قبل لايطيح الفاس بالراس .. لحقوا على روحكم يارشايدة ..
لايشتتونكم .. صيادي عوني مهيمزي عجرمي براكي خياري مضيبري وكل فخوذ الرشايدة ..ترا كلكم رشايدة .. والاجناب محد بينظر لك اي فخذ .. بينظر لك رشيدي .. وكل مرشحينا مثلوا الرشايدة لا فخذ ولا تيار .. لا العنصريه تفيدكم ولا القطع بنجح ولا غيره .. اثبتوا حضوركم السياسي بالكويت وبكافة المجالات بحميتكم لبعضكم وحدتكم وفزعتكم لبعض .. الله يديمها:إستحسان::قلب:
الارقام تقول انتوا بدون التزام بتشاوريه وضعكم صعب جدا .. :إستنكار:
والارقام تقول انتوا اقل قبيله يمكن بالكويت مع العوازم مرشحينكم ياخذون اصوات من بره .. الارقام تقول مو انا والدليل انتخابات 2008 و2009 .. سواء مرشحين كفاءه او بصامه .. معارض او انبطاحي .. اقل مقارنه بغيره ياخذ بره ..
هل الدقباسي اخذ مثل مسلم او بو رميه او هايف او الخليفه او عسكر من بره قبيلته رغم التشاوريه ..
هل الخنفور اخذ مثل حسين مزيد او عسكر او ماجد موسى بره قبيلته ..
هذا واقع .. الرشايدة اكثر من 90 بالميه اصواتهم من داخل القبيله ..
مو قصور فيهم .. لكن
حقيقه ..
مرشحين القبائل الاخرى يمكن ينظر لهم اكفئ ولهم اقارب اكثر منكم ..
والدائره قبليه .. يعني لو عنزي مايعرف الرشيدي ولايعرف مرشحي الشمال من غير عنزه وكلهم كفائه .. اكييد انه بيعطي الاولويه لشمالي ثم لرشيدي .. مافيه شي .. هذا واقع ..
الرشيدي لو لقى عازمي وعنزي ومطيري .. ببديه على الاخرين لو كانوا كلهم مثل الاخرين العازمي اقرب له واسهل له يدخل عليه ..
المطيري اصواته هالانتخابات بمرشحي مطير ويندر يطلع هالاصوات .. بني عمه ويشرفون ..
مو دعوه عنصريه .. بس الدائره اذا حنا عنصريين بكبرها عنصريه ..
والحقيقه واضحه .. مايحك ظهيرك غير ظفيرك ..
امامكم خيارين .. او قلة من الخيارات
اما الالتزام بالتشاوريه والنجاح واستمرار هالتشاوريه للابد ووحدة القبيله بمعارضيها وحكوميها وضمان 4 مقاعد .. :إستحسان:
او خل صوتك داخل القبيله ..
ولاتقطع الصوت .. بين مرشحي القبيله اللي تشوفهم الاكفئ او الاقرب لنجاح .. وهذا متبع بين اخوانه بقبيلة مطير وسر نجاحاتهم بالانتخابات الماضيه انه الصوت بين مطير ولا احد يقطع اي صوت من الاربعه ويعطون الاقرب لنجاح او اهل الحروه بالنجاح ...
انا شخصيا صوتي رشيدي .. ولا اخجل اكثرهم كفاءات واقرب لي .. ولا راح اقطع اي صوت ..
ولا راح احزن لو نجحت التشاوريه كامله .. لأنها كلمة الرشايدة بشكل عام .. :إستحسان:
واحضروا ترى الرشايدة تعاني من قلة الحضور بالانتخابات الفائته لسبب ضمان النجاح .. الان الوضع مختلف وصعب .. يمكن ماينجح احد او واحد .. رغم تميز الكثيرين من المرشحين ..