مبرووووك....زيادة الرواتب خلال 15 يوم

[عبدالله الثامن]

للاسف لايوجد للحكومه ووزيرها الشمالى اى مصداقيه خلال اسبوع اكثر من خبر​

الحكومه تحتاج الى طبيب نفسى لى علاجها مما هى فيه وخصوصن وزير التوهان ​

مشكور اخوى عبدالله ​

اخوى ابو صالح .....

اللى اكيد ان شاء الله ان فيه زياده فى النهايه ..وهذا المهم :إستحسان:
العفو ياخوى ..

 

[سطام الظفيري]

والله الواحد صّج راسه من كثر التصاريح الحكوميه ولعب على اعصاب المواطنين

يا خوفي بعد كل هالتصاريح يعطون الشعب 2 كلفس ​

 

[عبدالله الثامن]

والله الواحد صّج راسه من كثر التصاريح الحكوميه ولعب على اعصاب المواطنين​

يا خوفي بعد كل هالتصاريح يعطون الشعب 2 كلفس ​

هههه هلا اخوى الظفيرى

كلفس والا ديمن مالومك هالحكومه على قولة العراقى سوتنا مثل الطنباخيه ​

 

[Queue80]

زيادة 4 سلندر

ما تسوي شي و الحمدلله
الدنيا ولعت , الله بالخير يابو زيادة

قاصين علينا شفطوا النفط شفــــــط و يبون يعطونا 200 دينار
لا وبعد حتى هال 200 دينار يماطلون فيها أكثر مده ممكنه

 

[bujassim]

مره 35 ومره 65
ومره زيادة 200 حق معاشه 800
ومره 100 فوق الالف
ومره 150 معاشه 900

شنو عبالكم الشعب صيدات ؟

 

[محمود المليجي]

مصخت السالفه ومايقهرني الا مصادر مقربه ... طيب هالمصادر المقربه شنو وضعها بالوزاره مسماها الوظيفي مصادر مقربه لبث الاشاعات ..

 

[جاسم عبدالله]

ما رح تكون الزياده الا لما يبدا مجلس الامه و ياتى الوزراء الجدد حتى يقولون للمجلس ان الحكومه الجديده انجزت و عملت زيادات للشعب فى وجودكم اما قبل ذلك فلن يكون هناك اي فائده تذكر بالنسبه للاثنين

 

[الحارث بن عباد]

للاسف اجتمع مجلس الوزراء وماتكلمو عن الزيادة...........واعتقد مجلس الامة راح يجبرهم لانهم لعبو بالناس كل سبت يتكلمون عن زيادة ويجتمع مجلس الوزراء ومايصير ... ديره ضايعة

 

[فهد الرشيدي]

لو صار التشكيل الحكومي القادم بعد الانتخابات وتغير الشمالي اعتقد بتشوفون زيادات تطيب خاطركم

بس دام الوزير الشمالي معشعش بالماليه مالكم امل الا بطشار زيادات لا تصل للرضى من الجميع

وراح تتذكرون كلامي

 

[بر و بحر]

الحكومه من صالحها ترفع الاسعار على المواطنين علشان المواطن البسيط يبيع ضميره وصوته للمرشحين القبيضه وطبعا القبيضه سهل على الحكومه تشتريهم وبجذي الحكومه استفادت اول شي تتصرف على كيفها بالمال العام ومافي احد يحاسبها والمجلس كله قابض وساكت
وثاني شي المواطن الفقير ماكل هوا بعد ما باع صوته ب 400 دينار عللشان يقدر يشتري ذبيحه لبيته

 

[zarat]

يا خبر بفلوس بكرة ببلاش

 

[سلس متمكن]

| كتب وليد الهولان |

كشفت مصادر حكومية لـ «الراي» !

المفروض يتحاسب مندوب المصادر الهولان طاف على الموعد 3 ايام ؟
ويتحاسب معاه بودي شنو الاخبار مصادر حكوميه ومصدر نيابي يشغلون العالم

اي خبر غير موثق بمصدر ... ان لم ينفذ او يتم تلقائي تتم محاسبته من قبل وزارة الاعلام
او على الاقل حبس يومين ههه هو ومصدره الوهمي !

اذكر فيه قانون قديم من قبل شرار لمنع مثل هالحالات مصدر وما مصدر !