سؤال وجواب شنو افضل بوفية لعرس الرجال ؟

[جنوب الشمال]

منو جرب بوفيه الشامية او الراية او الوطنية او دسمان ؟ منو افضل بوفيه فيهم ؟ من حيث الاكل وطريقة تقديمه والخدمه

 

[خالد جاسم الم]

الخليج معروف و ما فيه مهايد

 

[jassem]

الديك الرومى

100 %

اكل نظيف وخدمه وستاف حلو سريع .

 

[bujassim]

الوطنية وبس


اللي يعرف بوفيه رياييل احسن منه يقولي لان توني معرس وبحجز صاله 

 

[بَسْمَة ..]

للعروس
جربنا [ الوطنية + موفمبيك ] ..
الوطنيه كان ماشي حاله​

بس من بعد ما جربنا موفمبيك ..
كنسلنا الوطنية صراحه
الثاني شيء لا يُعلا عليه من جميع المقاييس
ويواجه يعني مو أي كلام ..​

بالنهايه الراي رايكم اكيد ..​

و مبروكين الله يوفقكم : )​

 

[مسك الورد]

موفنبك حلو والشيراتون حلو
ومبرووك زملائنا المعاريس الله يتمم عليكم يارب
والفال حق العزابية اللي يبون يلبسون البشت

 

[عبدالله .]

كل شي له ثمنه ياخوي
من بين اللي ذكرتهم الوطنية الأفضل بس انتبه ترا في كذا واحد ويلعبون بالاسماء
​

 

[عـــــبدالمــــــلك]

اعتقد الوطنيه والله اعلم 

 

[Desert Eagle]

معظم الاعراس اللي حضرتها .. يختارون الوطنيه

وعرس اخوي وعرس خالي اخترنا الوطنيه

معلومه : اعراس الرجاجيل غير الحريم .. الرجاجيل ما يهتمون بالكماليات واجد ولكن هذا مو معناه انك تهمل الشي

الرجاجيل يجي يسلم ويتقهوا ويمشي ولا درا عنك

واذا جا يتعشا .. اهم شي المفطح بين عيونه واذا مافي مكان يروح للبوفيه وياكل كل شي الحلو واللي مو حلو


الله يوفقك

 

[OK]

الاخوة والخوات ما قصروا والف مبروك عسى الله يتمم لك على خير ولكن اتمنى منك اخوي ما تكثر النعمه لان الناس هالفتره يجون يسلمون ويمشون والعين تشبع قبل الاكل
​

 

[مالك عذر]

موفنبيك و اقطع

 

[عزيز قوم]

الشاميه  ما شاءالله عليهم

 

[الـــــWـنـعـو Wـــــي]

الوطنية سابقــا ـ الشاميــة حاليــا
ومونفبيــك راح نجربه شهر 2 إن شاء الله ونقولكم راينا فيه
والدفيــــع فيه وحدة كويتية تسوي بوفيهــات راقيــــة
بس السعر غالي بس روعـــــة
واللي يبي رقمها فأنا حاضــر
بس الأفضــل تكلمهــا إمرأة​

 

[أبا بدر]

اذا تبي بوفيه يشرف و يجمل
عليك برويال موفينبيك لكن تراه غاااالي يمكن اغلى ب 400 عن الباقين او 500

 

[شمري كويتي]

الوطنية وبس


اللي يعرف بوفيه رياييل احسن منه يقولي لان توني معرس وبحجز صاله 

رأيي الشخصي وغير ملزم لاي شخص​

الوطنية بطبخ الذبايح فاشلة​

وعيشهم ما يضبطونه

ما له طعم ولا يوكل ( ينوكل )​

و في شركتين بنفس الاسم تقريبا

مع تعديل بسيط في الاسم​

وحدة قديمة والثانية جديدة​

احسن شركات البوفيهات​

مركز الخليج​

قصر دسمان​

الشامية​

الفيصل​

الديك الرومي بس للبوفيهات ماجربتهم بالذبايح​

اما الذبايح والقعدان مالك الا مطعم واحد​

مطعم قصر دسمان

صاحبه رجل ملتزم وشغله نظيف​

وطباخينه درجة اولى

ومميزين في طبخ الذبايح والقعدان

ويضبطون العيش والمرق​

واللي جرب قصر دسمان ما يجيب غيره​

أغلب شيوخ القبايل وكبار الحمايل ما يتعاملون الا معه​

واسألوا اللي جربوه عن شغله​

وعنده فرع للعصير معروف على مستوى الكويت​

وحتى بدول الخليج يسولفون عن​

اسمه عصير جنة الفواكه​

وصاحب المطعم والعصير والبوفيهات​

هو الرجل الملتزم السلفي​

فارس العويس​

ابوعبدالله​

رجل طيب ومتواضع وخلوق وحبيب وصادق في المواعيد​

وملتزم باختيار اجود انواع المواد الغذائية

والمكونات الطازجة والنظيفة ذات الجودة​

وعنده ميزة اتحدى اي مطعم موجودة عنده​

اذا اتفقت معه على عشاء كبير او حفل او عرس​

صاحب المطعم يجيك بنفسه للحفل او العرس​

ويشرف على العمال بنفسه​

ويطالع طبخ القعدان والخرفان ويسأل صاحب العشا

ويقوله اذا عندك اي ملاحظة بلغني فيها​

واذا عندك ملاحظة او طلب تلقاه واقف بالعرس​

ولايسمح لاي عامل بالتقصير او الاهمال​

وعنده اجراءات صارمة ومشددة في العمل​

ولايشغل عنده اي عامل مو نظيف او مهمل​

ويوقف بالصالة او الخيمة​

الى نهاية الحفل او العرس​

اسألوا اي واحد جرب قصر دسمان​

بس لازم الحجز قبلها بفترة لانه عليه ضغط​

وهو مايرد احد اذا طلبه ونخاه​

واسعاره مناسبة جدا ولا فيها اي مبالغة​

وصدقوني اللي يجربه بيدعيلي ويشكرني​

واقسم بالله العظيم الذي لا اله الاو هو

لاتربطني فيه​

لا صلة قرابة ولا صداقة ولا جيرة ولا نسب ولا مصلحة

ولا انطر منه اجر او مكافأة

ولكن شهادة الحق لازم تنقال​

و من باب النصيحة من المسلم للمسلم​

 

[بن ذى يزن]

بالتوفيق ان شاء الله