سؤال وجواب اي باد او جالاكسي

[s3d]

السلام عليكم

يا جماعة شنو افضل

اي باد ولا جالاكسي

وشكرا

 

[Na9r.Q8]

وعليكم السلام والرحمة ..

أخوي بالنسبة للأفضلية .. ما نقدر نحكم لأن لكل جهاز ايجابيات وسلبيات ..

وبحاول أعرض لك بعض ايجابيات وسلبيات الجهازين .. وانت اختار اللي يناسبك

راح اعرض بعض النقاط .. اللي باللون الازرق هي للايباد .. والعنابيّ للجالاكسي تاب بلس

1- الجهاز يعتمد نظام IOS وهو نظام تشغيل من شركة أبل .. وهو النظام الموجود ايضا في جهاز ايفون.
الجهاز يعتمد نظام Android OS (قرص العسل) .. وهو نظام تشغيل جبّار أطلقته جوجل.. وهو مفتوح المصدر (أي انه قابل للتطوير من عدة جهات وليس محتكر لشركة معينة)..

2- بالنسبة للبروسيسور (المعالج) .. هو ثنائي النواة 1 جيجا هرتز .. على عكس الايباد 1 والايفون 4 .. يعني هو يحمل بروسيسور يعالج البيانات بشكل اسرع منهم.
أيضا البروسيسور ثنائي النواة ولكنه يزيد عن الايباد بـ 0.2 جيجا هرتز .. أي أنه 1.2 جيجا هرتز وهو معالج سريع جداً بالنسبة لـ كمبيوتر كفي (تابلت).


3- قياس الشاشة هو 9.7 أنش .. أي أن حجمه كبير نسبياً.
قياس الشاشة هو 7 أنش ... وهو أصغر من الايباد واعتقد مناسب ومريح لليد

4- الكاميرات الخلفية للجهازين نفس القوة ألا وهي 3 ميجا بكسل.

5- بالنسبة لجودة تصوير الفيديو هي متساوية لدى الجهاز الا وهي 720p

6- الايباد لا يشغل ملفات الفلاش.
الجالاكسي يشغل ملفات الفلاش.

7- السعات المتوفرة للايباد 16/32/64 جيجا
الجالاكسي 16/32 جيجا

8- الايباد لا يقبل أي ذاكرة خارجية
بينما الجالاكسي يقبل ذاكرة خارجية SD بسعة تخزينية تصل إلى 64 جيجا

9- الايباد يدعم تقنية البلوتوث ولكن في مجال محدود أي انه لا يرسل ويستقبل من الاجهزة الاخرى من غير شركة أبل إلا ببعض البرامج المساعدة والتي عادةً لا تؤدي دورها الكامل.
الجالاكسي يدعم تقنية البلوتوث ويرسل ويستقبل من باقي الاجهزة بكل سهولة واريحية.

10- الايباد2 أنقل من الجالاكسي تاب 7 بلس

11- بالنسبة للسعر .. الجالاكسي أرخص من الايباد


هذا اللي قدرت اجمعه من المعلومات واعذرنا ع القصور

 

[bujassim]

انصحك بالايباد :وردة:

 

[meshal]

اخوي روح يوريكا وامسك كل جهاز وبطله وخذلك فره فيه وشوف اللي يناسبك .
الجالكسي له ثلاث احجام فانتبه للمسأله .

 

[كويتي وكالة]

ازيد على الأخوان شي مهم جدا

جالاكسي تاب له وكيل معتمد وورشه متخصصه .

اما الآيباد

اذا اخترب شي فأقرب حاويه يم بيتكم لأنه لا توجد ورشه مختصصه لمنتجات آبل ( بالخليج ) !!!!!

 

[s3d]

شكرًا لاهتمام كم إخواني

الجالكسي مواصفات أحسن بس صغير وكنه أيفون

لذلك لقد اشتريت اي باد لكبر حجمه وإمكانية التصفح به

وشكرا جزيلا

 

[meshal]

شكرًا لاهتمام كم إخواني

الجالكسي مواصفات أحسن بس صغير وكنه أيفون

لذلك لقد اشتريت اي باد لكبر حجمه وإمكانية التصفح به

وشكرا جزيلا

مبروك اخوي لكن الجالكسي أكبر مقاسه 10.1 مقابل 9.7 للأيباد . وفي منه كذا مقاس الظاهر شفت الصغير وعلى كل حال تكسره بالعافيه

 

[Na9r.Q8]

صحيح كلام اخوي مشعل .. الجالاكسي تاب له عدة احجام مختلفة

في 7.0 انش .. اللي اهو اصغر من الايباد .. وفي 10 انش اللي اهو اكبر من الايباد