مطلوب شرطه فورا...

[محمد الخريصي]

الاخوة والأخوات الكراااام....

تعلمون أن الأمن حاجه ضروريه للبلد والمواطن بلاشك

وملينا من قلة تواجد الشرطه وكثرة السرقات واستهتار الاخرين

بالشارع لمعرفتهم عدم وجود دوريات بالمنطقه تكفي....

وهذا كله يستلزم زيادة أعداد رجال الشرطه والأفراد بالذات

وأعطاءهم الحوافز بزيادة رواتبهم ومكافئتهم حيث لاحظنا عزوف

من الشباب بالذهاب للداخليه ويتوجهون للدفاع لزيادة العلاوات وحسن الدوام

لذلك أقدم الأقتراح الآتي وأتمنى أشاهد آرائكم:

- فتح باب التسجيل لأبناء الكويتيات البدون .

- أبناء العسكريين من رجال الشرطه والجيش وحملة 65.

- أبناء الشهداء والأسرى...

كما تعلمون آبائهم أخلصوا بالعمل وأفنوا زهرة شبابهم من اجل الكويت

ولابد أن نكافئهم بتسجيل أبنائهم وذلك لمصلحة الكويت...

ومع أحترامي لابناء الكويتيات الخليجيين هؤلاء لهم الأوليه وهم عيال الديره

وبذلك أزيد من رجال الامن ويكون هناك ضبط وربط وتكريم للعسكريين

وحليت مشكلة بالامن ومشكلة بطالة هالشباب بدلا من ان يبحثون عن مظاهرات

ويستغلون من قبل آخرين...

 

[Desert Eagle]

عدد الشرطه كافي

المشكله ان مسكت الشرطه واحد من اللي يقحصون يطلع ابوه شايب كبير تكفى اولدي وطلبتك وخشمك ويجيب معارفه واعضاء

واكبر مثال خط الوفره .. يقدرون عليهم .. لكن لازم امر من فوق عشان تمنع الواسطات

 

[المايسترو]

والله ياخوي اذا الشرطه يقومون بواجبهم تجاه الله وتطبيق القوانين

البعض منهم يدش الشرطه عشان امور دنيويه من المغازل الفساد الواسطات

والله انا ملاحظ هالاسبوع ان كل مااشوف دوريه موقفه احد بالشارع التفت القاها بنت ونازل يسولف ويتشيحط

ياخوي فساد هالدوله 70 بالاميه من الداخليه واسئل اهل الداخليه يعرفون ان البلا فيهم

والله يهديم من كان فاسد فيها ويثبت من كان صالح فيهم

 

[فهد الرشيدي]

المطلوب مو شرطه
اعتقد عددهم فيه البركه بالدوريات والمباحث ودوريات الامن والمرور وغيرها

المطلوب الاداره الصحيحه العسكريه من ضباطهم والاوامر بنزول الشارع بالدوريات مو مبسطين بالمكاتب وسوالف وزقاير وواتساب

 

[الشكوي-لله]

فالك ما قبلناه عدد الشرطة كافي وزود

اصلا فهمني احنا بدولة قانون ومؤسسات وانت تطالب بتوظيف مخالفين لقانون الاقامة لا وين في اهم وزارة في البلد يا سلام عليك

هذا الي كان ناقص بعد يتامرون علي عيال البلد ويخالفون علي كيفهم وتطلع سالفة الرشوة وووووو وتصير الكويت نفس دول بعض الي تطالب بتوظيفهم

ادري كثيرين بتضايقون من كلامي وبقولون انت وانت انا ما انكر ان الي ذكرهم من ابناء الشهداء وابناء الكويتيه ووو ونعم ما ختلفنا بس المفروض تعطا لهم هالوظايف بعد التجنيس عشان ما يختلط الحابل بالنابل ونصير باجر فيها واسطات وغيره ويتم توظيف حتي غير المستحق

ونعم بعيال الشهداء وكل المستحقين ولكن للاسف هناك فئة غير مستحقة وهي اكبر منهم ومخربه عليهم ولازم يتحملون ويساعدون الحكومة بكشف كل المزورين

عقب ما تعطي الجنسيه للمستحين فقط طالبو بتوظيفهم وين ماتبون

وشكرااا

 

[*محمد الشمري]

بالنسبه لي اشوف اذا في نقص بافراد الشرطه :

اقول البدون "عيال العسكريين دفاع/داخلية وعيال الشهداء والاسرى وعيال المفقودين " اولى بـ 100 مره

من ابناء الكويتيات في دخول الشرطة ....

تجد ابن الكويتيه مثلا ً :

سعودي / قطري / عماني / بحريني / اماراتي

شلون يحافظ على أمن البلد واستقراره وهو اصلا ً ماهو من عيال البلد

وفوق هذا كله يحمل جنسيّة بلد آخر !؟!؟!؟!؟

قوانين غريبه عجيبه !!!؟؟؟؟

فقط بالكويت الولد يتبع أمه اذا كانت " كويتية "

 

[محمد الخريصي]

عدد الشرطه كافي

المشكله ان مسكت الشرطه واحد من اللي يقحصون يطلع ابوه شايب كبير تكفى اولدي وطلبتك وخشمك ويجيب معارفه واعضاء

واكبر مثال خط الوفره .. يقدرون عليهم .. لكن لازم امر من فوق عشان تمنع الواسطات

الاخ الكريم...

اوافقك الراي بماذكرت من تدخل الواسطات وليست بالوفره فقط

بل بالبانشي وغيره بشارع الخليج العربي ومناطق اخرى

احترم وجهة نظرك وشكرا لمداخلتك..

 

[محمد الخريصي]

والله ياخوي اذا الشرطه يقومون بواجبهم تجاه الله وتطبيق القوانين

البعض منهم يدش الشرطه عشان امور دنيويه من المغازل الفساد الواسطات

والله انا ملاحظ هالاسبوع ان كل مااشوف دوريه موقفه احد بالشارع التفت القاها بنت ونازل يسولف ويتشيحط

ياخوي فساد هالدوله 70 بالاميه من الداخليه واسئل اهل الداخليه يعرفون ان البلا فيهم

والله يهديم من كان فاسد فيها ويثبت من كان صالح فيهم

عشان مثل هالامور نحن بحاجة لشباب يخلصون بعملهم من الفئات التي ذكرت

لانه سيخلص بالتأكيد وهذا رزقه ولايريد ان يتجاوز القانون

وخصوصا اثبت ابائهم ذلك بالمؤسسات العسكريه

ومصلحة الكويت فوق كل شي واذكر قبل 4 سنين فتحوا المجال

وحصلوا الالاف لسد النقص واصحاب مؤهلات اقلهم ثانويه عامه ودبلوم وجامعيين

وتم اغلاق الملف من الحساد وتم تسجيل الخليحي..

 

[محمد الخريصي]

المطلوب مو شرطه
اعتقد عددهم فيه البركه بالدوريات والمباحث ودوريات الامن والمرور وغيرها

المطلوب الاداره الصحيحه العسكريه من ضباطهم والاوامر بنزول الشارع بالدوريات مو مبسطين بالمكاتب وسوالف وزقاير وواتساب

الاخ الكريم..

اخالفك الرأي بالنسبه للعدد بل غير كافي وشاهد المخافر تجد كم شرطي

والشوارع تكاد تخلوا من الدوريات وهذا كلام قياديين بالداخليه عن النقص

واوافقك الراي بضرورة النزول للشارع جميعا ولابد من تسليح الشرطي كاملا

مع عدته وعصاه وكلبشه لتظهر هيبته بدلا من وضع الجل عالشعر..

شكرا للمداخله..

 

[نمر]

متى ما صدقت الإدارة وصلُحت صَلَحَ كل شيئ في البلد​

 

[q8loving]

انا اقترح يجيبون شرطة امريكان... عشرين واحد وكل يوم يداومون في محافظة...وشوف الانتاج والالتزام والشخصية الفاهمة بالقانون...وماعندهم حب خشوم والا انا باهدك لأن ابوك كان رفيجي في المدرسة والا طلبتك يا مايكل...ما عندهم بيع برد

 

[محمد الخريصي]

الشكوى لله.

طيب اذا حسب كلامك مخالفين للاقامه طالب بتفنيش العسكريين

بالداخليه والدفاع وحولهم للقضاء لمحاكمتهم محاكمه عادله ونثق بالقضاء الكويتي

كلامك غير منطقي وهذا رأيك وأحترمه وشكرا لمداخلتك.

 

[مسك الورد]

انا اقترح يجيبون شرطة امريكان... عشرين واحد وكل يوم يداومون في محافظة...وشوف الانتاج والالتزام والشخصية الفاهمة بالقانون...وماعندهم حب خشوم والا انا باهدك لأن ابوك كان رفيجي في المدرسة والا طلبتك يا مايكل...ما عندهم بيع برد

عجبتني

 

[مجرد انسان]

اي شرطة مطلوبة اي بطيخ من صجكم انتم
يبى غالبية الشرطة حالها حال غالبية الموظفين المدنين فيه التقسيمة وفي اللي عنده واسطة وما يداوم
الخلل موجود بطريقة ادارة الداخلية فقط​

 

[kwt.store]

الاولوية لأبناء الكويتيات الخليجيين

 

[رقيب اول]

والله ما يدش الشرطة الا الخبل والفاشل واللى ماعنده عقل

لايقصون عليكم ويقولون لكم مصنع الرجال ترى الحريم تخرجوا
وصاروا ضباط يعنى مثل ما هو مصنع رجال صار يصنع حريم
اقسم بالله فشله تعطى تحية لحرمة يااااااااااااااو ياكبرها
قمة المصخرة

اللى يدش الشرطة برتبة اقل من ضابط هذا مريض نفسيا
مثلى انا ترى مو صاحى وساعات افصل




​

 

[مجرد انسان]

والله ما يدش الشرطة الا الخبل والفاشل واللى ماعنده عقل

لايقصون عليكم ويقولون لكم مصنع الرجال ترى الحريم تخرجوا
وصاروا ضباط يعنى مثل ما هو مصنع رجال صار يصنع حريم
اقسم بالله فشله تعطى تحية لحرمة يااااااااااااااو ياكبرها
قمة المصخرة

اللى يدش الشرطة برتبة اقل من ضابط هذا مريض نفسيا
مثلى انا ترى مو صاحى وساعات افصل




​

ههههههه والله انك ضحكتني
عزالله من قبل وانا اقولها اللي مصمم يدش للعسكرية لا يدش الا برتبة ملازم او يقعد ابيتهم احسن
​

 

[محمد الخريصي]

انا اقترح يجيبون شرطة امريكان... عشرين واحد وكل يوم يداومون في محافظة...وشوف الانتاج والالتزام والشخصية الفاهمة بالقانون...وماعندهم حب خشوم والا انا باهدك لأن ابوك كان رفيجي في المدرسة والا طلبتك يا مايكل...ما عندهم بيع برد

بالله عليك تجيب أمريكان وأين عيال البلد؟؟وليش مايقدرون يحمون البلد..

من غير المنطق قول هالكلام...

 

[محمد الخريصي]

عجبتني

سبحان الله ...

عجبك حضور أميركان ولماذا لايعجبك من بني جلدتك...!!!

 

[محمد الخريصي]

اي شرطة مطلوبة اي بطيخ من صجكم انتم​

يبى غالبية الشرطة حالها حال غالبية الموظفين المدنين فيه التقسيمة وفي اللي عنده واسطة وما يداوم

الخلل موجود بطريقة ادارة الداخلية فقط ​

حتى وأن وجد خلل ..

الخلل يتصلح...

ولاننسى هناك رجال أوفياء ومخلصين ضباط وأفراد...

وتمنيت معرفة وجهة نظرك بالموضوع...

شكرا..