا جنة الارض في الطبيعـه (مدعم بالصور)

الســلام عليكم ورحمـة الله وبركــاته ..

كيــف الحــال جميعــا

فكــرة السفــره ..
تم تجــــاوز الكثــير من العقبــات للوصــول لفكــرة الذهاب لاندونيسيــا في ظل الكم الهائــل من الضغط والانتقادات لاختيارنــا (اندونيسـيا) وعلى سبيل الحصر :p
1/ ماوصيك هات لنا خدامه وانت راد :p
2/ ماراح تحصل هناك الا شجره وفيل شعندك رايح :(
3/ عزمت يعني تفتح مكتب خدم ؟ :باكي:
عمومــا تم تخطي جميع العقبات والصعوبات والضغط المستمر والعزم للحجز الى اندونيســيا ..

وقبــل جم يوم طرحــت موضـوع اطلب فيه مساعــده لمتطلبــات السفره , ولاني طرحته متأخر وسافرت قبل مشاهدة ردود الاعضاء فمامداني استفيــد او ارد اقراه .. واحب اقدم لهم الان كل الشكر والتحيــه على مساعدتهم :وردة: ..
وكــان في محتــواه السؤال عن طريقــة الفيزا لاندونيسيا ..
وللعــلم فقط نحن ملزمون بفيزا الدخول لاندونيسيا وستأخذها عند وصولك إلى مطــار اندونيسيا بمبلغ رمــزي .. ودون اي تعقيدات


واما الان ..

اندونيسيــا بلــد الحضــاره والجمــال وسحــر الطبيــعه فعند وصولـك لهــا لن تتوقــف عن قــول كلمــة مااشاءالله بكــل منظــر تـــراه .. فتــرى الطبيـــعه الخضــراء بكــل مكــان تذهب إليــه فتأخذك بعيــداً لتصــل إليك نسمــة من الهواء الرائــع حيـث ان الاجواء هنــاك لا تميل إلى البروده ولا الى الحراره فهـي (ربيعيه) جميــله جدا ورائعــه ..


في البدايـــه ..
تم الحجــز إلى الذهاب لاندونيسيــا قبــل موعد السفــره بـ شهــر
بقيمــة 198 دينـــار كويتــي ( ذهاب واياب ) لمــدة 11 يــوم تقريــباً (وهـي المده المناسبـه برأيي لأول سفــره للبلاد)
[عـــلى الطيـــران الاماراتي] انصــح فيــه للسفرات الطويلــه .. :إستحسان:
ولا يفوتنـــي قبــل ان يفـــوتني :p :eek: كانـــت الطيــاره متروســه خدم معـــانا خخخخخ
حتــى اني سمعــت وحــده تعيد وتشغل اغنيــة [قلب قلب] طول الوقت لا وتغني معاها اهي ورفيجاتها خخخخخخ :p

ماعلينــا
خط الرحــلة كــان كالتالي ( الكويــت / دبــي [ترانزيت] / جاكرتــا [العاصمة الاندونيسيـه] )

الجــدول كان كالتالي ( عند وصولنــا مطار جاكرتــا قررنا فورا الذهــاب إلى الجبــل الاخضــر [بونجــاك] فكــان نعم القــرار فجسلنــا هناك مايقارب الـ 5 ايام ومن ثم الحجـــز من مكتــب العطــار في بونجاك رحلـــة إلى جزيره بالــي لمدة 4 ايام و3 ليالي مع الفندق والسائق لمدة 12 ساعه يكــون معاك السايق .. والايام المتبقيه بالعاصمــة (جاكرتــا) 3 ايــام ]

لفـــت نظــري بإن التواجــد السعــودي في الجبـــل الاخضــر كان كبيــر نوعــا ما (شــباب وعوائــل) واما في جزيـــرة بالــي فكــان (قليل جدا ويكثــر هناك الاوربيين والاستراليين والاجانب )
وامــا التواجــد الكويتــي في اندونيسيــا فهو شبه معــدوم ..

طريقة صـــرف العملــه ( ذهبنا الى الصرافين في المباركيه .. وتم الصرف من الدينار الكويتي إلى الربيه الاندونيسيه )
والاصح صرف الدينار الكويتي إلى الدولار ومن ثم في اندونيسيا صرف الدولار إلى ربيــه ..
لاننا خسرنا بالتحويل ولكن ليست الخسارة التي تذكر اذا ماقارناها بإنها اول سفره ومانعرف الوضــع هناك شلون .. خصــوصــا بإن البعــض يقــول أذا رحت تصــرف لازم يكون الدولار مو معفوووس او ملخبــط ولازم يكون ومرتــب فهذا بحد ذاته اربكنا خخخخخخ .. حتى مانتعرض للنصــب

عموما الى الان انا اقول الصرف من الكويتي الى الربيه افضل .. بالكويــت :إستحسان:

ابدأ تقريــري المتواضــع بصور متواضعـه من تصويــري الغير احترافي :p ولكن ان شالله يؤدي الغرض خخخخخ


1/ ( بونجــــاك ) [الجبـــل الاخضــر]
لحظــة وصولنـا لمطار جاكرتــا اخذنــا التاكسي وانطلقنا مباشرة إلى منطقة بونجاك وتبعد عن المطار ساعتين ونص .. ولم يتم حجز الفلــه مسبقا ..
قلنا نفتر ونشوف الفلل على راحتنا ونختار هناك الفله اللي تعجبنا
وصلنــا الجبل وقالنا السايق ان في فله في منتجع اسمـه ( فينيسي ) فيها 4 غرف وكبيره وموقعها اعلى الجبــل وفعلا رحنا لها وتم الحجز .. وكان ايضا قرار موفــق ..
عند الذهاب إلى هناك ستلاحــظ بإن اغلب الشعب يتحدث العربيه بطريقة لابأس بهــا فلن تواجه اي مشكــله في التواصل معهــم .. وكما ذكرنا ان التواجد السعودي في هذه المنطقة كبيــر بينمــا التواجد الكويتــي معدوم هنــاك .. ولكن بحكــم ان المنطقــة كبيــره جدا فلن تصادف العنصر العربي الا قليلا .. وستلاحظ وجود الكثيــر من العوائل هنــاك فهــي منطقة شبابيــه وعائليــه بنفس الوقــت فستجـد كل ماتريد فيهــا


(ملاحظة اضغط على الصــور لتكبيرهــا)


صــور للفلــه .. [ونلاحظ بأن هناك موقف خاص لها]






وهذي صورة الشارع اللي جدام الفلــه ..





وهذي صورة الحديــقة الخاصه بالفله مع كراسيها الخارجيــه .. (احلا كوب قهوه من نسيم الصباح الجميل) ماعليه مو واضحه صورة الكراسي بس تخيلوووها عاد انتو :p




وهذي صورة المنظر المطل امام الفله مباشــرة .. ملعب تنس للمنتجع لمن اراد اللعب مع توفيــر الحكــم للاعبين :p ..





وصلنــا للفله منهكيــن من السفر الذي دام اكثر من 13 ساعــه ..
ونمــنا وفي اليوم التالي استقبلنا بالبــاب الحارس والسايق مع خدامه خاصــه للفلــه .. يوميــتها 3 دنانيــر والسايق بحدود 17 دينــار كويتي ومعاك اليوم كلــه .. من 8 صباحا الى الـ 9 ليلا .. يوديك ويردك وين ماتبي لو تقوله المريخ وداك في حدود هذه الساعات ..
كذلك الخدامه ومميزات الخدامه :p ( تطبخ طبخ انمــا اييييه لاتقولي مطعم المملكه ولا مندي جده خخخخ شي شي على مستوى - تنظف الفله من فوق لي تحت - تغسل الهدوم وتكويها وترتبها )

(ضروري يكون عندك سائق)
(ضروري عندك خدامه)
(ضروري تاخذ لك تيس ولا هرفي وتاكل منه خلال تواجدك في الجبــل الاخضر ;) )
صــور للهرفــي حين كره وقتلــه :eek: وذلك في اطر الطريقــة الشرعيــه وامامك يكون الصلخ والقتل والذبح ..

من هالمكان تختــار الخريف اللي تبيه ووقع اختيارنا على هالمسيكين




اخــر لحظــات الخريف بعد لحظات من الكر والفــر


وكان طعمـــــه :إستحسان: روووعه ..
وسعره 13 دينـــار تقريبا .. واذا كان الخروف اكبر حجما من اللي خذيناه ماراح يتعدى الـ 22 دينار وعندنــا يوصــل 90 دينــار يالله ستــرك من القـــادم ..

الان ننتقـــل بكــم إلــى
صور من الشوارع في بونجاك حيث الطبيعه لاتفارقــك طوال الطريــق ..




























جانــب من الطريــق المؤدي للشلالات وكمــا ذكرنــا فإنك ستقطع طريق طويل بأستخدام تاكسي 11 ( رويلاتك :p ) .. تستطيع فيه الجلوس وانصحك تاخذ عزبتك وجايك وقهوتك وشغلــك وتستمع بالجلــوس في تلك الاجـــواء الرائعــه ..










ذهبنا في اليوم الاول لنا بالجبــل إلى الغابه المعروفه بأحتوائها مجموعه من الشلالات الرائــعه بوجود مناظر طبيعيه وخضراء رائعه تحيط تلك الشلالات وهي تحتاج إلى مجهود بدني للوصول إليهــا لانه بين كل شلال وشلال مسافه بعيده نوعا ما
مكان يستحق الزيــاره فعـــلا .. إليكـــم الصـــور

عند المدخـــل ,,







صور للشلالات











وللتقــرير بقيـــه بإذن الواحــد الاحــد ..
واخيـــرا وليــس اخـــرا .. افتـــح قلبــك وذراعيـــــك وارتمــي بهمــــا إلى جمال الطبيعـــه وسحرهــا الخلاب في منطقــة الجبـــل الاخضــر حيث الهدوء والسكيــنه وجمــال المنــاظر الخلابــه التي ستحتاج إلى ايام كثيــره حتى تشــرح صدرك في تلك الاجواء الجميــله في تلــك المنطقــة الرائعــه ..
واتمنــى اني وفقــت في وضع البدايــه واسمحولنا عالقصــور ..
 
حديقة الزهــور في بونجــاك (الجبل الاخضر)
مكـــان رائع بمعنــى الكلمة ويقال بإنه يحتــوي على زهور العالم كلهـــا اكثر من 1000 نوع للزهــور ..
ويستحـــق الزيــاره بــل يجــب زيارته اثناء التواجــد في الجبــل ..
صور قبل التوجه للمكان







بعـــض الصـــور للمكـــان ..
بوابـــة المدخل والمخرج ..





جانب من الحديقه ومقتطفات منـــها ..



















هذي سكة قطار يمكن تاخذك جولة على المكان لكن للامانه ماجربتهــا .. والمكان كبير جدا من الداخل حتى اللعاب للاطفال واللعاب بحريه وقوارب فيه للكبار والصغار ..





وهذا المكان اشبه بالمطل





وهنا اماكن السير بالمنتجع








وبكل رحلة تقوم بها لاتنسى تاخذ لك ذرة مشويه طازجه او بطاطا حلوه من المزارع اللي على مدى الطريج ..



ونذهــب الان إلى السفاري الموجود في منطقــة بونجاك
وهو ليس سفاري وحسب بل انه منتجــــع كبيــر جدا يحتوي بداخله حدائق للحيـــوان والعروض لهــا
وغيــرها من العروض الترفيهيــه كعــرض الكابــوي .. فستشاهد هنــاك فيلم كأفلام هوليوود ولكنه حي ومباشر ..
بالاضافه لوجود الالعاب الخاصــــه للكــــبار والصغــــار والمطاعــــم .. حتـــى ان المكــــان بالداخل لاتســـتطيع ان تغطيه بالسير .. بل يجب ان يكون معك السائق كمرشد سياحي ووسيلة تنقــــل كـــذلك ..

قبل الدخول
صورة ضحكتني حيييل حتى اني بديت اشك بكتيب الارشاد ومدى صحتــه !!



:باكي: :باكي: :باكي: متى صارت النمور والاسود حيوانات ألييييفه !!
ومتــى صارت تقبيلهم ومداعبتهم من التجارب السهله :باكي:
طبعا كثير من اماكنهم السياحيه تشوف كتيبات ارشاديه بالعربي وعاد انصحك لاتقراها لانه اللي كاتبها اتوقع هندي من كثر البدليات او يمكن الترجمه من قوقل فيعني طوفها ولا تقرااها
:p


طبعا تمشي بسيارة السايق داخل السفاري .. وفي تحذير بعدم النزول من السياره .. بس تقدر تبطل الجام والحيوان عاد يكون موجود بالشارع ويتلزق يدور اي شي توكله اايااه ..

صور الفيل



صور للفيله مع الحمار الوحشي حيث ان الجميع هناك يعيش بمحبه وموده :p



وهذي الجاموسه تمشي بالشارع شي طبيعي وموعاجبها شوي الوضع ..




وهذي صورت اللبوه راح تشوفها بالشارع وانت بالسياره تتمشى هم شي طبيعي



وحيد القرن


مادري هذا غورولا او قرد او شنو بالضبط بس شكله يضحك




صور الحيوانات كثيره جدا

لكن اختمهــا بهالصـــوره

:باكي: هالحمــار صج حمـــار بيدش السياره من حلجه :p

صور لعرض الكابوي .. اثناء العرض ..








ماراح اكملها عشان ما احرق العرض :p


ولا تنســـى ابدا
ركوب البراشوووت ..
وهذي صوره لنا بالبراشووت ..




وهذا المنظر الي بتشوفه لو طالعت تحـــت وانت بالبراشووت




خلها بعد نهاية اي رحلة تقوم بهــا يعني العصر الساعه 3/4 العصر ولازم يكون الجو غير ممطــر
وعادةً المطر يكون في الجبل في وقت غروب الشمس ..


وللتقــرير بقيــه ..
 
الحمد لله على السلامة أخونا سعود

و سبحان الله العظيم موضوعك يا في وقت مناسب وايد لأن احنا حاجزين من الحين إندونيسيا بعطلة نص السنة لأن الكويتية مسوية عرض وايد حلو ،، و بالضبط مثل ما تفضلت أخوي بأن ما تفتك من الانتقادات

و حتى آنه قالوا لي يبي لنا خدم !!

المهم احنا اخترنا إندونيسيا بعد مشورة و بحث و سؤال و عساها تكون رحلة موفقة بإذن الواحد الأحد

فراح أستفيد وااايد من تقريرك هذا إلا إن بالي شايلينها من مخططنا تماما

بس بغيت أسأل أخوي بجم أجرتوا الفيللا ببونشاك ؟؟!! و الخادمة شلون حصلتوها ؟؟!!

و هل في سيفتي بوكس بالفيللا ؟؟!!

و هل السايق كان يتكلم عربي ؟؟!! و إذا أمكن ترسل لي رقمه بارك الله فيك

و آنه حاطة موضوع استفسارات عن إندونيسيا بهالقسم ليتك تطلع عليه بارك الله فيك
 
الحمد لله على السلامة أخونا سعود

و سبحان الله العظيم موضوعك يا في وقت مناسب وايد لأن احنا حاجزين من الحين إندونيسيا بعطلة نص السنة لأن الكويتية مسوية عرض وايد حلو ،، و بالضبط مثل ما تفضلت أخوي بأن ما تفتك من الانتقادات

و حتى آنه قالوا لي يبي لنا خدم !!

المهم احنا اخترنا إندونيسيا بعد مشورة و بحث و سؤال و عساها تكون رحلة موفقة بإذن الواحد الأحد

فراح أستفيد وااايد من تقريرك هذا إلا إن بالي شايلينها من مخططنا تماما

بس بغيت أسأل أخوي بجم أجرتوا الفيللا ببونشاك ؟؟!! و الخادمة شلون حصلتوها ؟؟!!

و هل في سيفتي بوكس بالفيللا ؟؟!!

و هل السايق كان يتكلم عربي ؟؟!! و إذا أمكن ترسل لي رقمه بارك الله فيك

و آنه حاطة موضوع استفسارات عن إندونيسيا بهالقسم ليتك تطلع عليه بارك الله فيك

ياهلا ويامرحبــا فيـج اختــي ..
بالبدايه ابارك لج هذا القرار الموفــق والممــتاز فأنتي مقبـــله إلى بلاد البهجه والفرح والطبيعــه الخلابــه ..
ان امكن اختي تحديد مدة الرحله ان شاءالله .. وبأذن الله راح ارد رد مفصــل ومجمل على جميع استفساراتج اللي وضعتيها بالموضوع ...
وراح ادز لج ان شالله رقم السايق يتكلم عربي نفس هنودنا يعني :p
واما الخدامه كانت تشتغل بالكويت كذلك راح ادز لج رقمها .. :p
بالجبــل ماراح تحاتيــن اي شي ولا راح تحسين بغربة نهائيا .. ولكــن استغربت من نقطة واحده ..
وهي بخصوص ذهابك الى منطقة سورابايا .. لانها تبعد عن بونجاك والعاصمه 1000 كيلو يعني مسافة يوم كامل بالسياره ..
وجوها حار كما يقال عنها جدا .. فأراه من وجهة نظري الشخصيه اختيار غير موفق ..

باندونق :إستحسان: يومين فقط او يوم كافيه لهــا وهي عائليه وجميله جدا جدا جدا وراح اضع اليوم تقريري عنهــا لاني زرتها يوم كامــل ..

بخصوص بالي .. الفعاليات المائيه فيها رائعه وجميله جدا حتى اني شفت عوائل كثيره هناك واغلبهم معاريس وفعلياتها رائعه ولو تعيدين النظر فيها مستعــد اضع لج جــدول كامل للذهــاب إليهــا مع تزويدج بمكان الفندق التي ستجدين بإنه مناسب جدا للعوائل .. والرحلة الى بالي 3 ايام مع رقم سائق يتكلم عـــربي 100% ومســلم ..

عموما اطرحي اسفساراتج مع تزويدي بمدة الرحلة واحنا هني ان شالله نفس العايلــه الواحده نفيد ونستفــيد ..

 

مشرفي_

عضو ذهبي
اولا الحمدلله على السلامه وموضوع رائع ما شاء الله وصحيح اندونيسيا جنة خضراء والصور رائعه اخوي ,, واحلا شيئ في الموضوع البراشوت :إستحسان:
 

ريما القمر

عضو مخضرم

تسلم ايدك على التقرير .. :وردة:

متابعين ..

ماشاالله حيل حلوة المنطقه ..

سؤال :

المنتجع فيه حمامات سباحه وأماكن ترفيه ؟


.


 

whahd1

عضو بلاتيني
واااو

عليكم بالعافيه

انا انشالله خلال شهرين بروح للمره الثالثه


تقريرك حلو وطيب

لكن ملاحظه الصرف دولار ومن هناك تاخذ روبيه افضل مع مراعاه انها تكون جديده ومرقمه انا احتفظ فيها بعلبه بلاستيك ضد الماي :)

بانتظار بقيه التقرير
 
منطقـــة باندونــق .. وتبعد عن الجبـل الاخضــر مسافــة 3 ساعـــات ..
وما باندونق الا البراكين وما البراكين الا باندونق :eek: فالجميع حين الذهاب لهذه المدينـة الرائعـه يقصدون بها الذهــاب الى البراكيــن ,, التي تبعد عنها 30 دقيقــه ..
الرحلة يوم واحد .. فقط من الساعه 8 صباحا الى 8 ليلا .. وترجـع وانت تافل العافيه عزكم الله من التعب لو سلم عليك اي احد .. ماراح تقدر حتى ترد عليه تقعد تخزه وبينك وبين نفسك بتقول تكفى افهمني
عمومــا .. للشباب من الساعه 8 صباحا الى 8 ليلا ممتازه .. اما للعوائل فالافضـل اخذ فندق ليوم واحد في منطقة باندونق .. لأخذ الراحة ومن ثم متابعة الوجهه ..

تفاصيــل الرحلــه /
لقد اخترنــا لهذه المنطقــة يوم كامل لتغطيتهــا كمـا ذكرت .. وهو ماتحتاجه بالفعل لتغطيتها

صور البراكيــن ..

الصوره لماء يفور من شدة الحراره :p وليست حمم بركانيه .. ولكن :) تحتها وفي الظلام الحائك حيث تقبع وتنــام الوحوش توجــد الحمم البركانيـه .. التي كــان اخر فوران لها في تاريخ 1983 .. وفي 2005 تم منع السيــاح من الدخول للبركان لإشتباههم في نشاطات للبركــان ..


ونلاحظ هنا ارتفاع الادخنه وتداخل الاشجار ولون الصخور والاحجار المختلفه




ستلاحظ الكثيــر من الفوهات في باطن الارض وعند اقترابك منها ستسمع صوت غليان المياه من داخلهــا ..






الجزء الاهـــم بالبراكين
ستجد هنــاك الكثير من الينابيع الحاره جدا وتختلف درجة حراره ينبوع عن اخر .. بحسب قربه من مصدر الغليان ..
ولاني للأسف لم اعطي هذا المكان حقه من التغطيه فما صورت له صور كثيره الا صور شخصيه لي وللي معــاي .. وهذي صورة لاحد الينابيع مع سيقان الشباب :p






ولا يفوتني بإننا صادفنا الكثير من الباعه المتجولين هناك وفي كل مكان يخرجون ويعرضون عليك كل ما يمكن تصوره وعند عدم موافقتك للشراء تجده يخفض سعر السلعه التي يبيعها بنسبة 75% هذا اذا ماكانت 90% حتى انهم بالنهاية اصبحوا يطبخون البيض في المياه الساخنه لمده 10 دقايق بفكرة جيده لجذب انتباه السائح :D


جانب من المكــان









علمــا بأن هذا الجزء السفلي من البركان وليس العلوي .. وفي الرحله للأسف لم يسعفنا الذهاب الى الجزء العلوي ولكن لا تجد هناك سوا الادخنه المنتشره ولا وجود للينابيع الحاره فماتحسفنا عليها ..


هناك يوجد منتزه اسمه (ساري لانك) وهذا عند خروجك من البركان ستمر عليه بالتأكيد .. مكان فعلا يستحق الزياره ورائع جدا جدا ولكن احرص ان تصل قبل الساعه 1 ظهرا اليه حتى لاتفوتك الكثير من الفعاليات التي تقوم بهذا المكان وتتوقف في الساعه الـ4 عصــرا .. مثل ( سينما وقوارب واللعاب اطفال وكبار ,, حتى اماكن للمساج ,, ومساج سمج حل رويلاتكم ,, رمي ,, سباحه ,, ينابيع حاره ,, اماكن للجلوس والتبسط ,, :إستحسان:
للأسف فاتني ان اخذ له صور .. تقدرون تطلعون له بحث في قوقل للي يبي الفايده عن هالمكان ..
يبقى لي جزيره بالي .. وجاكرتا (العاصمه)

/CENTER]​
 
اولا الحمدلله على السلامه وموضوع رائع ما شاء الله وصحيح اندونيسيا جنة خضراء والصور رائعه اخوي ,, واحلا شيئ في الموضوع البراشوت
حيالله مشرفي .. الله يسلمك ويطول بعمرك والبراشوت تجربــه فعلا تستاهل الواحد يسويها :إستحسان:
نورت

,,

تسلم ايدك على التقرير ..

متابعين ..

ماشاالله حيل حلوة المنطقه ..

سؤال :

المنتجع فيه حمامات سباحه وأماكن ترفيه ؟
المنتجع يوفر كافة الخدمات من ريوقات لو تبي وحمامات سباحه .... واماكن ترفيه ما اظن لي ذاك الزود يعني .. فيه ملاعب تنس وقدم وحمامات سباحه نفس ماذكرت لج


,,
الحمد لله على السلامه

تقرير رائع وصور الطبيعه خيال

متابعيين
اشكرج ياخجل ..
 
واااو

عليكم بالعافيه

انا انشالله خلال شهرين بروح للمره الثالثه


تقريرك حلو وطيب

لكن ملاحظه الصرف دولار ومن هناك تاخذ روبيه افضل مع مراعاه انها تكون جديده ومرقمه انا احتفظ فيها بعلبه بلاستيك ضد الماي

بانتظار بقيه التقرير
والله مثلك انت عارف الوضع الواحد واول سفره للديره هذي واهو يفتر بهالمنتديات يقرا ان يقولون .. لو الورق تعفس نقص عليك الصرافه واكل حقك ... فكان شي يربك بصراحه ولكن اوافقك الراي بشكل عام افضل الصرف من الكويتي للدولار .. ولكن عندي الى الان اصرف الدينار الى ربيه احسن عشان ماتنكب وبس :$


,,

صراحه الديرة حلوة خوش مناظر

نورت يالغالي ..



,,
بصراحه اكثر من رائع ...

الوالده مستانسه على ربيع الكويت شلون لو تروح هالدول ...
الله يحفظها ويخليها لك ويبارك لها فيك لانك محترم فكرت بالوالده على طول :وردة: :D
نورت ...
 
مشكور أخوي سعود عالرد الطيب ،،

و ما شاء الله التقرير رووعة و الصور وايد حلوة

و للعلم اي معلومة و أي ملاحظة راح أسجلها عندي و آخذها معاي عشان تفيدني بالسفر نفس ما سويت لما سافرت تركيا

و بالنسبة لمالانج فأحد أصدقاء زوجي قال له نروح لها بطيران داخلي من جاكرتا مو بسيارة و قال عنها عائلية و حلوة و فيها طبيعة

و سورابايا آنه وجدتها بالمنتديات و حسب اللي عرفته بأنها قريبة من مالانج عشان جذي سألت عنها

حتى إن في جبل تريتوس في سورابايا شبيهة ببونشاك و تأجر فيها فيللا و أظن فيها سفاري بس أصغر من اللي في بونشاك >> هذا اللي جمعته من معلومات من النت

و رحلتنا بإذن الله راح تكون يوم 25 يناير و العودة 10 فبراير عالكويتية

و خط الرحلة راح يكون كويت - كوالالمبور ساعة - جاكرتا

مدة الرحلة كلها 17 يوم احذف منهم أول يومين ، ففعليا احنا في إندونيسيا 15 يوم

فإن أمكن تحط لي برنامج سياحي عائلي لهالمدة بارك الله فيك

و بالي أخوي لأن أصدقاء ريلي نصحوه بأن ما يروح لها خصوصا إن احنا رايحين عايلة ،، يقولون فيها منكرات وايد عشان جذي استبعدناها عن خطتنا ،، فأبونا مو راضي ما نقدر نروح لها

الآن عرفنا عن باندونج و عن بونشاك ،، بقى أعرف عن سورابايا و مالانج

و آنه حاطة موضوع بالشبكة عالرابط التالي :


بعض الإخوة ما قصروا فادوني ببعض المعلومات و لو تضيف لنا بعض المعلومات أخوي أكون شاكرة لك
 
اندنوسيا جميلة في طبيعتها الخضراء والامطار الدائمة الهطول احب جاكرتا وصولوا وتعلمت كلمات اندنوسية والاجمل مافيها الاكلات الشعبيه مثل تاو وتمبا و والجورين و الجادو جادو
 
ماشاءالله تيارك الرحمن خوش صور الله يعطيك العافيه تقريرك متعوب عليه ..

بس عندي سؤالين اذا سمحت

الاول .. كم توصل درجة الحراره الظهر اللي سمعته انها توصل الاربعين هل هذا صحيح ؟

الثاني .. شلون الاسعار غاليه ولا رخيصه .

الحمدلله على السلامه .
 
نكمــل الجزء المتبقي من التقريــر لمكــان هو الافضل من حيث الفعاليات المائيه وكذلك الطبيعــه .. جزيــرة بالــي ..
تم الحجز عن طريق طيران ليون
almosafr_5242463b19.jpg


في مكتــب العطــار الموجــود في بونجــاك .. ووضع لنــا جدول سياحــي لمدة 4 ايام وثلاث ليالي في فندق .. سويس بيل هوتيــل ..
فندق راقــي وجميــل ورائــع وبعيــداً عن المنــاظر التي قد تخدش الحيــاء والتي يرى البعض بإنهــا تكثــر في جزيــرة بالــي .. إلا اننــي شخصيــا وخلال قيامــي بالرحلات بهذه الجزيــرة لم ارهــا .. لانها توجـد في اماكن محدده ومعروفــه ..
جزيــرة بالــي 80% من شعبهــا يعبــد الاوثــان فتــرى في كل مكــان اصنام على اشكــال شريره يعتقدون بهــا بإنها الوسيله لأفزاع الارواح الشريره القادمـه لبيوتهــم .. (معتقداتهم اشبه للخيال) وستلاحظ هنــاك الكثير من الطعام الموجود امامهم والادهى والاغرب بإنك تستطيع الاكل منه أي انهم يسمحوون بذلك ولكن بعد الصلاة عليــه ..

10% مسلمين وبعد ذلك البوذيين والنصاري ..
بالرغم من كل هذا ستجــد هناك مساجــد ليست كثيره .. ولكنها موجوده دائمــا في معظم الاماكن
حتــى ان دخلنا مسجــد في احد القرى الداخليه في تلك الجزيره وكان المجسد خلط (نساء ورجال) وتكالبت علينا النظرات بكل الجهــات وكأننا شي غريب يدخل المسجد .. ولكن فعلا كانت نظرات محبه وألفه وود واعجاب .. حتى انهم بادرو بالتحيــه فكل شخص يدخل يصافحك باليد مع ابتسامــه تملأها محبــة الاخوه والفرح حتى الامام صافحنــا وسلم علينــا ..
شي جميــل ..


صور الفندق 3 غرف وصالـه ..

الحمــام عزكــم الله





غرفة النوم



الصالـه







القعده امام الشقه ..





المنظر المطل من شرفة الفندق ..







في احد الاماكن الرائعه للتصوير في بالي ..













صورة لاحد الشلالات توقفنا عنده في رحلــة جميـــله جدا 14 كيـــلو في القارب بواسطــة النهــر ..








كما لايفوتني حديقة القهــوه الموجوده في جزيرة بالي .. حيث توجد جميع انواع القهوه العربيه وغيرهــا ..

وهذه صورة حيوان يأكل ثمار القهوه من الاشجار وفي هذا الحيوان تتم عملية انتاج قهوه يستحيل على الالات انتاجهــا .. ثم تخرج مع فضلاته ( عزكم الله ) ولها آليه معينه لطحنها وجعلها قهــوه وتعتبــر من اغلا انواع القهوه واجودها



وهنا توضع حبيبات القهوه بعد قطفها من الاشجار



ثم يتم حمسها عن طريق الحطب والنار



واول ما تصل الى المكــان يقدم لك جميع انواع القهــوه مجانا



ها هي كما قدمت إلينــا ..



وهذا هو المطــل الخاص بالحديقه للجلوس به واحتساء القهوه ..



وهذا التبغ الاصلي الذي يتم زراعته زقاره طبيعيه :p



وعند الخروج يجب ان تقوم بالدخول للمحل الخاص بالحديقه
ستلاحظ ان الاسعار تتميز بالغلاء نوعا ما ولكن فعلا الغالي للغالي :إستحسان: حيث تباع هناك القهوه والشوكولاته والجاي الاخضر والعادي وانواع كثيره من البهارات وغيرها من الامور ..







الى هنا اتوقف وسأجيب عن جميع استسفارات وردود الاخوه اليوم بإذن الله اذا اسعفني الوقت .. والسموحــه على التأخيــر .. وللتقرير بقيــه
 
أعلى