سؤال وجواب سؤاااااااااااااااااال للجميع ؟

الداهية _ 7

عضو فعال
السلام عليكم


بدون مقدمات
إذا كنت بالمطار وعند الأمتعة (تقطع البوردينغ )
وجاك واحد تعرفه إلى حد ما أو حتى إذا تعرفه معرفة ممتازة
وجاك وقالك الوزن اللي عندي متعدي الوزن المسموح
وقال بالله خوذ الشنطة بما إنه في مجال عندك ؟؟؟؟؟؟؟؟؟؟؟؟

شنو يكون الرد بصراحة؟؟؟؟؟؟؟
 

بدر الروقي

عضو ذهبي
اخوي انت ماتدري يمكن فيها ممنوعات والمثل يقول حرص ولاتخون انتبة انت في مطار مالك خلق سين وجيم وانا عن نفسي اتجنب هالامور الى تعور الراس لانها بصراحة مغامرة ولاتنسي الشخص ماتعرفة شايفة بالمطار لكن لو تعرفة وثقة شي ثاني:وردة:
 

الخطر

عضو فعال
في عام 2001 قبل عشر سنوات تقريبا

كنا في مطار بانكوك متجهين للكويت 00 انا واربعه من الربع

المهم جانا فنان كويتي يدعي (ب00ط) وقال شباب كويتيين الله جايبكم

قلناله امر 00 قال والله عندي وزن زايد وابي فزعتكم

قلنا مافيه مشكله نخلي وزننا واحد ونحطه باسمك وتنتهي مشكلتك ( حديناه من اقصاه )

تتوقع شنو رد علينا

قال اعرفكم تعرفوني 00 احط الوزن باسمي

هاهاها صج مايستحي

قلناله 00 انقلع انقلع انت ووجهك انت بروحك شبهه

ملخص الكلام00 اذا ماتعرفه او معرفه طفيفه حاول تتجنب لانها مغامره صراحه





 

Maradona

عضو مميز
سنة 94 واحد وهق ولد عمه ببطول خمر وانسجن

وليومك هذا عيال العم مايجون بعض

انت شخسران لما تقول اعذرني

بتصير معيبه لك

بالعكس كل الناس بتقولك ماالومك

المهم دربالك
 

الداهية _ 7

عضو فعال
الاجابة تكون واضحة لمن لا نعرفه او نعرفه معرفة طفيفة وهي الرفض بلباقة

ولكن الحساسية تزداد عندما يكون صديق او اخ متهاون او اخ يسكن في بيت اخر من ام اخرى

ع العموم شكرا على تفاعلكم وعلى ردودكم الطيبة .
 

كاسك يا وطن

عضو بلاتيني

مره كنت بمطار بيروت وجاي الكويت ..
ولا جاني واحد لبناني وقالي عندي وزن زايد ..
قلت له مو مشكله ..
دخلت جنطته بالبوردنق .. وبعدين بالتفتيش طلع بالجنطه بطلين وسكي ..


بالنهايه .. صادروا البطلين واللبناني راح معاهم .. ومن بعدها صرت ما اثق بإي شخص ..
 
أعلى