وش كويتي! ياكويتي غير قلبي وش كويتي ..وش ذبحتي غير قلب(ن) ساكن بـ صدري بـدون
وش بنيتي! وش هدمتي غير همي ما بنيتي .. ماكسرتي الا الغصون ولا زرعتي الا الطعون
كم وعدتينا وحكيتي!! بس ليتك لو وفيتي .. او ليــتك ما وعدتي!! ولا حكيــتي يا فتـــــــــون
كم صرخنا!! عاش جابر عاشت وتحيا الكويتي .. في طوابير المدارس!! آه خيبتي الظنون
جيت لك مطرود وانتي من طرد! والبيت بيتي .. جيت لك مجنون عاقل في زمن كــله جنـــــون
جيـت لك محـروم منها كلمة (مواطن كويتي) .. جيت لك طفل(ن) غريـر مضيّـع الصدر الحنون
جيــت لك حامـل سؤال؟؟ وجاوبيني لا بغيتي .. جاوبيني؟ علمـــيني ؟ ياكويتي من نكـــون
ارجعي لحظه معايه واذكريهم لا اشتهيتي ..اذكري ناس(ن) وفولك لُـقبوا بـ اسم (البـــدون)
تذكرين الشايب الي فز لك يوم انتخيتي ؟ .. تذكرين عياله الي ســيـّلوا دمـع العيــــــــــــون ؟
تذكرين ام الاسير الي بكت يومك بكيتي ؟ .. ترتجي زهرةٍ شبابٍ ساكنه وسط السجــــــــون
تذكرين ام الشهيد الي من دماه ارتويتي ؟ .. تذكرين وتذكرين ومن سمعني تذكــــــــــــرون ؟
بـ اختصر لك حال منهو ضاع من يومك نويتي .. تقتلين احلام عمره ومات محزون مغبــــــــون
طفـل صايع شاب ضايع شايب(ن) مات وحييتي .. جيل نازل جيل طالع جيل مدري من يكون
وسلامتكم ..........
الشاعر سالم الفدعاني