أفكر بالهجره وزوجتي تمنعني

[خليج العرب]

أقسم بالله اني صادق

أفكر بشكل جدي اني أهاجر للأبد... أيعقل ان الحكومه تنتفض لدخول ناس مجلس الأمه بشكل عشوائي وليس تخريبي... وتصمت صمت الليل في وسط الصحراء عن الايداعات المليونيه...

مازلت أتذكر وجودي في سنوات الغربه للتعلم... ومازلت أتذكر كيف أنظر بحسره لحياة الناس في الغرب... سواء مسلمين أو غير مسلمين... وكيف يتنعمون بأنظمة بلدانهم التي هاجروا إليها.

للي يقدر يفيدني بالهجره... أرجو ارسال رساله على الخاص.

 

[نيو]

لا يا اخ
فكر في مصلحت بلدك

 

[سونار]

لقد على المفسدين و أصحاب الباطل والمتملقين علواً كبير ا

 

[كويتاوي]

انت تهاجر من بلدك

وتأتي هجرة معاكسة من ايران إلى الكويت


وينقلب الميزان لصالح الفرس



بس والله الحال من بعضه

انا بهاجر ولكن يمنعني أهلي بالإضافة إلى زوجتي

​

 

[صفاة]

نعم انصحك بالهجرة الي ايران لتكون هجرة معاكسة و و ينقلب بذلك الميزان لصالح العرب علي الفرس المجوس  

 

[فهد الخليج]

لا للهجره يجب ان نقاوم البلد بحاله ضعف ومن المستحيل نخليها لاذناب ايران والمجوس

حنا عيالها وحنا اللى معاها بالمره والحلوه وان شالله تتعدل مافي شى يدوم اليوم فى ضلام

وبكره يجى النور لا تستعجل الامور ​

 

[حمود22]

البلد مقبله على مد صفوي لضرب اهل السنه ونحن بحاجه لتظافر جهودنا هل تهاجر وتدع بلدك واخوانك وتترك اذناب ايران تلعب ببلدك

 

[م.محمد المطيري]

انت شتقووووووول شنو تهااجر تهاجر عن ديرتك وديرة اجدادك
انا بالنسبه لي اموووت واندفن بهالديره .... وادافع من اجلها الغالي والنفيس وبكتباتي اقل شي اسويه للكويت
احنا الحين لما نحارب الاعلام الفاسد فنحن نقوم بواجبنا اتجه بلدنا ... لا يااخي انت كويتي لا تفكر بهالشي ابدا

والبلد الان تحتاجك وتحتج حق اي كويتي علشان يحرر الحكومة من عبودية إيران ... احنا في غزو شلون نتخلى عن بلدنا ... دربالك تفكر بهالشي او تقوله حق العيالك دربــــالك .. فيك الخير والبركه ​

 

[العصر الذهبي]

تهاجر على شنو !!!!!
والله انكم ترفين يا الكويتيين
اسقاط ناصر المحمد اسهل من اجراءات الهجرة
كله كم اعتصام على كم ندوة يروح المحمد

 

[م.محمد المطيري]

تهاجر على شنو !!!!!
والله انكم ترفين يا الكويتيين
اسقاط ناصر المحمد اسهل من اجراءات الهجرة
كله كم اعتصام على كم ندوة يروح المحمد

ههههههههههههه إيه والله اسهل من إجراءات الهجرة ... يبيبله رجال توقف ​

 

[.. عصآمية *]

أفضّل أكون نشبة و مغثة و شوكة بحلوجهم عن إني اهاجر و أخلي لهم الجمل بما حمل !!!

،

خلهم هم يهاجرون ،

كويتنا أحلى من كل مكان والله

،

كمل دراستك اخذ نقاهة او راحة

اما هجرة تامة

مانصحك

والله يوفقك

 

[Q8Shaw]

ما عليك من كلام الاعضاء .. هاجر و احنا وراك !!!!! ..

ديرة احمد ايراج ما عادت ديرتنا ولا هي لنا .. الواحد فينا سالت دماء أجداده و دموع جداته من أجل هذا الوطن و أسرة الحكم !!!! ..

و تاليتها احمد ايراج يتجنس و يتوظف و يطلع له بيت حكومه في أقل من سنه !!!!!!!!!!!!!!! ..

و إنتوا نطروا 5 سنين للوظيفه و 15 سنه للبيت !!!!!!!!!!!! ..






​

 

[صفاة]

من ناحية اخري فهذا دليل واضح علي بعدم انتماء البعض لهذا الوطن و سهولة الرحيل للحصول علي مكاسب جديده

 

[ساهر الليل]

اخوي اذا عندك فلوس واجد اخذتها معاك

ارجوك تاخذني معاك !

اوتدري اذا بغيت تهاجر

وعندك فلوس من خير الكويت لوسمحت رجعها وبعدين هاجر

وحنا نسهل لك الاجراءات والباسبورت والتيكيت

 

[الجنازه]

بالغزو جلسنا وشكلنا فرق المقاومه ونظمنا انفسنا وكان معانا الشيخ والفراش

وكنا لما نشوف الكويتي كأنك شايف ابوك او اخوك وتدمع عيونك :

وعلى قلة المادة وطغيان العدو لاكن الحمداللة اللة كان معانا وافضل جو مر على الكويت

وكنا نتابع الاذاعة الكويتيه رغم ردائة الصوت : وابكانا سمو الامير الشيخ جابر اللة يرحمه عندما القى

خطابه في الامم المتحده :

اليوم مع الاسف حكومتنا ذلتنا بعيش ودجاج مجاني ان تكلمنا تهمنا وان سكتنا انغبنا

مع الاسف امس اشوف فجر السعيد تتغني بالوطنيه وقبلها اشوف عذبي فهد الاحمد يتهم مع اخوانه

بقلب النظام على السان فجر : عذبي الذي لم يتجاوز عمره عمري ايام الغزوو يقود المقاومه يتهم

يالله

اخوي اذا عندك القدر هاجر والله يوفقك وتبني جيل افضل

 

[ح / م ~]

وشالحكمه من الموضوع
امر شخصي بحت...
عموماً..
هاجر وشوف نفسك بعدها... شكثر تتحمل تعيش بره!!

 ​

 

[مسك الورد]

من ناحية اخري فهذا دليل واضح علي بعدم انتماء البعض لهذا الوطن و سهولة الرحيل للحصول علي مكاسب جديده

مؤ صحيح راح أوضح لك النقطة من جانب واقعي اعايشه شخصيا. الجانب التجاري اذا تبي تبطل مؤسسة او شركة تجارية بالكويت شوف الطلبات اللي يطلبونها وها هالطلبات مؤ ثابتة يعني أنا قبل اسبوع مجدده رخصتي ايلهم عقب 10 ايام يقولولي طلبات ثانية ليش واشحقة هذا مو شغلك انك اتعرف المدير قرر وانت تنفذ عاد انت وحظك طحت بموظف نادر يرتقي بالتعامل وله بموظف من الغالبية الذي لا يعرف غير التعامل بأسلوب كوماري وميري . ومرات يسهلون علي الناس ومرات لاء احد الاشخاص قالي لي المطلوب اصلا اذية التاجر الصغير وشفت بعيني من كثر التضيق الريال شق رخصتة يقول هالتجارة والرخصة اللي ذليتوني فيها ما أبيها.تدري اشكثر شباب يشتغلون برا حتي وصلوا الي الصين؟ وشوف دبي والبحرين اشلون اذا بطلع رخص.

 

[عبدالله الثبيتي]

والله شيشتنا خلاص نبي نهاجر المانيا خوش ديره وامان ومافيها قبيضه

 

[Sddaa7]

ياخوي الكويت تنخاكم ! وانت تفكر تهاجر !

الدستور يتألم من هؤلاء المفسدين

والكويت تحتاجك لتقف معها ضد الحكومه التي قادت البلد الى التهلكه والعنصريه والفساد !

 

[الأمين العام]

اذا وصل فيك التفكير انك تهجر بلدك اسمحلي اقولك ان عقلك نقص
من طلع من دارة قل مقدارة
لو ناكل هواء ونشرب من ماي البحر ما نطلع من الكويت الحبيبة
الاخ الكريم انت لازلت معزز ومكرم في بلدك