عزيزي المطيري ، عزيزي العتيبي ، عزيزي الحضري .. بيدك تحديد مستقبل الدائره

Desert Eagle

عضو ذهبي
السلام عليكم .. ،،


نعم .. إن من يفصل الانتخابات الان .. مطير وعتيبه والحضر واعدادهم جيده


اخواني

تعلمون ان هناك نسبه متوسطه العجمان سيقطعون عن الحويله ويعطون الناس
لذلك راح يكون الحويله والطاحوس بآخر المراتب

وكذلك الاخوه العوازم كما سمعت منهم .. ان هناك نسبه ستقطع عن نقا ويعطون الصواغ
وحالهم حال الحويله والطاحوس بآخر المراتب


صوتك يالمطيري ويالعتيبي ويالحضري ... هم من سيرفع الطاحوس والصواغ ويسقط الحويله ونقا


فماذا ستفعل ؟

نعلم ان هناك تحالف قبائل الخامسه ( دواسر .. مطير .. عتيبه .. هواجر )

هل تريد يالعتيبي والمطيري والحضري .. ان ينجح فهد الدوسري الحكومي على الطاحوس والصواغ ؟

هل تريد يالمطيري والعتيبي والحضري .. ان ينجح ماضي الهاجري ( معروف توجه الهواجر ) على الطاحوس والصواغ


يالمطيري والعتيبي والحضري

نريدها

4 عوازم مع سقوط نقا ودخول الصواغ
4 عجمان مع سقوط الحويله ودخول الطاحوس

ونجاح خالد شخير

ونجاح عايض بو خوصه


يالعتيبي والمطيري والحضري .. انت الان بيدك نتائج الانتخابات

العجمان والعوازم ما قصرو اخرجو على الاقل حكومي واحد .. وتحدينا العصبيه الجاهليه القبليه .. بالقطع عن الحويله ونقا

واصبح هناك انشقاق بسيط بين العجمان انفسهم .. منهم من يريد القطع ومنهم لا يريد

وكذلك العوازم

هذا الانشقاق للكويت .. وليس للقبيله


اتمنى ان تكون وصلت الرساله


فلننافس الدائره الرابعه بعدد الاحرار لدينا وسقوط عدد الانبطاحيين


نبيها 10 احرار !!
 

Desert Eagle

عضو ذهبي
ولا نغفل دور الهواجر و الدواسر الواعيين والحريصين على الوطن

اختارو الحر ولا تختارو الانبطاحي

شخير ، بوخوصه ، الطاحوس ، الصواغ
 

البترولى

عضو فعال
اخواني انا ضد التصويت لاي مرشح تمت تزكيته او نجح بالفرعى ولذلك سوف اصوت باذن الله ل خالد الطاحوس والصواغ فقط مع احترامى للجميع
 

kuwaiti000

عضو فعال
إن ما انجحوا العيب في بني عمهم اللي صوتو لردي وخلوهم ولا تشرة على باقي الناس
 

باروود

عضو ذهبي
والله ياخوى كلامك حلوا بس الواقع غير

الاخوان العوازم ومنهم من هو جالس عندى يقول ملتزمين بالفرعية

نبى انطلع خمس عوازم للمجلس اربع معارضين او واحد للمعاملات نبى انصرف امورنا؟؟؟؟؟؟؟؟

والصواغ انتوا الى اتطلعونة

والعجمان كذلك بالمثل

يعنى العوازم والعجمان بيسيطرون على الدائرة

وعايض ابو خوصة وخالد شخير بيطلعون برى فى الطريقة هذى

اما اذا كان تحالف بين العتيبى والمطيرى والهاجرى يجب الالتزام حتى على الاقل يطلع اثنين من التحالف

اما اذا بيوزعون الاصوات على الطاحوس والصواغ سلملى عليهم ومحد بينجح منهم
 
أتحدآ اي شخص ما يتمنا التوفيـق لعضو قبيلته { الشريف } حتى لو على حساب كرسي العضو الشريف من قبيله ثانيه .. أتمنا من ربي الكريم ان يوفـق كل عضو {شريف} لأن المصلحه العامه بتكون على الكويت مو بس قبيلتـه .. و الله الحسبة الإنتخابيـه { تسطـل } الفاهمين فيها أجل وش نقول علينا كـ مبتدأين { سيآسيآ } خبراء بالإنتخابات الحين في جدل بينهم بخصوص مثلا.. الطاحوس و الصوآآغ ينجحون ولا لأ.!!؟

واحد يقولك الطاحوس بينجح لأنه ما دخل فرعـي و بيكسب اصوات من خارخ القبيله و طبعا { أغلبيه } العجمان ما يتركونه لأنه كان { بيــــــرق } لنـآآآ .. وطبعا نفس الكلام حرفيآ ينطبق على {الغالي} الصواغ ..
ووجة النضر الثانيه تقول لأن اغلب ابناء الخامسه { متعصبين } قبليآ فـ الكل بيلتزم بقبيلته او تحالفه .. فـ تكون ضد الفكره الأولى..
وأنا {اعوذ بـ لله من كلمة أنا }مرآآت اقول النقطه الاولى ممكن تصير.. ومرات اقول النقطه الثانية أقرب للوآآقــع ..

و يآآزين اليوم اللي نتحدآ فيه اعضاء الرابعـه بـ الاعضاء{ الشريفين } وطبعا التحدي { الأخوي} هذا من صالحنا كلنا كـ شعب و دولـه .. وحتى خيرة صحابه رسولنا محمد صلى لله عليه وسلم كانو يتسابقون على فعل الخير..

اللهم وفـق كـل عضـو نزيـه يحب الكويـت ويخآآآآف ربــه ،،
والشكـر لـك يآآآصآآحـب الموضوع

:وردة:​
 

دعوني وشآني

عضو فعال
ماشاء الله الكل أصبح ( مطلع على الغيب )

هل تقسم بالله إن من ذكرت ( حكوميين ) ومستقبلًا سوف يكونو ( قبيضه ) ؟

وهل تقسم بالله إنك بتعطي الصواغ صوت ؟

إن أقسمت بالله إنهم حكوميين وقبيضه جدد

أقسم بالله ما أصوت لهم

..…
 
التعديل الأخير:

aL_3NeEeD

عضو فعال
السلام عليكم .. ،،


نعم .. إن من يفصل الانتخابات الان .. مطير وعتيبه والحضر واعدادهم جيده


اخواني

تعلمون ان هناك نسبه متوسطه العجمان سيقطعون عن الحويله ويعطون الناس
لذلك راح يكون الحويله والطاحوس بآخر المراتب

وكذلك الاخوه العوازم كما سمعت منهم .. ان هناك نسبه ستقطع عن نقا ويعطون الصواغ
وحالهم حال الحويله والطاحوس بآخر المراتب


صوتك يالمطيري ويالعتيبي ويالحضري ... هم من سيرفع الطاحوس والصواغ ويسقط الحويله ونقا


فماذا ستفعل ؟

نعلم ان هناك تحالف قبائل الخامسه ( دواسر .. مطير .. عتيبه .. هواجر )

هل تريد يالعتيبي والمطيري والحضري .. ان ينجح فهد الدوسري الحكومي على الطاحوس والصواغ ؟

هل تريد يالمطيري والعتيبي والحضري .. ان ينجح ماضي الهاجري ( معروف توجه الهواجر ) على الطاحوس والصواغ


يالمطيري والعتيبي والحضري

نريدها

4 عوازم مع سقوط نقا ودخول الصواغ
4 عجمان مع سقوط الحويله ودخول الطاحوس

ونجاح خالد شخير

ونجاح عايض بو خوصه


يالعتيبي والمطيري والحضري .. انت الان بيدك نتائج الانتخابات

العجمان والعوازم ما قصرو اخرجو على الاقل حكومي واحد .. وتحدينا العصبيه الجاهليه القبليه .. بالقطع عن الحويله ونقا

واصبح هناك انشقاق بسيط بين العجمان انفسهم .. منهم من يريد القطع ومنهم لا يريد

وكذلك العوازم

هذا الانشقاق للكويت .. وليس للقبيله


اتمنى ان تكون وصلت الرساله


فلننافس الدائره الرابعه بعدد الاحرار لدينا وسقوط عدد الانبطاحيين


نبيها 10 احرار !!


:D

امرك غريب ومدري شلون اتفكر جذي

شلون حكمت على ان الهاجري والدوسري

حكوميين معا محد وصل فيهم قبل هالمره

ومن الظلم الحكم عليهم قبل مانجربهم

خصوصا انك قارنتهم بالمطيري والعتيبي

وهمن محد جربهم شلون حكمت وفرقت

بينهم ؟ وعطيت الافضليه

ولاتقول مجربين اللي قبلهم لانك اذا رديت

هالرد راح اتناقض نفسك لان العتبان بالسابق

كان يمثلهم سعدون حماد والكل يعرف هالشي

ويعرف مواقفه
:)
 

ALMutairi

عضو ذهبي
اختصار كلامك تبونها 5ًعجمان و 5 عوازم

عطو عيال عمكم واقطعو عن الحكومي

ولكن هذا خوف من عدد التحالف وهو فعلا رقم يخوف


ومع ذالك مافيكم خير يالعجمان اذا مانجحتو الطاحوس ومافيكم خير يالعوازم اذا مانجحتو الصواغ

الدائره مغلقه ومراح ينجحهم الي ابناء عمومتهم وبعض الاحرار بالدائره


بالنسبه لي ملتزم بالتحالف واتمني نجاح الطاحوس والصواغ

واذا شفت احد المتحالفين حكومي راح اقطع عنه
 

ولد عطا

عضو مخضرم
اختصار كلامك تبونها 5ًعجمان و 5 عوازم

عطو عيال عمكم واقطعو عن الحكومي

ولكن هذا خوف من عدد التحالف وهو فعلا رقم يخوف


ومع ذالك مافيكم خير يالعجمان اذا مانجحتو الطاحوس ومافيكم خير يالعوازم اذا مانجحتو الصواغ

الدائره مغلقه ومراح ينجحهم الي ابناء عمومتهم وبعض الاحرار بالدائره


بالنسبه لي ملتزم بالتحالف واتمني نجاح الطاحوس والصواغ

واذا شفت احد المتحالفين حكومي راح اقطع عنه
أختصار لكلامك يازميل أول شي العوازم فيهم خير قبل نعرف شيء أسمه أنتخبات فماله داعي تقول مافيهم خير أن مطلعو الصواغ :)و محد من العوازم أعتقد طلب منك تعطي الصواغ صوت هذا بنسبة للعوازم:D على شان تقول أن العوازم يبون خمسه أما التحالف يخوفنا:eek: كل أنتخبات من عرفنا الدنيا تتحالفون علينا;) ومحد ضرنا لازم 4 ناخذهاا يعني صارت عندنا مناعه من تحالفاتكم أهشه:D ممكن تسأل نفسك سؤال واحد فقط لاغير اذا قبيله مثل قبيلتنا يشهد لهاا التاريخ بالتزام يصير فيهاا أختلاف على مرشح كما يروج لهاا :confused: وتجي تجمع 4 قبايل وتقول تحالف قوي ومافيه أختلاف:confused: حدث العاقل بمى يعقل بس أبشرك وفرحك وونسك:D كراسينا نشوفهاا ونلمسهاا 6 كراسي لكم عليكم بالعافيه ولو كنت اتمنا أخوانا العجمان 4 أن شالله سواء الحويله أو الطاحوس فحلال زلال عليكم كرسيين اذا فيك شكه في كلامي ننتظر 2_2_2012:cool:
 

kuwaiti000

عضو فعال
يا ابن عطا تقول كراسينا وحنا 6 و7 ولا ينقص كرسي

أنت ما سمعت الشيخ ابن جامع إشقال ترا في كراسي وأعضاء نقص وعار على قبايلهم

وحيدر الحريتي أكبر مثال راعي سالفة العوازم ماعندهم دواوين.

ترى الهياط بأعداد نواب العوازم مدة هياطة أسبوع من بعد النتايج وبعدها راح ننسى كم عدد أعضاء العوازم

ونبدأ نعد كم إنبطاحي وكم واحد وقف مع محمود حيدر والجويهل والخرافي وكم واحد صوت ضد

العازمي اللي معاشة 700 دينار والبنوك الربوية ناهبته وفلوس البلد ابطن الحرامية , وكم نائب عاجبة وضع مستشفى

الأعدام (العدان) و أم الهيمان وتلوثها .

لا توقع كرسي ولا كرسين زايدين لنواب العوازم بحلون

المشكلة السالفة مو ب (الكم ) السالفة بالنوعية ونوعية الحريتي ومخلد جربناها وعرفناها .
 

ولد عطا

عضو مخضرم
يا ابن عطا تقول كراسينا وحنا 6 و7 ولا ينقص كرسي

أنت ما سمعت الشيخ ابن جامع إشقال ترا في كراسي وأعضاء نقص وعار على قبايلهم

وحيدر الحريتي أكبر مثال راعي سالفة العوازم ماعندهم دواوين.

ترى أعداد نواب القبايل مدة هياطة أسبوع من بعد النتايج وبعدها راح ننسى كم عدد أعضاء العوازم

ونبدأ نعد كم إنبطاحي وكم واحد وقف مع محمود حيدر والجويهل والخرافي وكم واحد صوت ضد

العازمي اللي معاشة 700 دينار والبنوك الربوية ناهبته وفلوس البلد ابطن الحرامية .
أنت عارف شنو ردي عليه ولا بس قريت ردي وجيت من أقصاك يازميل الرجال يحث التحالف على قبيلتي ويقول يبون 5 كراسي والعوازم مرعوبين من تحالفهم وأنه ملتزم بالتحالف وهذا حقه وانا بعد لي حق أتكلم في الشيء الي يخص قبيلتي بس العجيب والغريب ماشفتك تقوله وش لكم بالتحالف خلوكم أحرار :confused: وبعدين شنو المشكله بالكراسي نعم لنا 4 كراسي والي طالعين من قبيلتي نقولهم الف مبروك لا تطالبون بالفرعي والتحالفات وتجيني تقولي وش لك 4 كراسي :confused:
 

وين نروح

عضو بلاتيني
تمنياتي الصادقة للمرشح المستقل عبدالصمد دشتي ( مبروم برم ) التوفيق وتحقيق مراكز متقدمة ..
 

ALMutairi

عضو ذهبي
أختصار لكلامك يازميل أول شي العوازم فيهم خير قبل نعرف شيء أسمه أنتخبات فماله داعي تقول مافيهم خير أن مطلعو الصواغ :)و محد من العوازم أعتقد طلب منك تعطي الصواغ صوت هذا بنسبة للعوازم:D على شان تقول أن العوازم يبون خمسه أما التحالف يخوفنا:eek: كل أنتخبات من عرفنا الدنيا تتحالفون علينا;) ومحد ضرنا لازم 4 ناخذهاا يعني صارت عندنا مناعه من تحالفاتكم أهشه:D ممكن تسأل نفسك سؤال واحد فقط لاغير اذا قبيله مثل قبيلتنا يشهد لهاا التاريخ بالتزام يصير فيهاا أختلاف على مرشح كما يروج لهاا :confused: وتجي تجمع 4 قبايل وتقول تحالف قوي ومافيه أختلاف:confused: حدث العاقل بمى يعقل بس أبشرك وفرحك وونسك:D كراسينا نشوفهاا ونلمسهاا 6 كراسي لكم عليكم بالعافيه ولو كنت اتمنا أخوانا العجمان 4 أن شالله سواء الحويله أو الطاحوس فحلال زلال عليكم كرسيين اذا فيك شكه في كلامي ننتظر 2_2_2012:cool:

لو 10 اعضاء عوازم نفس مستوى الصواغ ماعندي مشكله

ولكن التعصب القبلي الي فيك هو الي رادنا قري

ونعم بربعك ماقلنا شي ولكن كان رايي ان حرام ينجح نقا علي حساب الصواغ

ومع احترامي لقبيله العوازم من عرفناهم وهم مخرجاتهم بصامه باستثناءً اسماء تنعد علي الاصابع

مع ذالك ماابي ادش معاك بنقاش طويل واتمني من ربعني العوازم يخرجون لنا الصواغ بدلاً من نقا
 

ALMutairi

عضو ذهبي
والخطر الي اقصده ليس علي العوازم

بل علي الطاحوس والصواغ الي اتمني وصولهم

واذا في احد بتحالفنا بصام راح اقطع عنه واعطيه الصواغ والطاحوس

الخطر المقصود علي العجمان وعلي الصواغ والطاحوس

لان العدد يرعب
 

شاهر المطيري

عضو بلاتيني
الأنتخابات السنه هذي " تزيد القلق "
وأشك أنها راح تكون غير طبيعية , الله يخلص الكويت وأبناء الكويت من الأنبطاحيين !
 

مهراشا

عضو فعال
شلون حكمت على الدوسري والهاجري بأنهم أشخاص سلبيين لا يستحقون الصوت .. وهم للحين ما نجحوا بالإنتخابات وفوق هذا تقول العتيبي يستحق الصوت وإنه راح يكون صاحب مواقف شعبيه ..إلخ .... وهو حاله حالهم !!

لكل شخص وجهة نظر هذا شي مؤكد لكن لايجوز لك توجيه الرأي العام وتجييره وفقا لقناعاتك !!!
 
أعلى