سؤال وجواب زيادات الفتوي وتشريع

[الابرق الاصفر]

مرحبا شباب احب اسال هل صحيح سوف يتم اقرار زيادات الفتوي وتشريع والتحقيقات وبنسبه 75 بالميه من العلاوه القضائيه هل صحيح الكلام وهل صحيح الى الان الحكومه تتجاهل مطالب القانونين لانه لو فعلا تمت زيادات الفتوي اتوقع المساواه الى يطالب فيها القانونين تصبح صعبه في ظل هالاجواء ياليت احد يفيدنا بالمعلومات وتوقعات للاحداث القادمه في زياداه للفتوي او تتساوي الفتوي بالوزارات

 

[الحر_189]

يالغالي الحكومه تبي اتزيد الفتوى والتشريع والبلديه والقضاه والنيابه لانهم هذولي الناس المهمين اصحاب الفخامه اللي الحكومه اتحبهم وتحترمهم وودها تعطيهم كل شي

اما اللي بالوزارات والهيئات الحكومه مستكثره عليهم حتى الراتب البسيط والتافهه ال 700 دينار وودها ماتعطيهم شي كلش لانها اتشوف ال 700 زايده عليهم

الحكومه تبي اتخلي الفتوى والنيابه 4000 و5000 شهريا

اما الوزارات والهيئات تبي اتخليهم 700 على حطتهم وازايد عليهم بوجهه نظرها

 

[مالك عذر]

اي والله فرق السما عن الارض
بين قانونين الوزارات و الفتوى والتشريع
اكثر من 1000 دينار
وكلهم نفس الشهادة
الفرق هذا عنده واسطه وهذاك لا

 

[الابرق الاصفر]

يعني معقوله الحكومه تخلى راتب وكيل النيابه ج 1980 ومحامي ب بالفتوي بعد زياده 1900 والتحقيقات والبلديه 1780 ولى بالوزارات 780 ليش الحكومه سياسه عدم المساواه الله يعيني خريجيم من نفس الجامعات بس الواسطه تخليك فوق او تحت

 

[الحر_189]

والله يالبريق الاصفر كلامك صحيح

ولين متى هالظلم

مافي مكان نوجه شكوى له ؟ على هذا الظلم الصارخ ؟؟

ليش ما نرفع كلنا احنا المظلومين دعوى قضائيه ضد الدوله ؟؟ ونعطي الموضوع شهر اعلاميه ووو لانه الحكومه لما تشوف الموضوع يوصل برا الكويت راح تخاف لانهم يخافون على سمعتهم وكراسيهم

شرايكم باقتراحي ولما نحط اكبر محامي بالكويت مثل الحصبان مهما بياخذ مننا الفلوس راح تتوزع علينا يطلع كل واحد يمكن يدفع بس 50 دينار ولا اكثر شوي لاننا بنكون مثلا 100 واحد رافعين القضيه