سؤال وجواب المستشفى الامريكي في بانكوك .. أستفسار

O

Org

عضو مخضرم
السلام عليكم ..

مساكم الله بالخير ونشكر التعاون من الاخوان عساكم عالقوه

وعلى راسهم مشرف سؤال وجواب

ندخل بالموضوع ..

بخصوص علاج العظام وبالاخص الظهر والدسك

تنصحون بالمستشفى الامريكي بتايلند ..؟ واذا الاجابه بنعم اتمنى ذكر الدكتور المعالج

رايكم يهمني وبكل امانه

ملاحظه : المريض رجل كبير بالسن

:وردة:
 
ترتيب حسب التاريخ ترتيب حسب الأصوات
J

jassem

عضو مخضرم
انا ما اعرف الدكاتره فى بانكوك .لكن لأمانه الكل يمتدح المستشفى الأمريكى فى بانكوك .. لانه سعره رخيص وبدكاتره عباقره واهتمام كبيره لكل مريض ..
 
تأييد 0 تصويت سلبي
ب

بن ذى يزن

عضو بلاتيني
جلست في شهر 11 اللي فات 16 يوم في بانكوك دون الخروج منها
وكنت فاضي سويت طلبيه ونطرتها 14 يوم فكنت ساكن بفندق قريب من المستشفى
المذكور وكان اغلبه من الاخوان الاماراتيين يعالجون اسأل الله لهم الشفاء
فكنت اسأل عن العظام في بانكوك فلم يشيروا علي في المستشفى الامريكي
العظام في مستشفى اسمه مستشفى ويشتاني في بانكوك تخصص عظام

والله يشفيك وعليك البحث من خلال العم قوقل عن المستشفى هذا
 
تأييد 0 تصويت سلبي
ع

علي73

عضو فعال
اللي اعرفه اخوي ان المستشفى الامريكي في بانكوك اسمه بريمنجراد وهو قريب من الحي العربي في بانكوك انك تتوجه لدور الثالث ويوجد مترجمين يتكلمون العربيه وفتح الملف مجانا واذا عندك اشعات او تقارير للمريض تقولهم عنها ويوجهونك لدكتور المطلوب علما انه يوجد لديهم فحص كامل ويوجد بروشورات لديهم بخصوص الفحوصات وتكلفتها ويمكنك عند مراجعتهم صباحا ان تنهي جميع الفحوصات وفي اليوم التالي تظهر النتيجه وتقابل الدكتور برفقة المترجم ويوجهونك لدكتور المختص اذا استدعت الحاله واتمنى الشفاء لمريضكم باذن الله تعالى
 
تأييد 0 تصويت سلبي
و

ولد وايل

عضو مخضرم
شوف أخوي .. هدا المستشفى زرته مرتين .. ​

وفي الحقيقة .. ​

هو مستشفى رائع جداً من حيث التشخيص والعلاج .. لكنه غير متخصص في شيء معين .. فهو أشبه عندنا بالمستشفيات الخاصه .. من حيث النظام والرتابه والنظافه والخ .. ​

أما أنه متخصص .. بعضو معين .. لا أعلم بدلك شيء .. ​

لكن الشهادة لله .. أن تشخيصهم والله رووعه .. وتقنياتهم عجيبه من حيث الأجهزة وكدلك الأطباء .. ​

عسالله يشافي مريضكم .. ​

وأي استفسار أخر .. أنا حاضر .. ​

وتحياتي لك ​

:وردة:​
 
تأييد 0 تصويت سلبي
ع

عــذوب

عضو بلاتيني
سلامة الوالد والله يشفيه يارب

بخصوص تخصص العظام اللي طاري علي انه في د كتور هندي معروف و شاطر حيل وبرفيسور كأنهم ملقبينه "ملك العظام" ما ادري ليه ملقبينه ه اللقب وهو مو بالمستشفى الامريكي لا في مستشفى ثاني في تايلند وه المستشفى غاليه حيل لانه كل الدكاتره اللي فيها شاطرين حيل مكلفين يعني اقل واحد فيهم استشاري .
...عند ك الهند هم يمدحونها وفيها مستشفى معروف للعظام والدكاتره فوق الممتازين كثر كويتين واماراتيين رايحين لهم .

بالنسبه للامريكي اللي في تايلند متخصصين بالقلب انا سمعت وقريته للامانه مو متأكده
والله يشفي كل مسلم
 
تأييد 0 تصويت سلبي
ا

المهذب جدا

عضو بلاتيني
ما تشوفون شر
راح افيدك باللي اعرف
لهم مكتب رسمي بالكويت يحجز لك موعد مو الدكتور ويحجز لك اذا تبي تسكن بالمستشفى
مندوبهم اسمه الدكتور ميخائيل يتكلم عربي وشكله روسي رقم نقاله 66888740 والمكتب رقمه 22409960
دق عليهم وحاول تشرح له وتفهم منه او تاخذ فكره و مكانهم بشرق شارع احمد الجابر
انا زرتهم لكن الموضوع مو موضوع عظام وعموما اذا مريضك راح ينام بالمستشفى ترا السكن مال المستشفى حق المرافقين زين ونظيف ويغنيك عن الطلعه برا خاصه ان الجو رطب حيل يعني كل ما تطلع تتسبح. وبانكوك بلد قذر الله لا يحدك عليها
نرجع لمكتبهم اللي اهنيه لما تنوي تروح ياخذ منك رسوم مقابل حجز الموعد والسكن يا 25 او 35 دينار . حنا رحنا على حسابنا ومكلف جدا بس النتيجه حلوه .
وهذا بعد رابط موقع المستشفى

http://www.bumrungrad.com/thailandhospital

وهذا رابط مكاتبهم بالخارج
http://www.bumrungrad.com/en/contact-us/international-referral-offices

سلامات واجر وعافيه
 
تأييد 0 تصويت سلبي
ا

المتفائل

عضو ذهبي
اخوي مايشوف شر الوالد
اخوي عندهم مكتب صحي بالكويت ممكن يفيدك ويشوف تقارير الوالد ويرسله. ويسون اجتماع عليه ولمه تجي النتيجه يدق عليك ويبلغك هل عندهم علاج او لا
الدكتور ميخائيل ٦٦٨٨٨٧٤٠
دق عليه ونسق
يسر لك الطريق
وموفق اخوي
اسأل الله العظيم رب العرش العظيم أني يشفي والدك
اخوي اسأل عن لسعة النحل أظن يمدحونه جرب وسال
هذا متخصص بالسع النحل محمد السند ٩٩٦١٠٨٦٩
 
تأييد 0 تصويت سلبي
O

Org

عضو مخضرم
مشكورين ..الشر ما يجيكم

بيض الله وجيهكم

لا خلا ولا عدم وعساكم ما تشوفون الشر يارب

انا بدق عالمكتب الصحي بالكويت واخذ التفاصيل

:وردة:
 
تأييد 0 تصويت سلبي
ت

تيوك

عضو فعال
المتفائل قال:
اخوي مايشوف شر الوالد
اخوي عندهم مكتب صحي بالكويت ممكن يفيدك ويشوف تقارير الوالد ويرسله. ويسون اجتماع عليه ولمه تجي النتيجه يدق عليك ويبلغك هل عندهم علاج او لا
الدكتور ميخائيل 66888740
دق عليه ونسق
يسر لك الطريق
وموفق اخوي
اسأل الله العظيم رب العرش العظيم أني يشفي والدك
اخوي اسأل عن لسعة النحل أظن يمدحونه جرب وسال
هذا متخصص بالسع النحل محمد السند 99610869
أنقر للتوسيع...

اذا الشخص اللي ذكرته سوري الجنسيه
انا جيته بعيادته حط ع رجلي نحل .. ارتحت فتره مؤقته ورد العوار مره ثانيه !
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى