تقــرير حصــري لسفرتي إلى اندونيســيا جنة الارض في الطبيعـه (مدعم بالصور)

[Kuwaite1]

عاش بو خليل عاش بس صج تايلند احلى صح ما جبت لنا فيزتيين ثلاث هههه

بالعكس تقريرك قوي شفيك تقول مو قوي الله يعطيك العافيه

زين سويت وحللت الوقت ترا ورانا سفره بعد 4 ايام شد العزم ولم هدومك لا تبطل الجنطه ههههههه

 

[مايصح الا الصحيح]

بخصوص جزيرة بالي ..
شنو الانشطه المائية هناك ؟
وشلون الجو العام من ناحية اللبس ؟
لان تايلند حلوه لكن لبسها مو حلو .. ماتنفع لمطاوعة .. شلون بالي تنفع ؟

 

[سعود الظفيري]

مشكور أخوي سعود عالرد الطيب ،، ​

و ما شاء الله التقرير رووعة و الصور وايد حلوة ​

و للعلم اي معلومة و أي ملاحظة راح أسجلها عندي و آخذها معاي عشان تفيدني بالسفر نفس ما سويت لما سافرت تركيا​

و بالنسبة لمالانج فأحد أصدقاء زوجي قال له نروح لها بطيران داخلي من جاكرتا مو بسيارة و قال عنها عائلية و حلوة و فيها طبيعة​

و سورابايا آنه وجدتها بالمنتديات و حسب اللي عرفته بأنها قريبة من مالانج عشان جذي سألت عنها ​

حتى إن في جبل تريتوس في سورابايا شبيهة ببونشاك و تأجر فيها فيللا و أظن فيها سفاري بس أصغر من اللي في بونشاك >> هذا اللي جمعته من معلومات من النت ​

و رحلتنا بإذن الله راح تكون يوم 25 يناير و العودة 10 فبراير عالكويتية ​

و خط الرحلة راح يكون كويت - كوالالمبور ساعة - جاكرتا

مدة الرحلة كلها 17 يوم احذف منهم أول يومين ، ففعليا احنا في إندونيسيا 15 يوم

فإن أمكن تحط لي برنامج سياحي عائلي لهالمدة بارك الله فيك​

و بالي أخوي لأن أصدقاء ريلي نصحوه بأن ما يروح لها خصوصا إن احنا رايحين عايلة ،، يقولون فيها منكرات وايد عشان جذي استبعدناها عن خطتنا ،، فأبونا مو راضي ما نقدر نروح لها ​

الآن عرفنا عن باندونج و عن بونشاك ،، بقى أعرف عن سورابايا و مالانج ​

و آنه حاطة موضوع بالشبكة عالرابط التالي :​

http://www.nationalkuwait.com/vb/showthread.php?t=209582​

بعض الإخوة ما قصروا فادوني ببعض المعلومات و لو تضيف لنا بعض المعلومات أخوي أكون شاكرة لك ​

العفو ولــو وحياج الله اختـي ..
بالنسبة لجدولكم .. احسبي راح يكون تقريبــا 15 يوم ..

الجبــل هي المنطقة الافضــل في اندونيسيــا للعوائل ..
لذا في بداية ردي عليـج راح انصحج نصيحــة كالذهــب .. وللأسف ماقريتها بأي منتدى وهي اهم نصيحــة بالسفره كلهــا
الجبــل في يوم الاحــد جميع الحركه اللي فيــه تنشـــل وتتوقــف عن الحركـه
الشوارع تتسكر والطرق تتسكر كلهــا .. لانه يوم اجازه عندهم ويكونون الناس المتواجدين بالجبل رادين من الجبل الى العاصمة جاكرتا وكل هذا في طريق واحد
حتى ان رحنــا بيوم الاحد إلى السفاري الموجود في الجبل انطلقنا من الساعه 10 وصلنا الساعه 2 واستغرقت عودتنا الى فلتنا بعد ذلك 4 ساعات اخرى ..
والطريج ياخذ بالعاده وبالوضع الطبيعي .. 30 او 20 دقيقه فقـط !
وكل هذا بسبب الازدحام الرهيــب اللي يصير في يوم الاحـد في الجبل الاخضــر فـ (حــذاري حـــذاري من هــذا اليــوم علشــان ماتكرهون المكــان خلكم في الفلــه وخلوه يكون يوم راحه فيهــا ..)

طبــعا الحيــن النصيحـه الثانيه واللي ماتقــل اهميــه عن سابقتهــا ..
اول ماتوصــلون إلى جاكرتــا لاتسكنون فيهــا عشان ماتكرهون البلد ..
اخذو التاكسي وطلعو على طــول إلى الجبــل اذا كان وقت وصولكم إلى اندونيسيــا في الليل (يعني الشوارع فاضيه بتوصلين بساعه ونص .. واذا النهار بياخذ معاج الطريج ساعتين ونص )
وخــلي عنج كلام المنتديات محــد ضيعنا غيره .. اللي يقولون خلك بجاكرتا يوم راحه بلحظة الوصول او يوميــن !!!!
لانه فعلا هاليوم او اليومين بتترك لج انطباع سيئ عن البلد وبتحوشكم خيبة امـل :إستنكار: فطلعو للجبل على طول احسـن


نصيحـة لعدم التعرض للنصب والاحتيال من الشرطه لان تعرضنا لموقف لحظة وصولنا للمطار اخذنا التاكسي ومشينا اقل من كيلو ووقفتنــا الشرطــه وكان عذرهم لــيش مو لابسين الحزام ..
اهو مو مهــم بس مرات يدورون اي زله على السائح للحصــول على البقشيش فلازم توصين اللي بيكون عند السايق يلبــس الحزام تجنبــا لهلمواقف .. والشرطي قالنا ابي 500 الف قيمة وبعدين صارت 300 الف المخالفه قلنا مالك شي قال لحقوني المركز
ولحقناه ولا يوقــف وينزل ولا يقولنا زين خلاص بس 100 عطوني !!!
يعنــي كل شي بإيد السائــح نفســه وانا ما اعتبــره نصــب من الشرطــي
بس هو مشكــلة السائــح نفسـه اذا كـان انســان فسقــان !! فراح يعطي الشرطي والشرطي بيطمع على غيره وبالنهاية بيخرب على نفســه هذا السائـح وعلى غيــره !

والنصيحــه الاخيــره والاهـــــــــــم
خلو جاكرتــا لها اخر يومين من الرحله تكون للراحه واللتقاط النفس والتجهيز للسفر مع زياره بعض الاماكن اللي ممكن تعجبكم فيهــا .. ولو اني ارى ان جاكرتا = زحمه وحاره وماتسوى الا يوم .. بس عن الحسافـه خلوها يومين او 3 ايام وليلتيـن ..
(لازم لازم لازم لازم تحجزون فندق قبل لاتروحون جاكرتا بـ 5 ايـــــــــام ... ضرووووري ولا ماراح تحصلون اي فندق فاضــي فيها نهائيا وفي اي موسم هذا الكلام ..)
احجزو من احد السفريات الموجوده في المنطقة اللي بتكونون فيهــا

..

هالنصايح سوي لها برنت او لاتنسينها
انتبهي والله من كلام المنتديات هذا الكلام الصحيح والمووثوق وحتى خدامتنا قالت لي ايــاه بس سحبــت عليهــا وكله طلع صح ..



الجدول راح احطـه لج وخذيه منــي بيكون 100% بإذن الواحد الاحد
بس عطيني الاكيد في جدولكم اللي قلتيلي اياه وان شالله بأقرب وقــت بحطه لج مع فعاليـاته ..
والجدول المقترح لكـم ( لحظة الوصـول لمطار جاكرتـا .. اخذ تاكسي والذهاب إلى الجبــل والقضاء فيـه 7 ايــام حلوه وكافيـه .. لانه 4او5 ايام غير كافيه للجبل نهائيا .. في منتصف هذه الايام للذهاب ل مالانج 3 ايام وسوربايا يومين والباقي في العاصمـه يمكن بيطلع وياج بين اليومين والـ ثلاثه ,,) واذا تابعتي القرائه اكثر عن مالانج وسوربايا تقدرين انتي تقسمين الجدول بحسب ماتشوفين انه مناســب لكـم ..ولكن وضعت لكم هالجدول مبدئيا ..
بالنسبة للفعاليات في الجبل ابشري ان شالله راح اذكرهــا كلهــا لج نفس ماقلـت لج .. في الردود القادمـه​

 

[سعود الظفيري]

اندنوسيا جميلة في طبيعتها الخضراء والامطار الدائمة الهطول احب جاكرتا وصولوا وتعلمت كلمات اندنوسية والاجمل مافيها الاكلات الشعبيه مثل تاو وتمبا و والجورين و الجادو جادو

فعلا جميله جدا .. ولكن بجاكرتا فأنا اختلف معاج اختي كل الاختلاف
ماحبيتها ولا حبيت زحمتها وحرها :إستنكار:

 

[سعود الظفيري]

ماشاءالله تيارك الرحمن خوش صور الله يعطيك العافيه تقريرك متعوب عليه ..

بس عندي سؤالين اذا سمحت

الاول .. كم توصل درجة الحراره الظهر اللي سمعته انها توصل الاربعين هل هذا صحيح ؟

الثاني .. شلون الاسعار غاليه ولا رخيصه .

الحمدلله على السلامه .

الله يسلمك ويطول بعمرك يابو عبدالرحمن
بخصوص الجو
حسب كل منطقــة .. فمثلا جاكرتا جوها اكثر حرا من بالي ومن باندونق ومن الجبل
والجبـــل افضل منطقة فيهـم من ناحية الجو فيها دائما يكون ربيعي رائــع ..
ولكن توصل درجة الحراره 40 ! والله مادري وماتوقع صراحه
ونفس ماقلت لك كل منطقة يختلف جوها عن الثاني
وبشكل عام جوهم حلو وافضل من ماليزيا كما ذكر بعض الاخوان اللي قارنو بين الدولتيــن ..

بالنسبة للأسعـــار

رخيصـه اذا كانت قطيــه بين اكثر من 3/4 اشخاص ..
اما لو على شخص واحد او شخصين .. الله يعينهم
قعندك على سبيل المثال السايق ياخذ منك باليوم مايعادل 16 دينار كويتي .. سواء كنت بروحك معاه او 2 او 3 او 5
فالتنقل والسكن هناك اللي يحدد
لكن بشكـــل عام ديره رخيصـه وبتحس بإن كل فلس بتقطه فيها محلل :إستحسان:

الله يسلمك يابو عبدالرحمن نورت

رحله حلوه ماشاء الله

الحمد لله على السلامه

اهم شي الهرفي الالبيني

ياسلام

لاتذكرني بطعمه
تاكل مو ليما تشبع الا ليما تتعب منه

تقرير جميل

بارك الله فيك وحمدلله على السلامه

الله يسلمك ويبارك بعمرك ومرورك الاجمل يالغالي :وردة:

 

[سعود الظفيري]

عاش بو خليل عاش بس صج تايلند احلى صح ما جبت لنا فيزتيين ثلاث هههه

بالعكس تقريرك قوي شفيك تقول مو قوي الله يعطيك العافيه

زين سويت وحللت الوقت ترا ورانا سفره بعد 4 ايام شد العزم ولم هدومك لا تبطل الجنطه ههههههه

ههههههههههههههه
عاشت ايامك بو سعيد والله لو بقعد اقارن بينها وبين تايلند بقارن بشغلتين

الطبيــعه
اندونيسيا افضل 10/10
تايلند 6/10

الريحـه :باكي:
اندونيسيا 8/10
تايلند 10/0

الله يسلمك والله الاهم يكون توثيقي ومو احترافي يعني شغل مش حالك

لاتذكرنني بالسفره يازززززززززلما بدنا نعيييييش :باكي:

بخصوص جزيرة بالي ..
شنو الانشطه المائية هناك ؟
وشلون الجو العام من ناحية اللبس ؟
لان تايلند حلوه لكن لبسها مو حلو .. ماتنفع لمطاوعة .. شلون بالي تنفع ؟

والله لاحظت اكثر من مره وجود المطاوعه في بالي .. وتحديدا في الفندق اللي انا كنت فيه
اللبس لا شك بتشوف لبس غير محتشم بس نفس تايلند !!! لا طبعا
بتشوف لبس مو محتشم اكيد لكن قليل ومو بالنسبة اللي تتوقعها
بالي جزيره فعالياتها المائيه روعه روعه روعه واذا قارنت فعالياتها المائيه بتايلند .. فتكون اكيد بالي هي الافضل .. ففيها انهار وشواطي مو بسيطه وبرامجها كثيره
وان شالله راح اكمل تقريري عن بالي بوضع بعض من نشاطاتها البحريه اللي رحت لها شخصيا

 

[O^ALLaH]

طيب اخوي سعود تنصح فيها لعائلة ملتزمه ؟

يعني عندهم العباية مألوفه ، بالشوارع مايستنكرون الاماكن مثل مطاعم والحدائق وغيرها تشوف حريم عبي ؟​

 

[whahd1]

طيب اخوي سعود تنصح فيها لعائلة ملتزمه ؟​

يعني عندهم العباية مألوفه ، بالشوارع مايستنكرون الاماكن مثل مطاعم والحدائق وغيرها تشوف حريم عبي ؟​

مناسبه جدا باغلب المناطق عدا منطقه بالي

وللعلم اندونيسيا اكثر دوله فيها مسلمين

والحجاب والحشمه مالوفه هناك

والمساجد بكل مكان

واسف اني رديت بدال اخوي سعود

 

[سعود الظفيري]

طيب اخوي سعود تنصح فيها لعائلة ملتزمه ؟

يعني عندهم العباية مألوفه ، بالشوارع مايستنكرون الاماكن مثل مطاعم والحدائق وغيرها تشوف حريم عبي ؟​

طبعــا بتكون سفره ممتازه 100%
لانه كل العوايل اللي شفتهم هناك وكانو كـــثــيرين كلهم من فـــوق إلى تحت اسود بأسود مع النقاب ..

وكان الوضع طبيعي جدا جدا ,,
واغلــب الشعب مسلــم ويرتدون الحجاب .. ولا احد له شغل فيك ولا اي شي
بل بالعكس لو يشووفون العوايل المحتشمه والمحترمه يزيد احترامهم وتقديرهم له .. وتأخذهم الحميه الدينيه عليهــا .. :إستحسان:

مناسبه جدا باغلب المناطق عدا منطقه بالي

وللعلم اندونيسيا اكثر دوله فيها مسلمين

والحجاب والحشمه مالوفه هناك

والمساجد بكل مكان

واسف اني رديت بدال اخوي سعود

بالعكس كلامك صحيح وانت الاستاذ لك سفرتين فيهـا واحنا الاولى واشكرك عالمبادره الطيبه

 

[hEm0]

حمدلله على سلامتك أخوي سعود

تقرير رائع ومميز

لي عوده ان شاء الله ..​

 

[السبعينات]

الطيور على اشكالها تقع
الناس تسافر فرنسا سويسرا النمسا
انت مسافر اندونيسيا

 

[سعود الظفيري]

حمدلله على سلامتك أخوي سعود

تقرير رائع ومميز

لي عوده ان شاء الله ..​

الله يسلمك .. وحضورك الاروع
الله محييك




--*--

الطيور على اشكالها تقع
الناس تسافر فرنسا سويسرا النمسا
انت مسافر اندونيسيا

والله مافهمت ردك
شدخل الطيور واشكالها وتقع
يعني امي اندونيسيه مثلا ؟ ولا مزدوج انا بعد ؟
عموما لاضرر بالسفر الى دول شرق اسيا او الى اوربا
فكل من هذه الدول تتميز بأختلاف عن الاخرى .. ففي اوربا اجواء مختلفه من تطور وعروض ورحلات ولدول شرق اسيا كذلك مايميزها من هذه الامـور التي يرااها البعض مناسبه لــه ..

عموما اشكر مرورك الساخــر واذا ممكن تفيدنا ما الفرق بين اندونيسيا وبين سويسرا وفرنسا والنمسا اكــون ممتن لك ..​

 

[بو خليل]

تقرير جميل ومتكامل
واندونيسيا الطبيعه فيها فعلا حلوه
وانصح الاخوان بزيارة الجبل الاخضر لأنها براد والاغلبيه خليجيين والتعامل مع الشعب سهل وفيه مرونه

 

[السبعينات]

والله مافهمت ردك
شدخل الطيور واشكالها وتقع
يعني امي اندونيسيه مثلا ؟ ولا مزدوج انا بعد ؟
عموما لاضرر بالسفر الى دول شرق اسيا او الى اوربا
فكل من هذه الدول تتميز بأختلاف عن الاخرى .. ففي اوربا اجواء مختلفه من تطور وعروض ورحلات ولدول شرق اسيا كذلك مايميزها من هذه الامـور التي يرااها البعض مناسبه لــه .. ​

عموما اشكر مرورك الساخــر واذا ممكن تفيدنا ما الفرق بين اندونيسيا وبين سويسرا وفرنسا والنمسا اكــون ممتن لك ..​

لا تزعل كنت امزح معك والله يالظفيري
بس اقصد ان الناس يعني تسافر اوروبا
مو دول شرق اسيا
وتفضل :وردة:
اخوك اغليفص المطيري

 

[عــذوب]

رووووووووووووووعه الطبيعه يارب ارزقنا الجنه




حمدالله على السلامه اخوي سعود بصرراحه اندونيسيا من الدول اللي تستحق الزياره


ما شاء الله التقرير مرتب ومتناسق

سجلني متابعه وبقوه

 

[سعود الظفيري]

تقرير جميل ومتكامل
واندونيسيا الطبيعه فيها فعلا حلوه
وانصح الاخوان بزيارة الجبل الاخضر لأنها براد والاغلبيه خليجيين والتعامل مع الشعب سهل وفيه مرونه

الله يعطيك العافيه على مرورك ياخوي بو خليل .. فلا يكتمل التقرير الا بوجودكــم ونقدكم البنــاء :وردة:




----

لا تزعل كنت امزح معك والله يالظفيري
بس اقصد ان الناس يعني تسافر اوروبا
مو دول شرق اسيا
وتفضل
اخوك اغليفص المطيري

ما من زعـل فهنــا ان شالله الجميـع اخوان ..
وتبقـى وجهـة نظر لك ..
وياهلا فيـك يا اغليفص ..


----

رووووووووووووووعه الطبيعه يارب ارزقنا الجنه




حمدالله على السلامه اخوي سعود بصرراحه اندونيسيا من الدول اللي تستحق الزياره


ما شاء الله التقرير مرتب ومتناسق

سجلني متابعه وبقوه

الله يسلمـج ويرضى عليــج ..
واشكرك على وجودك ومرورك الذي اعطـى بريـقـاً لصفحـات هذا الموضــوع انتـي ومــن يتــابعـه ..


اليوم بإذن الله نستكــمل بقيــة التقــرير ..​

 

[سعود الظفيري]

​

عــوده من جــديد لأستكمــال مابدأنـا به
واعذرونــا عالتأخيــر
بــالي الؤلـــؤه الواقعــه في اندونيسيــا .. قد لا اوفــق في تقريــري لوصفهــا :وردة: ولن ولم اعطيهــا حقهــا لما فيهــا من جمــال الطبيــعه والفعاليات الكثيــره والمختلفــه ..

فإذا اردنا ان نتوقف للمقارنه بين فعالياتها المائيــه بفعاليات بتايلند !!

فتكــون النتيجــه حســب وجهــة نظري الشخصيــه
بــالي ( 10/10 )
تايلنــد ( 7/10 )

واليكــم جــزء من الصــور لفعالياتهـا المائيــه الكثيــره ..
هذا ما اعرف شنو اسميه ؟ المهــم انــه شي حلــو وشي يستحق التجربه ..
وخلونا نسميه القارب الطائــر حيــث يعوم بالشخص على البحــر تاره ويطير فيه تاره بسرعــه عاليــه ..

وهذه الصــور حصــريه لنـا اثناء ركوبهــا وتجربتهــا ..











وبالاضافه الى اللعاب كثيــره جــدا .. ولا تقـل إثاره عن هاللعبه ولكن لوجود صورنــا الشخصيه واحنا عليها يصعــب وضعهــا للأسف ..

وهذي صور من النت لبعض الالعـــاب .. وفقــط هذه الصــور ليســت من تصويــري الشخصــي

اما عاد هذي سالفتها سالفة ..
افضل تجربه لنا بأندونيسيا كانت هي خوض هذه المغامره ( التجديف في النهر ) رحلة استمرت 3 ساعات كأنها يوم كامــل !!
فهي مغامره ممتعــه وخطيــــره جدا بنــفس الوقــت ويجــب ان يكــون معــك مدرب او كمـا يقولـون مرشــد ..
ومن المواقــف اللي حصلــت لنــا ان المدرب اللي معــانا لما علق المركب بين احـدى الصخور نــزل المدرب يبي يحرك المركــب .. والنتيجه كانت بإنــه ريــوله تعلقــت بين الصخــور وصــرخ صرخــه والله تهـــز القلــب خلتنــا كلنــا ننزل ونشيــله ونعاونه وعدت على خيــر
الله ستــر عليــه ..

فعــلا رحلــة ممتــعه :إستحسان: .. 14 كيــلو في النهــر .. وحتــى ان كــان في شلال طحنــا مرينــا فوقــه وكـانت النتايــج واحد فوق الثانــي تكرفسنــا كلنــا والمدرب نفسـه قبل لا ننزل من الشلال حذرنــا وقالنا ترا خطر واذا ماتبون تنزلــون منــه عادي نطوفــه .. لكن اصرينا عليه ان نكمــل ( مو تقــولون لي الجندول ) فــرق اذا الشغــله صارت لك عالطبيعــه فيهـا اثاره وتشويــق وتلتمــس فياه روح المغامــره والمخاطــره اكثــر من الالعاب في مدينـة الملاهــي وغيرهــا ..

ولا انســى لعبة الموزه

وغيرهــا الكثيــر من الالعــاب الجديــده ولم يأخذ لهــا صــور من النـــت ..



..

فااصـــل ..
والان جميــع الصــور من تصويــري ..

صــور لأطفــال يبيعــون الذره المشويـه في الشــارع .. واستأذنت منهــم للتصــوير





وعلى مــدى الطريــق تــرى مثــل هذه البيــوت (الفــلل) في الشــارع ..





والان للشبـــاب وخصــوصــا محبيــن كولـف ديوتي
عيشــوا اللحظــه عند ذهابكم لمكــان اشبــه بساحــة الحــرب ..

صور من النت للســلاح

صــوره لأحد افراد الحــرب ( واحد من ربعنــا )





واللبس من كثر ما اهو ثقيل راح تخيس من الحــر


----

اما الان سأعرض لكم
عــرض ويعتبــر من عــادات بــالي التي تبيـن بأن هناك شــر وخيــر .. يتنــازع كل منهما حتى يفــوز احدهمــا على الاخــر

الا ان الخيــر بالطبــع كمـا يقولون هو صاحب الإنتصار دائمــاً ..

فيلتقي مجموعة من الاشخــاص شخصيات تريد ان تؤثــر عليهم وتحاول كسبهم لصــف الشــر وبالناحيــة الاخــرى جهة الخيــر كذلك تحــاول ان تكــسب هؤلاء الاشخــاص في صفهــم
بالطبــع كلها معتقدات فاســده ولا تدخــل العقــل ولا يمكن تصــورها بالمنطــق ومخالفـة تماما للفطــره

وهذه صـــور من تصــويري للعــرض











وهذا مقطع باليوتيــوب يوضــح اكثــر الفكــره ..




واسمحولنا عالقصــور وللتقرير بقيــه ..

وملاحظــه لظروف السفــر في الوقــت الحــالي .. سأتوقف بعض الوقــت عن التقــرير .. وسيتــم الرد على جميــع الاستفسارات المتعلقه عن التقرير او اندونيسيــا في اقرب وقــت وايضا سيتم اكمــال التقرير بأقــرب وقــت إن شاء الله
​

 

[عــذوب]

والله وبدون مجامله

في حياتي مامر تقرير ورحلات التهور والجرأه وسلاح اموت واجربه <<انتحاريه

والبراشوووووووووت <عيش التربه :إستحسان:

اخوي سعود ياليت لو في مقاطع فيديو حق القوارب المائيه اتوقع بتكون امتع ونعلق اكثر
تتهنون يارب وتعيدونها كل سنه ربي لايفرقكم :وردة:​

 

[سعود الظفيري]

اي موجوده وان شالله بنزلها وبكمل التقرير بأقرب وقت ممكن ..
والله يعطيج العافيه لتفاعلج مع الموضوع
وحياج الله اختي عذوب شرفتينا ​

 

[بَسْمَة ..]

اللااااااااااااااااااااه ..

ماشاء الله تبارك اللللللللللله

مناظر ترد الروووووووح الله يهنيهم بديرتهم .. شيء خيالييييييييي

واختيار ممتـآآآآآآز ياا اخوي والله

أعشق المناطق البسيطه واللي تميزها طبيعتها نفس جذيه بشكل يفوق الوصف


كله كوم وهذي بكوم ثاني






ياعمري والله ياللي عاليساااار هههههههههههههههه ..


/



حمدلله على سلامتكم ..









,​