سؤال وجواب بطاريه السياره

[المهم^الكويت]

السلام عليكم

بطاريه السياره خنست ورحت ابدلها ما لقيت مثل حجمها حطيت حجم اكبر بدال 66 حطيت 70 بطاريه اسيدلكو

السؤال في ضرر عالسياره اذا حجم البطاريه اكبر والا لا؟؟​

 

[شمري كويتي]

الفرق بسيط

ما اظن في مشكلة

بس من باب الاحتياط

تأكد من كهربائي فاهم

او من خلال سؤال الوكالة

اذا السيارة من الموديلات الحديثة

تأكد من خلال سؤالك كهربائي شاطر

اما اذا السيارة قديمة ماراح يضرها

وبالنسبة للبطاريات في انواع احسن من اللي ركبتها

انواع المانية او يابانية​

 

[بقيييط]

اكيد سيارته حديثه ولا شخليه يحاتي

اضن ضنتا ماوراه ضنه عاادي​

 

[مالك عرب]

بسم الله الرحمن الرحيم

يجب أن تكون البطاريه نفس حجم ( قوة الموزع ) الكتاوت

أو راح تحرق الظفيره

أنصحك .. بتاللي يوجد رقم ع كيبل الفيوزات وشريحة الشاصي

مثال/D65 :23L

نصيحه الديلكو (( مظرووب )) ركز ع الكوري خاصةً اللأكتروني

بشتا والبرد / هو يتحمل
والسعر مناسب مع كفاله من المحل .. مو الوكيل .

 

[حوللي]

فعلاً أنحاش عن الأي سي ديلكو ترى صارت رديئه حيل وتوقع أنها تخترب معاك بأول أسبوع وينزل مايها

 

[المهم^الكويت]

شكرا لكل من شارك

بالنسبه حق السيديلكو انا ركبتها لانها نفس بطاريه الوكاله السياره امريكيه gmc موديل 2008...ومن طلعتها كل شغلي بالوكاله بس احتديت اني اركب بطاريه من برى

والبطاريه مع التركيب طلعت علي 30 دينار؟؟ اغيرها واركب نفس الحجم والا ما تسوى؟؟

الكهربائي قالي عادي ما اتضر بس ادري انه بيبيع وبس ما همه شي ثاني...والبطاريه مكفوله سنه بس الحجي على كهربه السياره تضرها والا لا