قلناها من قبل
الزيادات هذي غلط وراح تاثر على الاقتصاد
بس وين الي يفهون
ماراح يرتاحون الا اذا صار سعر الدينار نفس لريال او التومان
لا بارك الله في كل واحد يحاول يضرنا ويفكر بمصلحته بس
والله اخوي كلامك منطقي بس الحكومة ليش وافقت علي الزيادات اوكي يعني ممكن حكومتنا طقها الفقر بعد الكوادر اللي عطتها طبعا مو محافظ البنك المركزي عندنا طلع الاول عالميا وطبعا وزير الماليه حدث ولا حرج تصاريحه لا للزيادات لا للكوادر وبعد ما تقر الزيادات ما يتكلم ( انا لو منه استقيل ) بس اهو تعود علي التصاريح اللي ما منها فايدة خصوصا قبل رمضان وقبل العيد
نرجع لموضوعنا تري سهل بس يبيله ريال يطبقه افرض ضريبة علي اللي ماخذ كادر واللي ما اخذ الله يعينه علي معاشه بدون ضريبة هذا اولا
ثانيا الماي والكهربا بدون دعم للي عنده كادر اما اللي ما عنده يستحق الدعم
ثالثا صرف التموين يكون للمسكين اللي ما عنده كادر اما اللي عنده ينحرم من التموين
رابعا اقرار قانون الضرائب علي جميع الشركات واللي ما يبي يهد السوق ابرك يدش 100 بنغالي بداله وراح يدفعون ضرائب
خامسا الرعاية السكنية من غير المعقول ان الموظف يناشب المسكين اللي ماعنده كادر علي بيت الحكومة ياخذ ارض وقرض عشان يصفي الدور علي بيوت الحكومة حق اللي بدون كادر
سادسا وطبعا تلتزم الحكومة بعلاج المواطن اللي ماعنده كادر بالمجان اما اللي عنده كادر فيشترك بالتامين الصحي اجباريا
سابعا ويتم فرض رسوم علي استقدام العمالة المنزلية تصاعدية طبعا مثلا الخادمة الاولي 50 دينار بالسنة الثانية 100 والسايق 400 وهكذا
ثامنا اقرار ضريبة رفاهية علي الشاليهات فمن غير المعقول ان يتم استغلال الواجهة البحرية للكويت بشكل ريعي لفئة صغيرة ادفع عشان تستانس
تاسعا استحداث ضريبة متر حرفي تطبق علي المناطق الحرفية مثل الشويخ صبحان الفحيحيل وغيرهم وذلك نظير الاستخدام
عاشرا تطبيق نظام جمركي عادل مثلا الدولة اللي تفرض علي سلع دولة الكويت جمارك او ضريبة مضافة يتم فرض جمارك او ضريبة مماثلة علي السلع التي نستوردها منها وذلك احقاقا للحق وايضا معاملة بالمثل
شرط اذا تم تطبيق هذه المقترحات شرط محد راح يطالب بزيادة او كوادر لان راح يصير فيه عدل ومساواة الدولة تساعد فيه الموظف الذي لم يأخذ زيادة ولم ينظر في رواتبه منذ اكثر من ثلاثين عاما