سؤال وجواب ملاك التاهو واليوكن من 2008 وجاي مشورتكم علي

[ARMOUR ON]

السلام عليكم
اني ابي اشتري جيب وكان خاطري باللاند بس اسعاره ناااار
والتاهو بعد حلو بس الامريكي اعرف صناعتهم اي شي سنتين وتبدا البلاوي عن تجارب سابقة
الي مجرب التاهو الشكل الجديد شرايكم فيه هل يستهلك قطع غيار وتكثر خراباته بعد انتهاء الكفاله ولا تطورت الصناعه الامريكية للاحسن ؟
انا شخص مهمل بالسياره وابي شي حق كررف وسفر وكل شي ويتطلب اقل قدر من الصيانة وتحمل جونا الاقشر بالصيف حتا لو اقصر عليها بالصيانة
باختصار الي جربة غير السيرفيس العادي جم مرة خرب عليك ووديتة الصيانة

بانتظاركم :وردة:

 

[bujassim]

انا عندي تاهو 2008

بصراحه استعماله فوق الممتاز

بس حاول انك تحافظ عليها

صحيح انا شوي مهمل

مرات ابدل تواير وسفايف وسيرفس 10 الاف عرفت

انصحك بالتاهو مرتاحله وايد اهو اكيد يطلعله خرابات والوكالة شوي غاليين

 

[Desert Eagle]

عندي تاهو ٢٠٠٧

خوش جيب

حافظ عليه يحافظ على جيبك

تلعن خيره ينتف جيبك

بس انصحك باليوكن افضل من التاهو

واذا خذيت تاهو لا تاخذ LS

لانه سخيف مافي شي جديد مو فل اوبشن

لا خذيت الشي اشتره كامل

وقبل لا تشتري صل استخاره نصيحه

والله يوفقك

 

[Desert Eagle]

نسيت لا اقولك

انا لاعن امه اطمر رصيف اروح البر .. كل خط تلقاني ماشي ١٦٠ - ١٨٠

١٠٠ ٪

بس عيبه ان في شي اسود من قدام على الدعاميه قدام التواير بالضبط ما يخليك تطمر على كيفك

في شركه تقص الدعاميه وتركب دعاميه احسن منها وتطمر على راحتك

 

[مالك عذر]

اخذ لك يوكن دينالي
ودلع نفسك
راح تنسى شي اسمه لاند كروز
عن تجربة

 

[ساهر الليل]

التاهو حلو وانعم

واعتقد ارخص من اليوكن

 

[مواطن طبيعي]

اخوي صاحب السؤال لقد فزت بجائزه جيب يوكن اسود



لآنك العضو رقم 1000000000 في اعادة طرح هذا السؤال

 

[ARMOUR ON]

مشكورين يا الربع علي مشاركاتكم ولو ان فيه بعض المشاركات دمها ثقيل شوية :وردة:

 

[الـــــWـنـعـو Wـــــي]

أنا عندي السوبر شفر 2008 حجم 15 أخذته من الوكالـــة
نفس إستعمال التاوهــو ـ الميزة بالسيارات اللي تفكها على إيدك وتحافظ عليها
إنك ترتاح من خراباتها ـ لكن لا بد من تغيير التواير والسفايف
هذا شيء طبيعي ـ والحمد لله ماشية معاي 100 %
لكن السوبر واليوكن والتاهو
أعتقد مافيه أمريكي الحين
على ما أظن يصنعونهم باستراليا ​

 

[سكر زياده]

^^
يصنعونهم بكندا مو استراليا

 

[الـــــWـنـعـو Wـــــي]

^^
يصنعونهم بكندا مو استراليا[/QUOTE]

شكرا على التوضيــح ـ فعلا بكندا

 

[Desert Eagle]

للاسف .. انها بكندا

شوف خرابات الكابرس .. عذاب من يطلع فيها خراب واحد كل شي يخرب من بعده

واحد من الشباب يصيح منها

تحت كشنات السياره بطول ماي للسياره

لما كانت بامريكا .. شوف بو حديده و " صابونه "

لي يومك هذا تشوفهم بالشوارع

راحت على الشفر

 

[الأناضول]

الله ييسر امرك

اليوكن وتاهو نفس الشي

وماعليهم حسوفه

 

[مالك عذر]

انا واثق بالنسبه 80% انهم يصنعون في أمريكا
استراليا كان يصنع الكابرس وهو اصلا هولدن بس بالخليج اسمه كابرس
وفاشل جدا
وكندا على فكرة عندهم ضرائب اعلى من امريكا

 

[Q8 1]

للعلم اخوانى الشكل قالو بيتغير قريب حيل
افضل الى بيشترى جديد ينتظر منتصف 2012 تغيير كلى والله العالم :مصباح:

 

[ARMOUR ON]

شكرا ياشباب علا مشاركاتكم الانتظار حلو في ظل الاسعار المبالغ فيها

 

[الوافى11]

انحش لا تشترى لا يوكن ولا تاهو استعمالهم مو شى ..

السياره خفيفه وحدها موشى بالخط مو ثابته

اتمنا انك تسوق السياره وتشوف بنفسك

 

[meshal]

انا واثق بالنسبه 80% انهم يصنعون في أمريكا
استراليا كان يصنع الكابرس وهو اصلا هولدن بس بالخليج اسمه كابرس
وفاشل جدا
وكندا على فكرة عندهم ضرائب اعلى من امريكا

أخذ المعلومه الأكيد الوحيد جيب الفورد (الإكسبيديشن )أمريكي . جيوب ( التاهو واليوكن ) كندا .

للعلم اخوانى الشكل قالو بيتغير قريب حيل
افضل الى بيشترى جديد ينتظر منتصف 2012 تغيير كلى والله العالم :مصباح:

المشكلة مو بس الشكل كل السيارة راح تتغير المكينة الجير وزن الهيكل .
الحكومه الأمريكية فرضت شروط جديده على المصنعين في امريكا
المسأله ما هي سهله لأن التغيير كبير فلا يصير أحد ضحية تجارب اول سنتين .

 

[بو_علي]

عن تجربة لليوكن 2008...اخذه و انت امغمض..لكن لو تاخذه يديد احسن يضل عندك من غير خرابات ..بس يبيله سيرفس من الوكاله بشكل منتظم..مشيه حلو و هادي كأنه صالون..و مايصرف بانزين​