سؤال وجواب موظف بالبلدية وأبي أنتقل للتربية

الشيشاني

عضو جديد
السلام عليكم ورحمة الله وبركاتة

أنا متعين ببلدية الكويت بتاريخ 6-9-2011 عن طريق ديوان الخدمة المدنية وأبي أتعين بوزارة التربية مهنة تدريس
علما بأن أغلب أصحابي مدرسين وهم على نفس تخصصي نظم معلومات جغرافية وأنا متعين بالدرجة الرابعة

فأتمنى إلي عنده خبرة يفيدني بارك الله فيكم
 

عبدالله .

عضو بلاتيني
روح لوزارة التربية مباشرةً
لأن تعيينات المعلمين تتم عن طريق الوزارة نفسها
الله يوفقك إن شاء الله
وبشرنا بالنتيجة
لو عندي تخصصك ماتركت التدريس :)
(---- غرامه الجغرافيا والتاريخ
 

الشيشاني

عضو جديد
بارك الله فيكم أخواني
(عبدالله) و (مالك عذر)
أتمنى لو واحد يفصل لنا الطريقة أو واحد عنده تجربها يضربها كمثال لنا
لأني والله حاليا مشغول وإستإذانات الدوام خلصتهم كلهم بسب كثر أشغالي.........
وآسفين على الإزعاج
 

مواطن طبيعي

عضو مميز
اتوقع بعد سنتين


الكويت كلها تصير مدرسين


يعني مدرس و يدرس مدرس



شدعوه !!

اللي بالاشغال يبي ينقل للتربيه ويصير مدرس

واللي بالصحه يبي يصير مدرس

واللي بالكهرباء والماء يبي يصير مدرس

واللي بالشؤون يبي يصير مدرس

واللي بالهيئه العامه للزراعه يبي يصير مدرس


الناس كلها بتصير مدرسين
 

عبدالله .

عضو بلاتيني
مالك عذر
انا اللي اعرفه خريجين الكليات التربوية مثلاً
علطول ملفاتهم تروح التربية ماينطرون الديوان بعد التخرج علطول يروحون الوزارة
فأتوقع تعيين التربية كمعلمين بالوزارة
 

الشيشاني

عضو جديد
مالك عذر
انا اللي اعرفه خريجين الكليات التربوية مثلاً
علطول ملفاتهم تروح التربية ماينطرون الديوان بعد التخرج علطول يروحون الوزارة
فأتوقع تعيين التربية كمعلمين بالوزارة

بأذ\ن الله راح أتبع الطريقتين التعيين عن طريق الديوان بالتربية وتقديم أوراقي للتربية مباشرة وإلي يمشي يمشي ........وراح أرد لكم خبر إذا حصل أي جديد وما راح أنسى الموضوع إلا وخاتمه بإختيار أفضل إجابة....وفق الله الجميع لما يحبه ويرضاه
 

الشيشاني

عضو جديد
السلام عليكم
اخوي الشيشاني ممكن سؤال لو سمحت ؟
انت خريج اي كليه وكم النسبه المطلوبه لدخول الكليه للحصول على التخصص اللي عندك ؟
والله يوفقك يارب
وعليكم السلام
العلوم الإجتماعية تخصص نظم المعلومات الجغرافية

بخصوص النسبة تتغير كل كورس وكورس

يا حبذا أخي لو ما تسأل أسئلة جانبية خلنا في موضوعنا بارك الله فيك
وإياك يارب أخي
 

الشيشاني

عضو جديد
اخي الشيشاني انا سالتك سؤال ما اظن انه في تعب او عوار لك اذا رديت او انك ما تحب تساعد الناس هذا شي ثاني
على العموم مشكور على الرد

حياك الله أخوي
بس ما أظن يتعبك تفتح موضوع وتكتب سؤالك أو تدز رسالة خاصة لي بدون إخراج الموضوع والسؤال عن محوره......
المهم الله يوفقك وحصل خير ;)
 
أعلى