أيها المطبلون لمحمد الخليفة وخالد الشليمي لا يلدغ المؤمن من الجحر مرتين

[newhistory]

الله يعينا على الاطفال هالايام ....

هذاك يقول مطير وهذا شمر والثانى عنزة والرابع قبائل الشمال ....

كلمة يقولها طفل .... ويرد عليه اطفال ,, وهكذا , وكل شوى واحد فيهم ناط وكاتب موضوع , يعنى فزاع لربعه الرجال ....

ها انا اكرر اعتقادى السابق بان هناك الكثير من الاطفال بيننا فى الشبكة

 

[المطيري 2]

الاخ الظاهر خايف من تحالف الشمال اللي راح يقتحم فرعية مطير والرشايده ويقضي عليهم
لعلمك ابو خليفه ناجح ناجح باذن الله غصب عن كل حاقد
روح شوف ولد عمك مسلم يمدح فيه ليل ونهار
اذا انت تشوف مسلم انبطاحي فابو خليفه نفسه والعكس

نكتت الموسم ..


انا لا اعرف الخلفيه الا من بعيد

لكن مره شفت له مقابله في الوطن

مو عارف يقول كلمتين ورا بعض ؟؟

و الله يعينا على شياب الشبكه العنصريين الي حاقدين على الحضر يعتقدون ان اعمارهم وصلت 100 عام !!

​

 

[احبج يا كويت]

الشليمي ذاك اليوم بالمقابله ما قدر يواجه نبيل الفضل اشلون يقدر يواجه الحكومه بكبرها اعتقد ما يصلح عضو ا في مجلس الامه

 

[فئوي]

محمد الخليفة لو يتكتك صح ويلعب سيساة انتخابات صح.... جان تحالف مع ضفيري وعنزي والعيار............................... وسينجحون اربعه؟؟

لكن للحينه متاثر بمسلم البراك اللي قاعد يلعب لعبه اكبر من ان يفهمها الخليفة

 

[q8xtra]

السلام عليكم ورحمة الله وبركاته​

قال الرسول صلى الله عليه وسلم : لا يلدغ المؤمن من الجحر مرتين​

أولا : محمد الخليفة​

محمد الخليفة نجح بثلاث دورات على ما أعتقد​

المهم لو نجح دورة وحدة مالي شغل​

سؤالين :​

1- محمد خليفة شنو قدم بالمجلس غير السكوت ومن موسم لموسم يطلق له تصريح ماله راس ولا رجلين ؟؟؟​

2- محمد خليفة الي يعرفه عن قرب ما كان جيبه متروس انا ما احسده بس بعد ما نجح تغير الوضع والي يعرفه وقريب منه يعرف معنى كلامي ؟؟؟​

محمد الخليفة يضرب على وترين​

الوتر الاول : القبلية وعيال عمي وخرابيطه​

الوتر الثاني : أغلب الشمر لهم أقارب بدون شمر فيصوتون له على اساس انه راح يجنسهم وهو ما عنده ما عند الواوي

والله اللي ماعنده ماعند الواوي الاّ جنابك
والظاهر انك حاقد مع مرتبة الفجران في الخصومه
اتمنى انك تكون منصف وتحط الله بين عيونك
ترى الظلم ظلمات


اما التصويت الاخر الكويتيات الي عندهم عيال بدون وازواجهم بدون يتصلون عليهم سكرتيرات محمد خليفة وتعال واستلم جناسي بعد ما ينجح محمد خليفة ولاعبين بمشاعر المساكين البدون​

محمد الخليفة
شنو قدمت للكويت ؟​

وشنو قدمت لأبناء عمك الشمر ؟ لأني خالطتهم وعرفت إنهم متضايقين منك ما ترد على اتصالاتهم ولا تنفعهم بربع حبة شعير​

وشنو قدمت للبدون ؟ الي جذبت عليهم وقلت لهم إنك سوبرمان على غفلة ولا أنسى اخواتنا الكويتيات المتزوجات من البدون​

_________________________________​

ثانيا : خالد الشليمي​

انا ما اتهمه باي شي لاني ما شفت عليه شي​

بس لما رشح نفسه كان قاط الي بجيبه كله ونتف نفسه بس عشان يوصل المجلس يعني اتوقع الرجال راح يعوضها بالمجلس​

____________________________________________​

ببخصوص اهل الجهراء ​

ما أدري ليش يحبون يرشحون المنتف المديون الي يدور الدينار ​

ليش ما ترشحون واحد صالح عاقل شايف خير أبا عن جد عن جد ​

أتمنى تدورن عن القوي الأمين الي شايف خير :إستحسان:​

اما اعضاء الجهراء ما اتذكر فيهم واحد شايف خير ​

كلهم منتفين مديونين ​

والله ولي التوفيق :وردة:​

مع احترامي للشليمي
ما اعرف عنه شي ولا قصور فيه

اما محمد الخليفه
فأقول لك والله مايكرهه الا انسان حاقد


""""

محمد الخليفه انسان صادق مع الله قبل ان يكون صادق مع الناس
ولكن طبيعة بعض البشر
ما يحبون الصدوق ،،،

زبدة الهرج
الظاهر انك ماتحب الانسان العادل المعتدل
مثل النيك نيم مالك

شوف لك غير هالسالفه يا....ابو الاستخدام العادل ​

 

[ليبرالي^^مستقل]

محمد الخليفه واحد من خيرة الفرسان الي مرو على المجلس
ويكفيييه انه مواقفه مع الشعب ويكفيييه انه حر وماباع نفسه بالدينار مثل غيره

اما انت ياصاحب الموضوع يمكن سبب حقدك عليه انك بدون وما جنسك ؟؟ ويمكن سبب شخصي ثاني جايز

 

[ناخب الرابعة]

محمد الخليفه مواقفه في المجلس ما عليها كلام

لكن هناك نقاط ضعف كثيره في محمد الخليفه

1- تبع للبراك
2- مطنش شمر ويركض مع بقية القبائل الاخرى
3- كل سنه يقول فخذ الاسلم حاقدين ويبون يسقطوني
4- اي مرشح شمري ينزل يتهمه انه مدعوم من الحكومه
5- وعد شمر عام 2009 انها اخر مره ولم يوفي بوعده
6- ماعنده اي تكتيك انتخابي نهائيا

 

[فئوي]

اخواني:: محمد الخليفه... خالد الطاحوس.... هؤلاء ليسو نواب امه.. هؤلاء مفاتيح وسكرتارية مسلم بدرجة اعضاء

 

[ليبرالي^^مستقل]

اخواني:: محمد الخليفه... خالد الطاحوس.... هؤلاء ليسو نواب امه.. هؤلاء مفاتيح وسكرتارية مسلم بدرجة اعضاء

ردينا على مسلم مره ثانيه
شكلك ماتنام سبته يالغالي

يقولك عاد في حبوب يديده تهدي الاعصاب ومصنعينهم خصيصا حق الي سببلهم مسلم البراك عوار بالقلب والاعصاب
انصحك فيها اخوي خوش حبوب :إستحسان:

 

[فئوي]

ليبرالي مستقل: لا يجزم شخص على شي الا اذا مجربة واشوفك واثق من الحبوب وايد)))))
اما انا فلا حاجة لي بها

 

[أبو مشعل]

بصراحه اقتنعت بالادله الي حاطها صاحب الموضوع افحمني

لعيونه ثاني صوت لمحمد الخليفه لان الاول حصريا لمسلم البراك

 

[محمد الخريصي]

محمد الخليفه صحيح ان ماعنده اسلوب محادثه قوي

لكنه صاحب مبدأ ومواقف بطوليه وبالنسبه للبدون مو نقصر

ابن الحلال دايم يتكلم عنهم بحكم معاشرته للعسكريين البدون ويعرف مواقفهم البطوليه

وماقصر قدم اقتراح تمديد خدمة ووافق المجلس والحكومة وفتح باب رزق لعوايل كثيرة

ليس لها معيل غير هالعسكري وورائه انفس كثيره

واقتراحاته للجهراء مثمره وممتازه ولم ينقطع عن مناسبات ودواوين الجهراء حتى وهو خسران

ومتواضع للجميع والصوت له باذن الله مع الاهل.

 

[التركى]

موضوع يقصد فيه ضرب بين المعارضه وتاجيج القبليه بين الناخبين

 

[جنتلمان]

ونعمين يا بوخليفة




​

 

[ولد اليرموك]

تدرون شنو مشكلة .. محمد الخليفة . .

ما يعرف يسولف . .

أذكر في لقاء له في قناة الشاهد . . يقول :

( أنا دعمت مسلم البراك .. ومسلم اليراك لم يدعمني )

هذا أولاً . .

ثانياً . . يمشي ويتحجى . . أنا الحكومة تحاربني أنا الحكومة تحاربني . .

​

 

[عــذوب]

انا من قريت الكلمة اللي باللون الاحمر غسلت ايدي من موضوعك ومنك بعد

شمر الطنايا صاروا الشمر

ما تعرف بهالسوالف لا تخوض فيها

:إستحسان::إستحسان:صدقت هذا به بلا اشوفه مهو بطبيعي

 

[عــذوب]

السلام عليكم ورحمة الله وبركاته​

قال الرسول صلى الله عليه وسلم : لا يلدغ المؤمن من الجحر مرتين​

أولا : محمد الخليفة​

محمد الخليفة نجح بثلاث دورات على ما أعتقد​

المهم لو نجح دورة وحدة مالي شغل​

سؤالين :​

1- محمد خليفة شنو قدم بالمجلس غير السكوت ومن موسم لموسم يطلق له تصريح ماله راس ولا رجلين ؟؟؟​

2- محمد خليفة الي يعرفه عن قرب ما كان جيبه متروس انا ما احسده بس بعد ما نجح تغير الوضع والي يعرفه وقريب منه يعرف معنى كلامي ؟؟؟​

محمد الخليفة يضرب على وترين​

الوتر الاول : القبلية وعيال عمي وخرابيطه​

الوتر الثاني : أغلب الشمر لهم أقارب بدون شمر فيصوتون له على اساس انه راح يجنسهم وهو ما عنده ما عند الواوي
اما التصويت الاخر الكويتيات الي عندهم عيال بدون وازواجهم بدون يتصلون عليهم سكرتيرات محمد خليفة وتعال واستلم جناسي بعد ما ينجح محمد خليفة ولاعبين بمشاعر المساكين البدون​

محمد الخليفة
شنو قدمت للكويت ؟​

وشنو قدمت لأبناء عمك الشمر ؟ لأني خالطتهم وعرفت إنهم متضايقين منك ما ترد على اتصالاتهم ولا تنفعهم بربع حبة شعير​

وشنو قدمت للبدون ؟ الي جذبت عليهم وقلت لهم إنك سوبرمان على غفلة ولا أنسى اخواتنا الكويتيات المتزوجات من البدون​

_________________________________​

ثانيا : خالد الشليمي​

انا ما اتهمه باي شي لاني ما شفت عليه شي​

بس لما رشح نفسه كان قاط الي بجيبه كله ونتف نفسه بس عشان يوصل المجلس يعني اتوقع الرجال راح يعوضها بالمجلس​

____________________________________________​

ببخصوص اهل الجهراء ​

ما أدري ليش يحبون يرشحون المنتف المديون الي يدور الدينار ​

ليش ما ترشحون واحد صالح عاقل شايف خير أبا عن جد عن جد ​

أتمنى تدورن عن القوي الأمين الي شايف خير :إستحسان:​

اما اعضاء الجهراء ما اتذكر فيهم واحد شايف خير ​

كلهم منتفين مديونين ​

والله ولي التوفيق :وردة:​

المشاركات: 37
تاريخ التسجيل: Jun 2011

.............................

انا اول ما شفت مشاركاتك عرفت انك مرسال لواحد حداهم ...

انت غسلت شراع محمد خليفه <<وللامانه انا ما اعرفه الا عن طريق الاعلام مؤخرا وماراح امدحه

وهم ماقصرت بخالد الشليمي وواضح من كلامك انك ما تعرفه !!! وماراح اجادلك الكلام معك ضايع


بالله ماتقول لنا منو اللي تشوفه حضرتك مناسب ؟؟؟ لايكون انت ؟؟

 

[شمري كويتي]

محمد الخليفه مواقفه في المجلس ما عليها كلام

لكن هناك نقاط ضعف كثيره في محمد الخليفه

1- تبع للبراك
2- مطنش شمر ويركض مع بقية القبائل الاخرى
3- كل سنه يقول فخذ الاسلم حاقدين ويبون يسقطوني
4- اي مرشح شمري ينزل يتهمه انه مدعوم من الحكومه
5- وعد شمر عام 2009 انها اخر مره ولم يوفي بوعده
6- ماعنده اي تكتيك انتخابي نهائيا

تبع للبراك

هذا شرف لكل مرشح شريف

انه يتبع ضمير الامة

مطنش شمر ويركض مع بقية القبائل الاخرى

هو يمشي للجميع بنفس الدرجة

ولايبدي الشمري على غيره

لانه نائب عن الامة كلها

مو بس نائب لقبيلة شمر

ولولا وقفة باقي القبايل مانجح

واللي يجحد الطيب والمعروف مافيه خير

اذا عتيبي او عجمي او خالدي او حربي

او اي شخص بدوي او حضري

صوت لابوخليفة من الوفاء انه يمشي معه
​

اي مرشح شمري ينزل يتهمه انه مدعوم من الحكومه

اتحداك تثبت هذا الكلام

اطلاق الكلام سهل لكن الاثبات صعب


وعد شمر عام 2009 انها اخر مره ولم يوفي بوعده

مو صحيح كلامك واتحداك تثبت هذا الكلام

ماعنده اي تكتيك انتخابي نهائيا

لانه نائب حر ولايمكن ينزل مع قبيضة ومرتشين

ورجال على الفطرة مايعرف اللف والدوران

خذ منه كلمة شمري وكلمة الشمري معروفة

وبعدين انت مبين عليك انك مو قبلي

وحاقد على القبايل

والظاهر انك تبي تفرق بين القبايل

لو انك قبلي ماقلت الشمر

قبيلة شمر صارت الشمر

ليش عسى ماشر ؟




​

 

[ناشد الود]

يمنع الدخول في صراعات جانبية مع بقية الرواد بدلا من التركيز على الحوار ومناقشة الأفكار ووجهات النظر.