ثالث جيب لاندكروز يعلق فيه البنص هالاسبوع

إسبآنيول

عضو مخضرم
وصلني برودكاست عالواتسب والحادث وقع اليوم الله يرحم راعيه ان شاء الله

‏​‏​‏​‏​جيب لاندكروزر اليوم الصبح في بريدة علق عليه المثبت لين وصل 220 ودخل في عمود


شوفو الصور




أنا لله وأنا اليه راجعون
لآإ يوقف عندك خل الناس تشوف حقيقه تويوتا ...
ثاالث مررة يعلق مثبت السرعة


 

إسبآنيول

عضو مخضرم

برودكآست أخر

. أحدث ملآحم حمرآن النوآظر البطولية



عاشوا المطران حمران النواظر
كل ميقافٍ بطولي يكسبونه


:إستحسان:



قبل فتره حصلت حادثه مع صاحب الجيب اللاندكروزر في حفر الباطن
لصاحبه / عبدالله بن نعيس الطواله الشمري الذي ( علق معه البنص ) وكان يقود السياره بسرعه 220
والذي قام بإنقاذه
المقدم / ضيف الله الجبلي المطيري
ووكيل الرقيب مبارك الميموني حيث تم أطلاق النار على النافذه الخلفيه ليبطل عمل الكهرباء للسياره وفعلها وأوقف السياره بعد عون الله سبحانه وتعالى




إليكم مقطع خاص بكل تفاصيل الحادثه



http://s910.vuclip.com/97/1a/971a561...68656&s=BNLOzw



وهنا قصيده لصاحب الجيب الشمري ابن طواله بعد الحادثه



عاشوا المطران حمران النواظر
كل ميقافن بطولي يكسبونه
كاسبين الطيبه ماضي وحاضر
والمحال بشاية الله يصنعونه
يوم ضاقت واستضاقت بالمسافر
علق الموتر وطارت به جنونه
استعدت بالحفر كل الدوائر
والمواطن شاف موته في عيونه
المقدم انتقى له فرد ماهر
له تجارب بالمرور ويعرفونه
قال انا وياك واجبنا نغامر
واحتزم بي واطلب الله المعونه
فرصتك صعبه تحفبها المخاطر
ومابقى فيها خيار يرجحونه
اصرفوا له طلقة من كف شاطر
في قزاز الخلف لأجل يوقفونه
من رجال الأمن ورجال المفاخر
عمرهم دون المواطن يرخصونه



قصيدت نايف بن بهان الميموني


على مستوى الدوله على مستوى الاعلام/على مستوى شمر ونقبل شهادتها
نزف ابيض الرايات لاساطي الضرغام/ابن سمري اللي فرصته مايفوتها
هو السايق الرامي هو الصامل الجزام/هواللي تساوى لا القزازه وحتحتها
ولاني بلحقوق البشر غيرنا هظام/مدير الادارة معه في كل قصتها
من اللابة اللي يلحمون السيوف الحام/بعاد المغازي ستة شهور غزوتها
لو الجيب وصل بصاحبه مفرق الدمام/تحطم تحطم طايرة في نهايتها
لكن جاه من ساوم والارواح ماتنسام/وشمر تباشر بالسلامة بساعتها
عقب ماأقدم الموت المحقق عليه أقدام/نزف التهاني للطوالات واسرتها
ولاهي كثيره منك يا الفارس المقدام/انته من رجالن راية الطيب رايتها
ليا صار في صعب المواقيف ضرب احسام/وكبرتبها القالات ميمون حلتها
واللي عد واحدهم عن العشرة الحكام/ميمون بنهار الضيق تزتاد هقوتها
وقفت بمهمتك الصعيبه وقوف تام/يوم ابن طواله سرعة الجيب ثبتها
وتحول إلى تابوت والمقبرة قدام/وصار أهم ماعند الاوادم سلامتها
حنا أهم شي نسطر المجد بالاقلام/للأجيال تدل الدروب وتناعتها
حضرناه وأنقذناه يوم حضه قام/ هذا فعل حمران النواظر وعادتها
لعل اجرها مكتوب حج وصلاة قيام/وخدمة وطن تسبق حدثها بلحضتها
وترى كل مخلص يبذل الروح مايلام/الارواح تهدى لا الوطن عند حاجتها
حقيقه كلام مانقوله على الوهام/وختام القصيدة للبواسل تحيتها
الشاعر/نايف أبوخشيم المطيري



 

إسبآنيول

عضو مخضرم
الفضل لله ثم لبن سمري اللذي اصاب الهدف في الطلقه الثانيه وبيض الله وجيههم كلهم

نزف ابيض الرايات لاساطي الضرغام/ابن سمري اللي فرصته مايفوتها
هو السايق الرامي هو الصامل الجزام/هواللي تساوى لا القزازه وحتحتها

الهدف الذي يعطل الكهرباء في اللاندكروزر ضئيل جداً ومبين في الفيديو ولا احد يصيبه في سرعة 220 الى بمعجزة إلهية

وكثير حدثت مثل هذه الحوادث في امريكا ولم يستطع قناصة الشرطة الامريكان من اصابة الهدف في الوقت المناسب مما تسبب في الكثير من الدعاوي على شركة تويوتا بسبب وفيات الاشخاص هناك بسبب اخطاء مصنعيه مما ترتب عليه اعتذار تيويوتا والاعتراف بالخطأ التقني
 
نزف ابيض الرايات لاساطي الضرغام/ابن سمري اللي فرصته مايفوتها
هو السايق الرامي هو الصامل الجزام/هواللي تساوى لا القزازه وحتحتها



هذا هو الدليل ان اللي اصاب الهدف ابن سمري ونعم وستين نعم في زميله ولكن من الظلم كتمان الحقيقه وبعتراف بن سمري نفسه ان الحياء منعه من التصريح والتباهي على ابن عمه

شكرا ياسبانيول على هالتوضيح
 

ابعتذر

عضو ذهبي
دمعت عيني من هالموقف وهالمأساه وهالفزعه ونعليق المصورين وهم يطلبون الله

كفووووووو ثم كفووو يا مطير
 

Desert Eagle

عضو ذهبي
طيب لو كنت اسوق ومعاي واحد


لو قلتله انقز ورا وروح اكسر الدريشه الخلفيه بحديده او اي شي

تنفع ولا لا ؟


ولا لازم من برا ؟
 

عــذوب

عضو بلاتيني
الضابط الله يعطيه العافيه
زين يوم صوبت كان مصوب في الزاويه اليمين مهو باليسار يمال الصلاح زين ما جت الفشقه في علبا السايق الله عقله :D
الضابط يبي له يكثفون عليه افلام هوليود الاكشنيه بيتهول من الابداع والفنون القتاليه !


شكرا صاحب الموضوع
 

إسبآنيول

عضو مخضرم
طيب لو كنت اسوق ومعاي واحد


لو قلتله انقز ورا وروح اكسر الدريشه الخلفيه بحديده او اي شي

تنفع ولا لا ؟


ولا لازم من برا ؟

الجآم مآ ينفع

هذآ هو الهدف الي مبين بالصورة وما شاء الله عليهم اقنصوه بالليل بالظلام الدامس وبسرعة 220 الله كاتب للشمري عمر

يفضل تخلي خويك يرمي الهدف بمسدس 9 ملم

او تخليه يطعنه بخنجر صلب وطويل عدة طعنات نافذة وبسرعه حتتى تتمزق اسلاك الكهرباء الناقله لكمبيوتر السيارة

011312110123tlbi12xizklvzd.jpg
 

Maryam

عضو مميز
لاحول ولاقوة الا بالله حادث ماساوي والله يرحم كل مسلم

ولكن انتم ملاحظين قوة العمود؟؟؟؟ معقولة هذا عمود انارة او شنو بالضبط؟



:وردة:
 

بو عزوز مساعد

عضو بلاتيني
لاحول ولاقوة الا بالله حادث ماساوي والله يرحم كل مسلم

ولكن انتم ملاحظين قوة العمود؟؟؟؟ معقولة هذا عمود انارة او شنو بالضبط؟



:وردة:


العمود يقص السياره بالنص عسى الله يستر على عباده

وهذا خطر اتوقع شركة الساير استدعت جميع سيارتها لعمل تعديلات والخطأ مصنعي

السؤال هل تستطيع الشركه الغاء مثبت السرعه او لالالالا
 

مسك الورد

عضو بلاتيني
مناظر مرعبة الله يرحم اللي مات ويغفر له ويصبر اهله
الاند كروزر اي موديل اللي يصير فيهم جذي؟ وشلون تتصرف وين مكان الأسلاك عشان تفصلها؟
اتوقع الاسلم انه نفصل المثبت من اول ما تشتري اي سيارة يديدة :(
 

clashman82

عضو بلاتيني
لا حول ولا قوة إلا بالله.

الله يعطيه العافيه القناص

احلى شي ان الوكيل بالكويت ولا كأنه صاير شي
 
أعلى